1. پاکی کا بیان

【1】

اللہ تعالیٰ کا ارشاد اے لوگو جب تم نماز پڑھنے کے لئے کھڑے ہو تو اپنا چہرہ اور ہاتھ کہنیوں تک دھوؤ کی تفسیر

ابوہریرہ (رض) سے روایت ہے کہ نبی اکرم ﷺ نے فرمایا : جب تم میں سے کوئی شخص نیند سے جاگ جائے تو اپنا ہاتھ اپنے وضو کے پانی میں نہ ڈالے، یہاں تک کہ اسے تین بار دھو لے، کیونکہ وہ نہیں جانتا کہ اس کا ہاتھ رات میں کہاں کہاں رہا ہے ۔ تخریج دارالدعوہ : صحیح البخاری/الوضوء ٢٦ (١٦٢) ، صحیح مسلم/الطہارة ٢٦ (٢٧٨) ، سنن ابی داود/الطھارة ٤٩ (١٠٣) ، سنن الترمذی/الطھارة ١٩ (٢٤) ، سنن ابن ماجہ/الطھارة ٤٠ (٣٩٣) ، (تحفة الأشراف : ١٥١٤٩) ، موطا امام مالک/ فیہ ٢ (٩) ، مسند احمد ٢/٢٤١، ٢٥٣، ٢٥٩، ٣٤٩، ٣٨٢، سنن الدارمی/الطہارة ٧٨ (٧٩٣) ، ویأتي عند المؤلف برقم : ١٦١، ٤٤١ (صحیح ) قال الشيخ الألباني : صحيح ق وليس عند خ العدد صحيح وضعيف سنن النسائي الألباني : حديث نمبر 1

【2】

رات کو بیدار ہونے کے بعد مسواک کرنا

حذیفہ (رض) کہتے ہیں کہ رسول اللہ ﷺ جب رات کو (نماز تہجد کے لیے) اٹھتے تو اپنا منہ مسواک سے خوب صاف کرتے ١ ؎۔ تخریج دارالدعوہ : صحیح البخاری/الوضوء ٧٣ (٢٤٥) ، الجمعة ٨ (٨٨٩) ، التہجد ٩ (١١٣٦) ، صحیح مسلم/الطہارة ١٥ (٢٥٥) ، سنن ابی داود/فیہ ٣٠ (٥٥) ، سنن ابن ماجہ/فیہ ٧ (٢٨٦) ، (تحفة الأشراف : ٣٣٣٦) ، مسند احمد (٥/٣٨٢، ٣٩٠، ٣٩٧، ٤٠٢، ٤٠٧) ، سنن الدارمی/الطہارة ٢٠/٧١٢، وأعادہ المؤلف في قیام اللیل : ١٠، رقم : ١٦٢٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 2

【3】

طریقہ مسواک

ابوموسیٰ اشعری (رض) کہتے ہیں کہ میں رسول اللہ ﷺ کے پاس آیا، آپ مسواک کر رہے تھے اور مسواک کا سرا آپ ﷺ کی زبان پر تھا، اور آپ : عأعأ‏ کی آواز نکال رہے تھے ١ ؎۔ تخریج دارالدعوہ : صحیح البخاری/الوضوء ٧٣ (٢٤٤) ، صحیح مسلم/الطہارة ١٥ (٢٥٤) ، سنن ابی داود/فیہ ٢٦ (٤٩) ، (تحفة الأشراف : ٩١٢٣) وقد أخرجہ : مسند احمد ٤/٤١٧ (صحیح ) وضاحت : ١ ؎: یعنی حلق صاف کر رہے تھے۔ قال الشيخ الألباني : صحيح صحيح وضعيف سنن النسائي الألباني : حديث نمبر 3

【4】

کیا حاکم اپنی رعایا کی موجودگی میں مسواک کرسکتا ہے؟

ابوموسیٰ اشعری (رض) کہتے ہیں کہ میں نبی اکرم ﷺ کے پاس آیا، میرے ساتھ قبیلہ اشعر کے دو آدمی تھے، ان میں سے ایک میرے دائیں اور دوسرا میرے بائیں تھا، رسول اللہ ﷺ مسواک کر رہے تھے، تو ان دونوں نے آپ ﷺ سے کام (نوکری) کی درخواست کی ٢ ؎، میں نے عرض کیا : اس ذات کی قسم جس نے آپ کو نبی برحق بنا کر بھیجا ہے، ان دونوں نے اپنے ارادے سے مجھے آگاہ نہیں کیا تھا، اور نہ ہی مجھے اس کا احساس تھا کہ وہ کام (نوکری) کے طلب گار ہیں، گویا میں آپ ﷺ کی مسواک کو (جو اس وقت آپ کر رہے تھے) آپ کے ہونٹ کے نیچے دیکھ رہا ہوں اور ہونٹ اوپر اٹھا ہوا ہے، تو آپ ﷺ نے فرمایا : ہم کام پر اس شخص سے مدد نہیں لیتے جو اس کا طلب گار ہو ٣ ؎، لیکن (اے ابوموسیٰ ! ) تم جاؤ (یعنی ان دونوں کے بجائے میں تمہیں کام دیتا ہوں) ، چناچہ آپ ﷺ نے ان کو یمن کا ذمہ دار بنا کر بھیجا، پھر معاذ بن جبل رضی اللہ عنہم کو ان کے پیچھے بھیجا۔ تخریج دارالدعوہ : صحیح البخاری/الإجارة ١ (٢٢٦١) ، المرتدین ٢ (٦٩٢٣) مطولا، الأحکام ٧ (٧١٤٩) ١٢ (٧١٥٦) مختصرا، صحیح مسلم/الإمارة ٣ (١٧٣٣) ، سنن ابی داود/الأقضیة ٣ (٣٥٧٩) ، الحدود ١ (٤٣٥٤) ، (تحفة الأشراف : ٩٠٨٣) ، وقد أخرجہ : مسند احمد (٤/٣٩٣، ٤٠٩، ٤١١) (صحیح ) وضاحت : ١ ؎ نسخہ نظامیہ میں يستاک کا لفظ ہے، بقیہ تمام نسخوں میں يستن کا لفظ موجود ہے۔ ٢ ؎: یعنی اس بات کی درخواست کی کہ آپ ہمیں عامل بنا دیجئیے یا حکومت کی کوئی ذمہ داری ہمارے سپرد کر دیجئیے۔ ٣ ؎: کیونکہ اللہ کی توفیق و مدد ایسے شخص کے شامل حال نہیں ہوتی، وہ اپنے نفس کے سپرد کردیا جاتا ہے، جیسا کہ عبدالرحمٰن بن سمرہ (رض) سے نبی اکرم صلی الله علیہ وسلم نے فرمایا تھا : لا تسال الإمارة فإنك إن اعطيتها عن مسالة وکلت إليها حکومت کا سوال نہ کرنا اس لیے کہ اگر تمہیں مانگنے کے بعد حکومت ملی تو تم اس کے حوالے کر دئیے جاؤ گے (صحیح البخاری : ٧١٤٦ ) ۔ قال الشيخ الألباني : صحيح صحيح وضعيف سنن النسائي الألباني : حديث نمبر 4

【5】

فضیلت مسواک

ام المؤمنین عائشہ رضی اللہ عنہا نبی اکرم صلی الله علیہ وسلم سے روایت کرتی ہیں کہ آپ ﷺ نے فرمایا : مسواک منہ کی پاکیزگی، رب تعالیٰ کی رضا کا ذریعہ ہے ۔ تخریج دارالدعوہ : تفرد بہ النسائی، (تحفة الأشراف : ١٦٢٧١) ، وقد أخرجہ : صحیح البخاری/الصوم ٢٧ (تعلیقا : ١٩٣٤) ، مسند احمد ٦/٤٧، ٦٢، ١٢٤، ٢٣٨، سنن الدارمی/الطہارة ١٩ (٧١١) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 5

【6】

کثرت کے ساتھ مسواک کرنے کی ہدایت

انس بن مالک (رض) کہتے ہیں کہ رسول اللہ ﷺ نے فرمایا : میں نے مسواک کے سلسلے میں تم لوگوں سے بارہا کہا ہے ١ ؎۔ تخریج دارالدعوہ : صحیح البخاری/الجمعة ٨ (٨٨٨) (تحفة الأشراف : ٩١٤) ، مسند احمد (٣/١٤٣، ٢٤٩) ، سنن الدارمی/الطہارة ١٨ (٧٠٩) (صحیح ) وضاحت : ١ ؎: أکثرت بصیغہ مجہول بھی منقول ہے یعنی مجھے بارہا یہ حکم دیا گیا کہ میں تمہیں باربار مسواک کرنے کی تاکید کروں۔ قال الشيخ الألباني : صحيح صحيح وضعيف سنن النسائي الألباني : حديث نمبر 6

【7】

روزہ دار شخص کے لئے تیسرے پہر تک مسواک

ابوہریرہ (رض) سے روایت ہے کہ رسول اللہ ﷺ نے فرمایا : اگر میں اپنی امت کے لیے باعث مشقت نہ سمجھتا تو انہیں ہر نماز کے وقت مسواک کرنے کا حکم دیتا ١ ؎۔ تخریج دارالدعوہ : صحیح البخاری/الجمعة ٨ (٨٨٧) ، موطا امام مالک/الطھارة : ٣٢ (١١٤) ، (تحفة الأشراف : ١٣٨٤٢) ، وقد أخرجہ : صحیح مسلم/الطہارة ١٥ (٢٥٢) ، سنن ابی داود/ فیہ ٢٥ (٤٦) ، سنن الترمذی/ فیہ ١٨ (٢٢) ، سنن ابن ماجہ/فیہ ٧ (٢٨٧) ، موطا امام مالک/فیہ ٣٢ (١١٤) ، مسند احمد ٢/٢٤٥، ٢٥٠، ٣٩٩، ٤٠٠، سنن الدارمی/الطہارة ١٧ (٧١٠) ، یہ حدیث مکرر ہے، ملاحظہ فرمائیں ٥٣٥ (صحیح ) وضاحت : ١ ؎: یعنی وجوبی حکم دیتا، رہا مسواک کا ہر نماز کے وقت مسنون ہونا تو وہ ثابت ہے، اور باب سے مناسبت یہ ہے کہ نبی اکرم ﷺ کا یہ حکم عام ہے، صائم اور غیر صائم دونوں کو شامل ہے، اسی طرح صبح، دوپہر اور شام سبھی وقتوں کو شامل ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 7

【8】

ہر وقت مسواک کرنا

شریح کہتے ہیں : میں نے ام المؤمنین عائشہ رضی اللہ عنہا سے پوچھا کہ نبی اکرم ﷺ جب اپنے گھر میں داخل ہوتے تو کون سا کام پہلے کرتے ؟ انہوں نے کہا : مسواک سے (پہل کرتے) ١ ؎۔ تخریج دارالدعوہ : صحیح مسلم/الطہارة ١٥ (٢٥٣) ، سنن ابی داود/فیہ ٢٧ (٥١) ، سنن ابن ماجہ/فیہ ٧ (٢٩٠) ، مسند احمد ٦/٤١، ١١٠، ١٨٢، ١٨٨، ١٩٢، ٢٣٧، ٢٥٤، (تحفة الأشراف : ١٦١٤٤) (صحیح ) وضاحت : ١ ؎: اس سے اندازہ ہوتا ہے کہ آپ ﷺ کی طبیعت میں کس درجہ لطافت تھی کہ منہ میں معمولی تغیر کا پیدا ہونا بھی گوارا نہ تھا۔ قال الشيخ الألباني : صحيح صحيح وضعيف سنن النسائي الألباني : حديث نمبر 8

【9】

پیدائشی سنتیں جیسے ختنہ وغیرہ کرنے کا بیان

ابوہریرہ (رض) رسول اللہ ﷺ سے روایت کرتے ہیں کہ آپ نے فرمایا : فطری (پیدائشی) سنتیں پانچ ہیں، ختنہ کرنا، زیر ناف کے بال صاف کرنا، مونچھ کترنا، ناخن تراشنا، اور بغل کے بال اکھیڑنا ۔ تخریج دارالدعوہ : صحیح البخاری/اللباس ٦٣ (٥٨٨٩) ، ٦٤ (٥٨٩١) ، الاستئذان ٥١ (٦٢٩٧) ، صحیح مسلم/الطہارة ١٦ (٢٥٧) ، سنن ابی داود/الترجل ١٦ (٤١٩٨) ، سنن الترمذی/الأدب ١٤ (٢٧٥٦) ، سنن ابن ماجہ/الطہارة ٨ (٢٩٢) ، (تحفة الأشراف : ١٣٣٤٣) ، موطا امام مالک/صفة النبی ﷺ ٣ موقوفا (٤) ، مسند احمد ٢/٢٢٩، ٢٤، ٢٨٤، ٤١١، ٤٨٩ (صحیح ) وضاحت : فطرت سے مراد جبلت یعنی مزاج و طبیعت کے ہیں جس پر انسان کی پیدائش ہوتی ہے، یہاں مراد قدیم سنت ہے جسے انبیاء کرام (علیہم السلام) نے پسند فرمایا ہے اور تمام قدیم شریعتیں اس پر متفق ہیں، گویا کہ یہ پیدائشی معاملہ ہے۔ یہاں حصر یعنی ان فطری چیزوں کو ان پانچ چیزوں میں محصور کردینا مراد نہیں ہے، بعض روایتوں میں عشر من الفطرة کے الفاظ وارد ہیں۔ (یعنی دس چیزیں فطری امور میں سے ہیں) ۔ ایک حدیث کی رو سے چالیس دن سے زیادہ کی تاخیر اس میں درست نہیں ہے۔ مونچھ کترنا، اس سے مراد لب (ہونٹ) کے بڑھے ہوئے بالوں کا کاٹنا ہے، اس کا مطلب یہ ہوا کہ بڑی اور لمبی مونچھیں ناپسندیدہ ہیں۔ (یعنی فطری چیز کو ان پانچ چیزوں میں محصور کردینا) ۔ قال الشيخ الألباني : صحيح صحيح وضعيف سنن النسائي الألباني : حديث نمبر 9

【10】

ناخن کاٹنے کا بیان

ابوہریرہ (رض) کہتے ہیں کہ رسول اللہ ﷺ نے فرمایا : پانچ چیزیں فطرت میں سے ہیں : مونچھ کترنا، بغل کے بال اکھیڑنا، ناخن تراشنا، زیر ناف کے بال صاف کرنا، اور ختنہ کرنا ۔ تخریج دارالدعوہ : سنن الترمذی/الأدب ١٤ (٢٧٥٦) ، مسند احمد ٢/٢٢٩، ٢٨٣، ٤١٠، ٤٨٩، (تحفة الأشراف : ١٣٢٨٦) ، یہ حدیث مکرر ہے، ملاحظہ ہو : (٥٢٢٧) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 10

【11】

بغل کے بال اکھاڑنے کا بیان۔

ابوہریرہ (رض) نبی اکرم ﷺ سے روایت کرتے ہیں کہ آپ ﷺ نے فرمایا : پانچ چیزیں فطرت میں سے ہیں : ختنہ کرنا، زیر ناف کے بال مونڈنا، بغل کے بال اکھیڑنا، ناخن تراشنا، اور مونچھ کے بال لینا (یعنی کاٹنا) ۔ تخریج دارالدعوہ : صحیح البخاری/الأدب ٦٣ (٥٨٨٩) ، ٦٤ (٥٨٩١) ، الإستئذان ٥١ (٦٢٩٧) ، صحیح مسلم/الطہارة ١٦ (٢٥٧) ، سنن ابی داود/الترجل ١٦ (٤١٩٨) ، سنن ابن ماجہ/الطہارة ٨ (٢٩٢) ، مسند احمد ٢/٢٣٩، (تحفة الأشراف : ١٣١٢٦) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 11

【12】

ناف کے نیچے کے بال کاٹنے کا بیان

عبداللہ بن عمر رضی اللہ عنہم سے روایت ہے کہ رسول اللہ ﷺ نے فرمایا : ناخن تراشنا، مونچھ کے بال لینا، اور زیر ناف کے بال مونڈنا فطری (پیدائشی) سنتیں ہیں ۔ تخریج دارالدعوہ : صحیح البخاری/اللباس ٦٣ (٥٨٨٨) ، ٦٤ (٥٨٩٠) ، (تحفة الأشراف : ٧٦٥٤) ، مسند احمد ٢/١١٨ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 12

【13】

مونچھ کترنا

زید بن ارقم (رض) کہتے ہیں کہ رسول اللہ ﷺ نے فرمایا : جو اپنی مونچھ کے بال نہ لے وہ ہم میں سے نہیں ١ ؎۔ تخریج دارالدعوہ : سنن الترمذی/ الأدب ١٦ (٢٧٦١) ، (تحفة الأشراف : ٣٦٦٠) ، (مسند احمد ٤/٣٦٦، ٣٦٨) یہ حدیث مکرر ہے، دیکھئے (٥٠٥٠) (صحیح ) وضاحت : ١ ؎: یعنی ہماری روش پر چلنے والوں میں سے نہیں، یہ تعبیر تغلیظ و تشدید کے لیے ہے، اسلام سے خروج مراد نہیں اس لیے اس میں غفلت و سستی نہ کریں۔ قال الشيخ الألباني : صحيح صحيح وضعيف سنن النسائي الألباني : حديث نمبر 13

【14】

مذکورہ اشیاء کی مدت سے متعلق

انس بن مالک (رض) کہتے ہیں کہ رسول اللہ ﷺ نے مونچھ کترنے، ناخن تراشنے، زیر ناف کے بال صاف کرنے، اور بغل کے بال اکھیڑنے کی مدت ہمارے لیے مقرر فرما دی ہے کہ ان چیزوں کو چالیس دن سے زیادہ نہ چھوڑے رکھیں ١ ؎، راوی نے دوسری بار أربعين يومًا کے بجائے أربعين ليلة کے الفاظ کی روایت کی ہے۔ تخریج دارالدعوہ : صحیح مسلم/الطہارة ١٦ (٢٥٨) ، سنن ابی داود/الترجل ١٦ (٤٢٠٠) ، سنن الترمذی/الأدب ١٥ (٢٧٥٨) ، سنن ابن ماجہ/الطہارة ٨ (٢٩٥) ، (تحفة الأشراف : ١٠٧٠) ، مسند احمد ٣/١٢٢، ٢٠٣، ٢٥٦ (صحیح ) وضاحت : ١ ؎: یہ تحدید اکثر مدت کی ہے مطلب یہ ہے کہ چالیس دن سے انہیں زیادہ نہ چھوڑے۔ قال الشيخ الألباني : صحيح صحيح وضعيف سنن النسائي الألباني : حديث نمبر 14

【15】

مونچھ کے بال کترنے اور داڑھی کے چھوڑنے کا بیان

عبداللہ بن عمر رضی اللہ عنہم کہتے ہیں کہ نبی اکرم ﷺ نے فرمایا : مونچھوں کو خوب کترو ١ ؎، اور داڑھیوں کو چھوڑے رکھو ٢ ؎۔ تخریج دارالدعوہ : صحیح مسلم/الطہارة ١٦ (٢٥٩) ، (تحفة الأشراف : ٨١٧٧) ، وقد أخرجہ : صحیح البخاری/اللباس ٦٤ (٥٨٩٢) ، ٦٥ (٥٨٩٣) ، سنن ابی داود/الترجل ١٦ (٤١٩٩) ، سنن الترمذی/الأدب ١٨ (٢٧٦٣) ، ط : الشعر ١ (١) ، مسند احمد ٢/١٦، ٥٢، ١٥٧ یہ حدیث مکرر، دیکھئے : ٥٠٤٨، ٥٢٢٨) ، ولفظہ عند أبي داود ومالک : أمر بإحفاء الشوارب وإعفاء اللحی (صحیح ) وضاحت : ١ ؎: أحفو کے معنی کاٹنے میں مبالغہ کرنے کے ہیں۔ ٢ ؎: داڑھی کے لیے صحیحین کی روایتوں میں پانچ الفاظ استعمال ہوئے ہیں : اعفوا، أو فوا، أرخو اور وفروا ان سب کے معنی ایک ہی ہیں یعنی : داڑھی کو اپنے حال پر چھوڑے رکھو، البتہ ابن عمر اور ابوہریرہ وغیرہ صحابہ کرام رضی اللہ عنہم اجمعین کے عمل سے یہ ثابت ہے کہ وہ ایک مٹھی کے بعد زائد بال کو کاٹا کرتے تھے، جب کہ یہی لوگ إعفاء اللحی ۃ کے راوی بھی ہیں، گویا کہ ان کا یہ فعل لفظ إعفائ کی تشریح ہے، اسی لیے ایک مٹھی کی مقدار بہت سے علماء کے نزدیک فرض ہے اس لیے ایک مٹھی سے کم کی داڑھی خلاف سنت ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 15

【16】

پیشاب پاخانہ کے لئے دور جانا

عبدالرحمٰن بن ابی قراد (رض) کہتے ہیں کہ میں رسول اللہ ﷺ کے ساتھ قضائے حاجت کے لیے نکلا، اور آپ جب قضائے حاجت کا ارادہ فرماتے تو دور جاتے ١ ؎۔ تخریج دارالدعوہ : سنن ابن ماجہ/الطہارة ٢٢ (٣٣٤) ، (تحفة الأشراف : ٩٧٣٣) ، مسند احمد ٣/٤٤٣ و ٤/٢٢٤، ٢٣٧ (صحیح ) وضاحت : ١ ؎: تاکہ لوگ آپ کو دیکھ نہ سکیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 16

【17】

پیشاب پاخانہ کے لئے دور جانا

مغیرہ بن شعبہ (رض) سے روایت ہے کہ نبی اکرم ﷺ جب پاخانے کے لیے جاتے تو دور جاتے، مغیرہ بن شعبہ کہتے ہیں کہ آپ اپنے ایک سفر میں قضائے حاجت کے لیے تشریف لے گئے (تو واپس آ کر) آپ نے فرمایا : میرے لیے وضو کا پانی لاؤ ، میں آپ کے پاس پانی لے کر آیا، تو آپ نے وضو کیا اور دونوں موزوں پر مسح کیا۔ امام نسائی کہتے ہیں اسمائیل سے مراد : ابن جعفر بن ابی کثیر القاری ہیں۔ تخریج دارالدعوہ : سنن ابی داود/الطہارة ١ (١) ، سنن الترمذی/فیہ ١٦ (٢٠) ، سنن ابن ماجہ/فیہ ٢٢ (٣٣١) ، (تحفة الأشراف : ١١٥٤٠) ، مسند احمد ٣/٤٤٣، ٤/٢٢٤، ٢٣٧، ٢٤٨، سنن الدارمی/الطہارة ٤ (٦٨٦) (حسن صحیح ) قال الشيخ الألباني : حسن صحيح صحيح وضعيف سنن النسائي الألباني : حديث نمبر 17

【18】

قضائے حاجت کے لئے دور نہ جانا

حذیفہ (رض) کہتے ہیں کہ میں رسول اللہ ﷺ کے ساتھ چل رہا تھا کہ آپ لوگوں کے ایک کوڑے خانہ پر پہنچے تو آپ ﷺ نے کھڑے ہو کر پیشاب کیا ١ ؎، میں آپ سے دور ہٹ گیا، تو آپ نے مجھے بلایا ٢ ؎، (تو جا کر) میں آپ کی دونوں ایڑیوں کے پاس (کھڑا) ہوگیا یہاں تک کہ آپ (پیشاب سے) فارغ ہوگئے، پھر آپ نے وضو کیا اور اپنے دونوں موزوں پر مسح کیا۔ تخریج دارالدعوہ : صحیح البخاری/الوضوء ٦١ (٢٢٤) ، ٢٦ (٢٢٥) مختصراً ، المظالم ٢٧ (٢٤٧١) ، صحیح مسلم/الطہارة ٢٢ (٢٧٣) ، سنن ابی داود/فیہ ١٢ (٢٣) ، سنن الترمذی/فیہ ٩ (١٣) ، سنن ابن ماجہ/فیہ ١٣ (٣٠٥) ، ٨٤ (٥٤٤) ، (تحفة الأشراف : ٣٣٣٥) ، لم یذکر بولہ علیہ السلام، مسند احمد ٥/٣٨٢، ٤٠٢، سنن الدارمی/الطہارة ٩ (٦٩٥) (صحیح ) وضاحت : ١ ؎: کھڑے ہو کر پیشاب کرنے کی علماء نے متعدد توجیہیں بیان کیں ہیں، سب سے مناسب توجیہ یہ ہے کہ اسے بیان جواز پر محمول کیا جائے، حافظ ابن حجر نے اسی کو راجح قرار دیا ہے۔ ٢ ؎: تاکہ میں آڑ بن جاؤں دوسرے لوگ آپ کو اس حالت میں نہ دیکھ سکیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 18

【19】

پاخانہ کے لئے جانے کے وقت کی دعا

انس بن مالک (رض) کہتے ہیں کہ رسول اللہ ﷺ جب پاخانہ کی جگہ میں داخل ہوتے تو یہ دعا پڑھتے : اللہم إني أعوذ بک من الخبث والخبائث اے اللہ ! میں ناپاک جنوں اور جنیوں (کے شر) سے تیری پناہ چاہتا ہوں ۔ تخریج دارالدعوہ : وقد أخرجہ : صحیح البخاری/الوضوء ٩ (١٤٢) ، الدعوات ١٥ (٦٣٢٢) ، صحیح مسلم/حیض ٣٢ (٣٧٥) ، سنن ابی داود/الطہارة ٣ (٤) ، سنن الترمذی/فیہ ٤ (٥) ، سنن ابن ماجہ/الطہارة ٩ (٢٩٨) ، (تحفة الأشراف : ٩٩٧) ، مسند احمد ٣/١٠١، ٢٨٢، سنن الدارمی/الطہارة ١٠ (٦٩٦) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 19

【20】

قضائے حاجت کے وقت قبلہ کی جانب منہ کرنے کی ممانعت

رافع بن اسحاق سے روایت ہے کہ انہوں نے ابوایوب انصاری (رض) کو مصر میں ان کے قیام کے دوران کہتے سنا : اللہ کی قسم ! میری سمجھ میں نہیں آتا کہ ان کھڈیوں کو کیا کروں ؟ رسول اللہ ﷺ کا فرمان ہے : جب تم میں سے کوئی پاخانے یا پیشاب کے لیے جائے تو قبلہ کی طرف منہ یا پیٹھ نہ کرے ۔ تخریج دارالدعوہ : تفرد بہ النسائي، مسند احمد ٥/٤١٤، ٤١٩، (تحفة الأشراف : ٣٤٥٨) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 20

【21】

پیشاب یا پاخانہ کرنے کے وقت بیت اللہ کی جانب پشت کرنے کی ممانعت

ابوایوب انصاری (رض) سے روایت ہے کہ نبی اکرم ﷺ نے فرمایا : پاخانہ و پیشاب کے لیے قبلہ کی طرف منہ یا پیٹھ نہ کرو، بلکہ پورب یا پچھم کی طرف کرو ۔ تخریج دارالدعوہ : صحیح البخاری/الوضوء ١١ (١٤٤) ، الصلاة ٢٩ (٣٩٤) ، صحیح مسلم/الطھارة ١٧ (٢٦٤) ، سنن ابی داود/فیہ ٤ (٩) ، سنن الترمذی/فیہ ٦ (٨) ، سنن ابن ماجہ/فیہ ١٧ (٣١٨) ، (تحفة الأشراف : ٣٤٧٨) ، مسند احمد ٥/٤١٦، ٤١٧، ٤٢١، سنن الدارمی/فیہ ٦ (٦٩٢) (صحیح ) وضاحت : ١ ؎: یہ خطاب اہل مدینہ اور ان لوگوں کو ہے جو خانہ کعبہ سے اتر یا دکھن کی سمت میں رہتے ہیں، اس سے مقصود اس سمت کی جانب رہنمائی ہے جس میں قبلہ نہ آدمی کے آگے ہو نہ پیچھے، برصغیر ہند و پاک والوں کا قبلہ چونکہ پچھم میں ہے اس لیے یہاں اس حدیث کے مطابق اتر اور دکھن کی طرف منہ یا پیٹھ کی جائے گی۔ قال الشيخ الألباني : صحيح صحيح وضعيف سنن النسائي الألباني : حديث نمبر 21

【22】

یعقوب بن ابراہیم، غندر، معمر، ابن شہاب، عطا بن یزید، حضرت ابوایوب انصاری

ابوایوب انصاری (رض) کہتے ہیں کہ رسول اللہ ﷺ نے فرمایا : جب تم میں سے کوئی قضائے حاجت کے لیے جائے تو قبلہ کی طرف رخ نہ کرے، بلکہ پورب یا پچھم کی طرف کرے ۔ تخریج دارالدعوہ : انظر ما قبلہ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 22

【23】

مکانات میں پیشاب پاخانہ کے وقت بیت اللہ کی جانب چہرہ یا پشت کرنا

عبداللہ بن عمر رضی اللہ عنہم کہتے ہیں کہ میں اپنے گھر کی چھت پر چڑھا، تو میں نے رسول اللہ ﷺ کو دو کچی اینٹوں پر قضائے حاجت کے لیے بیت المقدس کی طرف منہ کئے ہوئے بیٹھے دیکھا ١ ؎۔ تخریج دارالدعوہ : صحیح البخاری/الوضوء ١٢ (١٤٥) ، ١٤ (١٤٨، ١٤٩) ، الخمس ٤ (٣١٠٢) ، صحیح مسلم/الطہارة ١٧ (٢٦٦) ، سنن ابی داود/فیہ ٥ (١٢) ، سنن الترمذی/فیہ ٧ (١١) ، سنن ابن ماجہ/فیہ ١٨ (٣٢٢) ، (تحفة الأشراف : ٨٥٥٢) ، موطا امام مالک/القبلة ٢ (٣) ، مسند احمد ٢/١٢، ١٣، ٤١، سنن الدارمی/طہارة ٨ (٦٩٤) (صحیح ) وضاحت : ١ ؎: مدینہ منورہ میں بیت المقدس کی طرف رخ کرنے والے کی پیٹھ مکہ مکرمہ کی طرف ہوگی، چونکہ بیت الخلاء گھر میں تھا اس لیے آپ ﷺ نے ایسا کیا، کھلے میدان میں یہ جائز نہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 23

【24】

قضائے حاجت کے وقت شرم گاہ کو دائیں ہاتھ سے چھونے کی ممانعت

ابوقتادہ (رض) سے روایت ہے کہ رسول اللہ ﷺ نے فرمایا : جب تم میں سے کوئی پیشاب کرے تو داہنے ہاتھ سے اپنا ذکر (عضو تناسل) نہ پکڑے ١ ؎۔ تخریج دارالدعوہ : صحیح البخاری/الوضوء ١٨ (١٥٣) ، ١٩ (١٥٤) ، الأشربة ٢٥ (٥٦٣٠) مطولاً ، صحیح مسلم/الطہارة ١٨ (٢٦٧) ، سنن ابی داود/فیہ ١٨ (٣١) ، سنن الترمذی/فیہ ١١ (١٥) ، سنن ابن ماجہ/فیہ ١٥ (٣١٠) ، (تحفة الأشراف : ١٢١٠٥) ، مسند احمد ٤/٣٨٤، ٥/٢٩٥، ٢٩٦، ٣٠٠، ٣٠٩، ٣١٠، ٣١١، سنن الدارمی/الطہارة ١٣ (٧٠٠) (صحیح ) وضاحت : ١ ؎: اس سے معلوم ہوا کہ ناپسندیدہ کاموں کے لیے بایاں ہاتھ استعمال کیا جائے تاکہ داہنے ہاتھ کا احترام و وقار قائم رہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 24

【25】

قضائے حاجت کے وقت شرم گاہ کو دائیں ہاتھ سے چھونے کی ممانعت

ابوقتادہ (رض) کہتے ہیں کہ رسول اللہ ﷺ نے فرمایا : جب تم میں سے کوئی پاخانہ کی جگہ میں داخل ہو تو اپنے داہنے ہاتھ سے اپنا ذکر نہ چھوئے ۔ تخریج دارالدعوہ : انظر ما قبلہ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 25

【26】

صحرا میں کھڑے ہو کر پیشاب کرنے کا بیان

حذیفہ (رض) سے روایت ہے کہ رسول اللہ ﷺ لوگوں کے کوڑا خانہ پر آئے تو کھڑے ہو کر پیشاب کیا۔ تخریج دارالدعوہ : انظر حدیث رقم : ١٨ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 26

【27】

صحرا میں کھڑے ہو کر پیشاب کرنے کا بیان

حذیفہ (رض) نے کہا کہ رسول اللہ ﷺ لوگوں کے کوڑا خانہ پر آئے تو کھڑے ہو کر پیشاب کیا۔ تخریج دارالدعوہ : انظر حدیث رقم : ١٨ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 27

【28】

صحرا میں کھڑے ہو کر پیشاب کرنے کا بیان

حذیفہ (رض) سے روایت ہے کہ نبی اکرم ﷺ لوگوں کے ایک کوڑا خانہ پر چل کر آئے تو آپ نے کھڑے ہو کر پیشاب کیا۔ تخریج دارالدعوہ : انظر حدیث رقم : ١٨ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 28

【29】

مکان میں بیٹھ کر پیشاب کرنا

ام المؤمنین عائشہ رضی اللہ عنہا کہتی ہیں کہ جو تم سے یہ بیان کرے کہ رسول اللہ ﷺ نے کھڑے ہو کر پیشاب کیا، تو تم اس کی تصدیق نہ کرو، آپ ﷺ بیٹھ کر ہی پیشاب کیا کرتے تھے ١ ؎۔ تخریج دارالدعوہ : سنن الترمذی/الطہارة ٨ (١٢) ، سنن ابن ماجہ/فیہ ١٤ (٣٠٧) ، (تحفة الأشراف : ١٦١٤٧) ، مسند احمد ٦/١٣٦، ١٩٢، ٢١٣ (صحیح) (سند میں شریک بن عبداللہ القاضی حافظہ کے کمزور راوی ہیں، لیکن متابعت کی وجہ سے یہ حدیث صحیح لغیرہ ہے، سلسلة الاحادیث الصحیحة، للالبانی ٢٠١، تراجع الالبانی ٢ ) وضاحت : ١ ؎: حذیفہ اور ام المؤمنین عائشہ رضی اللہ عنہم دونوں کی روایتوں میں تعارض ہے لیکن حذیفہ (رض) کی روایت کو ترجیح حاصل ہے کیونکہ سنداً وہ عائشہ رضی اللہ عنہا کی روایت سے زیادہ صحیح ہے، اور اگر دونوں روایتوں کو صحت میں برابر مان لیا جائے تو جواب یہ ہوگا کہ عائشہ رضی اللہ عنہا کی نفی حذیفہ رضی اللہ عنہا کے اثبات میں قادح نہیں کیونکہ ام المؤمنین عائشہ رضی اللہ عنہا کی نفی ان کی معلومات کی حد تک ہے، اور اس میں کوئی شک نہیں کہ نبی اکرم صلی الله علیہ وسلم کا عام دستور یہی تھا کہ آپ بیٹھ کر پیشاب کیا کرتے تھے، اور بیان جواز کے لیے آپ نے کھڑے ہو کر بھی پیشاب کیا ہے جیسا کہ حذیفہ (رض) کی روایت سے ثابت ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 29

【30】

کسی شے کی آڑ میں پیشاب کرنا

عبدالرحمٰن بن حسنہ (رض) کہتے ہیں کہ رسول اللہ ﷺ ہمارے پاس تشریف لائے، آپ کے ہاتھ میں ڈھال کی طرح کوئی چیز تھی، تو آپ نے اسے رکھا، پھر اس کے پیچھے بیٹھے، اور اس کی طرف منہ کر کے پیشاب کیا، اس پر لوگوں نے کہا : ان کو دیکھو ! یہ عورت کی طرح پیشاب کر رہے ہیں، آپ ﷺ نے سنا تو فرمایا : کیا تمہیں اس چیز کی خبر نہیں جو بنی اسرائیل کے ایک شخص کو پیش آئی، انہیں جب پیشاب میں سے کچھ لگ جاتا تو اسے قینچی سے کاٹ ڈالتے تھے، تو ان کے ایک شخص نے انہیں (ایسا کرنے سے) روکا، چناچہ اس کی وجہ سے وہ اپنی قبر میں عذاب دیا گیا ۔ تخریج دارالدعوہ : سنن ابی داود/الطہارة ١١ (٢٢) ، سنن ابن ماجہ/فیہ ٢٦ (٣٤٦) ، (تحفة الأشراف : ٩٦٩٣) ، مسند احمد ٤/١٩٦ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 30

【31】

پیشاب سے بچنے کا بیان

عبداللہ بن عباس رضی اللہ عنہم کہتے ہیں کہ رسول اللہ ﷺ دو قبروں کے پاس سے گزرے تو فرمایا : یہ دونوں قبر والے عذاب دئیے جا رہے ہیں، اور کسی بڑی وجہ سے عذاب نہیں دیے جا رہے ہیں ١ ؎، رہا یہ شخص تو اپنے پیشاب کی چھینٹ سے نہیں بچتا تھا، اور رہا یہ (دوسرا) شخص تو یہ چغل خوری کیا کرتا تھا ، پھر آپ ﷺ نے کھجور کی ایک تازہ ٹہنی منگوائی، اور اسے چیر کر دو ٹکڑے کیے اور ہر ایک کی قبر پر ایک ایک شاخ گاڑ دی، پھر فرمایا : امید ہے کہ جب تک یہ دونوں خشک نہ ہوجائیں ان کے عذاب میں تخفیف کردی جائے ٢ ؎۔ تخریج دارالدعوہ : صحیح البخاری/الوضوء ٥٥ (٢١٦) ، ٥٦ (٢١٨) ، الجنائز ٨١ (١٣٦١) ، ٨٨ (١٣٧٨) ، الأدب ٤٦ (٦٠٥٢) ، ٤٩ (٦٠٥٥) ، صحیح مسلم/الطہارة ٣٤ (٢٩٢) ، سنن ابی داود/فیہ ١١ (٢٠) ، سنن الترمذی/فیہ ٣ ٥ (٧٠) ، سنن ابن ماجہ/فیہ ٢٦ (٣٤٧) ، (تحفة الأشراف : ٥٧٤٧) ، مسند احمد ١/٢٢٥، سنن الدارمی/الطہارة ٦١ (٧٦٦) ، و یأتي عند المؤلف في الجنائز ١١٦ (رقم : ٢٠٧٠، ٢٠٧١) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 31

【32】

برتن میں پیشاب کرنا

امیمہ بنت رقیقہ رضی اللہ عنہا کہتی ہیں کہ نبی اکرم ﷺ کے پاس لکڑی کا ایک پیالہ تھا، جس میں آپ پیشاب کرتے اور اسے تخت کے نیچے رکھ لیتے تھے۔ تخریج دارالدعوہ : سنن ابی داود/الطہارة ١٣ (٢٤) ، (تحفة الأشراف : ١٥٧٨٢) (حسن صحیح ) قال الشيخ الألباني : حسن صحيح صحيح وضعيف سنن النسائي الألباني : حديث نمبر 32

【33】

طشت میں پیشاب کرنا

ام المؤمنین عائشہ رضی اللہ عنہا کہتی ہیں کہ لوگ کہتے ہیں کہ نبی اکرم ﷺ نے (مرض الموت میں) علی (رض) کو وصی بنایا، حقیقت یہ ہے کہ آپ نے تھال منگوایا کہ اس میں پیشاب کریں، مگر (اس سے قبل ہی) آپ کا جسم ڈھیلا پڑگیا۔ (آپ فوت ہوگئے) مجھے پتہ بھی نہ چلا، تو آپ نے کس کو وصیت کی ؟ تخریج دارالدعوہ : صحیح البخاری/الوصایا ١ (٢٧٤١) ، المغازي ٨٣ (٤٤٥٩) ، صحیح مسلم/الوصیة ٥ (١٦٣٦) ، سنن ابن ماجہ/الجنائز ٦٤ (١٦٢٦) ، (تحفة الأشراف : ١٥٩٧٠) ، مسند احمد ٦/٣٢، ویأتي عند المؤلف في الوصایا ٢ (رقم : ٣٦٥٤) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 33

【34】

سوراخ میں پیشاب کرنے کی ممانعت

عبداللہ بن سرجس (رض) سے روایت ہے کہ اللہ کے نبی ﷺ نے فرمایا : تم میں سے کوئی سوراخ میں ہرگز پیشاب نہ کرے ، لوگوں نے قتادہ سے پوچھا ؛ سوراخ میں پیشاب کرنا کیوں مکروہ ہے ؟ تو انہوں نے کہا : کہا جاتا ہے کہ یہ جنوں کی رہائش گاہیں ہیں ١ ؎۔ تخریج دارالدعوہ : سنن ابی داود/الطہارة ١٦ (٢٩) ، (تحفة الأشراف : ٥٣٢٢) ، مسند احمد ٥/٨٢ (ضعیف) (قتادہ کا سماع عبداللہ بن سرجس سے نہیں ہے، نیز قتادہ مدلس ہیں اور روایت عنعنہ سے ہے، تراجع الالبانی ١٣١ ) وضاحت : ١ ؎: سوراخ میں پیشاب کرنے سے منع کرنے کی ایک وجہ یہ بھی ہے کہ سانپ، بچھو وغیرہ سوراخ سے نکل کر ایذا نہ پہنچائیں۔ قال الشيخ الألباني : ضعيف صحيح وضعيف سنن النسائي الألباني : حديث نمبر 34

【35】

ٹھہرے ہوئے پانی میں پیشاب کرنے کی ممانعت کا بیان

جابر (رض) کہتے ہیں کہ رسول اللہ ﷺ نے ٹھہرے ہوئے پانی میں پیشاب کرنے سے منع فرمایا ہے۔ تخریج دارالدعوہ : صحیح مسلم/الطہارة ٢٨ (٢٨١) ، سنن ابن ماجہ/فیہ ٢٥ (٣٤٣) ، (تحفة الأشراف : ٢٩١١) ، مسند احمد ٣/٣٥٠ (صحیح ) وضاحت : ١ ؎: ٹھہرے ہوئے پانی سے وہ پانی مراد ہے جو دریا کے پانی کی طرح جاری نہ ہو، جیسے گڈھا، جھیل، تالاب وغیرہ کا پانی، ان میں پیشاب کرنا منع ہے تو پاخانہ کرنا بطریق اولیٰ منع ہوگا، ممانعت کی وجہ یہ ہے کہ ٹھہرے ہوئے پانی میں ویسے ہی سڑاند اور بدبو پیدا ہوجاتی ہے، اگر اس میں مزید نجاست و غلاظت ڈال دی جائے تو یہ پانی مزید بدبودار ہوجائے گا، اور اس کی عفونت اور سڑاند سے قرب و جوار کے لوگوں کو تکلیف پہنچے گی۔ قال الشيخ الألباني : صحيح صحيح وضعيف سنن النسائي الألباني : حديث نمبر 35

【36】

غسل خانہ میں پیشاب کرنا منع ہے

عبداللہ بن مغفل (رض) کہتے ہیں کہ نبی اکرم ﷺ نے فرمایا : تم میں سے کوئی اپنے غسل خانے میں پیشاب نہ کرے، کیونکہ زیادہ تر وسوسے اسی سے پیدا ہوتے ہیں ۔ تخریج دارالدعوہ : سنن ابی داود/الطہارة ١٥ (٢٧) ، سنن الترمذی/فیہ ١٧ (٢١) ، سنن ابن ماجہ/فیہ ١٢ (٣٠٤) ، (تحفة الأشراف : ٩٦٤٨) ، مسند احمد ٥/٥٦ (صحیح ) قال الشيخ الألباني : صحيح دون قوله فإن عامة الوسواس منه صحيح وضعيف سنن النسائي الألباني : حديث نمبر 36

【37】

پیشاب کرنے والے شخص کو سلام کرنا

عبداللہ بن عمر رضی اللہ عنہم کہتے ہیں کہ ایک آدمی نبی اکرم ﷺ کے پاس سے گزرا، آپ ﷺ پیشاب کر رہے تھے، تو اس نے آپ کو سلام کیا مگر آپ نے سلام کا جواب نہیں دیا ١ ؎۔ تخریج دارالدعوہ : صحیح مسلم/الحیض ٢٨ (٣٧٠) ، سنن ابی داود/الطہارة ٨ (١٦) ، سنن الترمذی/فیہ ٦٧ (٩٠) ، الاستئذان ٢٧ (٢٧٢٠) ، سنن ابن ماجہ/فیہ ٢٧ (٣٥٣) ، (تحفة الأشراف : ٧٦٩٦) (حسن صحیح ) وضاحت : ١ ؎: سلام کا جواب نہیں دیا کا مطلب ہے فوری طور پر جواب نہیں دیا بلکہ وضو کرنے کے بعد دیا، جیسا کہ اگلی روایت میں آ رہا ہے، نیز یہ بھی احتمال ہے کہ آپ صلی الله علیہ وسلم نے بطور تادیب سرے سے سلام کا جواب ہی نہ دیا ہو۔ قال الألباني :(صحيح دون قوله : فإن عامة الوسواس منه ۔ قال الشيخ الألباني : حسن صحيح صحيح وضعيف سنن النسائي الألباني : حديث نمبر 37

【38】

وضو کرنے کے بعد سلام کا جواب دینا

مہاجر بن قنفذ (رض) سے روایت ہے کہ انہوں نے نبی اکرم ﷺ کو سلام کیا، اور آپ پیشاب کر رہے تھے، تو آپ نے سلام کا جواب نہیں دیا یہاں تک کہ وضو کیا، پھر جب آپ نے وضو کرلیا، تو ان کے سلام کا جواب دیا۔ تخریج دارالدعوہ : سنن ابی داود/الطہارة ٨ (١٧) مطولاً ، سنن ابن ماجہ/فیہ ٢٧ (٣٥٠) مطولاً ، (تحفة الأشراف : ١١٥٨٠) ، مسند احمد ٤/٣٤٥، ٥/٨٠، سنن الدارمی/الاستئذان ١٣ (٢٦٨٣) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 38

【39】

ہڈی سے استنجا کرنے کی ممانعت

عبداللہ بن مسعود (رض) سے روایت ہے کہ رسول اللہ ﷺ نے اس بات سے منع کیا ہے کہ تم میں سے کوئی ہڈی یا گوبر سے استنجاء کرے ١ ؎۔ تخریج دارالدعوہ : تفرد بہ النسائي، (تحفة الأشراف : ٩٦٣٥) ، وقد أخرجہ : صحیح مسلم/الصلاة ٣٣ (٤٥٠) مطولاً ، سنن الترمذی/الطہارة ١٤ (١٨) (صحیح ) وضاحت : ١ ؎: بعض روایتوں میں اس ممانعت کی علت یہ بتائی گئی ہے کہ یہ تمہارے بھائی جنوں کی خوراک ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 39

【40】

لید سے استنجا کرنے کی ممانعت

ابوہریرہ (رض) سے روایت ہے کہ نبی اکرم ﷺ نے فرمایا : میں تمہارے لیے باپ کے منزلے میں ہوں (باپ کی طرح ہوں) ، تمہیں سکھا رہا ہوں کہ جب تم میں سے کوئی پاخانہ جائے تو قبلہ کی طرف نہ منہ کرے، نہ پیٹھ، اور نہ داہنے ہاتھ سے استنجاء کرے ، آپ (استنجاء کے لیے) تین پتھروں کا حکم فرماتے، اور گوبر اور بوسیدہ ہڈی سے (استنجاء کرنے سے) آپ منع فرماتے ١ ؎۔ تخریج دارالدعوہ : سنن ابی داودالطہارة ٤ (٨) ، سنن ابن ماجہ/فیہ ١٦ (٣١٣) ، (تحفة الأشراف : ١٢٨٥٩) ، وقد أخرجہ : صحیح مسلم/الطہارة ١٧ (٦٥) مختصراً ، مسند احمد ٢/٢٤٧، ٢٥٠، سنن الدارمی/الطہارة ١٤ (٧٠١) (صحیح ) وضاحت : ١ ؎: یہاں مراد مطلق ہڈی ہے جیسا کہ دوسری روایتوں میں آیا ہے، یا یہ کہا جائے کہ بوسیدہ ہڈی جو کسی کام کی نہیں ہوتی جب اسے نجاست سے آلودہ کرنے کی ممانعت ہے تو وہ ہڈی جو بوسیدہ نہ ہو بدرجہ اولیٰ ممنوع ہوگی۔ قال الشيخ الألباني : حسن صحيح صحيح وضعيف سنن النسائي الألباني : حديث نمبر 40

【41】

استنجا میں تین پتھر سے کم پتھر استعمال کرنے سے متعلق

سلمان (رض) کہتے ہیں کہ ایک شخص نے (حقارت کے انداز میں) ان سے کہا : تمہارے نبی تمہیں (سب کچھ) سکھاتے ہیں یہاں تک کہ پاخانہ کرنا (بھی) ؟ تو انہوں نے (فخریہ انداز میں) کہا : ہاں ! آپ نے ہمیں پاخانہ اور پیشاب کے وقت قبلہ کی طرف رخ کرنے، داہنے ہاتھ سے استنجاء کرنے اور (استنجاء کے لیے) تین پتھر سے کم پر اکتفا کرنے سے منع فرمایا ہے۔ تخریج دارالدعوہ : صحیح مسلم/الطہارة ١٧ (٢٦٢) ، سنن ابی داود/فیہ ٤ (٧) ، سنن الترمذی/فیہ ١٢ (١٦) ، سنن ابن ماجہ/فیہ ١٦ (٣١٦) ، (تحفة الأشراف : ٤٥٠٥) ، مسند احمد ٥/ ٤٣٧، ٤٣٨، ٤٣٩، یہ حدیث مکرر ہے، ملاحظہ ہو : ٤٩ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 41

【42】

دو ڈھیلوں سے استنجا کرنے کی رخصت

عبداللہ بن مسعود (رض) کہتے ہیں کہ نبی اکرم ﷺ قضائے حاجت (پاخانے) کی جگہ میں آئے، اور مجھے تین پتھر لانے کا حکم فرمایا، مجھے دو پتھر ملے، تیسرے کی میں نے تلاش کی مگر وہ نہیں ملا، تو میں نے گوبر لے لیا اور ان تینوں کو لے کر نبی اکرم ﷺ کی خدمت میں حاضر ہوا، تو آپ نے دونوں پتھر لے لیے، اور گوبر پھینک دیا ١ ؎ اور فرمایا : یہ رکس (ناپاک) ہے ۔ ابوعبدالرحمٰن النسائی کہتے ہیں : رکس سے مراد جنوں کا کھانا ہے ٢ ؎۔ تخریج دارالدعوہ : صحیح البخاری/الوضوء ٢١ (١٥٦) ، وقد أخرجہ : سنن الترمذی/الطہارة ١٣ (١٧) ، سنن ابن ماجہ/فیہ ١٦ (٣١٤) ، (تحفة الأشراف : ٩١٧٠) ، مسند احمد ١/٣٨٨، ٤١٨، ٤٢٧، ٤٥٠ (صحیح ) وضاحت : ١ ؎: اس سے یہ ثابت نہیں ہوتا ہے کہ نبی اکرم صلی الله علیہ وسلم نے دو ہی پتھر پر اکتفا کیا اس لیے کہ ہوسکتا ہے کہ آپ نے تیسرا خود اٹھا لیا ہو، نیز مسند احمد اور سنن دارقطنی کی ایک روایت میں ہے کہ آپ نے ائتنی بحجر فرما کر تیسرا پتھر لانے کے لیے بھی کہا، اس کی سند صحیح ہے۔ ٢ ؎: لغوی اعتبار سے اس کا ثبوت محل نظر ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 42

【43】

ایک پتھر سے استنجا کرنے کی رخصت و اجازت کا بیان

سلمہ بن قیس (رض) کہتے ہیں کہ رسول اللہ ﷺ نے فرمایا : جب استنجاء کرو تو طاق (ڈھیلا) استعمال کرو ١ ؎۔ تخریج دارالدعوہ : سنن الترمذی/الطہارة ٢١ (٢٧) ، سنن ابن ماجہ/فیہ ٤٤ (٤٠٦) ، (تحفة الأشراف : ٤٥٥٦) ، مسند احمد ٤/ ٣١٣، ٣٣٩، ٣٤٠، کلہم بزیادة إذا توضأت فانثر، ویأتي عند المؤلف برقم : ٨٩، بزیادة اذا توضات فاستنثر (صحیح ) وضاحت : ١ ؎: مؤلف کا استدلال فأوتر‏ کے لفظ سے ہے جو مطلق لفظ ہے اور ایک پتھر کے کافی ہونے کو بھی وتر کہیں گے لیکن اس کے جواب میں یہ کہا جاسکتا ہے کہ مطلق مقید پر محمول کیا جاتا ہے، یعنی طاق سے مراد تین یا تین سے زیادہ پانچ وغیرہ مراد ہے، کیونکہ اصول یہ ہے ایک حدیث دوسرے حدیث کی وضاحت کرتی ہے اور تین کی قید حدیث رقم : ٤١ میں آچکی ہے، اس لیے طاق سے تین والا طاق مراد ہوگا۔ قال الشيخ الألباني : صحيح صحيح وضعيف سنن النسائي الألباني : حديث نمبر 43

【44】

صرف پتھر یا مٹی کے ڈھیلوں ہی سے استنجا کرلیا جائے؟

ام المؤمنین عائشہ رضی اللہ عنہا سے روایت ہے کہ رسول اللہ ﷺ نے فرمایا : جب تم میں سے کوئی پاخانہ جائے تو اپنے ساتھ تین پتھر لے جائے، اور ان سے پاکی حاصل کرے کیونکہ یہ طہارت کے لیے کافی ہیں ۔ تخریج دارالدعوہ : سنن ابی داود/الطہارة ٢١ (٤٠) ، (تحفة الأشراف : ١٦٧٥٧) ، مسند احمد ٦/ ١٠٨، ١٣٣، سنن الدارمی/الطہارة ١١ (٦٩٧) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 44

【45】

پانی سے استنجا کرنے کا حکم

انس بن مالک (رض) کہتے ہیں کہ رسول اللہ ﷺ جب قضائے حاجت کی جگہ میں داخل ہونے کا ارادہ فرماتے تو میں اور میرے ساتھ مجھ ہی جیسا ایک لڑکا دونوں پانی کا برتن لے جا کر رکھتے، تو آپ پانی سے استنجاء فرماتے۔ تخریج دارالدعوہ : صحیح البخاری/الوضوء ١٥ (١٥٠) ، ١٦ (١٥٠) ، ١٧ (١٥٢) ، الصلاة ٩٣ (٥٠٠) ، صحیح مسلم/الطہارة ٢١ (٢٧١) ، سنن ابی داود/فیہ ٢٣ (٤٣) ، (تحفة الأشراف : ١٠٩٤) ، مسند احمد ٣/١١٢، ١٧١، ٢٠٣، ٢٥٩، ٢٨٤، سنن الدارمی/الطہارة ١٥ (٧٠٢، ٧٠٣) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 45

【46】

پانی سے استنجا کرنے کا حکم

ام المؤمنین عائشہ رضی اللہ عنہا کہتی ہیں کہ تم عورتیں اپنے شوہروں سے کہو کہ وہ پانی سے استنجاء کریں، کیونکہ میں ان سے یہ کہنے میں شرماتی ہوں کہ رسول اللہ ﷺ ایسا کرتے تھے۔ تخریج دارالدعوہ : سنن الترمذی/الطہارة ١٥ (١٩) ، (تحفة الأشراف : ١٧٩٧٠) ، مسند احمد ٦/١١٣، ١١٤، ١٢٠، ١٣٠، ١٧١، ٢٣٦ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 46

【47】

دائیں ہاتھ سے استنجا کرنے کی ممانعت

ابوقتادہ (رض) سے روایت ہے کہ رسول اللہ ﷺ نے فرمایا : جب تم میں سے کوئی پانی پئیے تو اپنے برتن میں سانس نہ لے، اور جب قضائے حاجت کے لیے آئے تو اپنے داہنے ہاتھ سے ذکر (عضو تناسل) نہ چھوئے، اور نہ اپنے داہنے ہاتھ سے استنجاء کرے ١ ؎۔ تخریج دارالدعوہ : انظر حدیث رقم : ٢٤ (صحیح ) وضاحت : ١ ؎: بعض علماء نے داہنے ہاتھ سے عضو تناسل کے چھونے کی ممانعت کو بحالت پیشاب خاص کیا ہے، کیونکہ ایک روایت میں إذا بال أحدکم فلا یمس ذکرہ کے الفاظ وارد ہیں، اور ایک دوسری روایت میں لا يمسکن أحدکم ذكره بيمينه وهو يبول آیا ہے، اس لیے ان لوگوں نے مطلق کو مقید پر محمول کیا ہے، اور نووی نے حالت استنجاء اور غیر استنجاء میں کوئی تفریق نہیں کی ہے، وہ کہتے ہیں کہ جب حالت استنجاء میں اس کی ممانعت ہے جب کہ اس کی ضرورت پڑتی ہے، تو دوسری حالتوں میں جب کہ اس کی ضرورت نہیں پڑتی بدرجہ اولیٰ ممنوع ہوگا۔ قال الشيخ الألباني : صحيح صحيح وضعيف سنن النسائي الألباني : حديث نمبر 47

【48】

دائیں ہاتھ سے استنجا کرنے کی ممانعت

ابوقتادہ (رض) سے روایت ہے کہ نبی اکرم ﷺ نے برتن میں سانس لینے سے، داہنے ہاتھ سے عضو تناسل چھونے سے اور داہنے ہاتھ سے استنجاء کرنے سے منع فرمایا۔ تخریج دارالدعوہ : انظر حدیث رقم : ٢٤ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 48

【49】

دائیں ہاتھ سے استنجا کرنے کی ممانعت

سلمان (رض) کہتے ہیں کہ مشرکوں نے (حقارت کے انداز میں) کہا کہ ہم تمہارے نبی کو دیکھتے ہیں کہ وہ تمہیں پاخانہ (تک) کی تعلیم دیتے ہیں، تو انہوں نے (فخریہ) کہا : ہاں، آپ نے ہمیں داہنے ہاتھ سے استنجاء کرنے اور (بحالت قضائے حاجت) قبلہ کا رخ کرنے سے منع فرمایا، نیز فرمایا : تم میں سے کوئی تین پتھروں سے کم میں استنجاء نہ کرے ١ ؎۔ تخریج دارالدعوہ : انظر حدیث رقم : ٤١ (صحیح ) وضاحت : ١ ؎: ابن حزم کہتے ہیں کہ بدون ثلاث ۃ احجار میں دون، اقل کے معنی میں یا غیر کے معنی میں ہے، لہٰذا نہ تین پتھر سے کم لینا درست ہے نہ زیادہ، اور بعض لوگوں نے کہا ہے دون کو غیر کے معنی میں لینا غلط ہے، یہاں دونوں سے مراد اقل ہے جیسے ليس فيما دون خمس من الأبل صدقة میں ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 49

【50】

استنجا کرنے کے بعد زمین پر ہاتھ رگڑنا

ابوہریرہ (رض) سے روایت ہے کہ نبی اکرم ﷺ نے وضو کیا، جب آپ نے (اس سے پہلے) استنجاء کیا تو اپنے ہاتھ کو زمین پر رگڑا ١ ؎۔ تخریج دارالدعوہ : تفرد بہ النسائي، (تحفة الأشراف : ١٤٨٨٧) ، وقد أخرجہ : سنن ابی داود/الطہارة ٢٤ (٤٥) ، سنن ابن ماجہ/الطہارة ٢٩ (٣٥٨) ، ٤١ (٤٧٣) ، مسند احمد ٢/٣١١، ٤٥٤، سنن الدارمی/الطہارة ١٥ (٧٠٣) (حسن ) وضاحت : ١ ؎: تاکہ ہاتھ اچھی طرح صاف ہوجائے، اور نجاست کا اثر کلی طور پر زائل ہوجائے۔ قال الشيخ الألباني : حسن صحيح وضعيف سنن النسائي الألباني : حديث نمبر 50

【51】

استنجا کرنے کے بعد زمین پر ہاتھ رگڑنا

جریر (رض) کہتے ہیں کہ میں نبی اکرم ﷺ کے ساتھ تھا، آپ قضائے حاجت کی جگہ میں آئے، اور آپ نے حاجت پوری کی، پھر فرمایا : جریر ! پانی لاؤ، میں نے پانی حاضر کیا، تو آپ ﷺ نے پانی سے استنجاء کیا، اور راوی نے اپنے ہاتھ سے اشارہ کرتے ہوئے کہا : پھر آپ ﷺ نے ہاتھ کو زمین پر رگڑا۔ تخریج دارالدعوہ : سنن ابن ماجہ/الطہارة ٢٩ (٣٥٩) ، سنن الدارمی/الطہارة ١٦ (٧٠٦) ، (تحفة الأشراف : ٣٢٠٧) (حسن ) قال الشيخ الألباني : حسن صحيح وضعيف سنن النسائي الألباني : حديث نمبر 51

【52】

پانی میں کتنی ناپاکی گرنے سے وہ نا پاک نہیں ہوتا اس کی حد کا بیان

عبداللہ بن عمر رضی اللہ عنہم کہتے ہیں کہ رسول اللہ ﷺ سے اس پانی کے بارے میں پوچھا گیا جس پر چوپائے اور درندے آتے جاتے ہوں؛ تو آپ ﷺ نے فرمایا : جب پانی دو قلہ ١ ؎ ہو تو وہ گندگی کو اثر انداز نہیں ہونے دے گا یعنی اسے دفع کر دے گا ؟ ٢ ؎۔ تخریج دارالدعوہ : سنن ابی داود/الطہارة ٣٣ (٦٣) ، (تحفة الأشراف : ٧٢٧٢) ، سنن الترمذی/فیہ ٥٠ (٦٧) ، سنن ابن ماجہ/فیہ ٧٥ (٥١٧) ، سنن الدارمی/الطہارة ٥٥ (٧٥٩) ، مسند احمد ٢/١٢، ٢٣، ٣٨، ١٠٧، ویأتي عند المؤلف في المیاہ ٢ (برقم : ٣٢٩) (صحیح ) وضاحت : ١ ؎: یہ مطلب نہیں کہ وہ نجاست اٹھانے سے عاجز ہوگا کیونکہ یہ معنی لینے کی صورت میں قلتین (دو قلہ) کی تحدید بےمعنی ہوجائے گی۔ قُلّہ سے مراد بڑا مٹکا ہوتا ہے کہ جس میں پانچ سو رطل پانی آتا ہے، یعنی اڑھائی مشک۔ ٢ ؎: حاکم کی روایت میں لم يحمل الخبث کی جگہ لم ينجسه شيء ہے، جس سے لم يحمل الخبث کے معنی کی وضاحت ہوتی ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 52

【53】

پانی میں کتنی ناپاکی گرنے سے وہ ناپاک نہیں ہوتا اس کی حد کا بیان

انس (رض) سے روایت ہے کہ ایک اعرابی (دیہاتی) مسجد میں پیشاب کرنے لگا، تو کچھ لوگ اس پر جھپٹے، تو رسول اللہ ﷺ نے فرمایا : اسے چھوڑ دو ، کرنے دو روکو نہیں ١ ؎، جب وہ فارغ ہوگیا تو آپ نے پانی منگوایا، اور اس پر انڈیل دیا۔ ابوعبدالرحمٰن (امام نسائی (رح)) کہتے ہیں : یعنی بیچ میں نہ روکو پیشاب کرلینے دو ۔ تخریج دارالدعوہ : صحیح البخاری/الوضوء ٥٧ (٢١٩) ، الأدب ٣٥ (٦٠٢٥) ، صحیح مسلم/الطہارة ٣٠ (٢٨٤) ، سنن ابن ماجہ/فیہ ٧٨ (٥٢٨) ، (تحفة الأشراف : ٢٩٠) ، وقد أحرجہ : سنن الدارمی/الطہارة ٦٢ (٧٦٧) ، مسند احمد ٣/١٩١، ٢٢٦، ویأتي عند المؤلف برقم : (٣٣٠) (صحیح ) وضاحت : ١ ؎: اس میں بہت سی مصلحتیں تھیں، ایک تو یہ کہ اگر اسے بھگاتے تو وہ پیشاب کرتا ہوا جاتا جس سے ساری مسجد نجس ہوجاتی، دوسری یہ کہ اگر وہ پیشاب اچانک روک لیتا تو اندیشہ تھا کہ اسے کوئی عارضہ لاحق ہوجاتا، تیسری یہ کہ وہ گھبرا جاتا اور مسلمانوں کو بدخلق سمجھ کر اسلام ہی سے پھرجاتا وغیرہ وغیرہ۔ قال الشيخ الألباني : صحيح صحيح وضعيف سنن النسائي الألباني : حديث نمبر 53

【54】

پانی میں کتنی ناپاکی گرنے سے وہ نا پاک نہیں ہوتا اس کی حد کا بیان

انس بن مالک (رض) کہتے ہیں کہ ایک اعرابی (دیہاتی) نے مسجد میں پیشاب کردیا تو نبی اکرم ﷺ نے ایک ڈول پانی لانے کا حکم دیا جو اس پر ڈال دیا گیا۔ تخریج دارالدعوہ : صحیح البخاری/الوضوء ٥٩ (٢٢١) ، صحیح مسلم/الطہارة ٣٠ (٢٨٤) ، (تحفة الأشراف : ١٦٥٧) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 54

【55】

پانی میں کتنی ناپاکی گرنے سے وہ نا پاک نہیں ہوتا اس کی حد کا بیان

انس (رض) کہتے ہیں کہ ایک دیہاتی مسجد میں آیا اور پیشاب کرنے لگا، تو لوگ اس پر چیخے تو رسول اللہ ﷺ نے فرمایا : اسے چھوڑ دو (کرنے دو ) تو لوگوں نے اسے چھوڑ دیا یہاں تک کہ اس نے پیشاب کرلیا، پھر آپ ﷺ نے ایک ڈول پانی لانے کا حکم دیا جو اس پر بہا دیا گیا۔ تخریج دارالدعوہ : انظر ما قبلہ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 55

【56】

پانی میں کتنی ناپاکی گرنے سے وہ ناپاک نہیں ہوتا اس کی حد کا بیان

ابوہریرہ (رض) کہتے ہیں کہ ایک دیہاتی اٹھا، اور مسجد میں پیشاب کرنے لگا، تو لوگ اسے پکڑنے کے لیے بڑھے، تو رسول اللہ ﷺ نے ان سے فرمایا : اسے چھوڑ دو (پیشاب کرلینے دو ) اور اس کے پیشاب پر ایک ڈول پانی بہا دو ، کیونکہ تم آسانی کرنے والے بنا کر بھیجے گئے ہو، سختی کرنے والے بنا کر نہیں ۔ تخریج دارالدعوہ : صحیح البخاری/الوضوء ٥٨ (٢٢٠) ، الأدب ٨٠ (٦١٢٨) ، (تحفة الأشراف : ١٤١١١) ، وقد أخرجہ : سنن ابی داود/الطہارة ١٣٨ (٣٨٠) مفصلاً ، سنن الترمذی/فیہ ١١٢ (١٤٧) ، سنن ابن ماجہ/فیہ ٧٨ (٥٢٩) ، مسند احمد ٢/٢٨٢، ویأتي عند المؤلف برقم : (٣٣١) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 56

【57】

ٹھہرے ہوئے پانی سے متعلق

ابوہریرہ (رض) رسول اللہ صلی الله علیہ وسلم سے روایت کرتے ہیں کہ آپ ﷺ نے فرمایا : تم میں سے کوئی شخص ٹھہرے ہوئے پانی میں پیشاب نہ کرے، پھر اسی سے وضو کرے ۔ تخریج دارالدعوہ : حدیث عوف، عن محمد بن سیرین، عن أبي ہریرة تفرد بہ النسائي، (تحفة الأشراف : ١٤٤٩٢) ، وحدیث عوف، عن خلاس بن عمرو، عن أبي ہریرة تفرد بہ النسائي، (تحفة الأشراف : ١٢٣٠٤) ، وقد أخرجہ : سنن الترمذی/الطہارة ٥١ (٦٨) ، مسند احمد ٢/٢٥٩، ٢٦٥، ٤٩٢، ٥٢٩، ویأتي عند المؤلف برقم : (٣٩٧) من غیر ہذا الطریق (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 57

【58】

ٹھہرے ہوئے پانی سے متعلق

ابوہریرہ (رض) کہتے ہیں کہ رسول اللہ ﷺ نے فرمایا : تم میں سے کوئی شخص ہرگز ٹھہرے ہوئے پانی میں پیشاب نہ کرے، پھر اسی سے غسل کرے ۔ تخریج دارالدعوہ : تفرد بہ النسائي، (تحفة الأشراف : ١٤٥٧٩) ، وقد أخرجہ : صحیح البخاری/الوضوء ٦٨ (٢٣٩) ، صحیح مسلم/الطہارة ٢٨ (٢٩٢) ، مسند احمد ٢/٣١٦، ٣٤٦، ٣٦٢، ٣٦٤، سنن الدارمی/الطہارة ٥٤ (٧٥٧) ، ویأتي عند المؤلف بأرقام : ٢٢٢، ٣٩٧، ٣٩٨، ٣٩٩، ٤٠٠ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 58

【59】

سمندری پانی کا بیان

ابوہریرہ (رض) کہتے ہیں کہ ایک آدمی نے رسول اللہ ﷺ سے پوچھا اور عرض کیا : اللہ کے رسول ! ہم سمندر میں سفر کرتے ہیں اور اپنے ساتھ تھوڑا پانی لے جاتے ہیں، اگر ہم اس سے وضو کرلیں تو پیاسے رہ جائیں، تو کیا ہم سمندر کے پانی سے وضو کرلیں ؟ تو رسول اللہ ﷺ نے فرمایا : اس کا پانی پاک کرنے والا ہے، اور اس کا مردار حلال ہے ١ ؎۔ تخریج دارالدعوہ : سنن ابی داود/الطہارة ٤١ (٨٣) ، سنن الترمذی/فیہ ٥٢ (٦٩) ، سنن ابن ماجہ/فیہ ٣٨ (٣٨٦) ، (تحفة الأشراف : ١٤٦١٨) ، موطا امام مالک/فیہ ٣ (١٢) ، مسند احمد ٢/٢٣٧، ٣٦١، ٣٧٨، ٣٩٢، ٣٩٣، سنن الدارمی/الطہارة ٥٣ (٧٥٥) ، ویأتي عند المؤلف برقم : (٣٣٣) (صحیح ) وضاحت : ١ ؎: مردار سے مراد وہ سمندری جانور ہیں جو سمندر میں مریں، بعض لوگوں نے کہا ہے کہ اس سے مراد صرف مچھلی ہے، دیگر سمندری جانور نہیں، لیکن اس تخصیص پر کوئی صریح دلیل نہیں ہے، اور آیت کریمہ : أحل لکم صيدُ البحرِ وطعامُه بھی مطلق ہے۔ سائل نے صرف سمندر کے پانی کے بارے میں پوچھا تھا نبی اکرم صلی الله علیہ وسلم نے کھانے کا بھی حال بیان کردیا کیونکہ جیسے سمندری سفر میں پانی کی کمی ہوجاتی ہے ویسے کبھی کھانے کی بھی کمی ہوجاتی ہے، اس کا مردار حلال ہے، یعنی سمندر میں جتنے جانور رہتے ہیں جن کی زندگی بغیر پانی کے نہیں ہوسکتی وہ سب حلال ہیں، گو ان کی شکل مچھلی کی نہ ہو۔ قال الشيخ الألباني : صحيح صحيح وضعيف سنن النسائي الألباني : حديث نمبر 59

【60】

برف سے وضو کرنے کا بیان

ابوہریرہ (رض) کہتے ہیں کہ رسول اللہ ﷺ جب نماز شروع کرتے تو تھوڑی دیر خاموش رہتے، تو میں نے پوچھا : اللہ کے رسول ! میرے ماں باپ آپ پر فدا ہوں ! آپ تکبیر تحریمہ اور قرأت کے درمیان اپنے خاموش رہنے کے دوران کیا پڑھتے ہیں ؟ آپ ﷺ نے فرمایا : میں کہتا ہوں اللہم باعد بيني وبين خطاياى كما باعدت بين المشرق والمغرب اللہم نقني من خطاياى كما ينقى الثوب الأبيض من الدنس اللہم اغسلني من خطاياى بالثلج والماء والبرد اے اللہ ! میرے اور میرے گناہوں کے درمیان اسی طرح دوری پیدا کر دے جیسے کہ تو نے پورب اور پچھم کے درمیان دوری رکھی ہے، اے اللہ ! مجھے میری خطاؤں سے اسی طرح پاک کر دے جس طرح سفید کپڑا میل سے پاک کیا جاتا ہے، اے اللہ ! مجھے میرے گناہوں سے برف، پانی اور اولے کے ذریعہ دھو ڈال ١ ؎۔ تخریج دارالدعوہ : صحیح البخاری/الأذان ٨٩ (٧٤٤) ، صحیح مسلم/المساجد ٢٧ (٥٩٨) ، سنن ابی داود/الصلاة ١٢١ (٧٨١) ، سنن ابن ماجہ/إقامة الصلاة ١ (٨٠٥) ، (تحفة الأشراف : ١٤٨٩٦) ، مسند احمد ٢/٢٣١، ٤٩٤، سنن الدارمی/الصلاة ٣٧ (١٢٨٠) ، ویأتي عند المؤلف بأرقام : (٣٣٤، ٨٩٥، ٨٩٦) (صحیح ) وضاحت : ١ ؎: اس سے مؤلف نے اس بات پر استدلال کیا ہے کہ برف سے وضو درست ہے، اس لیے کہ نبی اکرم صلی الله علیہ وسلم نے برف سے گناہ دھونے کی دعا مانگی ہے، اور ظاہر ہے کہ گناہ وضو سے دھوئے جاتے ہیں لہٰذا برف سے وضو کرنا صحیح ہوا۔ قال الشيخ الألباني : صحيح صحيح وضعيف سنن النسائي الألباني : حديث نمبر 60

【61】

برف کے پانی سے وضو

ام المؤمنین عائشہ رضی اللہ عنہا کہتی ہیں کہ نبی اکرم ﷺ فرماتے تھے : اللہم اغسل خطاياى بماء الثلج والبرد ونق قلبي من الخطايا كما نقيت الثوب الأبيض من الدنس اے اللہ ! میرے گناہوں کو برف اور اولے کے پانی سے دھو دے، اور میرے دل کو گناہوں سے اسی طرح پاک کر دے جس طرح تو نے سفید کپڑے کو میل سے پاک کیا ہے ۔ تخریج دارالدعوہ : تفرد بہ النسائي، (تحفة الأشراف : ١٦٧٧٩) ، وقد أخرجہ : صحیح البخاری/الدعوات ٣٩ (٦٣٦٨) ، ٤٤ (٦٣٧٥) ، ٤٦ (٦٣٧٧) ، صحیح مسلم/الذکر ١٤ (٥٨٩) ، سنن الترمذی/الدعوات ٧٧ (٣٤٩٥) ، سنن ابن ماجہ/الدعاء ٣ (٣٨٣٨) ، مسند احمد ٦/٥٧، ٢٠٧، ویأتي عند المؤلف برقم : (٣٣٤) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 61

【62】

اولوں کے پانی سے وضو

عوف بن مالک (رض) کہتے ہیں کہ میں نے رسول اللہ ﷺ کو ایک جنازے پر نماز پڑھتے ہوئے سنا، تو میں نے آپ کی دعا میں سے سنا آپ فرما رہے تھے : اللہم اغفر له وارحمه وعافه واعف عنه وأكرم نزله وأوسع مدخله واغسله بالماء والثلج والبرد ونقه من الخطايا كما ينقى الثوب الأبيض من الدنس ‏ اے اللہ ! اسے بخش دے، اس پر رحم کر، اسے عافیت سے رکھ، اس سے درگزر فرما، اس کی بہترین مہمان نوازی فرما، اس کی جگہ (قبر) کشادہ کر دے، اس (کے گناہوں) کو پانی، برف اور اولوں سے دھو دے، اور اس کو گناہوں سے اسی طرح پاک کر دے جس طرح سفید کپڑا میل سے پاک کیا جاتا ہے ۔ تخریج دارالدعوہ : صحیح مسلم/الجنائز ٢٦ (٩٦٣) ، سنن الترمذی/الجنائز ٣٨ (١٠٢٥) ، وقد أخرجہ : سنن ابن ماجہ/الجنائز ٢٣ (١٥٠٠) ، (تحفة الأشراف : ١٠٩٠١) ، مسند احمد ٦/٢٣، ٢٨، ویأتي عند المؤلف برقم : (١٩٨٥، وعمل الیوم واللیلة (١٠٨٧) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 62

【63】

کتے کے جھوٹے کا حکم

ابوہریرہ (رض) سے روایت ہے کہ رسول اللہ ﷺ نے فرمایا : جب کتا تم میں سے کسی کے برتن سے پی لے، تو وہ اسے سات مرتبہ دھوئے ١ ؎۔ تخریج دارالدعوہ : صحیح البخاری/الوضوء ٣٣ (١٧٢) ، صحیح مسلم/الطہارة ٢٧ (٢٧٩) ، وقد أخرجہ : سنن الترمذی/فیہ ٦٨ (٩١) ، سنن ابن ماجہ/فیہ ٣١ (٣٦٤) ، موطا امام مالک/فیہ ٦ (٣٥) ، (تحفة الأشراف : ١٣٧٩٩) ، مسند احمد ٢/٢٤٥، ٢٦٥، ٢٧١، ٣١٤، ٣٦٠، ٣٩٨، ٤٢٤، ٤٢٧، ٤٦٠، ٤٨٠، ٤٨٢، ٥٠٨، ویأتي عند المؤلف بأرقام : ٣٣، ٣٣٩، ٣٤٠ (صحیح ) وضاحت : ١ ؎: صحیح روایتوں سے سات بار ہی دھونا ثابت ہے، تین بار دھونے کی روایت صحیح نہیں ہے، بعض لوگوں نے اسے بھی دیگر نجاستوں پر قیاس کیا ہے، اور کہا ہے کہ کتے کی نجاست بھی تین بار دھونے سے پاک ہوجائے گی لیکن اس قیاس سے نص کی یا ضعیف حدیث سے صحیح حدیث کی مخالفت ہے، جو درست نہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 63

【64】

کتے کے جھوٹے کا حکم

ابوہریرہ (رض) کہتے ہیں کہ رسول اللہ ﷺ نے فرمایا : جب تم میں سے کسی کے برتن میں کتا منہ ڈال دے تو وہ اسے سات مرتبہ دھوئے ۔ تخریج دارالدعوہ : تفرد بہ النسائي، مسند احمد ٢/٢٧١، (تحفة الأشراف : ١٢٢٣٠) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 64

【65】

کتے کے جھوٹے کا حکم

اس سند سے بھی ابوہریرہ (رض) سے اسی کے مثل مرفوعاً مروی ہے۔ تخریج دارالدعوہ : تفرد بہ النسائي، مسند احمد ٢/٢٧١، (تحفة الأشراف : ١٥٣٥٢) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 65

【66】

جب کتا کسی کے برتن میں منہ ڈال کر چپ چپ کر کے پانی پی لے تو برتن میں جو کچھ ہے اس کو بہا دینا چاہئے

ابوہریرہ (رض) کہتے ہیں کہ رسول اللہ ﷺ نے فرمایا : جب کتا تم میں سے کسی کے برتن میں منہ ڈال دے، تو وہ (جو کچھ اس برتن میں ہو) اسے بہا دے، پھر سات مرتبہ اسے دھوئے ۔ ابوعبدالرحمٰن کہتے ہیں کہ مجھے اس بات کا علم نہیں کہ کسی شخص نے علی بن مسہر کی ان کے قول فلیرقہ پر متابعت کی ہو۔ تخریج دارالدعوہ : صحیح مسلم/الطہارة ٢٧ (٢٧٩) ، سنن ابن ماجہ/الطہارة ٣١ (٣٦٣) ، مسند احمد ٢/٤٢٤، ٤٨٠، (تحفة الأشراف : ١٢٤٤١، ١٤٦٠٧) ، ویأتي عند المؤلف برقم : (٣٣٦) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 66

【67】

جس برتن میں کتا منہ ڈال کر پی لے تو اس کو مٹی سے مانجھنے کے بارے میں

عبداللہ بن مغفل (رض) سے روایت ہے کہ رسول اللہ ﷺ نے کتوں کے مار ڈالنے کا حکم دیا ١ ؎ اور شکاری کتوں کی اور بکریوں کے ریوڑ کی نگہبانی کرنے والے کتوں کی اجازت دی، اور فرمایا : جب کتا برتن میں منہ ڈال دے، تو اسے سات مرتبہ دھوؤ، اور آٹھویں دفعہ اسے مٹی سے مانجھو ٢ ؎۔ تخریج دارالدعوہ : صحیح مسلم/الطہارة ٢٧ (٢٨٠) ، سنن ابی داود/الطہارة ٣٧ (٧٤) ، سنن ابن ماجہ/فیہ ٣١ (٣٦٥) ، الصید ١ (٣٢٠٠، ٣٢٠١) ، مسند احمد ٤/٨٦، ٥/٥٦، سنن الدارمی/الطہارة ٥٩ (٧٦٤) ، الصید ٢ (٢٠٤٩) ، (تحفة الأشراف : ٩٦٦٥) ، ویأتي عند المؤلف في المیاہ ٧ برقم : (٣٣٧، ٣٣٨) (صحیح ) وضاحت : ١ ؎: شروع اسلام میں کتوں کے مار ڈالنے کا حکم تھا، بعد میں یہ حکم منسوخ ہوگیا۔ ٢ ؎: اس حدیث کے ظاہر سے یہ معلوم ہوتا ہے کہ آٹھویں بار دھونا بھی واجب ہے، بعضوں نے ابوہریرہ (رض) کی حدیث کو اس پر ترجیح دی ہے اس کا جواب اس طرح دیا گیا ہے کہ ترجیح اس وقت دی جاتی ہے جب تعارض ہو، جب کہ یہاں تعارض نہیں ہے، ابن مغفل (رض) کی حدیث پر عمل کرنے سے ابوہریرہ (رض) کی حدیث پر بھی عمل ہوجاتا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 67

【68】

بلی کے جھوٹے سے متعلق

کبشہ بنت کعب بن مالک رضی اللہ عنہا سے روایت ہے کہ ابوقتادہ (رض) ان کے پاس آئے، پھر (کبشہ نے) ایک ایسی بات کہی جس کا مفہوم یہ ہے کہ میں نے ان کے لیے وضو کا پانی لا کر ایک برتن میں ڈالا، اتنے میں ایک بلی آئی اور اس سے پینے لگی، تو انہوں نے برتن ٹیڑھا کردیا یہاں تک کہ اس بلی نے پانی پی لیا، کبشہ کہتی ہیں : تو انہوں نے مجھے دیکھا کہ میں انہیں (حیرت سے) دیکھ رہی ہوں، تو کہنے لگے : بھتیجی ! کیا تم تعجب کر رہی ہو ؟ میں نے کہا : ہاں، انہوں نے کہا : رسول اللہ ﷺ نے فرمایا : یہ ناپاک نہیں ہے، یہ تو تمہارے پاس بکثرت آنے جانے والوں اور آنے جانے والیوں میں سے ہے ١ ؎۔ تخریج دارالدعوہ : سنن ابی داود/الطہارہ ٣٨ (٧٥) ، سنن الترمذی/فیہ ٦٩ (٩٢) ، سنن ابن ماجہ/فیہ ٣٢ (٣٦٧) ، موطا امام مالک/فیہ ٣ (١٣) ، (تحفة الأشراف : ١٢١٤١) ، مسند احمد ٥/٢٩٦، ٣٠٣، ٣٠٩، سنن الدارمی/الطہارة ٥٨ (٧٦٣) ، ویأتي عند المؤلف برقم : (٣٤١) (صحیح ) وضاحت : ١ ؎: یعنی اس کی مثال ان غلاموں اور خادموں جیسی ہے جو گھروں میں خدمت کے لیے بکثرت آتے جاتے ہیں، چونکہ یہ رات دن گھروں میں پھرتی رہتی ہے اس لیے یہ پاک کردی گئی ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 68

【69】

گدھے کے جھوٹے سے متعلق

انس (رض) کہتے ہیں کہ ہمارے پاس رسول اللہ ﷺ کا منادی آیا اور اس نے کہا : اللہ اور اس کے رسول تم لوگوں کو گدھوں کے گوشت سے منع فرماتے ہیں، کیونکہ وہ ناپاک ہیں ١ ؎۔ تخریج دارالدعوہ : صحیح البخاری/الجہاد ١٣٠ (٢٩٩١) ، المغازي ٣٨ (٤١٩٨) ، الذبائح ٢٨ (٥٥٢٨) ، سنن ابن ماجہ/الذبائح ١٣ (٣١٩٦) ، (تحفة الأشراف : ١٤٥٧) ، وقد أخرجہ : صحیح مسلم/الصید ٥ (١٩٤٠) ، مسند احمد ٣/١١١، ١٢١، ١٦٤، سنن الدارمی/الاضاحي ٢١ (٢٠٣٤) ، ویأتي عند المؤلف برقم : (٤٣٣٥) (صحیح ) وضاحت : ١ ؎: جب گدھے کا گوشت ناپاک اور نجس ہے، تو اس کا جو ٹھا بھی ناپاک و نجس ہوگا۔ قال الشيخ الألباني : صحيح صحيح وضعيف سنن النسائي الألباني : حديث نمبر 69

【70】

حائضہ عورت کے جھوٹے کا بیان

حدیث نمبر : 70 ام المؤمنین عائشہ رضی اللہ عنہا کہتی ہیں کہ میں ہڈی نوچتی تھی تو رسول اللہ ﷺ اپنا منہ اسی جگہ رکھتے جہاں میں رکھتی حالانکہ میں حائضہ ہوتی، اور میں برتن سے پانی پیتی تھی تو آپ ﷺ اپنا منہ اسی جگہ رکھتے جہاں میں رکھتی، حالانکہ میں حائضہ ہوتی۔ تخریج دارالدعوہ : صحیح مسلم/الحیض ٣ (٣٠٠) ، سنن ابی داود/الطہارة ١٠٣ (٢٥٩) ، سنن ابن ماجہ/فیہ ١٢٥ (٦٤٣) ، (تحفة الأشراف : ١٦١٤٥) ، مسند احمد ٦/٦٢، ٦٤، ١٢٧، ١٩٢، ٢١٠، ٢١٤، (یہ حدیث مکرر ہے، ملاحظہ ہو : ٢٨٠، ٢٨١، ٣٤٢، ٣٧٧، ٣٨٠) ، سنن الدارمی/الطہارة ١٠٨ (١١٠١) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 70

【71】

مرد اور عورت کے ایک ساتھ وضو کرنے کا بیان

عبداللہ بن عمر رضی اللہ عنہم کہتے ہیں کہ رسول اللہ ﷺ کے زمانے میں مرد اور عورتیں ایک ساتھ (یعنی ایک ہی برتن سے) وضو کرتے تھے ١ ؎۔ تخریج دارالدعوہ : صحیح البخاری/الوضوء ٤٣ (١٩٣) ، سنن ابی داود/الطہارة ٣٩ (٧٩) ، سنن ابن ماجہ/فیہ ٣٦ (٣٨١) ، (تحفة الأشراف : ٨٣٥٠) ، وقد أخرجہ : موطا امام مالک/فیہ ٣ (١٥) ، مسند احمد ٢/٤، ١٠٣، ١١٣، (یہ حدیث مکرر ہے، ملاحظہ ہو : ٣٤٣) (صحیح ) وضاحت : ١ ؎: اس سے مراد میاں بیوی ہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 71

【72】

جنبی کے غسل سے جو پانی بچ جائے اس کا حکم

عروہ ام المؤمنین عائشہ رضی اللہ عنہا سے روایت کرتے ہیں کہ انہوں نے انہیں خبر دی ہے کہ وہ رسول اللہ ﷺ کے ساتھ ایک ہی برتن سے غسل کرتی تھیں۔ تخریج دارالدعوہ : صحیح مسلم/الحیض ١٠ (٣١٩) ، سنن ابن ماجہ/فیہ ٣٥ (٣٧٦) ، (تحفة الأشراف : ١٦٥٨٦) ، وقد أخرجہ : صحیح البخاری/الغسل ٢ (٢٥٠) ، ١٥ (٢٧٣) ، سنن ابی داود/الطھارة ٣٩ (٧٧) ، مسند احمد ٦/٣٧، ١٧٣، ١٨٩، ١٩١، ١٩٩، ٢١٠، ٢٣٠، ٢٣١، ویأتي عند المؤلف بأرقام : ٢٢٩، ٢٣٢-٢٣٦، ٣٤٥، ٤١٠، ٤١١، ٤١٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 72

【73】

وضو کے لئے کس قدر پانی کافی ہے؟

انس بن مالک (رض) کہتے ہیں کہ رسول اللہ ﷺ ایک مکوک پانی سے وضو اور پانچ مکوک سے غسل فرماتے تھے۔ تخریج دارالدعوہ : صحیح البخاری/الوضوء ٤٧ (٢٠١) ، صحیح مسلم/الحیض ١٠ (٣٢٥) ، سنن ابی داود/الطہارة ٤٤ (٩٥) ، سنن الترمذی/الصلاة ٣١٢ (٦٠٩) ، (تحفة الأشراف : ٩٦٢) ، مسند احمد ٣/١١٢، ١١٦، ١٧٩، ٢٥٩، ٢٨٢، ٢٩٠، سنن الدارمی/الطہارة ٢٣ (٧١٦) ، ویأتي عند المؤلف بأرقام : ٢٣٠، ٣٤٦ (صحیح ) وضاحت : مکوک سے مراد یہاں مد ہے، اور ایک قول کے مطابق صاع ہے لیکن پہلا قول زیادہ صحیح ہے، اس لیے کہ ایک روایت میں مکوک کی تفسیر مد سے کی گئی ہے، اور مد اہل حجاز کے نزدیک ایک رطل اور تہائی رطل کا ہوتا ہے، اور اہل عراق کے نزدیک دو رطل کا ہوتا ہے، اس حساب سے صاع جو چار مد کا ہوتا ہے اہل حجاز کے نزدیک پانچ رطل کا ہوگا، اور اہل عراق کے نزدیک آٹھ رطل کا ہوگا۔ قال الشيخ الألباني : صحيح صحيح وضعيف سنن النسائي الألباني : حديث نمبر 73

【74】

وضو کے لئے کس قدر پانی کافی ہے؟

ام عمارہ بنت کعب رضی اللہ عنہا کہتی ہیں کہ نبی اکرم ﷺ نے وضو کا ارادہ کیا تو آپ کی خدمت میں ایک برتن میں دو تہائی مد کے بقدر پانی لایا گیا، (شعبہ کہتے ہیں : مجھے اتنا اور یاد ہے کہ) آپ ﷺ نے اپنے دونوں ہاتھوں کو دھویا، اور انہیں ملنے اور اپنے دونوں کانوں کے داخلی حصے کا مسح کرنے لگے، اور مجھے یہ نہیں یاد کہ آپ ﷺ نے ان کے اوپری (ظاہری) حصے کا مسح کیا۔ تخریج دارالدعوہ : سنن ابی داود/الطہارة ٤٤ (٩٤) ، (تحفة الأشراف : ١٨٣٣٦) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 74

【75】

وضو میں نیت کا بیان

عمر بن خطاب (رض) کہتے ہیں کہ رسول اللہ ﷺ نے فرمایا : اعمال کا دارومدار نیتوں پر ہے، آدمی کے لیے وہی چیز ہے جس کی اس نے نیت کی، تو جس نے اللہ اور اس کے رسول کی طرف ہجرت کی تو اس کی ہجرت اللہ اور اس کے رسول کی طرف ہوگی، اور جس نے دنیا کے حصول یا کسی عورت سے شادی کرنے کی غرض سے ہجرت کی تو اس کی ہجرت اسی چیز کے واسطے ہوگی جس کے لیے اس نے ہجرت کی ١ ؎۔ تخریج دارالدعوہ : صحیح البخاری/بدء الوحي ١ (١) ، الایمان ٤١ (٥٤) ، العتق ٦ (٢٥٢٩) ، مناقب الأنصار ٤٥ (٣٨٩٨) ، النکاح ٥ (٥٠٧٠) ، الأیمان والنذر ٢٣ (٦٦٨٩) ، الحیل ١ (٦٩٥٣) ، صحیح مسلم/الإمارة ٤٥ (١٩٠٧) ، سنن ابی داود/الطلاق ١١ (٢٢٠١) ، سنن الترمذی/فضائل الجہاد ١٦ (١٦٤٧) ، سنن ابن ماجہ/الزھد ٢٦ (٤٢٢٧) ، (تحفة الأشراف : ١٠٦١٢) ، مسند احمد ١/٢٥، ٤٣، ویأتيعند المؤلف بأرقام : ٣٤٦٧، ٣٨٢٥ (صحیح ) وضاحت : ١ ؎: اس حدیث کی بنیاد پر علماء کا اتفاق ہے کہ اعمال میں نیت ضروری ہے، اور نیت کے مطابق ہی اجر ملے گا، اور نیت کا محل دل ہے یعنی دل میں نیت کرنی ضروری ہے، زبان سے اس کا اظہار ضروری نہیں، بلکہ یہ بدعت ہے سوائے ان صورتوں کے جن میں زبان سے نیت کرنا دلائل و نصوص سے ثابت ہے، جیسے حج و عمرہ وغیرہ۔ قال الشيخ الألباني : صحيح صحيح وضعيف سنن النسائي الألباني : حديث نمبر 75

【76】

برتن سے وضو کے متعلق فرمان نبوی ﷺ

انس (رض) کہتے ہیں کہ میں نے رسول اللہ ﷺ کو ایسی حالت میں دیکھا کہ عصر کا وقت قریب ہوگیا تھا، تو لوگوں نے وضو کے لیے پانی تلاش کیا مگر وہ پانی نہیں پا سکے، پھر رسول اللہ ﷺ کی خدمت میں تھوڑا سا وضو کا پانی لایا گیا، تو آپ ﷺ نے اس برتن میں اپنا ہاتھ رکھا، اور لوگوں کو وضو کرنے کا حکم دیا، تو میں نے دیکھا کہ پانی آپ ﷺ کی انگلیوں کے نیچے سے ابل رہا ہے، حتیٰ کہ ان کے آخری آدمی نے بھی وضو کرلیا ١ ؎۔ تخریج دارالدعوہ : صحیح البخاری/الوضوء ٣٢ (١٦٩) ، المناقب ٢٥ (٣٥٧٣) ، صحیح مسلم/الفضائل ٣ (٢٢٧٩) ، سنن الترمذی/المناقب ٦ (٣٦٣١) ، موطا امام مالک/الطہارة ٦ (٣٢) ، (تحفة الأشراف : ٢١٠) ، مسند احمد ٣/١٣٢، ١٤٧، ١٧٠، ٢١٥، ٢٨٩، نحوہ، ویأتي عند المؤلف برقم : ٧٨ (صحیح ) وضاحت : ١ ؎: یہ رسول اللہ ﷺ کا ایک معجزہ تھا، دوسری روایت میں ہے کہ یہ کل تین سو آدمی تھے، ایک روایت میں ہے کہ ایک ہزار پانچ سو آدمی تھے واللہ اعلم۔ قال الشيخ الألباني : صحيح صحيح وضعيف سنن النسائي الألباني : حديث نمبر 76

【77】

برتن سے وضو کے متعلق فرمان نبوی ﷺ

عبداللہ (عبداللہ بن مسعود) (رض) کہتے ہیں کہ ہم نبی اکرم ﷺ کے ساتھ تھے، لوگوں کو پانی نہ ملا تو آپ ﷺ کے پاس ایک طشت لایا گیا، آپ نے اس میں اپنا ہاتھ داخل کیا، تو میں نے دیکھا کہ پانی آپ کی انگلیوں کے درمیان سے ابل رہا تھا، اور آپ ﷺ فرما رہے تھے : پاک کرنے والے پانی اور اللہ کی برکت پر آؤ۔ تخریج دارالدعوہ : تفرد بہ النسائي، (تحفة الأشراف : ٩٤٣٦) ، مسند احمد ١/٣٩٦، ٤٠١، سنن الدارمی/المقدمة ٥ (٣٠) ، وحدیث جابر أخرجہ : صحیح البخاری/المناقب ٢٥ (٣٥٧٦) ، المغازي ٣٥ (٤١٥٢) ، الأشربة ٣١ (٥٦٣٩) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 77

【78】

بوقت وضو بسم اللہ پڑھنا

انس (رض) کہتے ہیں کہ کچھ صحابہ کرام نے وضو کا پانی تلاش کیا، تو رسول اللہ ﷺ نے پوچھا : تم میں سے کسی کے پاس پانی ہے ؟ (تو ایک برتن میں تھوڑا سا پانی لایا گیا) تو آپ ﷺ نے اپنا ہاتھ یہ فرماتے ہوئے پانی میں ڈالا : بسم اللہ کر کے وضو کرو میں نے دیکھا کہ پانی آپ کی انگلیوں کے درمیان سے نکل رہا تھا، حتیٰ کہ ان میں سے آخری آدمی نے بھی وضو کرلیا۔ ثابت کہتے ہیں : میں نے انس (رض) سے پوچھا : آپ کے خیال میں وہ کتنے لوگ تھے ؟ تو انہوں نے کہا : ستر کے قریب ١ ؎۔ تخریج دارالدعوہ : تفرد بہ النسائی، حدیث ثابت عن أنس، (تحفة الأشراف : ٤٨٤) ، وحدیث قتادة عن أنس، (تحفة الأشراف : ١٣٤٧) ، (نیز ملاحظہ ہو : ٧٦) (صحیح الاسناد ) وضاحت : ١ ؎: اس باب اور اس سے پہلے والے باب کی احادیث سے معلوم ہوتا ہے کہ یہ واقعہ ایک سے زیادہ بار پیش آیا تھا، واللہ اعلم بالصواب۔ قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 78

【79】

اگر خادم وضو کرنے والے شخص کے اعضاء پر وضو کا پانی ڈالتا جائے

مغیرہ بن شعبہ (رض) کہتے ہیں کہ میں نے غزوہ تبوک میں جس وقت رسول اللہ ﷺ نے وضو کیا، آپ پر پانی ڈالا، پھر آپ نے اپنے دونوں موزوں پر مسح کیا ١ ؎۔ تخریج دارالدعوہ : صحیح البخاری/الوضوء ٣٥ (١٨٢) ، ٤٨ (٢٠٣) ، المغازي ٨١ (٤٤٢١) ، اللباس ١١ (٥٧٩٩) ، صحیح مسلم/الطہارة ٢٢ (٢٧٤) ، الصلاة ٢٢ (٢٧٤) ، سنن ابی داود/الطہارة ٥٩ (١٤٩، ١٥١) ، سنن ابن ماجہ/فیہ ٨٤ (٥٤٥) ، (تحفة الأشراف : ١١٥١٤) ، موطا امام مالک/فیہ ٨ (٤١) ، مسند احمد ٤/٢٤٩، ٢٥١، ٢٥٤، ٢٥٥، سنن الدارمی/الطہارة ٤١ (٧٤٠) ، ویأتي عند المؤلف بأرقام : ٨٢، ١٢٤، ١٢٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 79

【80】

وضو کرتے وقت اعضاء کو ایک ایک مرتبہ دھونا

عبداللہ بن عباس رضی اللہ عنہم سے روایت ہے کہ انہوں نے کہا : کیا میں تمہیں رسول اللہ ﷺ کے وضو کے بارے میں نہ بتاؤں ؟ پھر انہوں نے اعضاء وضو کو ایک ایک بار دھویا۔ تخریج دارالدعوہ : صحیح البخاری/الوضوء ٢٢ (١٥٧) ، سنن ابی داود/الطہارة ٥٣ (١٣٨) ، سنن الترمذی/فیہ ٣٢ (٤٢) ، سنن ابن ماجہ/فیہ ٤٥ (٤١١) ، (تحفة الأشراف : ٥٩٧٦) ، مسند احمد ١/٢٣٣، ٣٣٢، ٢٣٦، سنن الدارمی/الطہارة ٢٩ (٧٢٤) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 80

【81】

وضو میں اعضاء کو تین تین مرتبہ دھو نا

مطلب بن عبداللہ بن حنطب کہتے ہیں کہ عبداللہ بن عمر رضی اللہ عنہم نے وضو کیا، اور اعضاء وضو کو تین تین بار دھویا، وہ اسے نبی اکرم ﷺ تک مرفوع کر رہے تھے۔ تخریج دارالدعوہ : سنن ابن ماجہ/الطہارة ٤٦ (٤١٤) ، (تحفة الأشراف : ٧٤٥٨) ، مسند احمد ٢/٨، ١٣٢ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 81

【82】

وضو کا طریقہ، دونوں ہاتھ دھونا

مغیرہ (رض) کہتے ہیں : ہم رسول اللہ ﷺ کے ساتھ ایک سفر میں تھے کہ آپ نے میری پیٹھ پر ایک چھڑی لگائی ١ ؎ اور آپ مڑے تو میں بھی آپ کے ساتھ مڑ گیا، یہاں تک کہ آپ ایک ایسی جگہ پر آئے جو ایسی ایسی تھی، اور اونٹ کو بٹھایا پھر آپ چلے، مغیرہ (رض) کہتے ہیں : تو آپ چلتے رہے یہاں تک کہ میری نگاہوں سے اوجھل ہوگئے، پھر آپ (واپس) آئے، اور پوچھا : کیا تمہارے پاس پانی ہے ؟ میرے پاس میری ایک چھاگل تھی، اسے لے کر میں آپ کے پاس آیا، اور آپ پر انڈیلا، تو آپ نے اپنے دونوں ہتھیلیوں کو دھویا، چہرہ دھویا، اور دونوں بازو دھونے چلے، تو آپ ایک تنگ آستین کا شامی جبہ پہنے ہوئے ہوئے تھے (آستین چڑھ نہ سکی) تو اپنا ہاتھ جبہ کے نیچے سے نکالا، اور اپنا چہرہ اور اپنے دونوں بازو دھوئے - مغیرہ (رض) نے آپ کی پیشانی کے کچھ حصے اور عمامہ کے کچھ حصے کا ذکر کیا، ابن عون کہتے ہیں : میں جس طرح چاہتا تھا اس طرح مجھے یاد نہیں ہے، پھر آپ ﷺ نے دونوں موزوں پر مسح کیا، پھر فرمایا : اب تو اپنی ضرورت پوری کرلے ، میں نے عرض کیا : اللہ کے رسول ! مجھے حاجت نہیں، تو ہم آئے دیکھا کہ عبدالرحمٰن بن عوف لوگوں کی امامت کر رہے تھے، اور وہ نماز فجر کی ایک رکعت پڑھا چکے تھے، تو میں بڑھا کہ انہیں آپ ﷺ کی آمد کی خبر دے دوں، تو آپ ﷺ نے مجھے منع فرما دیا، چناچہ ہم نے جو نماز پائی اسے پڑھ لیا، اور جو حصہ فوت ہوگیا تھا اسے (بعد میں) پورا کیا۔ تخریج دارالدعوہ : انظر حدیث رقم : ٧٩ (تحفة الأشراف : ١١٥١٤) (صحیح) (بخاری کی روایت میں ” ناصیہ “ اور ” عمامہ “ کا ذکر نہیں ہے ) وضاحت : ١ ؎: یہاں مار سے تیز مار مراد نہیں بلکہ مطلب یہ ہے کہ پیٹھ میں چھڑی کو نچی یہ بتانے کے لیے کہ ادھر مڑنا ہے۔ قال الشيخ الألباني : صحيح ق لکن ليس عند خ ذکر الناصية والعمامة صحيح وضعيف سنن النسائي الألباني : حديث نمبر 82

【83】

وضو میں کتنی مرتبہ اعضاء کو دھونا چاہئے؟

ابواوس (رض) کہتے ہیں کہ میں نے رسول اللہ ﷺ کو دیکھا آپ نے (اپنی ہتھیلیوں پر) تین بار پانی ٹپکایا۔ تخریج دارالدعوہ : تفرد بہ النسائی، (تحفة الأشراف : ١٧٤٠) ، مسند احمد ٤/٩، ١٠، سنن الدارمی/الطہارة ٢٦ (٧١٩) (صحیح الاسناد ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 83

【84】

وضو میں کلی کرنا اور ناک میں پانی ڈالنا

حمران بن ابان کہتے ہیں کہ میں نے عثمان بن عفان (رض) کو دیکھا آپ نے وضو کیا تو اپنے دونوں ہاتھوں پر تین دفعہ پانی انڈیلا، انہیں دھویا، پھر کلی کی اور ناک میں پانی ڈالا، پھر تین مرتبہ اپنا چہرہ دھویا، پھر کہنی تک اپنا دایاں ہاتھ دھویا، پھر اسی طرح بایاں ہاتھ دھویا، پھر اپنے سر کا مسح کیا، پھر اپنا دایاں پیر تین بار دھویا، پھر اسی طرح بایاں پیر دھویا، پھر کہا : میں نے رسول اللہ ﷺ کو دیکھا کہ آپ نے میرے اس وضو کی طرح وضو کیا، اور فرمایا : جو میرے اس وضو کی طرح وضو کرے اور دو رکعت نماز پڑھے، اور دل میں کوئی اور خیال نہ لائے تو اس کے گزشتہ گناہ بخش دیئے جائیں گے ١ ؎۔ تخریج دارالدعوہ : صحیح البخاری/الوضوء ٢٤ (١٥٩) ، ٢٨ (١٦٤) ، الصوم ٤٧ (١٩٣٤) ، صحیح مسلم/الطہارة ٣/٢٢٦، سنن ابی داود/الطہارة ٥٠ (١٠٦) ، (تحفة الأشراف : ٩٧٩٤) ، مسند احمد ١/٥٩، ٦٠، سنن الدارمی/الطہارة ٢٧ (٧٢٠) ، ویأتي عند المؤلف بأرقام : ٨٥، ١١٦ (صحیح ) وضاحت : ١ ؎: یعنی ایسا خیال جو دنیاوی امور سے متعلق ہو اور نماز سے اس کا کوئی تعلق نہ ہو، اور اگر خود سے کوئی خیال آجائے اور اسے وہ ذہن سے جھٹک دے تو یہ معاف ہوگا، ایسے شخص کو ان شاء اللہ یہ فضیلت حاصل ہوگی کیونکہ یہ اس کا فعل نہیں۔ گزشتہ گناہ بخش دیئے جائیں گے : اس سے مراد وہ صغائر ہیں جن کا تعلق حقوق العباد سے نہ ہو۔ قال الشيخ الألباني : صحيح صحيح وضعيف سنن النسائي الألباني : حديث نمبر 84

【85】

دونوں ہاتھوں میں سے کون سے ہاتھ میں پانی لے کر کلی کرے؟

حمران سے روایت ہے کہ انہوں نے عثمان (رض) عنہ کو دیکھا کہ انہوں نے وضو کا پانی منگوایا، اور اسے برتن سے اپنے دونوں ہاتھ پر انڈیلا، پھر انہیں تین بار دھویا، پھر اپنا داہنا ہاتھ پانی میں ڈالا ١ ؎ اور کلی کی، اور ناک صاف کی، پھر تین بار اپنا چہرہ دھویا اور کہنیوں تک تین بار ہاتھ دھوئے، پھر اپنے سر کا مسح کیا، پھر اپنے دونوں پیروں میں سے ہر پیر کو تین تین بار دھویا، پھر کہا : میں نے رسول اللہ ﷺ کو دیکھا آپ نے میرے اس وضو کی طرح وضو کیا، اور فرمایا : جو میرے اس وضو کی طرح وضو کرے، پھر کھڑے ہو کر دو رکعت نماز پڑھے، دل میں کوئی اور خیال نہ لائے تو اس کے گزشتہ گناہ بخش دئیے جائیں گے ۔ تخریج دارالدعوہ : انظر ما قبلہ، (تحفة الأشراف : ٩٧٩٤) (صحیح ) وضاحت : ١ ؎: اس سے معلوم ہوا کہ کلی کرنے اور ناک میں پانی ڈالنے کے لیے داہنے ہاتھ سے پانی لے۔ قال الشيخ الألباني : صحيح صحيح وضعيف سنن النسائي الألباني : حديث نمبر 85

【86】

ایک ہی مرتبہ ناک صاف کرنے کا بیان و احکام

ابوہریرہ (رض) سے روایت ہے کہ رسول اللہ ﷺ نے فرمایا : جب تم میں سے کوئی وضو کرے تو اپنے ناک میں پانی سڑ کے (ناک میں پانی ڈالے) ، پھر اسے جھاڑے ۔ تخریج دارالدعوہ : حدیث سفیان عن أبی الزناد أخرجہ : صحیح مسلم/الطہارة ٨ (٢٣٧) ، (تحفة الأشراف : ١٣٦٨٩) ، صحیح البخاری/الوضوء ٢٦ (١٦٢) ، صحیح مسلم/الطہارة ٨ (٢٣٧) ، سنن ابی داود/الطہارة ٥٥ (١٤٠) ، موطا امام مالک/فیہ ١ (٢) ، (تحفة الأشراف : ١٣٨٢٠) ، مسند احمد ٢/٢٤٢، ٤٦٣، وحدیث مالک عن أبی الزناد أخرجہ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 86

【87】

وضو کرتے وقت ناک میں پانی زور سے ڈالنے کا بیان

لقیط بن صبرہ (رض) کہتے ہیں کہ میں نے عرض کیا : اللہ کے رسول ! مجھے وضو کے متعلق بتائیے، آپ ﷺ نے فرمایا : پوری طرح وضو کرو، اور ناک میں پانی سڑکنے (ڈالنے) میں مبالغہ کرو، اِلّا یہ کہ تم روزے سے ہو ۔ تخریج دارالدعوہ : سنن ابی داود/الطہارة ٥٥ (١٤٢، ١٤٣، ١٤٤) ، الصوم ٢٧ (٢٣٦٦) ، سنن الترمذی/الصوم ٦٩ (٧٨٨) ، سنن ابن ماجہ/الطہارة ٤٤ (٤٠٧) ، ٥٤ (٤٤٨) ، (وعندہ ” وخلل بین الأصابع “ بدل ” وبالغ في الاستنشاق “ )، (تحفة الأشراف : ١١١٧٢) ، وھکذا عند المؤلف في باب ٩٢ (١١٤) ، مسند احمد ٤/٣٢، ٣٣، ٢١١، سنن الدارمی/الطہارة ٣٤ (٧٣٢) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 87

【88】

ناک میں پانی ڈالنے اور صاف کرنے کا بیان

ابوہریرہ (رض) سے روایت ہے کہ رسول اللہ ﷺ نے فرمایا : جو وضو کرے تو اسے چاہیئے کہ ناک جھاڑے، اور جو استنجاء میں پتھر استعمال کرے تو اسے چاہیئے کہ طاق استعمال کرے ۔ تخریج دارالدعوہ : صحیح البخاری/الوضوء ٢٥ (١٦١) ، صحیح مسلم/الطہارة ٨ (٢٣٧) ، سنن ابن ماجہ/فیہ ٤٤ (٤٠٩) ، (تحفة الأشراف : ١٣٥٤٧) ، موطا امام مالک/فیہ ١ (٣) ، مسند احمد ٢/٢٣٦، ٢٧٧، ٣٠٨، ٤٠١، ٥١٨، سنن الدارمی/الطہارة ٣٢ (٧٣٠) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 88

【89】

ناک میں پانی ڈالنے اور صاف کرنے کا بیان

سلمہ بن قیس (رض) سے روایت ہے کہ رسول اللہ ﷺ نے فرمایا : جب وضو کرو تو ناک جھاڑو، اور جب ڈھیلے سے استنجاء کرو تو طاق ڈھیلا استعمال کرو ۔ تخریج دارالدعوہ : سنن الترمذی/الطہارة ٢١ (٢٧) ، سنن ابن ماجہ/الطہارة ٤٤ (٤٠٦) ، (تحفة الأشراف : ٤٥٥٦) ، مسند احمد ٤/٣١٣، ٣٣٩، ٣٤٠ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 89

【90】

بیدار ہونے کے بعد ناک صاف کرنے کا بیان

ابوہریرہ (رض) سے روایت ہے کہ رسول اللہ ﷺ نے فرمایا : جب تم میں سے کوئی نیند سے جاگ کر وضو کرے تو (پانی لے کر) تین مرتبہ ناک جھاڑے، کیونکہ شیطان اس کے پانسے میں رات گزارتا ہے ١ ؎۔ تخریج دارالدعوہ : صحیح البخاری/بدء الخلق ١١ (٣٢٩٥) ، صحیح مسلم/الطہارة ٨ (٢٣٨) ، (تحفة الأشراف : ١٤٢٨٤) ، مسند احمد ٢/٣٥٢ (صحیح ) وضاحت : ١ ؎: اسے حقیقت پر محمول کرنا ہی راجح اور اولیٰ ہے، اس لیے کہ یہ جسم کے منافذ میں سے ایک ہے جس سے شیطان دل تک پہنچتا ہے، استنثار سے مقصود اس کے اثرات کا ازالہ ہے، کچھ لوگوں کا کہنا ہے کہ یہاں مجازی معنی مقصود ہے، وہ یہ کہ غبار اور رطوبت (جو ناک میں جمع ہو کر گندگی کا سبب بنتے ہیں) کو شیطان سے تعبیر کیا گیا ہے، کیونکہ پانسے گندگی جمع ہونے کی جگہ ہیں جو شیطان کے رات گزارنے کے لیے زیادہ مناسب ہیں، لہٰذا انسان کے لیے یہ مناسب ہے کہ اسے صاف کرلے تاکہ اس کے اثرات زائل ہوجائیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 90

【91】

کون سے ناک سنکے

علی (رض) سے روایت ہے کہ انہوں نے وضو کا پانی منگوایا، کلی کی اور ناک میں پانی ڈال کر اسے اپنے بائیں ہاتھ سے تین بار جھاڑا، پھر کہنے لگے : یہ اللہ کے نبی کریم ﷺ کا وضو ہے۔ تخریج دارالدعوہ : سنن ابی داود/الطہارة ٥٠ (١١١، ١١٢، ١١٣) ، (تحفة الأشراف : ١٠٢٠٣) ، وقد أخرجہ : سنن الترمذی/الطہارة ٣٧ (٤٨) ، مسند احمد ١/ ١١٠، ١٢٢، ١٢٣، ١٣٥، ١٣٩، ١٥٤، سنن الدارمی/الطہارة ٣١ (٧٢٨) ، و عبداللہ بن أحمد ١/ ١١٣، ١١٤، ١١٥، ١١٦، ١٢٣، ١٢٤، ١٢٥، ١٢٧، ١٤١، (نیز یہ حدیث مکرر ہے، ملاحظہ ہو : ٩٢، ٩٣، ٩٤) (صحیح ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 91

【92】

وضو میں چہرہ دھونا

عبد خیر کہتے ہیں کہ ہم لوگ علی بن ابی طالب (رض) کے پاس آئے، آپ نماز پڑھ چکے تھے، مگر آپ نے وضو کا پانی طلب کیا، ہم لوگوں نے (دل میں یا آپس میں) کہا : وہ اسے کیا کریں گے ؟ وہ تو نماز پڑھ چکے ہیں، (ایسا کر کے) وہ ہمیں صرف سکھانا چاہتے ہوں گے، چناچہ ایک برتن جس میں پانی تھا، اور ایک طشت لایا گیا، آپ نے برتن سے اپنے ہاتھ پر پانی انڈیلا اور اسے تین مرتبہ دھویا، پھر جس ہتھیلی سے پانی لیتے تھے اسی سے تین مرتبہ کلی کی اور ناک میں پانی ڈالا، پھر چہرہ تین بار دھویا، اور دایاں ہاتھ تین بار دھویا پھر بایاں ہاتھ تین بار اور اپنے سرکا ایک بار مسح کیا، پھر دایاں پیر تین بار دھویا، اور بایاں پیر تین بار دھویا، پھر کہنے لگے : جسے خواہش ہو کہ رسول اللہ ﷺ کا طریقہ وضو معلوم کرے تو وہ یہی ہے۔ تخریج دارالدعوہ : انظر ما قبلہ، (تحفة الأشراف : ١٠٢٠٣) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 92

【93】

چہرہ کتنی مرتبہ دھونا چاہئے؟

علی (رض) سے روایت ہے کہ ان کے پاس ایک کرسی لائی گئی تو وہ اس پر بیٹھے، پھر آپ نے ایک برتن منگوایا جس میں پانی تھا، اپنے دونوں ہاتھ پر تین بار پانی انڈیلا، پھر ایک ہی ہتھیلی سے تین دفعہ کلی کی اور ناک جھاڑی، اور اپنا چہرہ تین بار دھویا، اور اپنے دونوں ہاتھ تین تین بار دھوئے، پھر پانی لے کر اپنے سرکا مسح کیا، (شعبہ - جو حدیث کے راوی ہیں - نے اپنی پیشانی سے اپنے سر کے آخر تک ایک بار مسح کر کے دکھایا، پھر کہا : میں نہیں جانتا کہ ان دونوں کو (گدی سے پیشانی تک) واپس لائے یا نہیں ؟ ) اور اپنے دونوں پیروں کو تین تین بار دھویا، پھر علی (رض) نے کہا : جسے رسول اللہ ﷺ کا طریقہ وضو دیکھنے کی خواہش ہو تو یہی آپ کا وضو ہے۔ تخریج دارالدعوہ : انظر حدیث رقم : ٩١، (تحفة الأشراف : ١٠٢٠٣) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 93

【94】

وضو میں دونوں ہاتھ دھونے کا بیان

عبد خیر کہتے ہیں کہ میں نے علی (رض) کو دیکھا کہ انہوں نے کرسی منگائی، پھر وہ اس پر بیٹھے، پھر ایک برتن میں پانی منگایا، اور اپنے دونوں ہاتھ تین تین بار دھوئے، پھر ایک ہی ہتھیلی سے تین بار کلی کی اور ناک میں پانی ڈالا، پھر تین بار اپنا چہرہ دھویا اور اپنے دونوں ہاتھ تین تین بار دھوئے، پھر برتن میں اپنا ہاتھ ڈبو کر اپنے سر کا مسح کیا، پھر دونوں پیر تین تین بار دھوئے، پھر کہا : جسے خواہش ہو کہ رسول اللہ ﷺ کا وضو دیکھے تو یہی آپ کا وضو ہے۔ تخریج دارالدعوہ : انظر حدیث رقم : ٩١، (تحفة الأشراف : ١٠٢٠٣) (صحیح ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 94

【95】

ترکیب وضو

حسین بن علی (رض) کہتے ہیں کہ میرے والد علی (رض) نے مجھ سے وضو کا پانی مانگا، تو میں نے اسے (وضو کے پانی کو) انہیں لا کردیا، آپ نے وضو کرنا شروع کیا، تو اپنی ہتھیلیوں کو اس سے پہلے کہ انہیں اپنے وضو کے پانی میں داخل کریں تین بار دھویا، پھر تین بار کلی کی اور تین بار (پانی لے کر) ناک جھاڑی، پھر اپنا چہرہ دھویا، پھر دایاں ہاتھ کہنیوں تک تین بار دھویا، پھر بایاں ہاتھ (بھی) اسی طرح دھویا، پھر اپنے سر کا ایک بار مسح کیا، پھر دونوں ٹخنوں تک اپنا دایاں پیر تین بار دھویا، پھر اسی طرح بایاں پیر (دھویا) ، پھر آپ اٹھ کر کھڑے ہوئے، اور کہنے لگے : مجھے (برتن) دو ، چناچہ میں نے وہ برتن بڑھا دیا جس میں ان کے وضو کا بچا ہوا پانی تھا، تو آپ نے وضو کا باقی ماندہ پانی کھڑے ہو کر پیا، تو مجھے تعجب ہوا، جب آپ نے میری طرف دیکھا تو بولے : تعجب نہ کرو، میں نے تمہارے نانا نبی اکرم ﷺ کو اسی طرح کرتے دیکھا ہے جس طرح تم نے مجھے کرتے دیکھا، وہ اپنے اس وضو کے اور اس سے بچے ہوئے پانی کو کھڑے ہو کر پینے کے متعلق کہہ رہے تھے۔ تخریج دارالدعوہ : تفرد بہ النسائي، (تحفة الأشراف : ١٠٠٧٥) ، وقد أخرجہ : سنن ابی داود/الطہارة ٥٠ (عقیب ١١٧) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 95

【96】

وضو میں ہاتھوں کو کتنی مرتبہ دھونا چاہئے؟

ابوحیہ (ابن قیس) کہتے ہیں کہ میں نے علی (رض) کو دیکھا کہ انہوں نے وضو کیا اور اپنی ہتھیلیوں کو دھویا یہاں تک کہ انہیں (خوب) صاف کیا، پھر تین بار کلی کی، اور تین بار ناک میں پانی ڈالا پھر اپنا چہرہ تین بار دھویا، اپنے دونوں ہاتھ تین تین بار دھوئے، پھر اپنے سر کا مسح کیا، پھر اپنے دونوں پاؤں ٹخنوں تک دھوئے، پھر کھڑے ہوئے، اور اپنے وضو کا بچا ہوا پانی لیا اور کھڑے کھڑے پی لیا، پھر کہنے لگے کہ میں نے چاہا کہ میں تم لوگوں کو دکھلاؤں کہ نبی اکرم ﷺ کا وضو کیسا تھا۔ تخریج دارالدعوہ : سنن ابی داود/الطہارة ٥٠ (١١٦) مختصرًا، سنن الترمذی/فیہ ٣٧ (٤٨) ، (تحفة الأشراف : ١٠٣٢١) ، مسند احمد ١/١٢٠، ١٢٥، ١٢٧، ١٤٢، ١٤٨، و عبداللہ بن أحمد ١/١٢٧، ١٥٦، ١٥٧، ١٥٨، ١٦٠، (نیز یہ حدیث مکرر ہے، ملاحظہ ہو : ١١٥) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 96

【97】

ہاتھوں کو دھونے کی حد کا بیان

عمرو بن یحییٰ المازنی کے والد روایت کرتے ہیں کہ انہوں نے عبداللہ بن زید بن عاصم (رض) سے پوچھا۔ وہ ١ ؎ نبی اکرم ﷺ کے اصحاب میں سے ہیں اور (عمرو بن یحییٰ کے دادا ہیں) کہ کیا آپ مجھے دکھا سکتے ہیں کہ رسول اللہ ﷺ کیسے وضو کرتے تھے ؟ تو عبداللہ بن زید (رض) نے کہا : ہاں، پھر انہوں نے پانی منگایا، اور اسے اپنے دونوں ہاتھوں پر انڈیلا، انہیں دو دو بار دھویا، پھر تین بار کلی کی، اور تین بار ناک میں پانی ڈالا، پھر تین بار اپنا چہرہ دھویا، پھر اپنے دونوں ہاتھ دو دو مرتبہ کہنیوں تک دھوئے، پھر اپنے دونوں ہاتھوں سے اپنے سر کا مسح کیا تو انہیں آگے لائے اور پیچھے لے گئے، اپنے سر کے اگلے حصہ سے (مسح) شروع کیا پھر انہیں اپنی گدی تک لے گئے، پھر جس جگہ سے شروع کیا تھا وہیں انہیں لوٹا لائے، پھر اپنے دونوں پاؤں دھوئے۔ تخریج دارالدعوہ : صحیح البخاری/الوضوء ٣٨ (١٨٥) ، ٣٩ (١٨٦) ، ٤١ (١٩١) ، ٤٢ (١٩٢) ، ٤٥ (١٩٧) ، ٤٦ (١٩٩) ، صحیح مسلم/الطہارة ٧ (٢٣٥) ، سنن ابی داود/فیہ ٤٧ (١٠٠) ، ٥٠ (١١٨، ١١٩) ، سنن الترمذی/فیہ ٢٢ (٢٨) ، ٢٤ (٣٢) ، ٣٦ (٤٧) ، سنن ابن ماجہ/فیہ ٤٣ (٤٠٥) ، ٦١ (٤٧١) ، ٥١ (٤٣٤) ، (تحفة الأشراف : ٥٣٠٨) ، موطا امام مالک/فیہ ١ (١) ، مسند احمد ٤/٣٨، ٣٩، ٤٠، ٤٢، سنن الدارمی/الطہارة ٢٧ (٧٠٠) ، ویأتي عند المؤلف بأرقام : ٩٨، ٩٩ (صحیح ) وضاحت : ١ ؎: بظاہر ایسا لگتا ہے کہ وہ کی ضمیر عبداللہ بن زید بن عاصم کی طرف لوٹ رہی ہے، لیکن فی الواقع ایسا نہیں ہے کیونکہ عمرو بن یحییٰ کے دادا کا نام عمارہ ہے جیسا کہ دوسری روایات سے ظاہر ہے، اس لیے صحیح یہ ہے کہ ضمیر سائل (عمارہ یا عمرو) کی طرف لوٹتی ہے نہ کہ مسئول کی طرف، صحیح بخاری میں اس کی صراحت موجود ہے کہ سائل یحییٰ نہیں بلکہ عمارہ یا عمرو ہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 97

【98】

سر پر مسح کی کیفیت کا بیان

یحییٰ سے روایت ہے کہ انہوں نے (ان کے باپ عمارہ نے) عبداللہ بن زید بن عاصم (رض) سے کہا - (وہ عمرو بن یحییٰ کے دادا ہیں) کیا آپ مجھے دکھا سکتے ہیں کہ رسول اللہ ﷺ کیسے وضو کرتے تھے ؟ عبداللہ بن زید (رض) نے کہا : جی ہاں ! چناچہ انہوں نے پانی منگایا، اور اپنے دائیں ہاتھ پر انڈیل کر اپنے دونوں ہاتھ دو دو بار دھوئے، پھر تین بار کلی کی، اور ناک میں پانی ڈالا، پھر اپنا چہرہ تین بار دھویا، پھر اپنے دونوں ہاتھ دو دو مرتبہ کہنیوں تک دھوئے، پھر اپنے دونوں ہاتھوں سے اپنے سر کا مسح کیا، ان کو آگے لائے اور پیچھے لے گئے، اپنے سر کے اگلے حصہ سے (مسح) شروع کیا، پھر انہیں اپنی گدی تک لے گئے، پھر انہیں واپس لے آئے یہاں تک کہ اسی جگہ لوٹا لائے جہاں سے شروع کیا تھا، پھر اپنے دونوں پاؤں دھوئے۔ تخریج دارالدعوہ : انظر ما قبلہ، (تحفة الأشراف : ٥٣٠٨) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 98

【99】

سر پر کتنی مرتبہ مسح کرنا چاہئے؟

عبداللہ بن زید (رض) (جنہیں خواب میں کلمات اذان بتلائے گئے تھے ١ ؎) کہتے ہیں کہ میں نے رسول اللہ ﷺ کو دیکھا آپ نے وضو کیا، تو اپنا چہرہ تین بار اور اپنے دونوں ہاتھ دو بار دھوئے، اور اپنے دونوں پاؤں دو بار دھوئے، اور دو بار ٢ ؎ اپنے سر کا مسح کیا۔ تخریج دارالدعوہ : انظر حدیث رقم : ٩٧، (تحفة الأشراف : ٥٣٠٨) (شاذ ) وضاحت : ١ ؎: الذي أرى الندائ یہ راوی کی غلطی ہے، اس لیے کہ وضو والی حدیث کے راوی عبداللہ بن زید بن عاصم مازنی (رض) ہیں، اور اذان والی حدیث کے راوی عبداللہ بن زید بن عبدربہ (رض) ہیں، اس لیے اس سند میں زید بن عاصم مازنی (رض) مراد ہیں۔ ٢ ؎: دو بار سے مراد پیچھے سے آگے لانا، اور آگے سے پیچھے لے جانا ہے، یہ فی الواقع ایک ہی مسح ہے، راوی نے اس کی ظاہری شکل دیکھ کر اس کی تعبیر مرتین (دو بار) سے کردی ہے۔ قال الشيخ الألباني : شاذ صحيح وضعيف سنن النسائي الألباني : حديث نمبر 99

【100】

عورت کے مسح کرنے کا بیان

ابوعبداللہ سالم سبلان کہتے ہیں کہ ام المؤمنین عائشہ رضی اللہ عنہا ان کی امانت پر تعجب کرتی تھیں، اور ان سے اجرت پر کام لیتی تھیں، چناچہ آپ رضی اللہ عنہا نے مجھے دکھایا کہ رسول اللہ ﷺ کیسے وضو کرتے تھے ؟ چناچہ آپ رضی اللہ عنہا نے تین بار کلی کی، اور ناک جھاڑی اور تین بار اپنا چہرہ دھویا، پھر تین بار اپنا دایاں ہاتھ دھویا، اور تین بار بایاں، پھر اپنا ہاتھ اپنے سر کے اگلے حصہ پر رکھا، اور اپنے سر کا اس کے پچھلے حصہ تک ایک بار مسح کیا، پھر اپنے دونوں ہاتھوں کو اپنے دونوں کانوں پر پھیرا، پھر دونوں رخساروں پر پھیرا، سالم کہتے ہیں : میں بطور مکاتب (غلام) کے ان کے پاس آتا تھا اور آپ مجھ سے پردہ نہیں کرتی تھیں، میرے سامنے بیٹھتیں اور مجھ سے گفتگو کرتی تھیں، یہاں تک کہ ایک دن میں ان کے پاس آیا، اور ان سے کہا : ام المؤمنین ! میرے لیے برکت کی دعا کر دیجئیے، وہ بولیں : کیا بات ہے ؟ میں نے کہا : اللہ نے مجھے آزادی دے دی ہے، انہوں نے کہا : اللہ تعالیٰ تمہیں برکت سے نوازے، اور پھر آپ نے میرے سامنے پردہ لٹکا دیا، اس دن کے بعد سے میں نے انہیں نہیں دیکھا۔ تخریج دارالدعوہ : تفرد بہ النسائي، (تحفة الأشراف : ١٦٠٩٣) (صحیح ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 100

【101】

کانوں کے مسح سے متعلق

عبداللہ بن عباس رضی اللہ عنہم کہتے ہیں کہ میں نے رسول اللہ ﷺ کو دیکھا کہ آپ نے وضو کیا، تو اپنے دونوں ہاتھ دھوئے، پھر ایک ہی چلو سے کلی کی، اور ناک میں پانی ڈالا ١ ؎، اور اپنا چہرہ دھویا، اور اپنے دونوں ہاتھ ایک ایک بار دھوئے، اور اپنے سر اور اپنے دونوں کانوں کا ایک بار مسح کیا۔ تخریج دارالدعوہ : صحیح البخاری/الوضوء ٧ (١٤٠) ، سنن ابی داود/الطہارة ٥٢ (١٣٧) مطولاً ، سنن الترمذی/الطہارة ٢٨ (٣٦) مختصرًا، سنن ابن ماجہ/الطہارة ٤٣ (٤٠٣) مختصرًا، ٥٢ (٤٣٩) مختصرًا، (تحفة الأشراف : ٥٩٧٨) ، مسند احمد ١/٢٦٨، ٣٦٥، ٧٠٣، سنن الدارمی/الطہارة ٢٩ (٧٢٣، ٧٢٤) مختصرًا (نیز یہ حدیث مکرر ہے، ملاحظہ ہو : ١٠٢) (صحیح ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 101

【102】

کانوں کا سر کے ساتھ مسح کرنا اور ان کے سر کے حکم میں شامل ہونے سے متعلق

عبداللہ بن عباس رضی اللہ عنہم کہتے ہیں کہ رسول اللہ ﷺ نے وضو کیا، تو آپ نے ایک چلو پانی لیا، اور کلی کی، اور ناک میں ڈالا، پھر دوسرا چلو لیا، اور اپنا چہرہ دھویا، پھر ایک اور چلو لیا، اور اپنا دایاں ہاتھ دھویا، پھر ایک اور چلو لیا، اور اپنا بایاں ہاتھ دھویا، پھر اپنے سر اور اپنے دونوں کانوں کے اندرونی حصہ کا شہادت کی انگلی سے، اور ان دونوں کے بیرونی حصہ کا انگوٹھے سے مسح کیا، پھر ایک اور چلو لیا، اور اپنا دایاں پاؤں دھویا، پھر ایک اور چلو لیا، اور اپنا بایاں پاؤں دھویا۔ تخریج دارالدعوہ : انظر رقم : ١٠١، (تحفة الأشراف : ٥٩٧٨) (حسن صحیح ) قال الشيخ الألباني : حسن صحيح صحيح وضعيف سنن النسائي الألباني : حديث نمبر 102

【103】

کانوں کا سر کے ساتھ مسح کرنا اور ان کے سر کے حکم میں شامل ہونے سے متعلق

عبداللہ صنابحی (رض) سے روایت ہے کہ رسول اللہ ﷺ نے فرمایا : جب بندہ مومن وضو کرتے ہوئے کلی کرتا ہے تو اس کے منہ کے گناہ نکل جاتے ہیں، جب ناک جھاڑتا ہے تو اس کی ناک کے گناہ نکل جاتے ہیں، جب اپنا چہرہ دھوتا ہے تو اس کے چہرے کے گناہ نکل جاتے ہیں، یہاں تک کہ وہ اس کی دونوں آنکھ کے پپوٹوں سے نکلتے ہیں، پھر جب اپنے دونوں ہاتھ دھوتا ہے تو اس کے ہاتھ کے گناہ نکل جاتے ہیں یہاں تک کہ اس کے دونوں ہاتھ کے ناخنوں کے نیچے سے نکلتے ہیں، پھر جب اپنے سر کا مسح کرتا ہے تو گناہ اس کے سر سے نکل جاتے ہیں یہاں تک کہ وہ اس کے دونوں کانوں سے نکل جاتے ہیں پھر جب وہ اپنے دونوں پاؤں دھوتا ہے تو اس کے دونوں پاؤں سے گناہ نکل جاتے ہیں یہاں تک کہ اس کے دونوں پاؤں کے ناخن کے نیچے سے نکلتے ہیں، پھر اس کا مسجد تک جانا اور اس کا نماز پڑھنا اس کے لیے نفل ہوتا ہے ۔ قتیبہ کی روایت میں عن الصنابحي أن رسول اللہ رسول اللہ صلى اللہ عليه وسلم قال کے بجائے عن الصنابحي أن النبي صلى اللہ عليه وسلم قال ہے۔ تخریج دارالدعوہ : سنن ابن ماجہ/الطہارة ٦ (٢٨٢) ، موطا امام مالک/فیہ ٦ (٣٠) ، (تحفة الأشراف : ٩٦٧٧) ، مسند احمد ٤/٣٤٨، ٣٤٩ (صحیح ) وضاحت : گناہ نکل جاتے ہیں اس سے مراد صغائر (گناہ صغیرہ) ہیں نہ کہ کبائر (گناہ کبیرہ) اس لیے کہ کبائر بغیر توبہ کے معاف نہیں ہوتے۔ مصنف نے اس بات پر استدلال کیا ہے کہ دونوں کان سر ہی کا حصہ ہیں کیونکہ سر پر مسح کرنے سے دونوں کانوں سے خطاؤں کا نکلنا اسی صورت میں صحیح ہوگا جب وہ سر ہی کا حصہ ہوں، اس باب میں مصنف کو الأذنان من الرأس والی مشہور روایت ذکر کرنی چاہیئے تھی لیکن مصنف نے اس سے صرف نظر کیا کیونکہ بعض لوگوں نے کہا ہے کہ حماد کو اس روایت کے سلسلہ میں شک ہے کہ یہ مرفوع ہے یا موقوف، نیز اس کی سند بھی قوی نہیں ہے، گرچہ متعدد طرق سے مروی ہونے کی وجہ سے حسن درجہ کو پہنچ گئی ہے، مصنف کا اس روایت سے اعراض کر کے مذکورہ بالا روایت سے استدلال کرنا ان کی دقت نظری کی دلیل ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 103

【104】

عمامہ پر مسح سے متعلق

بلال (رض) کہتے ہیں کہ میں نے نبی اکرم ﷺ کو چمڑے کے موزوں اور پگڑی پر مسح کرتے ہوئے دیکھا۔ تخریج دارالدعوہ : صحیح مسلم/الطہارة ٢٣ (٢٧٥) ، سنن الترمذی/فیہ ٧٥ (١٠١) ، سنن ابن ماجہ/فیہ ٨٩ (٥٦١) ، (تحفة الأشراف : ٢٠٤٧) ، مسند احمد ٦/١٢، ١٣، ١٤، ١٥ (صحیح ) وضاحت : ١ ؎: حدیث میں لفظ خمار آیا ہے اس سے مراد پگڑی ہی ہے، اس لیے کہ خمار کے معنی ہیں جس سے سر ڈھانپا جائے اور مرد اپنا سر پگڑی ہی سے ڈھانپتا ہے لہٰذا یہاں پگڑی ہی مراد ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 104

【105】

عمامہ پر مسح سے متعلق

بلال (رض) کہتے ہیں کہ میں نے رسول اللہ ﷺ کو دونوں موزوں پر مسح کرتے ہوئے دیکھا۔ تخریج دارالدعوہ : تفرد بہ النسائی، مسند احمد ٦/١٥، (تحفة الأشراف : ٢٠٣٢) (صحیح ) قال الشيخ الألباني : سكت عنه الشيخ صحيح وضعيف سنن النسائي الألباني : حديث نمبر 105

【106】

عمامہ پر مسح سے متعلق

بلال (رض) کہتے ہیں کہ میں نے رسول اللہ ﷺ کو پگڑی اور چمڑے کے دونوں موزوں پر مسح کرتے ہوئے دیکھا۔ تخریج دارالدعوہ : تفرد بہ النسائی، (تحفة الأشراف : ٢٠٤٣) ، مسند احمد ٦/١٣، ١٤، ١٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 106

【107】

پیشانی اور عمامے پر مسح کرنے کے متعلق

مغیرہ (رض) سے روایت ہے کہ رسول اللہ ﷺ نے وضو کیا تو آپ ﷺ نے اپنی پیشانی، پگڑی اور چمڑے کے موزوں پر مسح کیا۔ تخریج دارالدعوہ : صحیح مسلم/الطہارة ٢٣ (٢٧٤) ، سنن ابی داود/فیہ ٥٩ (١٥٠، ١٥١) ، سنن الترمذی/فیہ ٧٥ (١٠٠) ، (تحفة الأشراف : ١١٤٩٤) ، مسند احمد ٤/٢٥٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 107

【108】

پیشانی اور عمامے پر مسح کرنے کے متعلق

مغیرہ بن شعبہ (رض) کہتے ہیں کہ رسول اللہ ﷺ (کسی سفر میں) لشکر سے پیچھے ہوگئے، تو میں بھی آپ کے ساتھ پیچھے ہوگیا، تو جب آپ قضائے حاجت سے فارغ ہوئے تو پوچھا : کیا تمہارے پاس پانی ہے ؟ تو میں لوٹے میں پانی لے کر آپ کے پاس آیا، تو آپ نے اپنی دونوں ہتھیلیاں دھوئیں اور اپنا چہرہ دھویا، پھر آپ اپنے دونوں بازؤوں کو کھولنے لگے تو جبہ کی آستین تنگ ہوگئی، تو آپ نے (ہاتھ کو اندر سے نکالنے کے بعد) اسے (آستین کو) اپنے دونوں کندھوں پر ڈال لیا، پھر اپنے دونوں بازو دھوئے، اور اپنی پیشانی، پگڑی اور موزوں پر مسح کیا۔ تخریج دارالدعوہ : صحیح مسلم/الطہارة ٢٣ (٢٧٤) ، سنن ابن ماجہ/إقامة الصلاة ١٤٣ (١٢٣٦) ، (تحفة الأشراف : ١١٤٩٥) ، موطا امام مالک/الطہارة ٨ (٤٢) ، مسند احمد ٤/٢٤٨، ٢٥١، سنن الدارمی/الصلاة ٨١ (١٣٧٥) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 108

【109】

عمامہ پر مسح کرنے کی کیفیت

مغیرہ بن شعبہ (رض) کہتے ہیں : دو باتیں ایسی ہیں کہ میں ان کے متعلق کسی سے نہیں پوچھتا، اس کے بعد کہ میں نے خود رسول اللہ ﷺ کو انہیں کرتے ہوئے دیکھ لیا ہے، (پہلی چیز یہ ہے کہ) ایک سفر میں ہم آپ ﷺ کے ساتھ تھے، تو آپ قضائے حاجت کے لیے جنگل کی طرف نکلے، پھر واپس آئے تو آپ نے وضو کیا، اور اپنی پیشانی اور پگڑی کے دونوں جانب کا مسح کیا، اور اپنے دونوں موزوں پر مسح کیا، (دوسری چیز) حاکم کا اپنی رعایا میں سے کسی آدمی کے پیچھے نماز پڑھنا ہے، میں نے رسول اللہ ﷺ کو دیکھا، آپ ایک سفر میں تھے کہ نماز کا وقت ہوگیا، اور نبی اکرم ﷺ رکے رہ گئے، چناچہ لوگوں نے نماز کھڑی کردی اور ابن عوف (رض) کو آگے بڑھا دیا، انہوں نے نماز پڑھائی، پھر رسول اللہ ﷺ تشریف لائے، اور ابن عوف (رض) کے پیچھے جو نماز باقی رہ گئی تھی پڑھی، جب ابن عوف (رض) نے سلام پھیرا تو نبی اکرم ﷺ کھڑے ہوئے، اور جس قدر نماز فوت ہوگئی تھی اسے پوری کی۔ تخریج دارالدعوہ : تفرد بہ النسائي، (تحفة الأشراف : ١١٥٢١) بھذا الإسناد، وأما بغیر ھذا الإسناد، ومطولا ومختصرا فقد أخرجہ کل من : صحیح البخاری/الوضوء ٣٥ (١٨٢) ، و ٤٨ (٢٠٣) ، الصلاة ٧ (٣٦٣) ، الجہاد ٩٠ (٢٩١٨) ، المغازي ٨١ (٤٤٢١) ، اللباس ١٠ (٥٧٩٨) ، ١١ (٥٧٩٩) ، صحیح مسلم/الطہارة ٢٢، (٢٧٤) ، سنن ابی داود/فیہ ٥٩ (١٤٩) ، سنن الترمذی/فیہ ٧٢ (٩٧) ، ٧٥ (١٠٠) ، سنن ابن ماجہ/فیہ ٨٤ (٥٤٥) ، موطا امام مالک/فیہ ٨ (٤١) ، مسند احمد ٤/٢٤٤، ٢٤٥، ٢٤٦، ٢٤٧، ٢٤٨، ٢٤٩، ٢٥٠، ٢٥١، ٢٥٢، ٢٥٣، ٢٥٥، سنن الدارمی/الطہارة ٤١ (٧٤٠) ، وتقدم عند المؤلف (بأرقام : ٧٩، ٨٢، ١٠٧، ١٠٨) ، ویأتي عندہ (برقم : ١٢٥) (صحیح ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 109

【110】

پاؤں دھونے کے واجب ہونے کے متعلق

ابوہریرہ (رض) کہتے ہیں کہ ابوالقاسم ﷺ نے فرمایا : (وضو میں) ایڑی دھونے میں کوتاہی کرنے والوں کے لیے جہنم کی تباہی ہے ١ ؎۔ تخریج دارالدعوہ : صحیح البخاری/الوضوء ٢٩ (١٦٥) ، صحیح مسلم/الطہارة ٩ (٢٤٢) ، قد أخرجہ : سنن الترمذی/الطہارة ٣١ (٤١) ، سنن ابن ماجہ/فیہ ٥٥ (٤٥٣) ، (تحفة الأشراف : ١٤٣٨١) ، مسند احمد ٢/٢٣١، ٢٨٢، ٢٨٤، ٣٨٩، ٤٠٦، ٤٠٩، ٤٣٠، ٤٧١، ٤٨٢، ٤٩٧، ٤٩٨، سنن الدارمی/الطہارة ٣٥ (٧٣٤) (صحیح ) وضاحت : ١ ؎: اس حدیث سے ان لوگوں کی تردید ہوتی ہے جو پاؤں کے مسح کو کافی سمجھتے ہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 110

【111】

پاؤں دھونے کے واجب ہونے کے متعلق

عبداللہ بن عمرو رضی اللہ عنہم کہتے ہیں کہ رسول اللہ ﷺ نے کچھ لوگوں کو وضو کرتے دیکھا، تو دیکھا کہ ان کی ایڑیاں (خشک ہونے کی وجہ سے) چمک رہی تھیں، تو آپ ﷺ نے فرمایا : وضو میں ایڑیوں کے دھونے میں کوتاہی کرنے والوں کے لیے جہنم کی تباہی ہے، وضو کامل طریقہ سے کرو ۔ تخریج دارالدعوہ : صحیح مسلم/الطہارة ٩ (٢٤١) ، سنن ابی داود/فیہ ٤٦ (٩٧) ، سنن ابن ماجہ/فیہ ٥٥ (٤٥٠) ، (تحفة الأشراف : ٨٩٣٦) ، وقد أخرجہ : صحیح البخاری/العلم ٣ (٦٠) ، و ٣٠ (٩٦) ، الوضوء ٢٧ (١٦٣) ، مسند احمد ٢/١٦٤، ١٩٣، ٢٠١، ٢٠٥، ٢١١، ٢٢٦، سنن الدارمی/الطہارة ٣٥ (٧٣٣) ، ویأتي عندالمؤلف برقم : ١٤٢ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 111

【112】

وضو میں کون سے پاؤں کو پہلے دھونا چاہئے؟

ام المؤمنین عائشہ رضی اللہ عنہا ذکر کرتی ہیں کہ رسول اللہ ﷺ اپنے وضو کرنے میں، جوتا پہننے میں، اور کنگھی کرنے میں طاقت بھر داہنی جانب کو پسند کرتے تھے۔ شعبہ کہتے ہیں : پھر میں نے اشعث سے مقام واسط میں سنا وہ کہہ رہے تھے کہ آپ ﷺ اپنے تمام امور کو داہنے سے شروع کرنے کو پسند فرماتے تھے، پھر میں نے کوفہ میں انہیں کہتے ہوئے سنا کہ آپ حتیٰ المقدور داہنے سے شروع کرنے کو پسند کرتے تھے ١ ؎۔ تخریج دارالدعوہ : صحیح البخاری/الوضوء ٣١ (١٦٨) ، الصلاة ٤٧ (٤٢٦) ، الأطعمة ٥ (٥٣٨٠) ، اللباس ٣٨ (٥٨٥٤) ، و ٧٧ (٥٩٢٦) ، صحیح مسلم/الطہارة ١٩ (٢٦٨) ، سنن ابی داود/اللباس ٤٤ (٤١٤٠) ، سنن الترمذی/الصلاة ٣١٦ (٦٠٨) ، ١٠ (٨٠) ، سنن ابن ماجہ/الطہارة ٤٢ (٤٠١) ، (تحفة الأشراف : ١٧٦٥٧) ، مسند احمد ٦/٩٤، ١٣٠، ١٤٧، ١٨٧، ١٨٨، ٢٠٢، ٢١٠، ویأتي عند المؤلف بأرقام : ٤٢١، ٥٠٦٢، ٥٢٤٢ (صحیح ) وضاحت : ١ ؎: شعبہ کے اس قول کا ماحصل یہ ہے کہ میں نے اس روایت کو اشعث سے درج ذیل تینوں طرح سے سنا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 112

【113】

دونوں پاؤں کو ہاتھوں سے دھونے سے متعلق

عمارہ کہتے ہیں : مجھ سے قیسی (رض) نے بیان کیا کہ وہ رسول اللہ ﷺ کے ساتھ ایک سفر میں تھے، آپ کے پاس پانی لایا گیا تو آپ نے اسے برتن سے اپنے دونوں ہاتھوں پر پانی ڈالا ١ ؎ اور انہیں ایک بار دھویا، پھر اپنے چہرے اور دونوں بازؤوں کو ایک ایک بار دھویا، پھر اپنے دونوں ہاتھوں سے اپنے دونوں پیروں کو دھویا۔ تخریج دارالدعوہ : تفرد بہ النسائي، (تحفة الأشراف : ١٥٦٤٨) (ضعیف الإسناد) (اس کے راوی ‘’ عمارہ بن عثمان بن حنیف “ لین الحدیث ہیں ) وضاحت : ١ ؎: حدیث میں فقال على يديه وارد ہے عرب قول کو مختلف افعال و اعمال کے لیے استعمال کرتے ہیں مثلاً قال بيده سے لیا قال برجله سے چلا اور قالت له العينان سے اشارہ کیا مراد لیتے ہیں، اسی طرح قال على يديه من الإنائ سے برتن سے پانی دونوں ہاتھوں پر انڈیلا مراد ہے۔ قال الشيخ الألباني : ضعيف الإسناد صحيح وضعيف سنن النسائي الألباني : حديث نمبر 113

【114】

انگلیوں کے درمیان خلال کرنے سے متعلق

لقیط بن صبرہ (رض) کہتے ہیں کہ رسول اللہ ﷺ نے فرمایا : جب تم وضو کرو تو کامل وضو کرو، اور انگلیوں کے درمیان خلال کرو ۔ تخریج دارالدعوہ : (تحفة الأشراف : ١١١٧٢) (صحیح) (یہ حدیث مکرر ہے، ملاحظہ ہو : ٨٧ ) قال الشيخ الألباني : صحيح صحيح وضعيف سنن النسائي الألباني : حديث نمبر 114

【115】

کتنی مرتبہ پاؤں دھونا چاہئے

ابوحیہ وادعی کہتے ہیں کہ میں نے علی (رض) کو دیکھا، انہوں نے وضو کیا تو اپنے دونوں پہنچوں کو تین بار دھویا، تین بار کلی کی اور ناک میں پانی ڈالا، تین بار اپنا چہرہ اور تین تین بار اپنے دونوں بازو دھوئے، اور اپنے سر کا مسح کیا، اور تین تین بار اپنے دونوں پاؤں دھوئے، پھر کہا : یہی رسول اللہ ﷺ کا وضو ہے۔ تخریج دارالدعوہ : (یہ حدیث مکرر ہے، ملاحظہ ہو : ٩٦) ، (تحفة الأشراف : ١٠٣٢١) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 115

【116】

دھونے کی حد سے متعلق

حمران مولی عثمان سے روایت ہے کہ عثمان (رض) عنہ نے وضو کا پانی مانگا، اور وضو کیا، تو انہوں نے اپنے دونوں ہتھیلی تین بار دھو لی، پھر کلی کی اور ناک میں پانی ڈالا، پھر اپنا چہرہ تین بار دھویا، پھر اپنا دایاں ہاتھ کہنی تک تین بار دھویا، پھر اسی طرح اپنا بایاں ہاتھ دھویا، پھر اپنے سر کا مسح کیا، پھر اپنا دایاں پاؤں ٹخنے تک تین بار دھویا، پھر اسی طرح بایاں پاؤں دھویا، پھر کہا : میں نے رسول اللہ ﷺ کو دیکھا کہ آپ نے میرے اسی وضو کی طرح وضو کیا، پھر کہا کہ رسول اللہ ﷺ نے فرمایا : جو میرے اس وضو کی طرح وضو کرے، پھر کھڑے ہو کر دو رکعت نماز پڑھے، اور اپنے دل میں دوسرے خیالات نہ لائے تو اس کے گزشتہ گناہ معاف کردیئے جائیں گے ١ ؎۔ تخریج دارالدعوہ : (یہ حدیث مکرر ہے، ملاحظہ ہو : ٨٤، ٨٥) ، (تحفة الأشراف : ٩٧٩٤) (صحیح ) وضاحت : ١ ؎: یہ حدیث اس بات پر دلالت کرتی ہے کہ ہاتھ کہنی تک اور پیر ٹخنے تک دھویا جائے، اور سر کے مسح کے علاوہ سارے اعضاء تین تین بار دھوئے جائیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 116

【117】

جو توں میں وضو سے متعلق یعنی جوتے پہن کر وضو کرنا؟

عبید بن جریج کہتے ہیں : میں نے ابن عمر رضی اللہ عنہا سے کہا کہ میں دیکھتا ہوں کہ آپ چمڑے کی ان سبتی جوتوں کو پہنتے ہیں، اور اسی میں وضو کرتے ہیں ؟ ١ ؎ تو انہوں نے کہا کہ میں نے رسول اللہ ﷺ کو انہیں پہنتے اور ان میں وضو کرتے ہوئے دیکھا ہے، سبتی جوتوں سے مراد بالوں کے بغیر نری کے چمڑے کی جوتیاں ہیں۔ تخریج دارالدعوہ : صحیح البخاری/الوضوء ٣٠ (١٦٦) مطولاً ، اللباس ٣٧ (٥٨٥١) مطولاً ، صحیح مسلم/الحج ٥ (١١٨٧) ، سنن ابی داود/الحج ٢١ (١٧٧٢) مطولاً ، سنن الترمذی/الشمائل ١٠ (٧٤) ، سنن ابن ماجہ/اللباس ٣٤ (٣٦٢٦) ، موطا امام مالک/الحج ٩ (٣١) ، مسند احمد ٢/١٧، ٦٦، ١١٠، ١٣٨ (تحفة الأشراف : ٧٣١٦) (صحیح) (یہ حدیث مکرر ہے، ملاحظہ ہو : ٢٧٦١، ٢٩٥٣، ٥٢٤٥ ) وضاحت : ١ ؎: یہاں وضو سے مراد پاؤں دھونا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 117

【118】

موزوں پر مسح کرنے سے متعلق

جریر بن عبداللہ (رض) سے روایت ہے کہ انہوں نے وضو کیا، اور اپنے دونوں موزوں پر مسح کیا، تو ان سے کہا گیا : کیا آپ مسح کرتے ہیں ؟ اس پر انہوں نے کہا : میں نے رسول اللہ ﷺ کو مسح کرتے دیکھا ہے۔ تخریج دارالدعوہ : صحیح البخاری/الصلاة ٢٥ (٣٨٧) ، صحیح مسلم/الطہارة ٢٢ (٢٧٢) ، سنن الترمذی/فیہ ٧٠ (٩٣) ، سنن ابن ماجہ/فیہ ٨٤ (٥٤٣) ، (تحفة الأشراف : ٣٢٣٥) ، وقد أخرجہ : سنن ابی داود/فیہ ٥٩ (١٥٤) ، مسند احمد ٤/٣٥٨، ٣٦١، ٣٦٤، ویأتي عند المؤلف برقم : ٧٧٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 118

【119】

موزوں پر مسح کرنے سے متعلق

عمرو بن امیہ ضمری (رض) سے روایت ہے کہ انہوں نے رسول اللہ ﷺ کو دیکھا کہ آپ نے وضو کیا، اور دونوں موزوں پر مسح کیا۔ تخریج دارالدعوہ : صحیح البخاری/الوضوء ٤٨ (٢٠٤، ٢٠٥) ، سنن ابن ماجہ/الطہارة ٨٩ (٥٦٢) ، (تحفة الأشراف : ١٠٧٠١) ، مسند احمد ٤/١٣٩، ١٧٩، و ٥/٢٨٧، ٢٨٨، سنن الدارمی/الطہارة ٣٨ (٧٣٧) ، بزیادة ” العمامة “ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 119

【120】

موزوں پر مسح کرنے سے متعلق

اسامہ بن زید رضی اللہ عنہا کہتے ہیں کہ رسول اللہ ﷺ اور بلال (رض) اسواف ١ ؎ میں داخل ہوئے، تو آپ قضائے حاجت کے لیے تشریف لے گئے، پھر نکلے، اسامہ (رض) کہتے ہیں کہ تو میں نے بلال (رض) سے دریافت کیا : آپ ﷺ نے کیا کیا ؟ بلال (رض) نے کہا کہ نبی اکرم ﷺ قضائے حاجت کے لیے تشریف لے گئے، پھر آپ ﷺ نے وضو کیا، چناچہ اپنا چہرہ اور اپنے دونوں ہاتھ دھوئے، اور اپنے سر کا مسح کیا، اور دونوں موزوں پر مسح کیا، پھر نماز ادا کی۔ تخریج دارالدعوہ : تفرد بہ النسائي، (تحفة الأشراف : ٢٠٣٠) (حسن صحیح) (صحیح موارد الظمآن ١٥١ ) وضاحت : ١ ؎: اسواف حرم مدینہ کو کہتے ہیں۔ اور مدینہ میں ایک مقام کا نام بھی اسواف ہے۔ قال الشيخ الألباني : حسن الإسناد صحيح وضعيف سنن النسائي الألباني : حديث نمبر 120

【121】

موزوں پر مسح کرنے سے متعلق

سعد بن ابی وقاص (رض) رسول اللہ ﷺ سے روایت کرتے ہیں کہ آپ نے دونوں موزوں پر مسح کیا۔ تخریج دارالدعوہ : صحیح البخاری/الوضوء ٤٨ (٢٠٢) ، (تحفة الأشراف : ٣٨٩٩) ، وقد أخرجہ : سنن ابن ماجہ/الطہارة ٨٤ (٥٤٦) ، مسند احمد ١/١٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 121

【122】

موزوں پر مسح کرنے سے متعلق

سعد بن ابی وقاص (رض) نے رسول اللہ ﷺ سے موزوں پر مسح کے متعلق روایت کی ہے کہ اس میں کوئی حرج نہیں ہے۔ تخریج دارالدعوہ : انظر ما قبلہ (صحیح الاسناد ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 122

【123】

موزوں پر مسح کرنے سے متعلق

مغیرہ بن شعبہ (رض) کہتے ہیں کہ نبی اکرم ﷺ قضائے حاجت کے لیے نکلے، جب آپ لوٹے تو میں ایک لوٹے میں پانی لے کر آپ سے ملا، اور میں نے (اسے) آپ پر ڈالا، تو آپ ﷺ نے اپنے دونوں ہاتھ دھوئے، پھر اپنا چہرہ دھویا، پھر آپ اپنے دونوں بازو دھونے چلے تو جبہ تنگ پڑگیا، تو آپ نے انہیں جبے کے نیچے سے نکالا اور انہیں دھویا، پھر اپنے دونوں موزوں پر مسح کیا، پھر ہمیں نماز پڑھائی، ( پھر ہمیں نماز پڑھائی کا ٹکڑا صحیح نہیں ہے، جیسا کہ اوپر بیان ہوا) ۔ تخریج دارالدعوہ : صحیح البخاری/الصلاة ٧ (٣٦٣) ، ٢٥ (٣٨٨) مختصراً ، الجہاد ٩٠ (٢٩١٨) ، اللباس ١٠ (٥٧٩٨) ، صحیح مسلم/الطہارة ٢٣ (٢٧٤) ، سنن ابن ماجہ/الطہارة ٣٩ (٣٨٩) ، مسند احمد ٤/ ٢٤٧، ٢٥٠، (تحفة الأشراف : ١١٥٢٨) (صحیح الاسناد) (لیکن ” صلى بنا “ کا ٹکڑا صحیح نہیں ہے کیونکہ اس قصہ میں نبی اکرم صلی الله علیہ وسلم نے عبدالرحمن بن عوف (رض) کے پیچھے صلاة پڑھی تھی ) قال الشيخ الألباني : صحيح الإسناد م لکن قوله بنا خطأ لأنه صلى الله عليه وسلم کان مقتديا بابن عوف في هذه القصة صحيح وضعيف سنن النسائي الألباني : حديث نمبر 123

【124】

موزوں پر مسح کرنے سے متعلق

مغیرہ بن شعبہ (رض) کہتے ہیں کہ رسول اللہ ﷺ قضائے حاجت کے لیے نکلے، مغیرہ ایک برتن لے کر جس میں پانی تھا آپ ﷺ کے پیچھے پیچھے گئے، اور آپ پر پانی ڈالا، یہاں تک ١ ؎ کہ آپ اپنی حاجت سے فارغ ہوئے، پھر وضو کیا، اور دونوں موزوں پر مسح کیا ٢ ؎۔ تخریج دارالدعوہ : (تحفة الأشراف : ١١٥١٤) (صحیح) (یہ حدیث مکرر ہے، ملاحظہ ہو : ٧٩ ) وضاحت : ١ ؎: مسلم کی روایت میں حتیٰ فرغ من حاجتہ کے بجائے حین فرغ من حاجتہ ہے یعنی جب آپ ﷺ حاجت سے فارغ ہوئے تو میں نے آپ پر پانی ڈالا تو آپ نے وضو کیا، اس کی رو سے حتی کا لفظ راوی کا سہو ہے، صحیح حین ہے، اور نووی نے تاویل یہ کی ہے کہ یہاں حاجت سے مراد وضو ہے، لیکن اس صورت میں اس کے بعد فتوضأ کا جملہ بےموقع ہوگا۔ ٢ ؎: اس حدیث سے وضو میں تعاون لینے کا جواز ثابت ہوا، جن حدیثوں میں تعاون لینے کی ممانعت آئی ہے وہ حدیثیں صحیح نہیں ہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 124

【125】

جراب اور جوتوں پر مسح سے متعلق

مغیرہ بن شعبہ (رض) سے روایت ہے کہ رسول اللہ ﷺ نے اپنے دونوں پاتابوں اور جوتوں پر مسح کیا۔ تخریج دارالدعوہ : سنن ابی داود/الطہارة ٦١ (١٥٩) ، سنن الترمذی/فیہ ٧٤ (٩٩) ، سنن ابن ماجہ/فیہ ٨٨ (٥٥٩) ، (تحفة الأشراف : ١١٥٣٤) مسند احمد ٤/٢٥٢ (صحیح ) قال الشيخ الألباني : صحيح مغیرہ بن شعبہ (رض) کہتے ہیں کہ میں نبی اکرم ﷺ کے ساتھ ایک سفر میں تھا تو آپ نے فرمایا : مغیرہ ! تم پیچھے ہوجاؤ اور لوگو ! تم چلو ، چناچہ میں پیچھے ہوگیا، میرے پاس پانی کا ایک برتن تھا، لوگ آگے نکل گئے، تو رسول اللہ ﷺ قضائے حاجت کے لیے تشریف لے گئے، جب واپس آئے تو میں آپ پر پانی ڈالنے لگا، آپ تنگ آستین کا ایک رومی جبہ پہنے ہوئے تھے، آپ نے اس سے اپنا ہاتھ نکالنا چاہا مگر جبہ تنگ ہوگیا، تو آپ نے جبہ کے نیچے سے اپنا ہاتھ نکال لیا، پھر اپنا چہرہ اور اپنے دونوں ہاتھ دھوئے، اور اپنے سر کا مسح کیا، اور اپنے دونوں موزوں پر مسح کیا۔ تخریج دارالدعوہ : (تحفة الأشراف : ١١٤٩٥) (صحیح الإسناد) (یہ حدیث مکرر ہے، ملاحظہ ہو : ١٠٨ ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 125

【126】

مسافر کے لئے موزوں پر مسح کرنے کی مدت کا بیان

صفوان بن عسال (رض) کہتے ہیں کہ نبی اکرم ﷺ نے بحالت سفر ہم کو تین دن اور تین راتیں اپنے موزے نہ اتارنے کی اجازت دی تھی۔ تخریج دارالدعوہ : سنن الترمذی/الطہارة ٧١ (٩٦) مطولاً ، الزہد ٥٠ (٢٣٨٧) ببعضہ، الدعوات ٩٩ (٣٥٣٥، ٣٥٣٦) مطولاً ، سنن ابن ماجہ/الطہارة ٦٣ (٤٧٨) ، الفتن ٣٢ (٤٠٧٠) ، (تحفة الأشراف : ٤٩٥٢) ، مسند احمد ٤/ ٢٣٩، ٢٤٠، ٢٤١، وأعادہ المؤلف بأرقام : ١٥٨، ١٥٩ بزیادة في متنہ (حسن ) قال الشيخ الألباني : حسن صحيح وضعيف سنن النسائي الألباني : حديث نمبر 126

【127】

مسافر کے لئے موزوں پر مسح کرنے کی مدت کا بیان

زر کہتے ہیں کہ میں نے صفوان بن عسال (رض) سے موزوں پر مسح کے بارے میں پوچھا ؟ تو انہوں نے کہا : جب ہم مسافر ہوتے تو ہمیں رسول اللہ ﷺ حکم دیتے کہ ہم اپنے موزوں پر مسح کریں، اور اسے تین دن تک پیشاب، پاخانہ اور نیند کی وجہ سے نہ اتاریں سوائے جنابت کے۔ تخریج دارالدعوہ : انظر ما قبلہ (حسن ) قال الشيخ الألباني : حسن صحيح وضعيف سنن النسائي الألباني : حديث نمبر 127

【128】

مقیم کے واسطے موزوں پر مسح کرنے کی مدت

علی (رض) کہتے ہیں کہ رسول اللہ ﷺ نے مسافر کے لیے تین دن اور تین راتیں، اور مقیم کے لیے ایک دن اور ایک رات کی تحدید فرمائی ہے ١ ؎ یعنی (موزوں پر) مسح کے سلسلے میں۔ تخریج دارالدعوہ : صحیح مسلم/الطہارة ٢٤ (٢٧٦) ، سنن ابن ماجہ/فیہ ٨٦ (٥٥٢) ، (تحفة الأشراف : ١٠١٢٦) ، مسند احمد مسند احمد ١/٩٦، ١٠٠، ١١٣، ١١٧، ١٢٠، ١٣٣، ١٣٤، ١٤٦، ١٤٩، ٦/١١٠، سنن الدارمی/الطہارة ٤٢ (٧٤١) (صحیح ) وضاحت : ١ ؎: یہ مدت حدث کے وقت سے معتبر ہوگی نہ کہ موزہ پہننے کے وقت سے۔ قال الشيخ الألباني : صحيح صحيح وضعيف سنن النسائي الألباني : حديث نمبر 128

【129】

مقیم کے واسطے موزوں پر مسح کرنے کی مدت

شریح بن ہانی کہتے ہیں کہ میں نے ام المؤمنین عائشہ رضی اللہ عنہا سے موزوں پر مسح کے متعلق دریافت کیا، تو انہوں نے کہا : علی (رض) سے جا کر پوچھو، وہ اس بارے میں مجھ سے زیادہ جانتے ہیں، چناچہ میں علی (رض) کے پاس آیا اور ان سے مسح کے متعلق دریافت کیا ؟ تو انہوں نے کہا : رسول اللہ ﷺ ہمیں حکم دیتے تھے کہ مقیم ایک دن ایک رات، اور مسافر تین دن اور تین راتیں مسح کرے ١ ؎۔ تخریج دارالدعوہ : انظر : ما قبلہ (صحیح ) وضاحت : ١ ؎: مالک سے مشہور یہ روایت ہے کہ مسح کی کوئی مدت مقرر نہیں جب تک چاہے مسح کرے، ان کی دلیل ابی بن عمارہ (رض) کی حدیث ہے جس کی تخریج ابوداؤد نے کی ہے لیکن وہ ضعیف ہے، لائق استدلال نہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 129

【130】

با وضو شخص کس طریقہ سے نیا وضو کرے؟

عبدالملک بن میسرہ کہتے ہیں کہ میں نے نزال بن سبرہ سے سنا، انہوں نے کہا کہ میں نے علی (رض) کو دیکھا کہ آپ نے ظہر کی نماز پڑھی، پھر لوگوں کی ضرورتیں پوری کرنے یعنی ان کے مقدمات نپٹانے کے لیے بیٹھے، جب عصر کا وقت ہوا تو پانی کا ایک برتن لایا گیا، آپ نے اس سے ایک ہتھیلی میں پانی لیا، پھر اسے اپنے چہرہ، اپنے دونوں بازو، سر اور دونوں پیروں پر ملا ١ ؎، پھر بچا ہوا پانی لیا اور کھڑے ہو کر پیا، اور کہنے لگے کہ کچھ لوگ اسے ناپسند کرتے ہیں حالانکہ میں نے رسول اللہ ﷺ کو ایسا کرتے دیکھا ہے، اور یہ ان لوگوں کا وضو ہے جن کا وضو نہیں ٹوٹا ہے۔ تخریج دارالدعوہ : صحیح البخاری/الأشربة ١٦ (٥٦١٥، ٥٦١٦) مختصراً ، سنن ابی داود/فیہ ١٣ (٣٧١٨) ، سنن الترمذی/الشمائل ٣٢ (٢٠٩) ، (تحفة الأشراف : ١٠٢٩٣) ، مسند احمد ١/٧٨، ١٢٠، ١٢٣، ١٣٩، ١٤٤، ١٥٣، ١٥٩ (صحیح ) وضاحت : ١ ؎: اس سے معلوم ہوا کہ اگر کوئی باوضو ہو اور نماز کا وقت آجائے، اور وہ ثواب کے لیے تازہ وضو کرنا چاہے تو تھوڑا سا پانی لے کر سارے اعضاء پر مل لے تو کافی ہوگا، پورا وضو کرنا اور ہر عضو کے لیے الگ الگ پانی لینا ضروری نہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 130

【131】

ہر نماز کے لئے وضو بنانا

انس (رض) کہتے ہیں کہ نبی اکرم ﷺ کے پاس چھوٹا سا برتن لایا گیا، تو آپ نے (اس سے) وضو کیا، عمرو بن عامر کہتے ہیں : میں نے پوچھا : کیا نبی اکرم ﷺ ہر نماز کے لیے وضو کرتے تھے ؟ تو انہوں نے کہا : ہاں ١ ؎! اس پر (عمرو بن عامر) نے پوچھا : اور آپ لوگ ؟ کہا : ہم لوگ جب تک وضو نہیں توڑتے نماز پڑھتے رہتے تھے، نیز کہا : ہم لوگ کئی نمازیں ایک ہی وضو سے پڑھتے تھے۔ تخریج دارالدعوہ : صحیح البخاری/الطہارہ ٥٤ (٢١٤) مختصراً ، سنن ابی داود/الطہارة ٦٦ (١٧١) مختصراً ، سنن الترمذی/فیہ ٤٤ (٦٠) مختصراً ، سنن ابن ماجہ/فیہ ٧٢ (٥٠٩) مختصراً ، (تحفة الأشراف : ١١١٠) ، مسند احمد ٣/١٣٢، ١٣٣، ١٥٤، ١٩٤، ٢٦٠، سنن الدارمی/الطہارة ٤٦ (٧٤٧) (صحیح ) وضاحت : ١ ؎: یعنی آپ کی عام عادت مبارکہ یہی تھی، اگرچہ کبھی کبھی ایک وضو سے دو اور اس سے زیادہ نمازیں بھی آپ نے پڑھی ہیں، نیز یہ بھی احتمال ہے کہ انس (رض) نے اپنی معلومات کے مطابق جواب دیا ہو، شاید انہیں اس کا علم نہ رہا ہو کہ آپ نے ایک وضو سے کئی نمازیں بھی پڑھی ہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 131

【132】

ہر نماز کے لئے وضو بنانا

عبداللہ بن عباس رضی اللہ عنہم سے روایت ہے کہ رسول اللہ ﷺ قضائے حاجت کی جگہ سے نکلے تو آپ کی خدمت میں کھانا پیش کیا گیا، تو لوگوں نے پوچھا : کیا ہم لوگ وضو کا پانی نہ لائیں ؟ آپ ﷺ نے کہا : مجھے وضو کرنے کا حکم اس وقت دیا گیا ہے جب میں نماز کے لیے کھڑا ہوں ۔ تخریج دارالدعوہ : سنن ابی داود/الأطعمة ١١ (٣٧٦٠) ، سنن الترمذی/فیہ ٤٠ (١٨٤٧) ، (تحفة الأشراف : ٥٧٩٣) ، مسند احمد ١/٢٨٢، ٣٥٩ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 132

【133】

ہر نماز کے لئے وضو بنانا

بریدہ (رض) کہتے ہیں کہ رسول اللہ ﷺ ہر نماز کے لیے وضو کرتے تھے، تو جب فتح مکہ کا دن آیا تو آپ نے کئی نمازیں ایک ہی وضو سے ادا کیں، چناچہ عمر (رض) نے آپ سے کہا : آپ نے ایسا کام کیا ہے جو آپ نہیں کرتے تھے ١ ؎؟ فرمایا : عمر ! میں نے اسے عمداً (جان بوجھ کر) کیا ہے ٢ ؎۔ تخریج دارالدعوہ : صحیح مسلم/الطہارة ٢٥ (٢٧٧) مختصراً ، سنن ابی داود/فیہ ٦٦ (١٧٢) مختصراً ، سنن الترمذی/فیہ ٤٥ (٦١) ، سنن ابن ماجہ/فیہ ٧٢ (٥١٠) ، (تحفة الأشراف : ١٩٢٨) ، مسند احمد ٥/٣٥٠، ٣٥١، ٣٥٨، سنن الدارمی/الطہارة ٣ (٢٨٥) (صحیح ) وضاحت : ١ ؎: یعنی آپ ﷺ عام طور سے ایسا نہیں کرتے تھے ورنہ فتح مکہ سے پہلے بھی آپ کا ایسا کرنا ثابت ہے۔ ٢ ؎: تاکہ میری امت کو یہ معلوم ہوجائے کہ ایک وضو سے کئی نمازیں ادا کرنا درست ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 133

【134】

پانی کے چھڑکنے کا بیان

سفیان ثقفی (رض) کہتے ہیں کہ رسول اللہ ﷺ جب وضو کرتے تھے تو ایک چلو پانی لیتے اور اس طرح کرتے، اور شعبہ نے کیفیت بتائی کہ آپ ﷺ اسے اپنی شرمگاہ پر چھڑکتے، (خالد بن حارث کہتے ہیں) میں نے اس کا ذکر ابراہیم سے کیا تو انہیں یہ بات پسند آئی۔ ابن السنی کہتے ہیں کہ حکم سفیان ثقفی (رض) کے بیٹے ہیں۔ تخریج دارالدعوہ : سنن ابی داود/الطہارة ٦٤ (١٦٦، ١٦٧، ١٦٨) ، سنن ابن ماجہ/الطہارة ٥٨ (٤٦١) ، (تحفة الأشراف : ٣٤٢٠) ، مسند احمد ٣/٤١٠، ٤/٦٩، ١٧٩، ٢١٢، ٥/٣٨٠، ٤٠٨، ٤٠٩ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 134

【135】

پانی کے چھڑکنے کا بیان

حکم بن سفیان (رض) کہتے ہیں کہ میں نے رسول اللہ ﷺ کو دیکھا کہ آپ نے وضو کیا، اور اپنی شرمگاہ پر پانی کا چھینٹا مارا۔ احمد کی روایت میں و نضح فرجه کی جگہ فنضح فرجه ہے۔ تخریج دارالدعوہ : انظر ما قبلہ (صحیح ) وضاحت : ١ ؎: حکم بن سفیان ان کے نام میں اضطراب ہے، حکم بن سفیان، سفیان بن حکم، ابن ابی سفیان یا أبو الحکم کئی طرح سے آیا ہے، نیز کسی کی روایت میں عن أبيه ہے اور کسی کی روایت میں نہیں ہے، اس لیے ان کی یہ روایت اضطراب کے سبب ضعیف ہے، (تفصیل کے لیے ملاحظہ ہو : تحفۃ الأشراف : ٣٤٢٠ ) لیکن ابن ماجہ میں مروی زید اور جابر رضی اللہ عنہم کی روایتوں سے تقویت پا کر یہ روایت بھی صحیح ہوجاتی ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 135

【136】

وضو کا بچا ہوا پانی کار آمد کرنا

ابوحیہ کہتے ہیں کہ میں نے علی (رض) کو دیکھا کہ انہوں نے وضو کیا (تو اپنے اعضاء) تین تین بار (دھوئے) پھر وہ کھڑے ہوئے، اور وضو کا بچا ہوا پانی پیا، اور کہنے لگے : رسول اللہ ﷺ نے (بھی) اسی طرح کیا ہے جیسے میں نے کیا۔ تخریج دارالدعوہ : سنن الترمذی/الطہارة ٣٤ (٤٤) مختصرًا، وانظر حدیث رقم : ٩٦، ١١٥ (تحفة الأشراف : ١٠٣٢٢) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 136

【137】

وضو کا بچا ہوا پانی کار آمد کرنا

ابوجحیفہ (رض) کہتے ہیں کہ میں بطحاء میں نبی اکرم ﷺ کی خدمت میں حاضر ہوا، بلال (رض) نے آپ کے وضو کا پانی (جو برتن میں بچا تھا) نکالا، تو لوگ اسے لینے کے لیے جھپٹے، میں نے بھی اس میں سے کچھ لیا، اور آپ ﷺ کے لیے لکڑی نصب کی، تو آپ نے لوگوں کو نماز پڑھائی اور آپ کے سامنے سے گدھے، کتے اور عورتیں گزر رہی تھیں۔ تخریج دارالدعوہ : صحیح البخاری/المناقب ٢٣ (٣٥٦٦) ، صحیح مسلم/الصلاة ٤٧ (٥٠٣) ، (تحفة الأشراف : ١١٨١٨) ، وقد أخرجہ : صحیح البخاری/الوضوء ٤٠ (١٨٧) ، الصلاة ١٧ (٣٧٦) ، ٩٣ (٤٩٩) ، ٩٤ (٥٠١) ، المناقب ٢٣ (٣٥٥٣) ، اللباس ٣ (٥٧٨٦) ، ٤٢ (٥٨٥٩) ، مسند احمد ٤/٣٠٧، ٣٠٨، ٣٠٩، سنن الدارمی/الصلاة ١٢٤ (١٤٤٩) ، وأعادہ المؤلف برقم : ٧٧٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 137

【138】

وضو کا بچا ہوا پانی کار آمد کرنا

جابر (رض) کہتے ہیں کہ میں بیمار ہوا تو رسول اللہ ﷺ اور ابوبکر (رض) میری عیادت کے لیے آئے، دونوں نے مجھے بیہوش پایا، تو رسول اللہ ﷺ نے وضو کیا، پھر آپ نے اپنے وضو کا پانی میرے اوپر ڈالا ١ ؎۔ تخریج دارالدعوہ : صحیح البخاری/المرضی ٥ (٥٦٥١) مطولاً ، الفرائض ١ (٦٧٢٣) مطولاً ، الاعتصام ٨ (٧٣٠٩) ، صحیح مسلم/الفرائض ٢ (١٦١٦) مطولاً ، سنن ابی داود/فیہ ٢ (٢٨٨٦) مطولاً ، سنن الترمذی/الفرائض ٧ (٢٠٩٧) ، التفسیر ٥ (٣٠١٥) ، سنن ابن ماجہ/الفرائض، الجنائز ١ (١٤٣٦) ، ٥ (٢٧٢٨) ، (تحفة الأشراف : ٣٠٢٨) ، مسند احمد ٣/٣٠٧، سنن الدارمی/الطہارة ٥٦ (٧٦٠) (صحیح ) وضاحت : ١ ؎: یعنی جو پانی وضو سے بچ رہا تھا اسے میرے اوپر ڈالا، یہ تفسیر باب کے مناسب ہے، یا جو پانی وضو میں استعمال ہوا تھا اس کو اکٹھا کر کے ڈالا، ایسی صورت میں کہا جائے گا کہ جب ماء مستعمل سے نفع اٹھانا جائز ہے تو بچے ہوئے پانی سے نفع اٹھانا بطریق اولیٰ جائز ہوگا۔ قال الشيخ الألباني : صحيح صحيح وضعيف سنن النسائي الألباني : حديث نمبر 138

【139】

وضو کی فرضیت

ابوالملیح کے والد (اسامہ بن عمیر) کہتے ہیں کہ رسول اللہ ﷺ نے فرمایا : اللہ تعالیٰ بغیر وضو کے کوئی نماز قبول نہیں کرتا، اور نہ خیانت کے مال کا صدقہ قبول کرتا ہے ١ ؎۔ تخریج دارالدعوہ : سنن ابی داود/الطہارة ٣١ (٥٩) ، سنن ابن ماجہ/فیہ ٢ (٢٧١) ، (تحفة الأشراف ١٣٢) ، مسند احمد ٥/٧٤، ٧٥، سنن الدارمی/الطہارة ٢١ (٧١٣) ، ویأتي عندالمؤلف برقم : ٢٥٢٥، وقد أخرجہ : صحیح مسلم/الطہارة ٢ (٢٢٤) ، عن ابن عمر، مسند احمد ٢/٢٠، ٣٩، ٥١، ٥٧ وغیرہما (صحیح ) وضاحت : ١ ؎: یعنی مال غنیمت میں سے چرا کر اگر کوئی صدقہ دے تو وہ صدقہ مقبول نہ ہوگا، یہی حکم ہر مال حرام کا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 139

【140】

وضو میں اضافہ کرنے کی ممانعت

عبداللہ بن عمرو رضی اللہ عنہم کہتے ہیں کہ نبی اکرم ﷺ کے پاس ایک دیہاتی آیا، وہ آپ ﷺ سے وضو کے بارے میں پوچھ رہا تھا، تو آپ ﷺ نے اسے تین تین بار اعضاء وضو دھو کر کے دکھائے، پھر فرمایا : اسی طرح وضو کرنا ہے، جس نے اس پر زیادتی کی اس نے برا کیا، وہ حد سے آگے بڑھا اور اس نے ظلم کیا ١ ؎۔ تخریج دارالدعوہ : سنن ابی داود/الطہارة ٥١ (١٣٥) مطولاً ، سنن ابن ماجہ/فیہ ٤٨ (٤٢٢) ، (تحفة الأشراف : ٨٨٠٩) ، مسند احمد ٢/١٨٠ (حسن صحیح ) وضاحت : ١ ؎: اس حدیث سے معلوم ہوا کہ نبی اکرم ﷺ کی سنت کی اتباع بہتر ہے، اور اپنی عقل سے اس میں کمی بیشی کرنا مذموم ہے۔ قال الشيخ الألباني : حسن صحيح صحيح وضعيف سنن النسائي الألباني : حديث نمبر 140

【141】

وضو پورا کرنا

عبداللہ بن عبیداللہ بن عباس کہتے ہیں کہ ہم لوگ عبداللہ بن عباس رضی اللہ عنہم کے پاس بیٹھے تھے، تو انہوں نے کہا : قسم ہے اللہ کی ! رسول اللہ ﷺ نے دوسرے لوگوں کی بہ نسبت ہمیں (یعنی بنی ہاشم کو) کسی چیز کے ساتھ خاص نہیں کیا سوائے تین چیزوں کے ١ ؎ (پہلی یہ کہ) آپ نے حکم دیا کہ ہم کامل وضو کریں، (دوسری یہ کہ) ہم صدقہ نہ کھائیں، اور (تیسری یہ کہ) ہم گدھوں کو گھوڑیوں پر نہ چڑھائیں۔ تخریج دارالدعوہ : سنن ابی داود/الصلاة ١٣١ (٨٠٨) مطولاً ، سنن الترمذی/الجہاد ٢٣ (١٧٠١) ، سنن ابن ماجہ/الطہارة ٤٩ (٤٢٦) مختصرًا، (تحفة الأشراف : ٥٧٩١) ، مسند احمد ١/٢٢٥، ٢٣٢، ٢٣٤، ٢٤٩، ٢٥٥، ویأتي عند المؤلف برقم : ٣٦١١، بزیادة في أوّلہ (صحیح ) وضاحت : ١ ؎: یعنی ان باتوں کی بنی ہاشم کو زیادہ تاکید فرمائی، ان میں سے پہلی بات تو عام مسلمانوں کے لیے بھی ہے، اور دوسری بات بنی ہاشم اور بنی مطلب کے ساتھ خاص ہے، جب کہ تیسری بات یعنی گدھوں اور گھوڑیوں کا ملاپ عموماً مکروہ ہے کیونکہ اس سے گھوڑوں کی نسل کم ہوگی حالانکہ ان کی نسل بڑھانی چاہیئے کیونکہ گھوڑے آلات جہاد میں سے ہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 141

【142】

وضو پورا کرنا

عبداللہ بن عمرو رضی اللہ عنہم کہتے ہیں کہ رسول اللہ ﷺ نے فرمایا : کامل وضو کرو ۔ تخریج دارالدعوہ : انظر حدیث رقم : ١١١ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 142

【143】

وضومکمل کرنے کی فضیلت سے متعلق

ابوہریرہ (رض) سے روایت ہے کہ رسول اللہ ﷺ نے فرمایا : کیا میں تم لوگوں کو ایسی چیز نہ بتاؤں جس کے ذریعہ اللہ تعالیٰ گناہوں کو مٹاتا اور درجات بلند کرتا ہے، وہ ہے : ناگواری کے باوجود کامل وضو کرنا، زیادہ قدم چل کر مسجد جانا، اور نماز کے بعد نماز کا انتظار کرنا، یہی رباط ہے یہی رباط ہے یہی رباط ہے ١ ؎۔ تخریج دارالدعوہ : صحیح مسلم/الطہارة ١٤ (٢٥١) ، سنن الترمذی/فیہ ٣٩ (٥١) ، (تحفة الأشراف : ١٤٠٨٧) ، موطا امام مالک/ السفر ١٨ (٥٥) ، مسند احمد ٢/٢٧٧، ٣٠٣ (صحیح ) وضاحت : ١ ؎: یعنی اللہ تعالیٰ کے فرمان : يا أيها الذين آمنوا اصبروا وصابروا ورابطوا (آل عمران : 200) میں جس کا حکم دیا گیا ہے اس سے یہی مراد ہے، بلکہ اس سے نفس اور بدن کو طاعات سے مربوط کرنا ہے، یا اس سے مراد افضل عمل ہے، یعنی یہ اعمال جہاد کی طرح ہیں جن کے ذریعہ انسان اپنے سب سے بڑے دشمن شیطان کو زیر کرتا ہے، اس وجہ سے اسے رباط کہا گیا ہے جس کے معنی سرحد کی حفاظت و نگہبانی کے ہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 143

【144】

حکم خداوندی کے مطابق وضو کرنا

عاصم بن سفیان ثقفی سے روایت ہے کہ وہ لوگ غزوہ سلاسل کے لیے نکلے، لیکن یہ غزوہ ان سے فوت ہوگیا، تو وہ سرحد ہی پہ جمے رہے، پھر معاویہ (رض) کے پاس لوٹ آئے، ان کے پاس ابوایوب اور عقبہ بن عامر رضی اللہ عنہم موجود تھے، تو عاصم کہنے لگے : ابوایوب ! اس سال ہم لوگ غزوہ میں شریک نہیں ہو سکے ہیں، اور ہمیں بتایا گیا ہے کہ جو چار مسجدوں ٢ ؎ میں نماز پڑھ لے اس کے گناہ بخش دئیے جائیں گے ؟ ، تو انہوں نے کہا : بھتیجے ! میں تمہیں اس سے آسان چیز بتاتا ہوں، میں نے رسول اللہ ﷺ سے سنا ہے آپ فرما رہے تھے : جو وضو کرے اسی طرح جیسے اسے حکم دیا گیا ہے اور نماز پڑھے اسی طرح جیسے اسے حکم دیا گیا ہے، تو اس کے وہ گناہ معاف کر دئیے جائیں گے جنہیں اس نے اس سے پہلے کیا ہو ، عقبہ ! ایسے ہی ہے نا ؟ انہوں نے کہا : ہاں (ایسے ہی ہے) ۔ تخریج دارالدعوہ : سنن ابن ماجہ/إقامة الصلاة ١٩٣ (١٣٩٦) ، (تحفة الأشراف : ٣٤٦٢) ، مسند احمد ٥/٤٢٣، سنن الدارمی/الطہارة ٤٥ (٧٤٤) (صحیح) (متابعات و شواہد سے تقویت پاکر یہ روایت بھی صحیح ہے، ورنہ اس کی سند میں ” سفیان بن عبدالرحمن “ لین الحدیث ہیں ) وضاحت : غزوہ سلاسل یہ وہ غزوہ نہیں ہے جو نبی اکرم ﷺ کے زمانہ میں ٨ ھ میں ہوا تھا، یہ کوئی ایسا غزوہ تھا جو عمر بن خطاب (رض) کے زمانہ میں ملک عراق کے اندر ہوا تھا۔ ٢ ؎: چاروں مسجدوں سے مراد مسجد الحرام، مسجد نبوی، مسجد قباء اور مسجد الاقصیٰ ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 144

【145】

حکم خداوندی کے مطابق وضو کرنا

عثمان (رض) عنہ سے روایت ہے کہ رسول اللہ ﷺ فرماتے تھے : جس نے اللہ عزوجل کے حکم کے موافق وضو کو پورا کیا، پانچوں وقت کی نمازیں اس کے ان گناہوں کے لیے کفارہ ہوں گی جو ان کے درمیان سرزد ہوئے ہوں گے ۔ تخریج دارالدعوہ : صحیح مسلم/الطہارة ٤ (٢٣١) ، سنن ابن ماجہ/فیہ ٥٧ (٤٥٩) ، (تحفة الأشراف : ٩٧٨٩) ، مسند احمد ١/٥٧، ٦٦، ٦٩، وانظر ایضا الأرقام : ٨٤، ٨٥، ٨٥٧ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 145

【146】

حکم خداوندی کے مطابق وضو کرنا

عثمان (رض) عنہ کہتے ہیں کہ میں نے رسول اللہ ﷺ کو فرماتے سنا ہے : جو شخص بھی اچھی طرح وضو کرے، پھر نماز پڑھے، تو اس کے اس نماز سے لے کر دوسری نماز پڑھنے تک کے دوران ہونے والے گناہ بخش دئیے جائیں گے ۔ تخریج دارالدعوہ : صحیح البخاری/الوضوء ٢٤ (١٦٠) ، صحیح مسلم/الطہارة ٤ (٢٢٧) ، (تحفة الأشراف : ٩٧٩٣) ، موطا امام مالک/فیہ ٦ (٢٩) ، مسند احمد ١ (٥٧) وانظر أیضا رقم : ٨٤، ٨٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 146

【147】

حکم خداوندی کے مطابق وضو کرنا

عمرو بن عبسہ (رض) کہتے ہیں کہ میں نے عرض کیا : اللہ کے رسول ! وضو کا ثواب کیا ہے ؟ آپ ﷺ نے فرمایا : وضو کا ثواب یہ ہے کہ : جب تم وضو کرتے ہو، اور اپنی دونوں ہتھیلی دھو کر انہیں صاف کرتے ہو تو تمہارے ناخن اور انگلیوں کے پوروں سے گناہ نکل جاتے ہیں، پھر جب تم کلی کرتے ہو، اور اپنے نتھنوں میں پانی ڈالتے ہو، اور اپنا چہرہ اور اپنے دونوں ہاتھ کہنیوں تک دھوتے ہو، اور سر کا مسح کرتے ہو، اور ٹخنے تک پاؤں دھوتے ہو تو تمہارے اکثر گناہ دھل جاتے ہیں، پھر اگر تم اپنا چہرہ اللہ عزوجل کے لیے (زمین) پر رکھتے ہو تو اپنے گناہوں سے اس طرح نکل جاتے ہو جیسے اس دن تھے جس دن تمہاری ماں نے تمہیں جنا تھا ١ ؎۔ تخریج دارالدعوہ : تفرد بہ النسائی، (تحفة الأشراف : ١٠٧٦٠) ، وقد أخرجہ : صحیح مسلم/مسافرین ٥٢ (٨٣٢) ، مسند احمد ٤/١١٢، کلاھما مطولاً لغیر ہذا السیاق (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 147

【148】

وضو سے فراغت کے بعد کیا کہنا چاہئے؟

عمر بن خطاب (رض) کہتے ہیں کہ رسول اللہ ﷺ نے فرمایا : جس نے وضو کیا، اور اچھی طرح وضو کیا، پھر أشهد أن لا إله إلا اللہ وأشهد أن محمدا عبده ورسوله میں گواہی دیتا ہوں کہ اللہ کے سوا کوئی معبود برحق نہیں اور گواہی دیتا ہوں کہ محمد ﷺ اللہ کے بندے اور رسول ہیں کہا تو اس کے لیے جنت کے آٹھوں دروازے کھول دئیے جائیں گے جس سے چاہے وہ جنت میں داخل ہو ۔ تخریج دارالدعوہ : صحیح مسلم/الطہارة ٦ (٢٣٤) ، سنن ابن ماجہ/الطہارة ٦٠ (٤٧٠) ، (تحفة الأشراف : ١٠٦٠٩) ، وقد أخرجہ : سنن الترمذی/الطہارة ٤١ (٥٥) ، بزیادة ” اللھم اجعلنی من التوابین واجعلنی من المتطھرین “ ، وأعادہ المؤلف فی عمل الیوم واللیلة ٣٤ (٨٤) ، سنن ابی داود/فیہ ٦٥ (١٦٩) ، م (٤/١٤٦، ١٥١، ١٥٣) من مسند عقبة بن عامر، سنن الدارمی/الطہارة ٤٣ (٧٤٣) مطولاً (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 148

【149】

وضو کے زیور سے متعلق ارشاد رسول ﷺ

ابوحازم کہتے ہیں کہ میں ابوہریرہ (رض) کے پیچھے تھا، اور وہ نماز کے لیے وضو کر رہے تھے، وہ اپنے دونوں ہاتھ دھو رہے تھے یہاں تک کہ وہ اپنے دونوں بغلوں تک پہنچ جاتے تھے، تو میں نے کہا : ابوہریرہ ! یہ کون سا وضو ہے ؟ انہوں نے مجھ سے کہا : اے بنی فروخ ! تم لوگ یہاں ہو ! ١ ؎ اگر مجھے معلوم ہوتا کہ تم لوگ یہاں ہو تو میں یہ وضو نہیں کرتا ٢ ؎، میں نے اپنے خلیل (گہرے دوست) نبی اکرم ﷺ کو کہتے ہوئے سنا ہے کہ جنت میں مومن کا زیور وہاں تک پہنچے گا جہاں تک وضو پہنچے گا ٣ ؎۔ تخریج دارالدعوہ : صحیح مسلم/الطہارة ١٣ (٢٥٠) ، (تحفة الأشراف : ١٣٣٩٨) ، مسند احمد ٢/٣٧١ (صحیح ) وضاحت : ١ ؎: فروخ ابراہیم (علیہ السلام) کے لڑکے کا نام تھا جو اسماعیل اور اسحاق (علیہما السلام) کے بعد پیدا ہوئے، ان کی نسل بہت بڑھی، کہا جاتا ہے کہ عجمی انہیں کی اولاد میں سے ہیں، قاضی عیاض کہتے ہیں، فروخ سے ابوہریرہ کی مراد موالی ہیں اور یہ خطاب ابوحازم کی طرف ہے۔ ٢ ؎: اس سے معلوم ہوا کہ عوام کے سامنے ایسا نہیں کرنا چاہیئے کیونکہ اندیشہ ہے کہ وہ اسے فرض سمجھنے لگ جائیں، اس لیے ابوہریرہ (رض) نے یہ بات کہی کہ اگر میں جانتا کہ تم لوگ یہاں موجود ہو تو اس طرح وضو نہ کرتا۔ ٣ ؎: اس سے معلوم ہوا کہ قیامت کے روز مومن کے اعضاء وضو میں زیور پہنائے جائیں گے، تو جو کامل وضو کرے گا اس کے زیور بھی کامل ہوں گے، بعض لوگوں نے کہا ہے کہ اس سے مراد یہ ہے کہ قیامت کے دن مسلمان کو زیور اس حد تک پہنایا جائے گا جہاں تک وضو میں پانی پہنچتا ہے یعنی ہاتھوں کا زیور کہنیوں تک، پاؤں کا ٹخنوں تک، اور منہ کا کانوں تک ہوگا۔ واللہ اعلم قال الشيخ الألباني : صحيح صحيح وضعيف سنن النسائي الألباني : حديث نمبر 149

【150】

وضو کے زیور سے متعلق ارشاد رسول ﷺ

ابوہریرہ (رض) سے روایت ہے کہ رسول اللہ ﷺ قبرستان کی طرف نکلے اور آپ نے فرمایا : السلام عليكم دار قوم مؤمنين وإنا إن شاء اللہ بکم لاحقون مومن قوم کی بستی والو ! تم پر سلامتی ہو، اللہ نے چاہا تو ہم تم سے ملنے والے ہیں میری خواہش ہے کہ میں اپنے بھائیوں کو دیکھوں ، لوگوں نے عرض کیا : اللہ کے رسول ! کیا ہم لوگ آپ کے بھائی نہیں ہیں ؟ آپ ﷺ نے فرمایا : تم لوگ میرے صحابہ (ساتھی) ہو، میرے بھائی وہ لوگ ہیں جو ابھی (دنیا میں) نہیں آئے، اور میں حوض پر ان کا پیش رو ہوں گا ، لوگوں نے عرض کیا : اللہ کے رسول ! آپ اپنی امت کے ان لوگوں کو جو بعد میں آئیں گے کیسے پہچانیں گے ؟ تو آپ ﷺ نے فرمایا : تمہارا کیا خیال ہے ؟ اگر کسی آدمی کا سفید چہرے اور پاؤں والا گھوڑا سیاہ گھوڑوں کے درمیان ہو تو کیا وہ اپنا گھوڑا نہیں پہچان لے گا ؟ لوگوں نے عرض کیا : کیوں نہیں ؟ آپ ﷺ نے فرمایا : وہ لوگ قیامت کے دن (میدان حشر میں) اس حال میں آئیں گے کہ وضو کی وجہ سے ان کے چہرے اور ہاتھ پاؤں چمک رہے ہوں گے، اور میں حوض پر ان کا پیش رو ہوں گا ١ ؎۔ تخریج دارالدعوہ : صحیح مسلم/الطہارة ١٢ (٢٤٩) مطولاً ، سنن ابی داود/الجنائز ٨٣ (٣٢٣٧) ، سنن ابن ماجہ/ الزھد ٣٦ (٤٣٠٦) ، (تحفة الأشراف : ١٤٠٨٦) ، وقد أخرجہ : موطا امام مالک/الطہارة ٦ (٢٨) ، مسند احمد ٢/٣٠٠، ٣٧٥، ٤٠٨ (صحیح ) وضاحت : ١ ؎: پیش رو سے مراد میر سامان ہے جو قافلے میں سب سے پہلے آگے جا کر قافلے کے ٹھہرنے اور ان کی دیگر ضروریات کا انتظام کرتا ہے، یہ امت محمدیہ کا شرف ہے کہ ان کے پیش رو محمد رسول اللہ ﷺ ہوں گے۔ قال الشيخ الألباني : صحيح صحيح وضعيف سنن النسائي الألباني : حديث نمبر 150

【151】

بہترین طریقہ سے وضو کر کے دو رکعات ادا کرنے والے کا اجر؟

عقبہ بن عامر جہنی (رض) کہتے ہیں کہ رسول اللہ ﷺ نے فرمایا : جو اچھی طرح وضو کرے، پھر دل اور چہرہ سے متوجہ ہو کر دو رکعت نماز ادا کرے، اس کے لیے جنت واجب ہوجائے گی ١ ؎۔ تخریج دارالدعوہ : صحیح مسلم/الطہارة ٦ (٢٣٤) مطولاً ، سنن ابی داود/فیہ ٦٥ (١٦٩) مطولاً ، ١٦٢ (٩٠٦) ، (تحفة الأشراف : ٩٩١٤) ، مسند احمد ٤/١٤٦، ١٥١، ١٥٣ (صحیح ) وضاحت : ١ ؎: یعنی حالت نماز میں ادھر ادھر نہ دیکھے، پورے خشوع و خضوع کے ساتھ نماز ادا کرے، اور نہ ہی دل میں کوئی دوسرا خیال لائے۔ قال الشيخ الألباني : صحيح صحيح وضعيف سنن النسائي الألباني : حديث نمبر 151

【152】

مذی نکلنے سے وضو ٹوٹ جانے سے متعلق

ابوعبدالرحمٰن سلمی کہتے ہیں کہ علی (رض) نے کہا : میں ایک ایسا آدمی تھا جسے کثرت سے مذی ١ ؎ آتی تھی، اور نبی اکرم ﷺ کی بیٹی (فاطمہ رضی اللہ عنہا) میرے عقد نکاح میں تھیں، جس کی وجہ سے میں نے خود آپ ﷺ سے پوچھنے میں شرم محسوس کی، تو میں نے اپنے پہلو میں بیٹھے ایک آدمی سے کہا : تم پوچھو، تو اس نے پوچھا، تو آپ ﷺ نے فرمایا : اس میں وضو ہے ١ ؎۔ تخریج دارالدعوہ : صحیح البخاری/الغسل ١٣ (٢٦٩) ، (تحفة الأشراف : ١٠١٧٨) ، مسند احمد ١/١٢٥، ١٢٩ (حسن صحیح ) وضاحت : ١ ؎: مذی وہ لیس دار پتلا پانی ہے جو جماع کی خواہش سے پہلے شرمگاہ سے نکلتا ہے۔ قال الشيخ الألباني : حسن صحيح صحيح وضعيف سنن النسائي الألباني : حديث نمبر 152

【153】

مذی نکلنے سے وضو ٹوٹ جانے سے متعلق

علی (رض) کہتے ہیں کہ میں نے مقداد سے کہا : جب آدمی اپنی بیوی کے پاس جائے، اور مذی نکل آئے، اور جماع نہ کرے تو (اس پر کیا ہے ؟ ) تم اس کے متعلق نبی اکرم ﷺ سے پوچھو، میں آپ ﷺ سے اس بارے میں پوچھنے سے شرما رہا ہوں، کیونکہ آپ کی صاحبزادی میرے عقد نکاح میں ہیں، چناچہ انہوں نے آپ ﷺ سے پوچھا، تو آپ ﷺ نے فرمایا : وہ اپنی شرمگاہ دھو لیں، اور نماز کی طرح وضو کرلیں ۔ تخریج دارالدعوہ : سنن ابی داود/الطہارة ٨٣ (٢٠٨، ٢٠٩) ، (تحفة الأشراف : ١٠٢٤١) ، مسند احمد ١/١٢٤ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 153

【154】

مذی نکلنے سے وضو ٹوٹ جانے سے متعلق

عائش بن انس سے روایت ہے کہ علی (رض) نے کہا کہ میں ایک ایسا آدمی تھا جسے کثرت سے مذی آتی تھی، تو میں نے آپ کی صاحبزادی جو میرے عقد نکاح میں تھیں کی وجہ سے عمار بن یاسر کو حکم دیا کہ وہ (اس بارے میں) رسول اللہ ﷺ سے پوچھیں، (چنانچہ انہوں نے پوچھا) تو آپ ﷺ نے فرمایا : اس میں وضو کافی ہے ۔ تخریج دارالدعوہ : تفرد بہ النسائي، (تحفة الأشراف : ١٠١٥٦) (منکر) (مقداد کی جگہ عمار بن یاسر کا ذکر منکر ہے، کیوں کہ اس سے پہلے کی صحیح حدیثوں مں مقداد کا ذکر آیا ہے ) قال الشيخ الألباني : منکر بذکر عمار صحيح وضعيف سنن النسائي الألباني : حديث نمبر 154

【155】

مذی نکلنے سے وضو ٹوٹ جانے سے متعلق

رافع بن خدیج (رض) سے روایت ہے کہ علی (رض) نے عمار (رض) کو حکم دیا کہ وہ رسول اللہ ﷺ سے مذی کے بارے میں سوال کریں، تو آپ ﷺ نے فرمایا : وہ اپنی شرمگاہ دھو لیں، اور وضو کرلیں ۔ تخریج دارالدعوہ : تفرد بہ النسائي، (تحفة الأشراف : ٣٥٥٠) (منکر) (مقداد کی جگہ عمار بن یاسر کا ذکر منکر ہے، کیوں کہ اس سے پہلے کی صحیح حدیثوں مں مقداد کا ذکر آیا ہے، کما تقدم ) قال الشيخ الألباني : منکر والمحفوظ أن المأمور المقداد صحيح وضعيف سنن النسائي الألباني : حديث نمبر 155

【156】

مذی نکلنے سے وضو ٹوٹ جانے سے متعلق

مقداد بن اسود (رض) سے روایت ہے کہ علی (رض) نے انہیں حکم دیا کہ وہ رسول اللہ ﷺ سے اس آدمی کے بارے میں سوال کریں جو اپنی بیوی سے قریب ہو اور اس سے مذی نکل آئے، تو اس پر کیا واجب ہے ؟ (وضو یا غسل) کیونکہ میرے عقد نکاح میں آپ ﷺ کی صاحبزادی (فاطمہ رضی اللہ عنہا) ہیں، اس لیے میں (خود) آپ ﷺ سے پوچھتے ہوئے شرما رہا ہوں، تو میں نے رسول اللہ ﷺ سے اس کے متعلق پوچھا، تو آپ ﷺ نے فرمایا : جب تم میں سے کوئی ایسا پائے تو اپنی شرمگاہ پر پانی چھڑک لے اور نماز کے وضو کی طرح وضو کرے ۔ تخریج دارالدعوہ : سنن ابی داود/الطھارة ٨٣ (٢٠٧) ، سنن ابن ماجہ/فیہ ٧٠ (٥٠٥) ، (تحفة الأشراف : ١١٥٤٤) ، موطا امام مالک/الطہارة ١٣ (٥٣) ، مسند احمد ٦/٤، ٥ ویأتی عند المؤلف برقم : ٤٤١ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 156

【157】

مذی نکلنے سے وضو ٹوٹ جانے سے متعلق

علی (رض) کہتے ہیں کہ میں نے فاطمہ رضی اللہ عنہا کی وجہ سے مذی کے متعلق رسول اللہ ﷺ سے خود پوچھنے میں شرم محسوس کی، تو مقداد بن اسود (رض) کو حکم دیا تو انہوں نے آپ ﷺ سے پوچھا : آپ ﷺ نے فرمایا : اس میں وضو واجب ہوتا ہے ۔ تخریج دارالدعوہ : صحیح البخاری/العلم ٥١ (١٣٢) ، الوضوء ٣٤ (١٧٨) ، صحیح مسلم/الحیض ٤ (٣٠٣) ، (تحفة الأشراف : ١٠٢٦٤) ، مسند احمد ١/٨٠، ٨٢، ١٠٣، ١٢٤، ١٤٠، ولہ طرق أخری عن علی ۔ انظر الأرقام : ٤٣٦-٤٤١ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 157

【158】

پاخانہ پیشاب نکلنے سے وضو ٹوٹ جانے سے متعلق

زر بن حبیش بیان کرتے ہیں کہ میں ایک آدمی کے پاس آیا جسے صفوان بن عسال (رض) کہا جاتا تھا، میں ان کے دروازہ پر بیٹھ گیا، تو وہ نکلے، تو انہوں نے پوچھا کیا بات ہے ؟ میں نے کہا : علم حاصل کرنے آیا ہوں، انہوں نے کہا : طالب علم کے لیے فرشتے اس چیز سے خوش ہو کر جسے وہ حاصل کر رہا ہو اپنے بازو بچھا دیتے ہیں، پھر پوچھا : کس چیز کے متعلق پوچھنا چاہتے ہو ؟ میں نے کہا : دونوں موزوں کے متعلق کہا : جب ہم رسول اللہ ﷺ کے ساتھ کسی سفر میں ہوتے تو آپ ﷺ ہمیں حکم دیتے کہ ہم انہیں تین دن تک نہ اتاریں، الاّ یہ کہ جنابت لاحق ہوجائے، لیکن پاخانہ، پیشاب اور نیند (تو ان کی وجہ سے نہ اتاریں) ۔ تخریج دارالدعوہ : انظر حدیث رقم : ١٢٦، (تحفة الأشراف : ٤٩٥٢) (حسن ) وضاحت : یعنی اگر جنابت لاحق ہوجائے تو اتارنے ہوں گے۔ قال الشيخ الألباني : حسن صحيح وضعيف سنن النسائي الألباني : حديث نمبر 158

【159】

پاخانہ نکلنے کی صورت میں وضو ٹوٹ جانے کا بیان

صفوان بن عسال (رض) کہتے ہیں کہ جب ہم رسول اللہ ﷺ کے ساتھ کسی سفر میں ہوتے تو آپ حکم دیتے کہ ہم (موزوں کو) تین دن تک نہ اتاریں، إلاّ یہ کہ جنابت لاحق ہوجائے، ١ ؎ لیکن پاخانہ، پیشاب اور نیند (تو ان کی وجہ سے نہ اتاریں) ۔ تخریج دارالدعوہ : انظر حدیث رقم : ١٢٦، (تحفة الأشراف : ٤٩٥٢) (حسن ) وضاحت : ١ ؎: یعنی اگر نہانے کی حاجت ہو تو موزے اتار کر نہائیں، باقی صورتوں میں اتارنے کی ضرورت نہیں۔ قال الشيخ الألباني : حسن صحيح وضعيف سنن النسائي الألباني : حديث نمبر 159

【160】

پاخانہ نکلنے کی صورت میں وضو ٹوٹ جانے کا بیان

عبداللہ بن زید (رض) کہتے ہیں کہ نبی اکرم ﷺ سے شکایت کی گئی کہ آدمی (بسا اوقات) نماز میں محسوس کرتا ہے کہ ہوا خارج ہوگئی ہے، آپ ﷺ نے فرمایا : جب تک بو نہ پالے، یا آواز نہ سن لے نماز نہ چھوڑے ١ ؎۔ تخریج دارالدعوہ : صحیح البخاری/الوضوء ٤ (١٣٧) و ٣٤ (١٧٧) مختصرًا، البیوع ٥ (٢٠٥٦) ، صحیح مسلم/الحیض ٢٦ (٣٦١) ، سنن ابی داود/الطہارة ٦٨ (١٧٦) ، سنن ابن ماجہ/فیہ ٧٤ (٥١٣) ، (تحفة الأشراف : ٥٢٩٦) ، مسند احمد ٤/٣٩، ٤٠ (صحیح ) وضاحت : ١ ؎: یعنی جب ہوا کے خارج ہونے کا یقین ہوجائے تب نماز توڑے اور جا کر وضو کرے، محض وہم پر نہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 160

【161】

سونے سے وضو ٹوٹ جانے سے متعلق

ابوہریرہ (رض) سے روایت ہے کہ رسول اللہ ﷺ نے فرمایا : جب تم میں سے کوئی نیند سے بیدار ہو تو اپنا ہاتھ برتن میں نہ ڈالے جب تک کہ اس پر تین مرتبہ پانی نہ ڈال لے کیونکہ اسے خبر نہیں کہ رات میں اس کا ہاتھ کہاں کہاں رہا ہے ١ ؎۔ تخریج دارالدعوہ : انظر حدیث رقم : ١، (تحفة الأشراف : ١٥٢٩٣) (صحیح ) وضاحت : ١ ؎: یہ نہی (ممانعت) اکثر علماء کے نزدیک تنزیہی ہے اور بعض کے نزدیک تحریمی ہے، امام احمد سے منقول ہے کہ اگر رات کو سو کر اٹھے تو کراہت تحریمی ہے اور دن کو سو کر اٹھے تو کراہت تنزیہی، في الإنائ کی قید سے معلوم ہوا کہ نہر، بڑا حوض اور تالاب وغیرہ اس حکم سے مستثنیٰ (الگ) ہیں اور ان میں ہاتھ داخل کرنا جائز ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 161

【162】

اونگھ آنے کا بیان

ام المؤمنین عائشہ رضی اللہ عنہا کہتی ہیں کہ رسول اللہ ﷺ نے فرمایا : جب کسی کو اونگھ آئے اور وہ نماز میں ہو تو وہ جلدی سے نماز ختم کرلے، ایسا نہ ہو کہ وہ (اونگھ میں) اپنے حق میں بدعا کر رہا ہو اور جان ہی نہ سکے ١ ؎۔ تخریج دارالدعوہ : تفرد بہ النسائی، (تحفة الأشراف : ١٦٧٦٩) ، وقد أخرجہ : صحیح البخاری/الوضوء ٥٣ (٢١٢) ، صحیح مسلم/المسافرین ٣١ (٧٨٦) ، سنن ابی داود/الصلاة ٣٠٨ (١٣١٠) ، سنن الترمذی/الصلاة ١٤٦ (٣٥٥) ، سنن ابن ماجہ/إقامة الصلاة ١٨٤ (١٣٧٠) ، موطا امام مالک/صلاة الیل ١ (٣) ، مسند احمد ٦/٥٦، ٢٠٥، سنن الدارمی/الصلاة ١٠٧ (١٤٢٣) (صحیح ) وضاحت : ١ ؎: اس سے مصنف نے یہ اخذ کیا ہے کہ اونگھ ناقض وضو نہیں ہے کیونکہ اگر ناقض وضو ہوتی تو آپ ﷺ نماز میں اس ڈر سے منع نہ فرماتے کہ وہ اپنے حق میں بدعا کر رہا ہو، بلکہ آپ ﷺ یہ کہتے کہ اونگھنے کی حالت میں نماز درست نہیں ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 162

【163】

شرم گاہ کو چھونے سے وضو ٹوٹ جانے سے متعلق

عروہ بن زبیر کہتے ہیں کہ میں مروان بن حکم کے پاس گیا، پھر ہم نے ان چیزوں کا ذکر کیا جن سے وضو لازم آتا ہے، تو مروان نے کہا : ذکر (عضو تناسل) کے چھونے سے وضو ہے، اس پر عروہ نے کہا : مجھے معلوم نہیں، تو مروان نے کہا : بسرہ بنت صفوان رضی اللہ عنہا نے مجھے بتایا ہے کہ انہوں نے رسول اللہ ﷺ کو کہتے ہوئے سنا کہ جب کوئی اپنا ذکر (عضو تناسل) چھوئے تو وضو کرے ۔ تخریج دارالدعوہ : سنن ابی داود/الطہارة ٧٠ (١٨١) ، سنن الترمذی/فیہ ٦١ (٨٢) مختصرًا، سنن ابن ماجہ/٦٣ (٤٧٩) مختصرًا، (تحفة الأشراف : ١٥٧٨٥) ، موطا امام مالک/فیہ ١٥ (٥٨) ، مسند احمد ٦/٤٠٦، ٤٠٧، سنن الدارمی/الطہارة ٥٠ (٧٥١، ٧٥٢) ، ویأتي عند المؤلف بأرقام : ١٦٣، ٤٤٥- ٤٤٨ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 163

【164】

شرم گاہ کو چھونے سے وضو ٹوٹ جانے سے متعلق

عروہ بن زبیر کہتے ہیں کہ مروان نے اپنی مدینہ کی امارت کے دوران ذکر کیا کہ عضو تناسل کے چھونے سے وضو کیا جائے گا، جب اس تک آدمی اپنا ہاتھ لے جائے، تو میں نے اس کا انکار کیا اور کہا : جو عضو تناسل چھوئے اس پر وضو نہیں ہے، تو مروان نے کہا : مجھے بسرہ بنت صفوان رضی اللہ عنہا نے خبر دی ہے کہ انہوں نے رسول اللہ ﷺ سے سنا آپ نے ان چیزوں کا ذکر کیا جن سے وضو کیا جاتا ہے، تو آپ ﷺ نے فرمایا : اور عضو تناسل چھونے سے (بھی) وضو کیا جائے گا ، عروہ کہتے ہیں : میں مروان سے برابر جھگڑتا رہا، یہاں تک کہ انہوں نے اپنے ایک دربان کو بلایا اور اسے بسرہ رضی اللہ عنہا کے پاس بھیجا، چناچہ اس نے مروان سے بیان کی ہوئی حدیث کے بارے میں بسرہ رضی اللہ عنہا سے دریافت کیا، تو بسرہ نے اسی طرح کی بات کہلا بھیجی جو مروان نے ان کے واسطے سے مجھ سے بیان کی تھی۔ تخریج دارالدعوہ : انظر ما قبلہ (تحفة الأشراف : ١٥٧٨٥) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 164

【165】

شرم گاہ چھونے سے وضو نہ ٹوٹنے سے متعلق

طلق بن علی (رض) کہتے ہیں کہ ہم ایک وفد کی شکل میں نکلے یہاں تک کہ ہم رسول اللہ ﷺ کے پاس آئے، اور ہم نے آپ سے بیعت کی اور آپ کے ساتھ نماز ادا کی، جب آپ ﷺ نماز سے فارغ ہوئے تو ایک شخص جو دیہاتی لگ رہا تھا آیا اور اس نے عرض کیا : اللہ کے رسول ! آپ اس آدمی کے متعلق کیا فرماتے ہیں جو نماز میں اپنا عضو تناسل چھو لے ؟ آپ ﷺ نے فرمایا : وہ تمہارے جسم کا ایک ٹکڑا یا حصہ ہی تو ہے ١ ؎۔ تخریج دارالدعوہ : سنن ابی داود/الطہارة ٧١ (١٨٢، ١٨٣) ، سنن الترمذی/فیہ ٦٢ (٨٥) مختصرًا، سنن ابن ماجہ/فیہ ٦٤، ٤٨٣، (تحفة الأشراف : ٥٠٢٣) ، مسند احمد ٤/٢٢، ٢٣ (صحیح ) وضاحت : ١ ؎: بسرۃ بنت صفوان رضی اللہ عنہا اور طلق بن علی (رضی اللہ عنہم) دونوں کی روایتیں بظاہر متعارض ہیں لیکن بسرۃ رضی اللہ عنہا کی روایت کو ترجیح حاصل ہے، اس لیے کہ وہ اثبت اور اصح ہے اور طلق بن علی رضی اللہ عنہم کی روایت منسوخ ہے کیونکہ یہ پہلے کی ہے اور بسرۃ رضی اللہ عنہا کی روایت بعد کی ہے جیسا کہ ابن حبان اور حازمی نے اس کی تصریح کی ہے، دونوں کے اندر اس طرح بھی تطبیق دی جاتی ہے کہ بسرہ رضی اللہ عنہا کی حدیث بغیر کسی پردہ اور آڑ کے چھونے سے متعلق ہے، اور طلق رضی اللہ عنہم کی حدیث کپڑے وغیرہ کے اوپر سے چھونے سے متعلق ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 165

【166】

اس کا بیان کہ اگر مرد شہوت کے بغیر عورت کو چھوئے تو وضو نہیں ٹوٹتا

ام المؤمنین عائشہ رضی اللہ عنہا کہتی ہیں کہ رسول اللہ ﷺ نماز پڑھتے تھے اور میں آپ کے سامنے جنازے کی طرح چوڑان میں لیٹی رہتی تھی، یہاں تک کہ جب آپ وتر پڑھنے کا ارادہ کرتے تو مجھے اپنے پاؤں سے کچوکے لگاتے ١ ؎۔ تخریج دارالدعوہ : تفرد بہ النسائی، (تحفة الأشراف : ١٧٥٣٢) ، وقد أخرجہ : صحیح البخاری/الصلاة ١٠٨ (٥١٩) ، صحیح مسلم/صلاة المسافرین ١٧ (٧٤٤) ، سنن ابی داود/فیہ ١١٢ (٧١٢) ، مسند احمد ٦/٤٤، ٥٥، ٢٥٩، سنن الدارمی/الصلاة ١٢٧ (١٤٥٣) (صحیح ) وضاحت : ١ ؎: مصنف نے باب پر حدیث میں وارد لفظ مسني برجله سے استدلال کیا ہے کیونکہ یہ بغیر شہوت کے چھونا تھا۔ قال الشيخ الألباني : صحيح صحيح وضعيف سنن النسائي الألباني : حديث نمبر 166

【167】

اس کا بیان کہ اگر مرد شہوت کے بغیر عورت کو چھوئے تو وضو نہیں ٹوٹتا

ام المؤمنین عائشہ رضی اللہ عنہا کہتی ہیں کہ تم لوگوں نے دیکھا ہے کہ میں رسول اللہ ﷺ کے سامنے لیٹی ہوتی اور آپ نماز پڑھتے ہوتے، جب آپ سجدہ کا ارادہ کرتے تو میرے پاؤں کو کچوکے لگاتے، تو میں اسے سمیٹ لیتی، پھر آپ سجدہ کرتے۔ تخریج دارالدعوہ : صحیح البخاری/الصلاة ١٠٨ (٥١٩) مطولاً ، سنن ابی داود/الصلاة ١١٢ (٧١٢) ، (تحفة الأشراف : ١٧٥٣٧) ، مسند احمد ٢/٤٤، ٥٤ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 167

【168】

اس کا بیان کہ اگر مرد شہوت کے بغیر عورت کو چھوئے تو وضو نہیں ٹوٹتا

ام المؤمنین عائشہ رضی اللہ عنہا کہتی ہیں کہ میں رسول اللہ ﷺ کے سامنے سوتی تھی اور میرے دونوں پاؤں آپ کے قبلہ کی طرف ہوتے، جب آپ سجدہ کرتے تو مجھے کچوکے لگاتے تو میں اپنے دونوں پاؤں سمیٹ لیتی، پھر جب آپ کھڑے ہوجاتے تو میں انہیں پھیلا لیتی، ان دنوں گھروں میں چراغ نہیں ہوتے تھے۔ تخریج دارالدعوہ : صحیح البخاری/الصلاة ٢٢ (٣٨٢) ، ١٠٤ (٥١٣) ، العمل في الصلاة ١٠ (١٢٠٩) ، صحیح مسلم/الصلاة ٥١ (٥١٢) ، سنن ابی داود/فیہ ١١٢ (٧١٤) ، (تحفة الأشراف : ١٧٧١٢) ، موطا امام مالک/صلاة اللیل ١ (٢) ، مسند احمد ٦/١٤٨، ٢٢٥، ٢٥٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 168

【169】

اس کا بیان کہ اگر مرد شہوت کے بغیر عورت کو چھوئے تو وضو نہیں ٹوٹتا

ام المؤمنین عائشہ رضی اللہ عنہا کہتی ہیں کہ ایک رات میں نے نبی اکرم ﷺ کو غائب پایا، تو اپنے ہاتھ سے آپ کو ٹٹولنے لگی، تو میرا ہاتھ آپ کے قدموں پر پڑا، آپ کے دونوں قدم کھڑے تھے اور آپ سجدے میں تھے، کہہ رہے تھے : أعوذ برضاک من سخطک وبمعافاتک من عقوبتک وأعوذ بک منک لا أحصي ثناء عليك أنت کما أثنيت على نفسک اے اللہ ! پناہ مانگتا ہوں تیری رضا مندی کی تیری ناراضگی سے، اور تیری عافیت کی تیرے عذاب سے، اور تیری پناہ مانگتا ہوں تجھ سے، میں تیری شمار کرسکتا، تو ویسا ہی ہے جیسے تو نے اپنی تعریف کی ہے ۔ تخریج دارالدعوہ : صحیح مسلم/الصلاة ٤٢ (٤٨٦) ، سنن ابی داود/فیہ ١٥٢ (٨٧٩) ، سنن ابن ماجہ/الدعاء ٣ (٣٨٤١) ، (تحفة الأشراف : ١٧٨٠٧) ، موطا امام مالک/القرآن ٨ (٣١) ، (وفیہ انقطاع) ، مسند احمد ٦/٥٨، ٢٠١، ویأتي عند المؤلف بأرقام : ١١٠١، ١١٣١، ٥٥٣٦ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 169

【170】

بوسہ لینے سے وضو نہ ٹوٹنے کا بیان

ام المؤمنین عائشہ رضی اللہ عنہا سے روایت ہے کہ نبی اکرم ﷺ اپنی بعض ازواج مطہرات کا بوسہ لیتے تھے، پھر نماز پڑھتے اور وضو نہیں کرتے ١ ؎۔ ابوعبدالرحمٰن نسائی کہتے ہیں : اس باب میں اس سے اچھی کوئی حدیث نہیں ہے اگرچہ یہ مرسل ہے، اور اس حدیث کو اعمش نے حبیب بن ابی ثابت سے، انہوں نے عروہ سے، اور عروہ نے ام المؤمنین عائشہ رضی اللہ عنہا سے روایت کی ہے، یحییٰ القطان کہتے ہیں : حبیب کی یہ روایت جسے انہوں نے عروہ سے اور عروہ نے ام المؤمنین عائشہ رضی اللہ عنہا سے روایت کی ہے اور حبیب کی تصلى وإن قطر الدم على الحصير مستحاضہ نماز پڑھے گرچہ چٹائی پر خون ٹپکے والی روایت جسے انہوں نے عروہ سے اور عروہ نے ام المؤمنین عائشہ رضی اللہ عنہا سے روایت کی ہے دونوں کچھ نہیں ہیں ٢ ؎، (یعنی دونوں ضعیف اور ناقابل اعتماد ہیں) ۔ تخریج دارالدعوہ : حدیث إبراہیم بن یزید الیتمی عن عائشة أخرجہ : سنن ابی داود/الطہارة ٦٩ (١٧٨) ، صحیح مسلم/٢١٠، (تحفة الأشراف : ١٥٩١٥) ، وحدیث عروة المزنی عن عائشة أخرجہ : سنن ابی داود/الطہارة ٦٩ (١٧٩) ، سنن الترمذی/الطہارة ٦٣ (٨٦) ، سنن ابن ماجہ/الطہارة ٦٩ (٥٠٢) ، مسند احمد ٦/٢١٠، (تحفة الأشراف : ١٧٣٧١) (صحیح) (متابعات و شواہد سے تقویت پا کر یہ روایت صحیح ہے، ورنہ ابراہیم تیمی کا سماع ام المومنین عائشہ رضی اللہ عنہا سے نہیں ہے ) وضاحت : ١ ؎: یہ روایت اس بات پر دلالت کرتی ہے کہ شہوت کے ساتھ عورت کو چھونے سے بھی وضو نہیں ہے کیونکہ اس کا بوسہ عام طور سے شہوت کے ساتھ ہی ہوتا ہے۔ ٢ ؎: اس کی وجہ حبیب اور عروہ کے درمیان سند میں انقطاع ہے، مگر متابعات و شواہد سے تقویت پا کر یہ روایت بھی صحیح ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 170

【171】

آگ پر پکی ہوئی چیز کھانے کے بعد وضو کرنا

ابوہریرہ (رض) کہتے ہیں کہ میں نے رسول اللہ ﷺ کو فرماتے سنا : آگ کی پکی چیز (کھانے) سے وضو کرو ١ ؎۔ تخریج دارالدعوہ : صحیح مسلم/الحیض ٢٣ (٣٥٢) ، (تحفة الأشراف : ١٢١٨٢، ٣٥٥٣) ، وقد أخرجہ : سنن ابی داود/الطھارة ٧٦ (١٩٤) ، سنن الترمذی/الطہارة ٥٨ (٧٩) ، سنن ابن ماجہ/الطہارة ٦٥ (٤٨٥) ، مسند احمد ٢/٢٦٥، ٢٧١، ٤٢٧، ٤٥٨، ٤٧٩، ٤٦٩، ٤٧٨ (صحیح ) وضاحت : ١ ؎: یہ حدیث منسوخ ہے، دیکھئیے حدیث رقم : ١٨٢ - ١٨٥۔ قال الشيخ الألباني : صحيح صحيح وضعيف سنن النسائي الألباني : حديث نمبر 171

【172】

آگ پر پکی ہوئی چیز کھانے کے بعد وضو کرنا

ابوہریرہ (رض) کہتے ہیں کہ میں نے رسول اللہ ﷺ کو فرماتے ہوئے سنا : آگ کی پکی چیز (کھانے) سے وضو کرو ۔ تخریج دارالدعوہ : انظر حدیث رقم : ١٧١، (تحفة الأشراف : ١٣٥٥٣) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 172

【173】

آگ پر پکی ہوئی چیز کھانے کے بعد وضو کرنا

عبداللہ بن ابراہیم بن قارظ کہتے ہیں کہ میں نے ابوہریرہ (رض) کو مسجد کی چھت پر وضو کرتے دیکھا، تو انہوں نے کہا : میں نے پنیر کے کچھ ٹکڑے کھائے ہیں، اسی وجہ سے میں نے وضو کیا ہے، میں نے رسول اللہ ﷺ کو آگ کی پکی چیز (کھانے) سے وضو کا حکم دیتے سنا ہے۔ تخریج دارالدعوہ : انظر حدیث رقم : ١٧١ (تحفة الأشراف : ١٣٥٥٣) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 173

【174】

آگ پر پکی ہوئی چیز کھانے کے بعد وضو کرنا

عبداللہ بن عباس رضی اللہ عنہم کہتے ہیں : کیا میں اس کھانے سے وضو کروں جسے میں اللہ تعالیٰ کی کتاب میں حلال پاتا ہوں، محض اس لیے کہ وہ آگ سے پکا ہوا ہے ؟ تو ابوہریرہ (رض) نے کچھ کنکریاں جمع کیں اور کہا : ان کنکریوں کی تعداد کے برابر گواہی دیتا ہوں کہ رسول اللہ ﷺ نے فرمایا : آگ سے پکی چیزوں سے وضو کرو ۔ تخریج دارالدعوہ : تفرد بہ النسائی، (تحفة الأشراف : ١٤٦١٤) ، مسند احمد ٢/٥٢٩ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 174

【175】

آگ پر پکی ہوئی چیز کھانے کے بعد وضو کرنا

ابوہریرہ (رض) سے روایت ہے کہ رسول اللہ ﷺ نے فرمایا : آگ کی پکی چیز (کھانے) سے وضو کرو ۔ تخریج دارالدعوہ : تفرد بہ النسائی، (تحفة الأشراف : ١٣٥٨٤) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 175

【176】

آگ پر پکی ہوئی چیز کھانے کے بعد وضو کرنا

ابوایوب (رض) کہتے ہیں کہ نبی اکرم ﷺ نے فرمایا : آگ سے پکی چیز (کھانے) سے وضو کرو ۔ تخریج دارالدعوہ : تفرد بہ النسائي، (تحفة الأشراف : ٣٤٦٤) (صحیح الإسناد ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 176

【177】

آگ پر پکی ہوئی چیز کھانے کے بعد وضو کرنا

ابوطلحہ (رض) سے روایت ہے کہ رسول اللہ ﷺ نے فرمایا : آگ کی پکی چیز (کھانے) سے وضو کرو ۔ تخریج دارالدعوہ : تفرد بہ النسائي، (تحفة الأشراف : ٣٧٨١) ، مسند احمد ٤/٣٠ (صحیح الإسناد ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 177

【178】

آگ پر پکی ہوئی چیز کھانے کے بعد وضو کرنا

ابوطلحہ (رض) سے روایت ہے کہ نبی اکرم ﷺ نے فرمایا : آگ کی پکی چیز (کھانے) سے وضو کرو ۔ تخریج دارالدعوہ : تفرد بہ النسائي، (تحفة الأشراف : ٣٧٧٨) ، مسند احمد ٤/٢٨، ٣٠ (صحیح الإسناد ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 178

【179】

آگ پر پکی ہوئی چیز کھانے کے بعد وضو کرنا

زید بن ثابت (رض) کہتے ہیں کہ میں نے رسول اللہ ﷺ کو فرماتے سنا : آگ کی پکی چیز (کھانے) سے وضو کرو ۔ تخریج دارالدعوہ : صحیح مسلم/الحیض ٢٣ (٣٥١) ، (تحفة الأشراف : ٣٧٠٤) ، مسند احمد ٥/١٨٤، ١٨٨، ١٨٩، ١٩٠، ١٩١، ١٩٢، سنن الدارمی/الطہارة ٥١ (٧٥٣) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 179

【180】

آگ پر پکی ہوئی چیز کھانے کے بعد وضو کرنا

ابوسفیان بن سعید بن اخنس بن شریق نے خبر دی ہے کہ وہ اپنی خالہ ام المؤمنین ام حبیبہ رضی اللہ عنہا کے پاس آئے، تو انہوں نے مجھے ستو پلایا، پھر کہا : بھانجے ! وضو کرلو، کیونکہ رسول اللہ ﷺ نے فرمایا ہے : آگ کی پکی چیز (کھانے) سے وضو کرو ۔ تخریج دارالدعوہ : الطہارة ٧٦ (١٩٥) ، (تحفة الأشراف : ١٥٨٧١) ، مسند احمد ٦/٣٢٦، ٣٢٧، ٣٢٨، ٤٢٦، ٤٢٧ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 180

【181】

آگ پر پکی ہوئی چیز کھانے کے بعد وضو کرنا

ابوسفیان بن سعید بن اخنس سے روایت ہے کہ ام المؤمنین ام حبیبہ رضی اللہ عنہا نے ان سے کہا (جب انہوں نے ستو پیا) بھانجے ! وضو کرلو، کیونکہ میں نے رسول اللہ ﷺ کو فرماتے سنا ہے : آگ کی پکی چیز (کھانے) سے وضو کرو ۔ تخریج دارالدعوہ : انظر ما قبلہ، (تحفة الأشراف : ١٥٨٧١) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 181

【182】

آگ سے پکی ہوئی اشیاء کھا کر وضو نہ کرنے سے متعلق

ام المؤمنین ام سلمہ رضی اللہ عنہا سے روایت ہے کہ رسول اللہ ﷺ نے (بکری کی) دست کھائی، پھر آپ کے پاس بلال (رض) آئے، تو آپ نماز کے لیے نکلے اور پانی کو ہاتھ نہیں لگایا۔ تخریج دارالدعوہ : سنن ابن ماجہ/الطہارة ٦٦ (٤٩١) ، (تحفة الأشراف : ١٨٢٦٩) ، مسند احمد ٦/٢٩٢، ولہ غیر ھذہ الطریق عن أم سلمة، راجع مسند احمد ٦/٣٠٦، ٣١٧، ٣١٩، ٣٢٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 182

【183】

آگ سے پکی ہوئی اشیاء کھا کر وضو نہ کرنے سے متعلق

سلیمان بن یسار کہتے ہیں کہ میں ام المؤمنین ام سلمہ رضی اللہ عنہا کے پاس گیا، تو انہوں نے مجھ سے بیان کیا کہ رسول اللہ ﷺ احتلام سے نہیں (بلکہ جماع سے) صبح کرتے، پھر روزہ رکھتے، (محمد بن یوسف کہتے ہیں :) اور ہم سے سلیمان بن یسار نے اس حدیث کے ساتھ (یہ بھی) بیان کیا کہ ام سلمہ رضی اللہ عنہا نے ان سے بیان کیا کہ انہوں نے نبی اکرم ﷺ کی خدمت میں بھنا ہوا پہلو (گوشت کا ٹکڑا) پیش کیا، تو آپ ﷺ نے اس میں سے کھایا، پھر نماز کے لیے کھڑے ہوئے اور وضو نہیں کیا۔ تخریج دارالدعوہ : تفرد بہ النسائی، (تحفة الأشراف : ١٨١٦٠) ، وقد أخرجہ : صحیح مسلم/الصوم ١٣ (١١٠٩) ، مسند احمد ٦/٣٠٦ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 183

【184】

آگ سے پکی ہوئی اشیاء کھا کر وضو نہ کرنے سے متعلق

عبداللہ بن عباس رضی اللہ عنہم کہتے ہیں کہ میں رسول اللہ ﷺ کے پاس حاضر ہوا، آپ نے روٹی اور گوشت تناول فرمایا، پھر نماز کے لیے کھڑے ہوئے اور وضو نہیں کیا۔ تخریج دارالدعوہ : تفرد بہ النسائی، (تحفة الأشراف : ٥٦٧١) ، مسند احمد ١/٣٦٦، وقد أخرجہ : صحیح البخاری/الطہارة ٥٠ (٢٠٧) ، الأطعمة ١٨ (٥٤٠٤) ، صحیح مسلم/الحیض ٢٤ (٣٥٤) ، سنن ابی داود/الطہارة ٧٥ (١٨٧) ، مسند احمد (١/٢٢٦، ٢٢٧، ٢٤١، ٢٤٤، ٢٥٣، ٢٥٤، ٢٥٨، ٢٦٤، ٢٦٧، ٢٧٢، ٢٧٣، ٢٨١، ٣٣٦، ٣٥١، ٣٥٢، ٣٥٦، ٣٦١، ٣٦٣، ٣٦٥، ٣٦٦) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 184

【185】

آگ سے پکی ہوئی اشیاء کھا کر وضو نہ کرنے سے متعلق

جابر بن عبداللہ رضی اللہ عنہم کہتے ہیں کہ رسول اللہ ﷺ کی دونوں باتوں (آگ کی پکی ہوئی چیز کھا کر وضو کرنے اور وضو نہ کرنے) میں آخری بات آگ پر پکی ہوئی چیز کھا کر وضو نہ کرنا ہے۔ تخریج دارالدعوہ : سنن ابی داود/الطہارة ٧٥ (١٩٢) ، (تحفة الأشراف : ٣٠٤٧) ، وأخرجہ : صحیح البخاری/الأطعمة ٥٣ (٥٤٥٧) ، مسند احمد ٣/٣٠٤، ٣٠٧، ٣٢٢، ٣٦٣، ٣٧٥، ٣٨١، بغیر ھذا اللفظ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 185

【186】

ستو کھانے کے بعد کلی کرنا

سوید بن نعمان (رض) کہتے ہیں کہ وہ خیبر کے سال رسول اللہ ﷺ کے ساتھ نکلے، یہاں تک کہ جب لوگ مقام صہبا (جو خیبر سے قریب ہے) میں پہنچے، تو آپ ﷺ نے نماز عصر ادا کی، پھر توشوں کو طلب کیا، تو صرف ستو لایا گیا، آپ ﷺ نے حکم دیا، تو اسے گھولا گیا، آپ نے کھایا اور ہم نے بھی کھایا، پھر آپ مغرب کی نماز کے لیے کھڑے ہوئے، آپ نے کلی کی اور ہم نے (بھی) کلی کی، پھر آپ نے نماز پڑھی اور وضو نہیں کیا۔ تخریج دارالدعوہ : صحیح البخاری/الوضوء ٥١ (٢٠٩) ، ٥٤ (٢١٥) ، الجھاد ١٢٣ (٢٩٨١) ، المغازي ٣٨ (٤١٩٥) ، الأطعمة ٧ (٥٣٨٤) ، ٩ (٥٣٩٠) ، ٥١ (٥٤٥٥) ، سنن ابن ماجہ/الطھارة ٦٦ (٤٩٢) ، (تحفة الأشراف : ٤٨١٣) ، موطا امام مالک/فیہ ٥ (٢٠) ، مسند احمد ٣/٤٦٢، ٤٨٨ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 186

【187】

دودھ پی کر کلی کرنے کا بیان

عبداللہ بن عباس رضی اللہ عنہم سے روایت ہے کہ نبی اکرم ﷺ نے دودھ پیا، پھر پانی مانگا اور کلی کی، پھر فرمایا : اس میں چکنائی ہوتی ہے ۔ تخریج دارالدعوہ : صحیح البخاری/الوضوء ٥٢ (٢١١) ، الأشربة ١٢ (٥٦٠٩) ، صحیح مسلم/الحیض ٢٤ (٣٥٨) ، سنن ابی داود/الطھارة ٧٧ (١٩٦) ، سنن الترمذی/الطھارة ٦٦ (٨٩) ، سنن ابن ماجہ/الطھارة ٦٨ (٤٩٨) ، (تحفة الأشراف : ٥٨٣٣) ، مسند احمد ١/٢٢٣، ٢٢٧، ٣٢٩، ٣٣٧، ٣٧٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 187

【188】

کونسی باتوں سے غسل کرنا لازم ہے اور کن سے نہیں؟

قیس بن عاصم (رض) سے روایت ہے کہ وہ اسلام لائے تو نبی اکرم ﷺ نے انہیں پانی اور بیری کے پتوں سے غسل کرنے کا حکم دیا ١ ؎۔ تخریج دارالدعوہ : سنن ابی داود/الطھارة ١٣١ (٣٥٥) ، سنن الترمذی/الصلاة ٣٠٣ (٦٠٥) ، (تحفة الأشراف : ١١١٠٠) ، مسند احمد ٥/٦١ (صحیح ) وضاحت : ١ ؎: یہ غسل کفر کی گندگی کے ازالہ اور نجاست کے احتمال کے دفعیہ کے لیے ہے، اکثر علماء کے نزدیک یہ حکم استحبابی ہے اور بعض کے نزدیک وجوبی ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 188

【189】

جس وقت کافر مسلمان ہونے کا ارادہ کرے تو وہ غسل کرے

ابوہریرہ (رض) کہتے ہیں کہ ثمامہ بن اثال حنفی ١ ؎ مسجد نبوی کے قریب پانی کے پاس آئے، اور غسل کیا، پھر مسجد میں داخل ہوئے اور کہا : میں گواہی دیتا ہوں کہ اللہ تعالیٰ کے سوا کوئی معبود برحق نہیں، وہ اکیلا ہے کوئی اس کا شریک نہیں، اور محمد ﷺ اس کے بندے اور رسول ہیں، اے محمد ! اللہ کی قسم میرے نزدیک روئے زمین پر کوئی چہرہ آپ کے چہرہ سے زیادہ ناپسندیدہ نہیں تھا، اور اب آپ کا چہرہ میرے لیے تمام چہروں سے زیادہ محبوب اور پسندیدہ ہوگیا ہے، اور آپ کے گھوڑ سواروں نے مجھے گرفتار کرلیا ہے، اور حال یہ ہے کہ میں عمرہ کرنا چاہتا ہوں تو اب آپ کا کیا خیال ہے ؟ تو رسول اللہ ﷺ نے انہیں بشارت دی، اور حکم دیا کہ وہ عمرہ کرلیں، (یہ حدیث یہاں مختصراً مذکور ہے) ۔ تخریج دارالدعوہ : صحیح البخاری/الصلاة ٧٦ (٤٦٢) مختصرًا، الخصومات ٧ (٢٤٢٢) مختصرًا، المغازي ٧٠ (٤٣٧٢) مطولاً ، صحیح مسلم/الجھاد ١٩ (١٧٦٤) ، سنن ابی داود/الجھاد ١٢٤ (٢٦٧٩) ، (تحفة الأشراف : ١٣٠٠٧) ، مسند احمد ٢/٤٥٢، ٤٨٣، وسیأتی بعضہ برقم : ٧١٣ (صحیح ) وضاحت : ١ ؎: یمامہ کے قبیلہ بنو حنیفہ کے ایک فرد تھے، اپنی قوم کے سردار بھی تھے، عمرہ کی ادائیگی کے لیے نکلے تھے، راستے میں رسول اللہ ﷺ کے گشتی سواروں نے گرفتار کرلیا، اور انہیں مدینہ رسول اللہ ﷺ کی خدمت اقدس میں لے آئے، اور انہیں مسجد نبوی کے ایک ستون سے باندھ دیا گیا، تین دن کے بعد نبی اکرم ﷺ نے انہیں آزاد کردیا جس سے متاثر ہو کر وہ اسلام لے لائے۔ قال الشيخ الألباني : صحيح صحيح وضعيف سنن النسائي الألباني : حديث نمبر 189

【190】

جس وقت کافر مسلمان ہونے کا ارادہ کرے تو وہ غسل کرے

علی (رض) سے روایت ہے کہ وہ نبی اکرم ﷺ کے پاس آئے اور کہنے لگے : ابوطالب مرگئے ہیں، آپ ﷺ نے فرمایا : جاؤ انہیں گاڑ دو تو انہوں نے کہا : وہ شرک کی حالت میں مرے ہیں ؟ آپ ﷺ نے فرمایا : جاؤ انہیں گاڑ دو ، چناچہ جب میں انہیں گاڑ کر آپ کے پاس واپس آیا، تو آپ ﷺ نے مجھ سے فرمایا : غسل کرلو ۔ تخریج دارالدعوہ : سنن ابی داود/الجنائز ٧٠ (٣٢١٤) ، (تحفة الأشراف : ١٠٢٨٧) ، مسند احمد ١/٩٧، ١٣١، ویأتي عند المؤلف برقم : ٢٠٠٨ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 190

【191】

ختانوں کے مل جانے (دخول صحیحہ) پر غسل کا واجب ہونا

ابوہریرہ (رض) سے روایت ہے کہ رسول اللہ ﷺ نے فرمایا : جب مرد، اس (عورت) کے چاروں شاخوں کے درمیان بیٹھے، پھر کوشش کرے تو غسل واجب ہوجاتا ہے ١ ؎۔ تخریج دارالدعوہ : صحیح البخاری/الغسل ٢٨ (٢٩١) ، صحیح مسلم/الحیض ٢٢ (٣٤٨) ، سنن ابی داود/الطہارة ٨٤ (٢١٦) ، سنن ابن ماجہ/الطھارة ١١١ (٦١٠) ، (تحفة الأشراف : ١٤٦٥٩) ، مسند احمد ٢/٢٣٤، ٣٤٧، ٣٩٣، ٤٧١، ٥٢٠، سنن الدارمی/الطہارة ٧٥ (٧٨٨) (صحیح ) وضاحت : ١ ؎: شاخوں کے درمیان بیٹھے اس سے مراد عورت کے دونوں ہاتھ اور دونوں پیر ہیں یا دونوں پیر اور دونوں ران ہیں، اور ایک قول ہے کہ اس کی شرمگاہ کے چاروں اطراف مراد ہیں۔ پھر کوشش کرے کوشش کرنے سے کنایہ دخول کی جانب ہے، یعنی عضو تناسل کو عورت کی شرمگاہ میں داخل کر دے۔ غسل واجب ہوجاتا ہے یہ حدیث اس بات پر دلالت کرتی ہے کہ غسل کے وجوب کا دارومدار دخول پر ہے اس کے لیے انزال شرط نہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 191

【192】

ختانوں کے مل جانے (دخول صحیحہ) پر غسل کا واجب ہونا

ابوہریرہ (رض) سے روایت ہے کہ رسول اللہ ﷺ نے فرمایا : جب مرد عورت کی چاروں شاخوں کے بیچ بیٹھے، پھر کوشش کرے، تو غسل واجب ہوگیا ۔ ابوعبدالرحمٰن (نسائی) کہتے ہیں : اشعث کا ابن سیرین کے طریق سے ابوہریرہ (رض) سے روایت کرنا غلط ہے، صحیح یہ ہے کہ اشعث نے اسے بواسطہ حسن ابوہریرہ (رض) سے روایت کی ہے، نیز یہ حدیث بواسطہ شعبہ نضر بن شمیل وغیرہ سے بھی مروی ہے جیسا کہ اسے خالد نے روایت کی ہے، یعنی : بطریق قتادة عن الحسن، عن أبي رافع، عن أبي هريرة۔ تخریج دارالدعوہ : تفرد بہ النسائی، (تحفة الأشراف : ١٤٤٠٥) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 192

【193】

جس وقت منی نکل جائے تو غسل کرنا ضروری ہے

علی (رض) کہتے ہیں کہ میں ایک ایسا شخص تھا جسے کثرت سے مذی آتی تھی، تو رسول اللہ ﷺ نے مجھ سے فرمایا : جب مذی دیکھو تو اپنا ذکر دھو لو، اور نماز کے وضو کی طرح وضو کرلو، اور جب پانی (منی) کودتا ہوا نکلے تو غسل کرو ۔ تخریج دارالدعوہ : سنن ابی داود/الطھارة ٨٣ (٢٠٦) مطولاً ، (تحفة الأشراف : ١٠٠٧٩) ، مسند احمد ١/ ١٠٩، ١٢٥، ١٤٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 193

【194】

جس وقت منی نکل جائے تو غسل کرنا ضروری ہے

علی (رض) کہتے ہیں کہ میں ایک ایسا آدمی تھا جسے کثرت سے مذی آتی تھی، تو میں نے ١ ؎، نبی اکرم ﷺ سے پوچھا، تو آپ ﷺ نے فرمایا : جب مذی دیکھو تو وضو کرلو، اور اپنا ذکر دھو لو، اور جب پانی (منی) کو کودتے دیکھو، تو غسل کرو ٢ ؎۔ تخریج دارالدعوہ : انظر ما قبلہ (تحفة الأشراف : ١٠٠٧٩) (صحیح ) وضاحت : ١ ؎: یعنی مقداد یا عمار کے واسطہ سے پوچھا، جیسا کہ حدیث نمبر : ١٥٢ ، ١٥٧ میں گزر چکا ہے۔ ٢ ؎: منی کا ذکر افادئہ مزید کے لیے ہے ورنہ جواب مذی کے ذکر ہی پر پورا ہوچکا تھا۔ قال الشيخ الألباني : صحيح صحيح وضعيف سنن النسائي الألباني : حديث نمبر 194

【195】

عورت کے لئے احتلام کے حکم کا بیان

انس (رض) سے روایت ہے کہ ام سلیم رضی اللہ عنہا نے رسول اللہ ﷺ سے اس عورت کے متعلق دریافت کیا جو اپنے خواب میں وہ چیز دیکھتی ہے جو مرد دیکھتا ہے، تو آپ ﷺ نے فرمایا : جب وہ انزال کرے تو غسل کرے ۔ تخریج دارالدعوہ : صحیح مسلم/الحیض ٧ (٣١١) مطولاً ، سنن ابن ماجہ/الطھارة ١٠٧ (٦٠١) مطولاً ، (تحفة الأشراف : ١١٨١) ، مسند احمد ٣/١٢١، ١٩٩، ٢٨٢، سنن الدارمی/الطھارة ٧٥ (٧٩١) بأطول من ھذا، ویأتی عندالمؤلف برقم : ٢٠٠ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 195

【196】

عورت کے لئے احتلام کے حکم کا بیان

ام المؤمنین عائشہ رضی اللہ عنہا کہتی ہیں کہ ام سلیم رضی اللہ عنہا نے رسول اللہ ﷺ سے بات کی، اور عائشہ رضی اللہ عنہا (بھی وہاں) بیٹھی ہوئی تھیں، ام سلیم رضی اللہ عنہا نے آپ ﷺ سے عرض کیا : اللہ کے رسول ! اللہ تعالیٰ حق بات (بیان کرنے) سے نہیں شرماتا ہے، آپ مجھے اس عورت کے متعلق بتائیے جو خواب میں وہ چیز دیکھتی ہے جو مرد دیکھتا ہے، کیا وہ اس کی وجہ سے غسل کرے ؟ تو رسول اللہ ﷺ نے ان سے فرمایا : ہاں !، عائشہ رضی اللہ عنہا کہتی ہیں : تو میں نے ان سے (ام سلیم رضی اللہ عنہا سے) کہا : افسوس ہے تم پر ! کیا عورت بھی اس طرح خواب دیکھتی ہے ؟ تو رسول اللہ ﷺ میری طرف متوجہ ہوئے اور فرمایا : تمہارے ہاتھ خاک آلود ہوں، پھر بچہ کیسے (ماں کے) مشابہ ہوجاتا ہے ؟ ١ ؎۔ تخریج دارالدعوہ : تفرد بہ النسائی، وقد آخرجہ : صحیح مسلم/الحیض ٧ (٣١٣) تعلیقاً ، سنن ابی داود/الطھارة ٩٦ (٢٣٧) ، (تحفة الأشراف : ١٦٦٢٧) ، مسند احمد ٦/٩٢ (صحیح ) وضاحت : ١ ؎: مطلب یہ ہے کہ لڑکا مرد اور عورت کے پانی ہی سے پیدا ہوتا ہے، جس کا پانی غالب ہوجاتا ہے لڑکا اسی کے مشابہ ہوتا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 196

【197】

عورت کے لئے احتلام کے حکم کا بیان

ام المؤمنین ام سلمہ رضی اللہ عنہا سے روایت ہے کہ ایک عورت نے عرض کیا : اللہ کے رسول ! اللہ حق بات (بیان کرنے) سے نہیں شرماتا ہے (اسی لیے میں ایک مسئلہ دریافت کرنا چاہتی ہوں) ، عورت کو احتلام ہوجائے تو کیا اس پر غسل ہے ؟ آپ ﷺ نے فرمایا : ہاں، جب منی دیکھ لے ، ام المؤمنین ام سلمہ رضی اللہ عنہا (یہ سن کر) ہنس پڑیں، اور کہنے لگیں : کیا عورت کو بھی احتلام ہوتا ہے ؟ تو رسول اللہ ﷺ نے فرمایا : پھر لڑکا کس چیز کی وجہ سے اس کے مشابہ (ہم شکل) ہوتا ہے ؟ ۔ تخریج دارالدعوہ : صحیح البخاری/العلم ٥٠ (١٣٠) ، الغسل ٢٢ (٢٨٢) ، الأنبیاء ١ (٣٣٢٨) ، الأدب ٦٧ (٦٠٩١) ، وباب ٧٩ (٦١٢١) ، صحیح مسلم/الحیض ٧ (٣١٣) ، سنن الترمذی/الطھارة ٩٠ (١٢٢) ، سنن ابن ماجہ/فیہ ١٠٧ (٦٠٠) ، (تحفة الأشراف : ١٨٢٦٤) ، موطا امام مالک/فیہ ٢١ (٨٤) ، مسند احمد ٦/ ٢٩٢، ٣٠٢، ٣٠٦ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 197

【198】

عورت کے لئے احتلام کے حکم کا بیان

خولہ بنت حکیم رضی اللہ عنہا کہتی ہیں کہ میں نے رسول اللہ ﷺ سے اس عورت کے متعلق پوچھا جسے خواب میں احتلام ہوجائے ؟ تو آپ ﷺ نے فرمایا : جب وہ منی دیکھے تو غسل کرے ۔ تخریج دارالدعوہ : سنن ابن ماجہ/الطھارة ١٠٧ (٦٠٢) مطولاً ، (تحفة الأشراف : ١٥٨٢٧) ، مسند احمد ٦/٤٠٩، سنن الدارمی/الطھارة ٧٦/٧٨٩ (صحیح) (متابعات و شواہد سے تقویت پا کر یہ روایت بھی صحیح ہے، ورنہ اس کے راوی عطاء خراسانی “ ضعیف ہیں ) قال الشيخ الألباني : صحيح صحيح وضعيف سنن النسائي الألباني : حديث نمبر 198

【199】

اگر کسی کو احتلام تو ہو لیکن (جسم یا کپڑے پر) تری نہ دیکھے؟

ابوایوب (رض) کہتے ہیں کہ نبی اکرم ﷺ نے فرمایا : پانی پانی سے ہے ١ ؎ یعنی خواب میں منی خارج ہونے پر ہی غسل واجب ہوتا ہے۔ تخریج دارالدعوہ : سنن ابن ماجہ/الطھارة ١١٠ (٦٠٧) ، (تحفة الأشراف : ٣٤٦٩) ، مسند احمد ٥/ ٤١٦، ٤٢١، سنن الدارمی/الطہارة ٧٤ (٧٨٥) (صحیح ) وضاحت : ١ ؎: پہلے پانی سے مراد ماء مطہر ہے اور دوسرے پانی سے مراد منی ہے، یہ حدیث عرفاً حصر کا فائدہ دے رہی ہے یعنی مجرد دخول سے جب تک کہ انزال نہ ہو غسل واجب نہیں ہوتا، لیکن یہ حدیث ابی بن کعب کے قول كان الماء من الماء في أوّل الإسلام ثم ترک بعده وأمر بالغسل إذا مس الختان بالختان سے منسوخ ہے، یا یہ حکم جماع سے متعلق نہیں صرف احتلام سے متعلق ہے جیسا کہ مؤلف نے ترجمہ الباب میں اس کی جانب اشارہ کیا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 199

【200】

مرد اور عورت کی منی سے متعلق

انس (رض) کہتے ہیں کہ رسول اللہ ﷺ نے فرمایا : مرد کی منی گاڑھی اور سفید ہوتی ہے، اور عورت کی منی پتلی زرد ہوتی ہے، تو دونوں میں جس کی منی سبقت کر جائے ١ ؎ بچہ اسی کی ہم شکل ہوتا ہے ۔ تخریج دارالدعوہ : انظر رقم ١٩٥، (تحفة الأشراف : ١١٨١) (صحیح ) وضاحت : ١ ؎: یعنی منی رحم میں پہلے پہنچ جائے، اور ایک قول یہ بھی ہے کہ سَبَقَ، غَلَبَ کے معنی میں ہے یعنی جس کی منی غالب آجائے اور مقدار میں طاقتور ہو۔ قال الشيخ الألباني : صحيح صحيح وضعيف سنن النسائي الألباني : حديث نمبر 200

【201】

حیض کے بعد غسل کرنا

فاطمہ بنت قیس رضی اللہ عنہا جو قریش کے قبیلہ بنو اسد کی خاتون ہیں کہتی ہیں کہ وہ نبی اکرم ﷺ کے پاس آئیں، اور عرض کیا کہ انہیں استحاضہ کا خون آتا ہے، تو آپ ﷺ نے ان سے فرمایا : یہ تو ایک رگ (کا خون) ہے، جب حیض کا خون آئے تو نماز ترک کر دو ، اور جب ختم ہوجائے تو خون دھو لو پھر (غسل کر کے) نماز پڑھ لو ۔ تخریج دارالدعوہ : سنن ابی داود/الطھارة ١٠٨ (٢٨٠، ٢٨١) و ١١٠ (٢٨٦) ، سنن ابن ماجہ/فیہ ١١٥ (٦٢٠) ، (تحفة الأشراف : ١٨٠١٩) ، مسند احمد ٦/٤٢٠، ٤٦٣، وأعادہ المؤلف بأرقام : ٢١٢، ٣٥٠، ٣٥٨، ٣٦٢، ٣٥٨٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 201

【202】

حیض کے بعد غسل کرنا

ام المؤمنین عائشہ رضی اللہ عنہا کہتی ہیں کہ نبی اکرم ﷺ نے فرمایا : جب حیض کا خون آئے تو نماز چھوڑ دو ، اور جب بند ہوجائے تو غسل کرلو ۔ تخریج دارالدعوہ : سنن ابن ماجہ/الطہارة ١١٦ (٦٢٦) مطولاً ، ٢٨ (٣٣١) ، (تحفة الأشراف : ١٦٥١٦) ، وقد أخرجہ : صحیح البخاری/الحیض، ویأتي عند المؤلف برقم : ٢٠٣، ٢٠٤، ٣٥١ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 202

【203】

حیض کے بعد غسل کرنا

ام المؤمنین عائشہ رضی اللہ عنہا کہتی ہیں کہ ام حبیبہ بنت جحش کو سات سال تک استحاضہ کا خون آتا رہا، تو انہوں نے رسول اللہ ﷺ سے اس کی شکایت کی، تو آپ ﷺ نے فرمایا : یہ حیض نہیں ہے، بلکہ یہ ایک رگ (کا خون) ہے، لہٰذا غسل کر کے نماز پڑھ لو ۔ تخریج دارالدعوہ : صحیح البخاری/الحیض ٢٦ (٣٢٧) ، صحیح مسلم/فیہ ١٤ (٣٣٤) ، سنن ابی داود/الطھارة ١١٠ (٢٨٥) ، ١١١ (٢٨٨) ، سنن ابن ماجہ/١١٦ (٦٢٦) ، (تحفة الأشراف : ١٦٥١٦، ١٧٩٢٢) ، مسند احمد ٦/٨٣، ١٤١، ١٨٧، سنن الدارمی/الطھارة ٨٠ (٧٩٥) ، ویأتي عند المؤلف برقم : ٢٠٤، ٢٠٥، ٢١١، ٣٥٧ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 203

【204】

حیض کے بعد غسل کرنا

ام المؤمنین عائشہ رضی اللہ عنہا کہتی ہیں کہ عبدالرحمٰن بن عوف کی بیوی ام حبیبہ رضی اللہ عنہا - بنت جحش جو ام المؤمنین زینب بنت جحش رضی اللہ عنہا کی بہن ہیں - کو استحاضہ کا خون آیا، تو انہوں نے رسول اللہ ﷺ سے مسئلہ پوچھا، تو رسول اللہ ﷺ نے ان سے فرمایا : یہ حیض نہیں ہے بلکہ یہ ایک رگ (کا خون) ہے، تو جب حیض بند ہوجائے تو غسل کرو، اور نماز پڑھو، اور جب وہ آجائے تو اس کی وجہ سے نماز ترک کر دو ، ام المؤمنین عائشہ رضی اللہ عنہا کہتی ہیں : تو وہ ہر نماز کے لیے غسل کرتیں ١ ؎ اور نماز پڑھتی تھیں، اور کبھی کبھی اپنی بہن زینب رضی اللہ عنہا کے کمرے میں ایک ٹب میں غسل کرتیں، اور ام المؤمنین زینب رضی اللہ عنہا رسول اللہ ﷺ کے پاس ہوتیں، یہاں تک کہ خون کی سرخی پانی کے اوپر آجاتی، پھر وہ نکلتیں، اور رسول اللہ ﷺ کے ساتھ نماز پڑھتیں، اور یہ (خون) انہیں نماز سے نہیں روکتا۔ تخریج دارالدعوہ : انظر ما قبلہ، ولکن لا یوجد عند مسلم قولہ : وتخرج فتصلی ۔۔۔ “ (تحفة الأشراف : ١٧٩٢٢) (صحیح ) وضاحت : ١ ؎: ہر نماز کے لیے ان کا یہ غسل ازراہ احتیاط تھا، نبی اکرم ﷺ نے انہیں اس کا حکم نہیں دیا تھا، اور جو یہ آیا ہے کہ آپ ﷺ نے انہیں اس کا حکم دیا تھا تو اسے استحباب پر محمول کیا گیا ہے۔ قال الشيخ الألباني : صحيح م دون قوله وتخرج فتصلي ... صحيح وضعيف سنن النسائي الألباني : حديث نمبر 204

【205】

حیض کے بعد غسل کرنا

ام المؤمنین عائشہ رضی اللہ عنہا سے روایت ہے کہ رسول اللہ ﷺ کی سالی ام حبیبہ کو، جو عبدالرحمٰن بن عوف کے عقد میں تھیں، سات سال تک استحاضہ کا خون آتا رہا، اس سلسلے میں انہوں نے نبی اکرم ﷺ سے مسئلہ پوچھا، تو آپ ﷺ نے فرمایا : یہ حیض کا خون نہیں ہے، بلکہ یہ ایک رگ (کا خون) ہے، لہٰذا تم غسل کر کے نماز پڑھ لیا کرو ۔ تخریج دارالدعوہ : انظر حدیث رقم : ٢٠٣، (تحفة الأشراف : ١٧٩٢٢) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 205

【206】

حیض کے بعد غسل کرنا

ام المؤمنین عائشہ رضی اللہ عنہا کہتی ہیں کہ ام حبیبہ بنت جحش نے رسول اللہ ﷺ سے مسئلہ دریافت کیا، اور عرض کیا : اللہ کے رسول ! مجھے استحاضہ کا خون آتا ہے (اس حالت میں کیا کروں ؟ ) آپ ﷺ نے فرمایا : یہ تو ایک رگ (کا خون) ہے، تم غسل کر کے نماز پڑھ لیا کرو، چناچہ وہ ہر نماز کے لیے غسل کرتی تھیں ۔ تخریج دارالدعوہ : صحیح مسلم/الحیض ١٤ (٣٣٤) ، سنن ابی داود/الطھارة ١١١ (٢٩٠) ، سنن الترمذی/فیہ ٩٦ (١٢٩) ، (تحفة الأشراف : ١٦٥٨٣) ، ویأتي عند المؤلف برقم : ٣٥٢ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 206

【207】

حیض کے بعد غسل کرنا

ام المؤمنین عائشہ رضی اللہ عنہا سے روایت ہے کہ ام المؤمنین ام حبیبہ رضی اللہ عنہا نے رسول اللہ ﷺ سے (استحاضہ کے) خون کے متعلق پوچھا ؟ ام المؤمنین عائشہ رضی اللہ عنہا کہتی ہیں کہ میں نے ان کا ٹب خون سے بھرا دیکھا، تو رسول اللہ ﷺ نے ان سے فرمایا : تمہارے حیض کا خون جتنے دن تمہیں (پہلے صوم صلاۃ سے) روکے رکھتا تھا، اسی قدر رکی رہو، پھر غسل کرو۔ تخریج دارالدعوہ : صحیح مسلم/الحیض ١٤ (٣٣٤) ، سنن ابی داود/الطھارة ١٠٨ (٢٧٩) ، (تحفة الأشراف : ١٦٣٧٠) ، مسند احمد ٦/٢٢٢، سنن الدارمی/الطہارة ٨٤ (٨٠١) ، ویأتي عند المؤلف في الحیض ٣ برقم : ٣٥٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 207

【208】

حیض کے بعد غسل کرنا

امام نسائی کہتے ہیں : ہم سے قتیبہ نے دوسری مرتبہ بیان کیا، اور (اس بار) انہوں نے جعفر کا ذکر نہیں کیا۔ تخریج دارالدعوہ : انظر ما قبلہ، (تحفة الأشراف : ١٦٣٧٠) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 207

【209】

حیض کے بعد غسل کرنا

ام المؤمنین ام سلمہ رضی اللہ عنہا سے روایت ہے کہ رسول اللہ ﷺ کے زمانہ میں ایک عورت کو کثرت سے خون آتا تھا، تو ام المؤمنین ام سلمہ رضی اللہ عنہا نے اس کے لیے رسول اللہ ﷺ سے فتوی پوچھا تو آپ ﷺ نے فرمایا : وہ مہینہ کے ان دنوں اور راتوں کو شمار کرلے جس میں اس بیماری سے جو اسے لاحق ہوئی ہے پہلے حیض آیا کرتا تھا، پھر ہر مہینہ اسی کے برابر نماز چھوڑ دے، اور جب یہ دن گزر جائیں تو غسل کرے، پھر لنگوٹ باندھے، پھر نماز پڑھے ۔ تخریج دارالدعوہ : سنن ابی داود/الطھارة ١٠٨ (٢٧٤، ٢٧٥، ٢٧٦، ٢٧٧، ٢٧٨) ، سنن ابن ماجہ/فیہ ١١٥ (٦٢٣) ، (تحفة الأشراف : ١٨١٥٨) ، موطا امام مالک/الطہارة ٢٩ (١٠٥) ، مسند احمد ٦/٢٩٣، ٣٢٠، ٣٢٢، سنن الدارمی/الطہارة ٨٤ (٨٠٧) ، ویاتي عند المؤلف في الحیض ٣ برقم : ٣٥٤، ٣٥٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 208

【210】

لفظ اقرآء کی شرعی تعریف و حکم

ام المؤمنین عائشہ رضی اللہ عنہا سے روایت ہے کہ ام حبیبہ بنت جحش رضی اللہ عنہا کو جو عبدالرحمٰن بن عوف (رض) کے عقد میں تھیں استحاضہ ہوگیا (جس سے) وہ پاک ہی نہیں رہ پاتی تھیں، تو رسول اللہ ﷺ سے ان کا معاملہ ذکر کیا گیا، تو آپ ﷺ نے فرمایا : یہ حیض کا خون نہیں ہے، بلکہ وہ رحم میں (شیطان کی طرف سے) ایک ایڑ ہے ١ ؎ تو وہ اپنے حیض کی مقدار کو جس میں اسے حیض آتا تھا یاد رکھے، پھر اسی کے بقدر نماز چھوڑ دے، پھر اس کے بعد جو دیکھے تو ہر نماز کے وقت غسل کرے ۔ تخریج دارالدعوہ : تفرد بہ النسائی (تحفة الأشراف : ١٧٩٥٤) ، مسند احمد ٦/ ١٢٨، مسند احمد ٦/ ١٢٩، ویأتي عند المؤلف في الحیض ٤ رقم : ٣٥٦ (صحیح ) وضاحت : ١ ؎: یعنی وہ رحم میں پیر سے مارتا ہے، تو کوئی رگ پھٹ جاتی ہے جس سے خون نکلتا ہے۔ قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 209

【211】

لفظ اقرآء کی شرعی تعریف و حکم

ام المؤمنین عائشہ رضی اللہ عنہا سے روایت ہے کہ ام حبیبہ بنت جحش رضی اللہ عنہا کو سات سال تک استحاضہ کا خون آتا رہا، تو انہوں نے نبی اکرم ﷺ سے مسئلہ پوچھا، تو آپ ﷺ نے فرمایا : یہ حیض کا خون نہیں ہے، یہ تو ایک رگ (کا خون) ہے ، چناچہ آپ ﷺ نے انہیں حکم دیا کہ وہ اپنے حیض کے (دنوں کے) برابر نماز ترک کردیں، پھر غسل کریں، اور نماز پڑھیں، تو وہ ہر نماز کے وقت غسل کرتی تھیں۔ تخریج دارالدعوہ : انظر الأرقام : ٢٠٣، ٢٠٧، (تحفة الأشراف : ١٧٩٢٢) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 210

【212】

لفظ اقرآء کی شرعی تعریف و حکم

فاطمہ بنت ابی حبیش رضی اللہ عنہا نے بیان کیا کہ وہ رسول اللہ ﷺ کے پاس آئیں، اور آپ سے خون آنے کی شکایت کی، تو رسول اللہ ﷺ نے ان سے فرمایا : یہ ایک رگ (کا خون) ہے، تو دیکھتی رہو جب حیض (کا دن) آجائے تو نماز چھوڑ دو ، پھر جب تمہارے حیض (کے دن) گزر جائیں، اور تم پاک ہوجاؤ، تو پھر دونوں حیض کے درمیان نماز پڑھو ١ ؎۔ ابوعبدالرحمٰن کہتے ہیں : یہ حدیث ہشام بن عروہ نے عروہ سے روایت کی ہے ٢ ؎ انہوں نے اس چیز کا ذکر نہیں کیا جس کا ذکر منذر نے کیا ہے ٣ ؎۔ تخریج دارالدعوہ : انظر حدیث رقم : ٢٠١، (تحفة الأشراف : ١٨٠١٩) (صحیح ) وضاحت : ١ ؎: یعنی اس حیض کے ختم ہونے سے لے کر دوسرے حیض کے آنے تک نماز پڑھو، اور جب دوسرا حیض آجائے تو چھوڑ دو یہ دلیل ہے اس بات کی کہ قروء سے مراد حیض ہے۔ ٢ ؎: مصنف نے اس جملہ کو اس بات کی دلیل کے طور پر ذکر کیا ہے کہ قرآن مجید میں قرء سے مراد حیض ہے، محققین علماء کی رائے ہے کہ یہ لفظ اضداد میں سے ہے، حیض اور طہر دونوں کے لیے بولا جاتا ہے، خطابی کہتے ہیں کہ قرء دراصل اس وقت کو کہتے ہیں جس میں حیض یا طہر لوٹتا ہے، اسی وجہ سے حیض اور طہر دونوں پر اس کا اطلاق ہوتا ہے۔ ٣ ؎: یعنی ہشام نے عروہ کے فاطمہ رضی اللہ عنہا سے سماع کا ذکر نہیں کیا ہے، اس سے اس بات کی طرف اشارہ ہے کہ اس حدیث میں انقطاع ہے کیونکہ ہشام نے بیان کیا ہے کہ ان کے والد عروہ نے فاطمہ بنت ابی حبیش رضی اللہ عنہا کے واقعہ کو ام المؤمنین عائشہ رضی اللہ عنہا سے سنا ہے، ان کی روایت سند اور متن دونوں اعتبار سے منذر بن مغیرہ کی روایت سے زیادہ صحیح ہے، لیکن بقول امام ابن القیم : عروہ نے فاطمہ سے سنا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 211

【213】

لفظ اقرآء کی شرعی تعریف و حکم

ام المؤمنین عائشہ رضی اللہ عنہا کہتی ہیں کہ فاطمہ بنت ابی حبیش رضی اللہ عنہا رسول اللہ ﷺ کے پاس آئیں، اور عرض کیا کہ میں ایک ایسی عورت ہوں جسے استحاضہ کا خون آتا رہتا ہے، تو میں پاک نہیں رہ پاتی ہوں، کیا نماز چھوڑ دوں ؟ آپ ﷺ نے فرمایا : نہیں، یہ تو رگ (کا خون) ہے حیض کا خون نہیں، تو جب حیض کا خون آئے تو نماز چھوڑ دو ، اور جب بند ہوجائے تو اپنے (جسم اور کپڑے سے) خون دھو لو، اور (غسل کر کے) نماز پڑھو ۔ تخریج دارالدعوہ : صحیح البخاری/الوضوء ٦٣ (٢٢٨) ، الحیض ٨ (٣٠٦) ، ١٩ (٣٢٠) ، ٢٤ (٣٢٥) ، صحیح مسلم/الحیض ١٤ (٣٣٣) ، وقد أخرجہ : سنن الترمذی/فیہ ٩٣ (١٢٥) ، سنن ابن ماجہ/فیہ ١١٥ (٦٢١) ، (تحفة الأشراف : ١٧٠٧٠، ١٧١٩٦، ١٧٢٥٩) ، موطا امام مالک/فیہ ٢٩ (١٠٤) ، ویأتي عند المؤلف برقم : ٣٥٩ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 212

【214】

مستحاضہ کے غسل کے متعلق

ام المؤمنین عائشہ رضی اللہ عنہا سے روایت ہے کہ رسول اللہ ﷺ کے زمانہ میں ایک مستحاضہ عورت سے کہا گیا کہ یہ ایک رگ (کا خون) ہے جو رکتا نہیں، چناچہ اسے حکم دیا گیا کہ وہ ظہر دیر سے پڑھے اور عصر جلدی پڑھ لے، اور دونوں نمازوں کے لیے ایک غسل کرے، اور مغرب دیر سے پڑھے اور عشاء جلدی پڑھے، اور دونوں کے لیے ایک غسل کرے، اور فجر کے لیے ایک غسل کرے۔ تخریج دارالدعوہ : سنن ابی داود/الطھارة ١١٢ (٢٩٤) ، مسند احمد ٦/١٧٢، سنن الدارمی/الطہارة ٨٤ (٨٠٣) ، (تحفة الأشراف : ١٧٤٩٥) ، ویاتي عند المؤلف برقم : ٣٦٠ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 213

【215】

نفاس کے بعد غسل کرنے سے متعلق

جابر بن عبداللہ رضی اللہ عنہم سے اسماء بنت عمیس رضی اللہ عنہا والی حدیث میں روایت ہے کہ جس وقت انہیں ذوالحلیفہ میں نفاس آیا ١ ؎، تو رسول اللہ ﷺ نے ابوبکر (رض) سے فرمایا کہ اسے حکم دو کہ وہ غسل کرلے، اور احرام باندھ لے ۔ تخریج دارالدعوہ : صحیح مسلم/الحج ١٦ (١٢١٠) ، سنن ابن ماجہ/فیہ ١٢ (٢٩١٣) ، (تحفة الأشراف : ٢٦٠٠) ، سنن الدارمی/المناسک ١١/١٨٤٦، ویأتي عند المؤلف بأرقام : ٣٩٢، ٢٧٦٢، ٢٧٦٣ (صحیح ) وضاحت : ١ ؎: نفاس اس خون کو کہتے ہیں جو بچہ جننے کے بعد عورت کو آتا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 214

【216】

استخاضہ اور حیض کے خون کے درمیان فرق سے متعلق

فاطمہ بنت ابوحبیش رضی اللہ عنہا سے روایت ہے کہ انہیں استحاضہ آتا تھا، تو رسول اللہ ﷺ نے ان سے فرمایا : جب حیض کا خون ہو تو نماز سے رک جاؤ کیونکہ وہ سیاہ خون ہوتا ہے، پہچان لیا جاتا ہے، اور جب دوسرا ہو تو وضو کرلو، کیونکہ وہ ایک رگ (کا خون) ہے ۔ تخریج دارالدعوہ : سنن ابی داود/الطھارة ١١٠ (٢٨٦) ، (تحفة الأشراف : ١٦٦٢٦) ، ویأتي عند المؤلف بأرقام : ٢١٧، ٣٦٢ (حسن صحیح ) قال الشيخ الألباني : حسن صحيح صحيح وضعيف سنن النسائي الألباني : حديث نمبر 215

【217】

استخاضہ اور حیض کے خون کے درمیان فرق سے متعلق

ام المؤمنین عائشہ رضی اللہ عنہا سے روایت ہے کہ فاطمہ بنت ابوحبیش رضی اللہ عنہا کو استحاضہ آتا تھا، تو رسول اللہ ﷺ نے ان سے فرمایا : حیض کا خون سیاہ ہوتا ہے اور پہچان لیا جاتا ہے، تو جب یہ خون ہو تو نماز سے رک جاؤ، اور جب دوسرا ہو تو وضو کر کے نماز پڑھو ۔ ابوعبدالرحمٰن نسائی کہتے ہیں کہ اس حدیث کو کئی راویوں نے روایت کیا ہے، لیکن جو چیز ابن ابوعدی نے ذکر کی ہے اس کو کسی نے ذکر نہیں کیا، واللہ تعالیٰ اعلم، (یعنی دم الحیض دم أسود کا ذکر کسی اور نے اس سند سے نہیں کیا ہے) ۔ تخریج دارالدعوہ : انظر ما قبلہ، (تحفة الأشراف : ١٦٦٢٦) ، وأعادہ برقم : ٣٦٣ (حسن صحیح ) قال الشيخ الألباني : حسن صحيح صحيح وضعيف سنن النسائي الألباني : حديث نمبر 216

【218】

استخاضہ اور حیض کے خون کے درمیان فرق سے متعلق

ام المؤمنین عائشہ رضی اللہ عنہا کہتی ہیں کہ فاطمہ بنت ابوحبیش رضی اللہ عنہا کو استحاضہ کا خون آیا، تو انہوں نے نبی اکرم ﷺ سے عرض کیا : اللہ کے رسول ! مجھے استحاضہ کا خون آتا ہے، پاک نہیں رہ پاتی ہوں، کیا نماز چھوڑ دوں ؟ رسول اللہ ﷺ نے فرمایا : یہ تو ایک رگ (کا خون) ہے، حیض نہیں ہے، جب حیض کا خون آئے تو نماز چھوڑ دو ، اور جب ختم ہوجائے تو خون کا دھبہ دھو لو، اور وضو کرلو، کیونکہ یہ ایک رگ (کا خون) ہے حیض کا خون نہیں ہے ، آپ ﷺ سے پوچھا گیا : غسل ؟ (یعنی کیا غسل نہ کرے) تو آپ ﷺ نے فرمایا : اس میں کسی کو شک نہیں ہے (یعنی حیض سے پاک ہونے کے بعد تو غسل کرنا ضروری ہے ہی) ۔ تخریج دارالدعوہ : صحیح مسلم/الحیض ١٤ (٣٣٣) ، سنن ابن ماجہ/الطھارة ١١٥ (٦٢١) ، (تحفة الأشراف : ١٦٨٥٨) ، ویأتی عند المؤلف برقم : ٣٦٤ (صحیح الإسناد ) قال الشيخ الألباني : صحيح الأسناد صحيح وضعيف سنن النسائي الألباني : حديث نمبر 217

【219】

استخاضہ اور حیض کے خون کے درمیان فرق سے متعلق

ام المؤمنین عائشہ رضی اللہ عنہا کہتی ہیں کہ فاطمہ بنت ابوحبیش رضی اللہ عنہا نے رسول اللہ ﷺ سے عرض کیا : اللہ کے رسول ! میں پاک نہیں رہ پاتی ہوں، کیا میں نماز چھوڑ دوں ؟ تو آپ ﷺ نے فرمایا : یہ تو ایک رگ (کا خون) ہے، حیض کا خون نہیں ہے، جب حیض کا خون آئے تو نماز چھوڑ دو ، پھر جب اس کے بقدر ایام گزر جائیں تو خون دھو لو، اور (غسل کر کے) نماز پڑھو ۔ تخریج دارالدعوہ : صحیح البخاری/الحیض ٨ (٣٠٦) ، سنن ابی داود/فیہ ١٠٩ (٢٨٣) ، (تحفة الأشراف : ١٧١٤٩) ، موطا امام مالک/الطہارة ٢٩ (١٠٤) ، سنن الدارمی/الطہارة ٨٤ (٨٠١) ، ویأتی عند المؤلف برقم : ٣٦٦ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 218

【220】

استخاضہ اور حیض کے خون کے درمیان فرق سے متعلق

ام المؤمنین عائشہ رضی اللہ عنہا سے روایت ہے کہ بنت ابوحبیش (فاطمہ بنت ابوحبیش) رضی اللہ عنہا نے عرض کیا : اللہ کے رسول ! میں پاک نہیں رہ پاتی ہوں، کیا نماز چھوڑ دوں ؟ آپ ﷺ نے فرمایا : نہیں، یہ تو ایک رگ (کا خون) ہے ۔ تخریج دارالدعوہ : تفرد بہ النسائی، (تحفة الأشراف : ١٦٩٥٦) ، ویأتی عند المؤلف برقم : ٣٦٧ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 219

【221】

جنبی شخص کو ٹھہرے ہوئے پانی میں گھس کر غسل کرنے کی ممانعت

ابوہریرہ (رض) کہتے ہیں کہ رسول اللہ ﷺ نے فرمایا : تم میں سے کوئی شخص ٹھہرے ہوئے پانی میں جنبی ہونے کی حالت میں غسل نہ کرے ۔ تخریج دارالدعوہ : صحیح مسلم/الطھارة ٢٩ (٢٨٣) مطولاً ، سنن ابن ماجہ/فیہ ١٠٩ (٦٠٥) ، (تحفة الأشراف : ١٤٩٣٦) ، ویأتي عند المؤلف بأرقام : ٣٣٢، ٣٩٦ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 220

【222】

ٹھہرے ہوئے پانی میں پیشاب کرنے کے بعد غسل کرنا ممنوع ہے

ابوہریرہ (رض) سے روایت ہے کہ رسول اللہ ﷺ نے فرمایا : تم میں سے کوئی شخص ٹھہرے ہوئے پانی میں پیشاب نہ کرے، پھر یہ کہ اسی سے غسل بھی کرے ١ ؎۔ تخریج دارالدعوہ : تفرد بہ النسائی، (تحفة الأشراف : ١٣٣٩٢) ، مسند احمد ٢/٣٩٤، ٤٦٤ ویأتی عند المؤلف برقم : ٣٩٩ (صحیح ) وضاحت : ١ ؎: کیونکہ ٹھہرا ہوا پانی اگر تھوڑا ہے تو پیشاب کرنے سے نجس (ناپاک) ہوجائے گا، اور اگر زیادہ ہے تو نجس (ناپاک) تو نہیں ہوگا لیکن پانی خراب ہوجائے گا، اور اس کے پینے سے لوگوں کو نقصان پہنچے گا، اس لیے اگر پانی تھوڑا ہو تو نہی تحریمی ہے اور زیادہ ہو تو تنزیہی۔ یعنی تھوڑے پانی میں پیشاب کے ممانعت کا مطلب اس فعل کا حرام ہونا ہے، اور زیادہ پانی ہو تو اس ممانعت کا مطلب نزاہیت و صفائی و ستھرائی مطلوب ہے، حرمت نہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 221

【223】

رات کے شروع حصہ میں غسل کرنا

غضیف بن حارث سے روایت ہے کہ انہوں نے ام المؤمنین عائشہ رضی اللہ عنہا سے پوچھا : رسول اللہ ﷺ رات کے کس حصہ میں غسل کرتے تھے ؟ تو انہوں نے کہا : کبھی آپ ﷺ نے رات کے ابتدائی حصہ میں غسل کیا، اور کبھی آخری حصہ میں کیا، میں نے کہا : شکر ہے اس اللہ تعالیٰ کا جس نے معاملہ میں وسعت اور گنجائش رکھی ہے۔ تخریج دارالدعوہ : سنن ابی داود/الطھارة ٩٠ (٢٢٦) مطولاً ، سنن ابن ماجہ/الصلاة ١٧٩ (١٣٥٤) ، (تحفة الأشراف : ١٧٤٢٩) ، مسند احمد ٦/١٣٨، ویأتي عند المؤلف برقم : ٤٠٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 222

【224】

رات کے ابتدائی یا آخری حصہ میں غسل کیا جا سکتا ہے؟

غضیف بن حارث کہتے ہیں کہ میں ام المؤمنین عائشہ رضی اللہ عنہا کے پاس آیا، اور ان سے پوچھا : کیا رسول اللہ ﷺ رات کے ابتدائی حصہ میں غسل کرتے تھے یا آخری حصہ میں ؟ تو انہوں نے کہا : دونوں وقتوں میں کرتے تھے، کبھی رات کے شروع میں غسل کرتے اور کبھی رات کے آخر میں، میں نے کہا : شکر ہے اس اللہ رب العزت کا جس نے اس معاملے میں گنجائش رکھی ہے۔ تخریج دارالدعوہ : انظر ما قبلہ، (تحفة الأشراف : ١٧٤٢٩) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 223

【225】

غسل کے وقت پردہ یا آڑ کرنے سے متعلق

ابو سمح (ایاد) (رض) کہتے ہیں کہ میں رسول اللہ ﷺ کی خدمت کیا کرتا تھا، تو جب آپ غسل کا ارادہ کرتے تو فرماتے : میری طرف اپنی گدی کرلو تو میں اپنی گدی آپ ﷺ کی طرف کر کے آپ کو آڑ کرلیتا تھا۔ تخریج دارالدعوہ : سنن ابی داود/الطھارة ١٣٧ (٣٧٦) مطولاً ، سنن ابن ماجہ/الطھارة ٧٧ (٥٢٦) ، ١١٣ (٦١٣) ، (تحفة الأشراف : ١٢٠٥١) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 224

【226】

غسل کے وقت پردہ یا آڑ کرنے سے متعلق

ام ہانی رضی اللہ عنہا سے روایت ہے کہ وہ فتح مکہ کے دن نبی اکرم ﷺ کے پاس گئیں، تو آپ ﷺ انہیں غسل کرتے ہوئے ملے، فاطمہ رضی اللہ عنہا آپ ﷺ کو ایک کپڑے سے آڑ کیے ہوئے تھیں، (ام ہانی کہتی ہیں) میں نے سلام کیا ١ ؎، تو آپ ﷺ نے پوچھا : یہ کون ہے ؟ میں نے عرض کیا : ام ہانی ہوں، تو جب آپ غسل سے فارغ ہوئے، تو کھڑے ہوئے اور ایک ہی کپڑے میں جسے آپ لپیٹے ہوئے تھے آٹھ رکعتیں پڑھیں۔ تخریج دارالدعوہ : صحیح البخاری/الغسل ٢١ (٢٨٠) ، الصلاة ٤ (٣٥٧) مطولاً ، الجزیة ٩ (٣١٧١) مطولاً ، المغازي ٥٠ (٤٢٩٢) ، الأدب ٩٤ (٦١٥٨) ، صحیح مسلم/الحیض ١٦ (٣٣٦) ، المسافرین ١٣ (٣٣٦) ، سنن الترمذی/السیر ٢٦ (١٥٧٩) ، الاستئذان ٣٤ (٢٧٣٤) مختصرًا، سنن ابن ماجہ/الطھارة ٥٩ (٤٦٥) مختصرًا، (تحفة الأشراف : ١٨٠١٨) ، وقد أخرجہ : سنن ابی داود/الصلاة ٣٠١ (١٢٩٠) ، موطا امام مالک/قصر الصلاة ٨ (٢٧) ، مسند احمد ٦/٣٤١، ٣٤٢، ٣٤٣، ٤٢٣، ٤٢٥، سنن الدارمی/الصلاة ١٥١ (١٤٩٣) (صحیح ) وضاحت : ١ ؎: اس سے جو غسل کر رہا ہو اسے سلام کرنے کا جواز ثابت ہوا۔ قال الشيخ الألباني : صحيح صحيح وضعيف سنن النسائي الألباني : حديث نمبر 225

【227】

پانی کی کس قدر مقدار سے غسل کیا جا سکتا ہے؟

موسیٰ جہنی کہتے ہیں کہ مجاہد کے پاس ایک برتن لایا گیا، میں نے اس میں آٹھ رطل پانی کی سمائی کا اندازہ کیا، تو مجاہد نے کہا : مجھ سے ام المؤمنین عائشہ رضی اللہ عنہا نے بیان کیا ہے کہ رسول اللہ ﷺ اسی قدر پانی سے غسل فرماتے تھے۔ تخریج دارالدعوہ : تفرد بہ النسائی، (تحفة الأشراف : ١٧٥٨١) ، مسند احمد ٦/٥١ (صحیح الإسناد ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 226

【228】

پانی کی کس قدر مقدار سے غسل کیا جا سکتا ہے؟

ابوسلمہ بن عبدالرحمٰن بن عوف زہری کہتے ہیں کہ میں ام المؤمنین عائشہ رضی اللہ عنہا کے پاس آیا، اور ان کے رضائی بھائی بھی آئے، تو انہوں نے ام المؤمنین عائشہ رضی اللہ عنہا سے نبی اکرم ﷺ کے غسل کے متعلق پوچھا ؟ ، تو آپ رضی اللہ عنہا نے ایک برتن منگایا جس میں ایک صاع کے بقدر پانی تھا، پھر ایک پردہ ڈال کر غسل کیا، اور اپنے سر پر تین مرتبہ پانی ڈالا۔ تخریج دارالدعوہ : صحیح البخاری/الغسل ٣ (٢٥١) ، صحیح مسلم/الحیض ١٠ (٣٢٠) ، (تحفة الأشراف : ١٧٧٩٢) ، مسند احمد ٦/٧١، ٧٢، ١٤٣، ١٤٤، ١٧٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 227

【229】

پانی کی کس قدر مقدار سے غسل کیا جا سکتا ہے؟

ام المؤمنین عائشہ رضی اللہ عنہا کہتی ہیں کہ رسول اللہ ﷺ قدح (ٹب) سے غسل کرتے تھے، اور اس کا ١ ؎ نام فرق ہے، اور میں اور آپ دونوں ایک ہی برتن سے غسل کرتے تھے۔ تخریج دارالدعوہ : انظر حدیث رقم : ٧٢، (تحفة الأشراف : ١٦٥٨٦) (صحیح ) وضاحت : ١ ؎: ایک پیمانہ ہے جس میں سولہ رطل پانی آتا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 228

【230】

پانی کی کس قدر مقدار سے غسل کیا جا سکتا ہے؟

عبداللہ بن جبر رضی اللہ عنہم کہتے ہیں کہ میں نے انس بن مالک (رض) کو کہتے سنا کہ رسول اللہ ﷺ ایک مکوک سے وضو کرتے اور پانچ مکاکی سے غسل کرتے تھے ١ ؎۔ تخریج دارالدعوہ : انظر حدیث رقم : ٧٣، ویأتی برقم : ٣٤٦، (تحفة الأشراف : ٩٦٢) (صحیح ) وضاحت : ١ ؎: مکاکی، مکوک کی جمع ہے جو اصل میں مکاکک ہے، اس کا کاف یا سے بدل دیا گیا ہے، یہ ایک پیمانہ کا نام ہے، کچھ لوگ کہتے ہیں کہ اس کے معنی مد کے ہیں، اور کچھ لوگوں کے نزدیک اس سے مراد صاع ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 229

【231】

پانی کی کس قدر مقدار سے غسل کیا جا سکتا ہے؟

ابو جعفر کہتے ہیں کہ ہم جابر بن عبداللہ رضی اللہ عنہم کے پاس غسل کے سلسلہ میں جھگڑ پڑے، جابر (رض) نے کہا : غسل جنابت میں ایک صاع پانی کافی ہے، اس پر ہم نے کہا : ایک صاع اور دو صاع کافی نہیں ہوگا، تو جابر (رض) نے کہا : اس ذات گرامی کو کافی ہوتا تھا ١ ؎ جو تم سے زیادہ اچھے، اور زیادہ بالوں والے تھے۔ تخریج دارالدعوہ : صحیح البخاری/الغسل ٣ (٢٥٢) ، (تحفة الأشراف : ٢٦٤١) (صحیح ) وضاحت : ١ ؎: اس سے مراد نبی اکرم ﷺ ہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 230

【232】

غسل کے واسطے پانی کی کوئی خاص مقدار مقرر نہیں

ام المؤمنین عائشہ رضی اللہ عنہا کہتی ہیں کہ میں اور رسول اللہ ﷺ (دونوں) ایک ہی برتن سے غسل کرتے تھے، اور وہ فرق کے بقدر ہوتا تھا ١ ؎۔ تخریج دارالدعوہ : تفرد بہ النسائی، (تحفة الأشراف : ١٦٥٣٣، ١٦٦٦٦) ، من طریق معمر وحدہ، مسند احمد ٦/١٢٧، ١٧٣، ومن طریق معمر وابن جریج مقرونین، مسند احمد ٦/١٩٩ (صحیح ) وضاحت : ١ ؎: فرق ایک پیمانہ ہے جس میں سولہ رطل کی سمائی ہوتی ہے جو اہل حجاز کے نزدیک ١٢ مد یا تین صاع کے برابر ہوتا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 231

【233】

شوہر اپنی بیوی کے ساتھ ایک ہی برتن سے غسل کرسکتا ہے

ام المؤمنین عائشہ رضی اللہ عنہا کہتی ہیں کہ رسول اللہ ﷺ اور میں (دونوں) ایک ہی برتن سے غسل کرتے تھے، ہم دونوں اس سے لپ سے ایک ساتھ پانی لیتے۔ تخریج دارالدعوہ : تفرد بہ النسائی، (تحفة الأشراف : ١٦٩٧٦، ١٧١٧٤) ، موطا امام مالک/الطہارة ١٧ (٢٨) (صحیح ) قال الشيخ الألباني : صحيح خ م دون الاغتراف واللفظ لقتيبة صحيح وضعيف سنن النسائي الألباني : حديث نمبر 232

【234】

شوہر اپنی بیوی کے ساتھ ایک ہی برتن سے غسل کرسکتا ہے

ام المؤمنین عائشہ رضی اللہ عنہا کہتی ہیں کہ میں اور رسول اللہ ﷺ دونوں ایک ہی برتن سے غسل جنابت کرتے تھے۔ تخریج دارالدعوہ : صحیح البخاری/الغسل ٩ (٢٦٣) ، (تحفة الأشراف : ٧١٤٩٣) ، مسند احمد ٦/١٧٢ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 233

【235】

شوہر اپنی بیوی کے ساتھ ایک ہی برتن سے غسل کرسکتا ہے

ام المؤمنین عائشہ رضی اللہ عنہا کہتی ہیں کہ میں نے خود کو دیکھا کہ میں رسول اللہ ﷺ سے (پانی کے) برتن کے سلسلہ میں جھگڑ رہی ہوں (میں اپنی طرف برتن کھینچ رہی ہوں اور آپ اپنی طرف کھینچ رہے ہیں) میں اور آپ (ہم دونوں) اسی سے غسل کرتے تھے۔ تخریج دارالدعوہ : صحیح البخاری/الحیض ٥ (٢٩٩) مطولاً ، سنن ابی داود/الطہارة ٣٩ (٧٧) ، (تحفة الأشراف : ١٥٩٨٣) ، مسند احمد ٦/١٨٩، ١٩١، ١٩٢، ٢١٠ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 234

【236】

شوہر اپنی بیوی کے ساتھ ایک ہی برتن سے غسل کرسکتا ہے

ام المؤمنین عائشہ رضی اللہ عنہا کہتی ہیں کہ میں اور رسول اللہ ﷺ (دونوں) ایک ہی برتن سے غسل کرتے تھے۔ تخریج دارالدعوہ : أنظر ماقبلہ، (تحفة الأشراف : ١٥٩٨٣) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 235

【237】

شوہر اپنی بیوی کے ساتھ ایک ہی برتن سے غسل کرسکتا ہے

عبداللہ بن عباس رضی اللہ عنہم کہتے ہیں کہ میری خالہ ام المؤمنین میمونہ رضی اللہ عنہا نے مجھے خبر دی ہے کہ وہ اور رسول اللہ ﷺ دونوں ایک ہی برتن سے غسل کرتے تھے۔ تخریج دارالدعوہ : صحیح مسلم/الحیض ١٠ (٣٢٢) ، سنن الترمذی/الطھارة ٤٦ (٦٢) ، سنن ابن ماجہ/فیہ ٣٥ (٣٧٧) ، (تحفة الأشراف : ١٨٠٦٧) ، مسند احمد ٦/٣٢٩ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 236

【238】

شوہر اپنی بیوی کے ساتھ ایک ہی برتن سے غسل کرسکتا ہے

ام المؤمنین ام سلمہ رضی اللہ عنہا کے مولیٰ ناعم نے بیان کیا کہ ام سلمہ رضی اللہ عنہا سے دریافت کیا گیا کہ کیا بیوی شوہر کے ساتھ غسل کرسکتی ہے ؟ تو انہوں نے کہا : ہاں، جب سلیقہ مند ہو، میں نے اپنے آپ کو اور رسول اللہ ﷺ کو دیکھا کہ ہم ایک لگن سے غسل کرتے تھے، ہم اپنے ہاتھوں پر پانی بہاتے یہاں تک کہ انہیں صاف کرلیتے، پھر اپنے بدن پر پانی بہاتے۔ اعرج (كيّسة کی تفسیر کرتے ہوئے) کہتے ہیں کہ سلیقہ مند وہ ہے جو نہ تو شوہر کے ساتھ غسل کرتے وقت شرمگاہ کا خیال ذہن میں لائے، اور نہ بیوقوفی (پھوہڑپن) کا مظاہرہ کرے۔ تخریج دارالدعوہ : تفرد بہ النسائی، (تحفة الأشراف ١٨٢١٥) ، مسند احمد ٦/٣٢٣ (صحیح الاسناد ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 237

【239】

جنبی شخص کے غسل سے بچے ہوئے پانی سے غسل کرنے کی ممانعت

حمید بن عبدالرحمٰن کہتے ہیں کہ میں ایک ایسے آدمی سے ملا جو ابوہریرہ (رض) کی طرح چار سال رسول اللہ ﷺ کی صحبت میں رہا تھا، اس نے کہا کہ رسول اللہ ﷺ نے منع فرمایا ہے کہ ہم میں سے کوئی ہر روز کنگھی کرے، یا اپنے غسل خانہ میں پیشاب کرے ١ ؎، یا شوہر بیوی کے بچے ہوئے پانی سے یا بیوی شوہر کے بچے ہوئے پانی سے غسل کرے ٢ ؎، دونوں کو چاہیئے کہ ایک ساتھ لپ سے پانی لیں۔ تخریج دارالدعوہ : سنن ابی داود/الطھارة ١٥ (٢٨) ، ٤٠ (٨١) ، (تحفة الأشراف : ١٥٥٥٤، ١٥٥٥٥) ، مسند احمد ٤/١١٠، ١١١، ٥/٣٦٩ و یأتي عند المؤلف برقم : ٥٠٥٧ (صحیح ) وضاحت : ١ ؎: یہ نہی تنزیہی ہے تحریمی نہیں، مطلب یہ ہے کہ یہ چیزیں ترفّہ اور تنعم کے قبیل کی ہیں، اس لیے ان سے بچنا چاہیئے اور اگر ضرورت اس کی متقاضی ہو تو یہ جائز ہے جیسا کہ ابوقتادہ کی روایت ہے کہ ان کے بال بہت گھنے تھے، تو نبی اکرم ﷺ سے انہوں نے پوچھا، تو انہیں روزانہ اپنے بالوں کو سنوارنے اور کنگھی کرنے کا حکم دیا۔ ٢ ؎: یہ نہی تحریمی نہیں بلکہ تنزیہی ہے کیونکہ خود نبی اکرم ﷺ نے ام المؤمنین میمونہ رضی اللہ عنہا کے بچے ہوئے پانی سے غسل کیا ہے جیسا کہ صحیح مسلم میں ابن عباس رضی اللہ عنہم سے مروی ہے، نیز دیکھیں حدیث ما بعد۔ قال الشيخ الألباني : صحيح صحيح وضعيف سنن النسائي الألباني : حديث نمبر 238

【240】

ایک دوسرے کے بچے ہوئے پانی سے غسل کی اجازت

ام المؤمنین عائشہ رضی اللہ عنہا کہتی ہیں کہ میں اور رسول اللہ ﷺ دونوں ایک ہی برتن سے غسل کرتے تھے، (کبھی) آپ مجھ سے سبقت کر جاتے، اور کبھی میں آپ سے سبقت کر جاتی، یہاں تک کہ آپ ﷺ فرماتے : میرے لیے چھوڑ دو ، اور میں کہتی : میرے لیے چھوڑ دیجئیے۔ تخریج دارالدعوہ : صحیح مسلم/الحیض ١٠ (٣٢١) ، (تحفة الأشراف : ١٧٩٦٩) ، مسند احمد ٦/٩١، ١٠٣، ١١٨، ١٢٣، ١٦١، ١٧١، ١٧٢، ١٩٣، ٢٣٥، ٢٦٥، ویأتي عند المؤلف برقم : ٤١٤ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 239

【241】

ایک پیالہ سے غسل کرے کا بیان

ام ہانی رضی اللہ عنہا سے روایت ہے کہ رسول اللہ ﷺ اور ام المؤمنین میمونہ رضی اللہ عنہا دونوں نے ایک ہی برتن سے غسل کیا، ایک ٹب سے جس میں گندھے ہوئے آٹے کا اثر تھا۔ تخریج دارالدعوہ : سنن ابن ماجہ/الطھارة ٣٥ (٣٧٨) ، (تحفة الأشراف : ١٨٠١٢) ، مسند احمد ٦/٣٤٢ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 240

【242】

جس وقت کوئی خاتون غسل جنابت کرے تو اس کو اپنے سر کی چوٹی کھولنا لازم نہیں

ام المؤمنین ام سلمہ رضی اللہ عنہا کہتی ہیں کہ میں نے عرض کیا : اللہ کے رسول ! میں ایک ایسی عورت ہوں کہ اپنے سر کی چوٹی مضبوط باندھتی ہوں، تو کیا اسے غسل جنابت کے وقت کھولوں ؟ آپ ﷺ نے فرمایا : تمہارے لیے بس یہی کافی ہے کہ اپنے سر پر تین لپ پانی ڈال لو، پھر اپنے پورے جسم پر پانی بہا لو ۔ تخریج دارالدعوہ : صحیح مسلم/الحیض ١٢ (٣٣٠) ، سنن ابی داود/الطھارة ١٠٠ (٢٥١) ، سنن الترمذی/فیہ ٧٧ (١٠٥) ، سنن ابن ماجہ/فیہ ١٠٨ (٦٠٣) ، (تحفة الأشراف : ١٨١٧٢) ، مسند احمد ٦/٢٨٩، ٣١٥، سنن الدارمی/الطھارة ١١٥ (١١٩٦) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 241

【243】

اگر حائضہ عورت احرام باندھنے کا ارادہ کرے اور اس کے لئے وہ غسل کرے

ام المؤمنین عائشہ رضی اللہ عنہا کہتی ہیں کہ ہم رسول اللہ ﷺ کے ساتھ حجۃ الوداع کے سال نکلے تو میں نے عمرہ کا احرام باندھا، پھر میں مکہ پہنچی تو حائضہ ہوگئی، تو میں نہ خانہ کعبہ کا طواف کرسکی، نہ صفا ومروہ کے بیچ سعی، تو میں نے رسول اللہ ﷺ سے اس کی شکایت کی، تو آپ ﷺ نے فرمایا : اپنا سر کھول لو، کنگھی کرلو، حج کا احرام باندھ لو، اور عمرہ چھوڑ دو ، چناچہ میں نے (ایسا ہی) کیا، تو جب ہم نے حج پورا کرلیا، تو آپ ﷺ نے مجھے عبدالرحمٰن بن ابوبکر (رض) کے ساتھ تنعیم بھیجا (وہاں سے میں عمرہ کا احرام باندھ کر مکہ آئی اور) میں نے عمرہ کیا، تو آپ ﷺ نے فرمایا : یہ تیرے اس عمرہ کی جگہ ہے (جو حیض کی وجہ سے تجھ سے چھوٹ گیا تھا) ۔ ابوعبدالرحمٰن (امام نسائی (رح)) کہتے ہیں : ہشام بن عروہ کے واسطے سے مالک کی یہ حدیث غریب ہے، مالک سے یہ حدیث صرف اشہب نے ہی روایت کی ہے۔ تخریج دارالدعوہ : حدیث مالک عن بن شہاب أخرجہ، صحیح البخاری/١٨ (٣١٩) ، الحج ٣١ (١٥٥٦) ، ٧٧ (١٦٣٨) ، المغازي ٧٧ (٤٣٩٥) ، صحیح مسلم/الحج ١٧ (١٢١١) ، سنن ابی داود/فیہ ٢٣ (١٧٨١) ، (تحفة الأشراف : ١٦٥٩١) ، وقد أخرجہ : سنن ابن ماجہ/المناسک ٣٨ (٣٠٠٠) ، موطا امام مالک/ الحج ٧٤ (٢٢٣) ، مسند احمد ٦/ ٨٦، ١٦٤، ١٦٨، ١٦٩، ٧٧ ا، ١٩١، ٢٤٦، وحدیث مالک عن ہشام بن عروة، تفرد بہ النسائی، (تحفة الأشراف : ١٧١٧٥) ، ویأتي عند المؤلف برقم : ٢٧٦٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 242

【244】

جنبی شخص برتن میں ہاتھ ڈالنے سے قبل ہاتھ کو پاک کرے

ابوسلمہ بن عبدالرحمٰن بن عوف زہری کہتے ہیں کہ مجھ سے ام المؤمنین عائشہ رضی اللہ عنہا نے بیان کیا ہے کہ رسول اللہ ﷺ جب غسل جنابت کا ارادہ کرتے تو آپ کے لیے پانی کا برتن رکھا جاتا، آپ برتن میں ہاتھ ڈالنے سے پہلے اپنے دونوں ہاتھوں پر پانی ڈالتے، یہاں تک کہ جب اپنے ہاتھ دھو لیتے تو اپنا داہنا ہاتھ برتن میں داخل کرتے، پھر اپنے داہنے ہاتھ سے پانی ڈالتے اور بائیں سے اپنی شرمگاہ دھوتے، یہاں تک کہ جب فارغ ہوجاتے تو داہنے ہاتھ سے بائیں ہاتھ پر پانی ڈالتے اور دونوں ہاتھ دھوتے، پھر تین بار کلی کرتے، اور ناک میں پانی ڈالتے، پھر اپنے لپ بھربھر کر تین بار اپنے سر پر پانی ڈالتے، پھر اپنے پورے جسم پر (پانی) بہاتے۔ تخریج دارالدعوہ : تفرد بہ النسائی، (تحفة الأشراف : ١٧٧٣٧) ، وقد أخرجہ : صحیح البخاری/الغسل ١ (٢٤٨) ، ١٥ (٢٧٢) ، صحیح مسلم/الحیض ٩ (٣١٦) ، سنن ابی داود/الطھارة ٩٨ (٢٤٢) ، سنن الترمذی/الطھارة ٧٦ (١٠٣) ، مسند احمد ٦/ ٩٦، ١١٥، ١٤٣، ١٦١، ١٧٣، موطا امام مالک/الطھارة ١٧ (٦٧) ، ویأتی عند المؤلف بأرقام : ٢٤٥، ٢٤٦، ٢٤٧ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 243

【245】

برتن میں ہاتھ ڈالنے سے پہلے ہاتھ کو کتنی بار دھونا چاہیے؟

ابوسلمہ بن عبدالرحمٰن بن عوف زہری مدنی کہتے ہیں کہ میں نے ام المؤمنین عائشہ رضی اللہ عنہا سے رسول اللہ ﷺ کے غسل جنابت کے متعلق پوچھا ؟ تو انہوں نے کہا : رسول اللہ ﷺ اپنے دونوں ہاتھوں پر تین دفعہ پانی ڈالتے، پھر اپنی شرمگاہ دھوتے، پھر اپنے دونوں ہاتھ دھوتے، پھر کلی کرتے اور ناک میں پانی ڈالتے، پھر اپنے سر پر تین بار پانی ڈالتے، پھر اپنے پورے جسم پر پانی بہاتے۔ تخریج دارالدعوہ : انظر ما قبلہ، (تحفة الأشراف : ١٧٧٣٧) (صحیح الإسناد ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 244

【246】

دونوں ہاتھوں کو دھونے کے بعد جسم کی ناپاکی کو زائل کرنے کا بیان

ابوسلمہ بن عبدالرحمٰن بن عوف زہری کہتے ہیں کہ وہ ام المؤمنین عائشہ رضی اللہ عنہا کے پاس آئے، اور رسول اللہ ﷺ کے غسل جنابت کے متعلق ان سے پوچھا، تو انہوں نے کہا کہ نبی اکرم ﷺ کے پاس (پانی کا) برتن لایا جاتا تو آپ اپنے دونوں ہاتھوں پر تین بار پانی ڈالتے، اور انہیں دھوتے، پھر اپنے داہنے ہاتھ سے بائیں ہاتھ پر پانی ڈال کر اپنی دونوں رانوں کی نجاست دھوتے، پھر اپنے دونوں ہاتھ دھوتے، کلی کرتے، پھر ناک میں پانی ڈالتے، اور اپنے سر پر تین بار پانی ڈالتے، پھر اپنے باقی جسم پر پانی بہاتے۔ تخریج دارالدعوہ : انظر حدیث رقم : ٢٤٤، (تحفة الأشراف : ١٧٧٣٧) (صحیح الإسناد ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 245

【247】

دونوں ہاتھوں کو دھونے کے بعد جسم کی ناپاکی کو زائل کرنے کا بیان

ابوسلمہ بن عبدالرحمٰن بن عوف زہری کہتے ہیں کہ ام المؤمنین عائشہ رضی اللہ عنہا نے نبی اکرم ﷺ کے غسل جنابت کا طریقہ بیان کیا، کہتی ہیں کہ آپ ﷺ اپنے دونوں ہاتھ تین بار دھوتے، پھر اپنے داہنے ہاتھ سے بائیں ہاتھ پر پانی ڈال کر اپنی شرمگاہ اور اس پر لگی ہوئی نجاست دھوتے، عمر بن عبید کہتے ہیں : میں یہی جانتا ہوں کہ انہوں نے (عطا بن سائب) کہا : آپ اپنے داہنے ہاتھ سے بائیں ہاتھ پر تین بار پانی ڈالتے، پھر تین بار کلی کرتے، تین بار ناک میں پانی ڈالتے، اور تین بار اپنا چہرہ دھوتے، پھر تین بار اپنے سر پر پانی بہاتے، پھر اپنے اوپر پانی ڈالتے ١ ؎۔ تخریج دارالدعوہ : انظر حدیث رقم : ٢٤٤، (تحفة الأشراف : ١٧٧٣٧) (صحیح الاسناد ) وضاحت : ١ ؎: اس حدیث سے اور اوپر کی حدیث سے یہ بات ثابت ہوئی کہ ہاتھ دو بار دھوئے، ایک تو شروع میں دوسرے نجاست صاف کرنے کے بعد۔ قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 246

【248】

غسل کرنے سے قبل وضو کرنے کے متعلق

ام المؤمنین عائشہ رضی اللہ عنہا کہتی ہیں : نبی اکرم ﷺ جب غسل جنابت کرتے، تو پہلے اپنے دونوں ہاتھ دھوتے، پھر وضو کرتے، جیسے آپ نماز کے لیے وضو کرتے تھے، پھر اپنی انگلیاں پانی میں ڈال کر ان سے اپنے بالوں کی جڑوں میں خلال کرتے، پھر اپنے سر پر تین لپ پانی ڈالتے، پھر اپنے پورے جسم پر پانی بہاتے۔ تخریج دارالدعوہ : صحیح البخاری/الغسل ١ (٢٤٨) ، (تحفة الأشراف : ١٧١٦٤) ، موطا امام مالک/الطہارة ١٧ (٦٧) ، وقد أخرجہ : صحیح مسلم/الحیض ٩ (٣١٦) (صحیح الإسناد ) قال الشيخ الألباني : صحيح صحيح وضعيف سنن النسائي الألباني : حديث نمبر 247

【249】

جنبی شخص کے سر کے بالوں میں خلال کرنے سے متعلق

عروہ کہتے ہیں کہ ام المؤمنین عائشہ رضی اللہ عنہا نے نبی اکرم ﷺ کے غسل جنابت کے متعلق مجھ سے بیان کیا کہ آپ ﷺ اپنے دونوں ہاتھ دھوتے، وضو کرتے اور اپنے سر کا خلال کرتے یہاں تک کہ (پانی) آپ کے بالوں کی جڑوں تک پہنچ جاتا، پھر اپنے پورے جسم پر پانی ڈالتے۔ تخریج دارالدعوہ : تفرد بہ النسائی، (تحفة الأشراف : ١٧٣٣١) ، مسند احمد ٦/٥٢، وقد أخرجہ : صحیح مسلم/الحیض ٩ (٣١٦) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 248

【250】

جنبی شخص کے سر کے بالوں میں خلال کرنے سے متعلق

ام المؤمنین عائشہ رضی اللہ عنہا سے روایت ہے کہ رسول اللہ ﷺ اپنے سر کو پانی پلاتے تھے یعنی سر کا خلال کرتے تھے، پھر اس پر تین لپ پانی ڈالتے۔ تخریج دارالدعوہ : تفرد بہ النسائی، (تحفة الأشراف : ١٦٩٣٧) ، وقد أخرجہ : سنن الترمذی/الطہارة ٧٦ (١٠٤) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 249

【251】

جنبی کے واسطے کس قدر پانی غسل کے لئے بہانا کافی ہے؟

جبیر بن مطعم (رض) کہتے ہیں کہ لوگ رسول اللہ ﷺ کے پاس غسل کے سلسلے میں جھگڑ پڑے، قوم کا ایک شخص کہنے لگا : میں اس اس طرح غسل کرتا ہوں، تو رسول اللہ ﷺ نے فرمایا : رہا میں تو میں اپنے سر پر تین لپ پانی بہاتا ہوں ۔ تخریج دارالدعوہ : صحیح البخاری/الغسل ٤ (٢٥٤) مختصرًا، صحیح مسلم/الحیض ١١ (٣٢٧) ، سنن ابی داود/الطھارة ٩٨ (٢٣٩) ، سنن ابن ماجہ/فیہ ٩٥ (٥٧٥) ، (تحفة الأشراف : ٣١٨٦) ، صحیح مسلم/٨١، ٨٤، ٨٥، ویأتي عندالمؤلف برقم : ٤٢٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 250

【252】

(عورت) حیض سے فراغت کے بعد کس طریقہ سے غسل کرے؟

ام المؤمنین عائشہ رضی اللہ عنہا کہتی ہیں : ایک عورت نے نبی اکرم ﷺ سے حیض کے غسل کے متعلق پوچھا، تو آپ ﷺ نے اسے بتایا کہ وہ کیسے غسل کرے، پھر فرمایا : (غسل کے بعد) مشک لگا ہوا (روئی کا) ایک پھاہا لے کر اس سے طہارت حاصل کرو ، (عورت بولی) اس سے کیسے طہارت حاصل کروں ؟ آپ ﷺ نے اس طرح پردہ کرلیا (یعنی شرم سے اپنے منہ پر ہاتھ کی آڑ کرلی) پھر فرمایا : سبحان اللہ ! اس سے پاکی حاصل کرو ، ام المؤمنین عائشہ رضی اللہ عنہا کہتی ہیں : تو میں نے عورت کو پکڑ کر کھینچ لیا، اور (چپکے سے اس کے کان میں) کہا : اسے خون کے نشان پر پھیرو ١ ؎۔ تخریج دارالدعوہ : صحیح البخاری/الحیض ١٣ (٣١٤) ، ١٤ (٣١٥) ، الاعتصام ٢٤ (٧٣٥٧) ، صحیح مسلم/الحیض ١٣ (٣٣٢) ، (تحفة الأشراف : ١٧٨٥٩) ، وقد أخرجہ : سنن ابی داود/الطھارة ١٢٢ (٣١٤) ، سنن ابن ماجہ/فیہ ١٢٤ (٦٣٢) ، مسند احمد ٦/١٢٢، سنن الدارمی/الطھارة ٨٤، ٨٠٠، ویاتٔي عند المؤلف برقم : ٤٢٧ (صحیح ) وضاحت : ١ ؎: تاکہ بدبو چلی جائے، یہ حکم استحبابی ہے اگر مشک نہ ملے تو اور خوشبو استعمال کرے۔ قال الشيخ الألباني : صحيح صحيح وضعيف سنن النسائي الألباني : حديث نمبر 251

【253】

غسل سے فراغت کے بعد وضو کرنا ضروری نہیں

ام المؤمنین عائشہ رضی اللہ عنہا کہتی ہیں کہ رسول اللہ ﷺ غسل کے بعد وضو نہیں کرتے تھے ١ ؎۔ تخریج دارالدعوہ : حدیث الحسن بن صالح عن أبی إسحاق تفرد بہ النسائی، (تحفة الأشراف : ١٦٠١٩) ، مسند احمد ٦/٢٣٥، حدیث شریک بن عبداللہ، عن أبی إسحاق قد أخرجہ : سنن الترمذی/فیہ ٧٩ (١٠٧) ، سنن ابن ماجہ/فیہ ٩٦ (٥٧٩) ، (تحفة الأشراف : ١٦٠٢٥) ، وقد أخرجہ : سنن ابی داود/الطھارة ٩٩ (٢٥٠) ، مسند احمد ٦/٦٨، ١١٩، ١٥٤، ١٩٢، ٢٥٣، ٢٥٨، ویأتي عند المؤلف برقم : ٤٣٠ (صحیح ) وضاحت : ١ ؎: غسل سے غسل جنابت مراد ہے کیونکہ ابن ماجہ کی روایت لا يتوضأ بعد الغسل من الجنابة میں اس کی تفصیل موجود ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 252

【254】

جس جگہ غسل جنابت کرے تو پاؤں جگہ بدل کر دوسری جگہ دھوئے

عبداللہ بن عباس رضی اللہ عنہم کہتے ہیں کہ میری خالہ ام المؤمنین میمونہ رضی اللہ عنہا نے مجھ سے بیان کیا کہ میں نے رسول اللہ ﷺ کے لیے غسل جنابت کا پانی لا کر رکھا، تو آپ ﷺ نے دو یا تین بار اپنے دونوں پہونچے دھوئے، پھر اپنا داہنا ہاتھ برتن میں داخل کیا تو اس سے اپنی شرمگاہ پر پانی ڈالا، پھر اسے اپنے بائیں ہاتھ سے دھویا، پھر اپنے بائیں ہاتھ کو زمین پر مارا اور اسے زور سے ملا، پھر اپنی نماز کے وضو کی طرح وضو کیا، پھر اپنے سر پر تین لپ بھربھر کر ڈالا، پھر اپنے پورے جسم کو دھویا، پھر آپ اپنی جگہ سے الگ ہٹ کر اپنے دونوں پاؤں دھوئے، ام المؤمنین میمونہ رضی اللہ عنہا کہتی ہیں : پھر میں تولیہ لے کر آئی تو آپ ﷺ نے اسے واپس کردیا۔ تخریج دارالدعوہ : صحیح البخاری/الغسل ١ (٢٤٩) ، ٥ (٢٥٧) ، ٧ (٢٥٩) ، ٨ (٢٦٠) ، ١٠ (٢٦٥) ، ١١ (٢٦٦) ، ١٦ (٢٧٤) ، ١٨ (٢٧٦) ، ٢١ (٢٨١) ، صحیح مسلم/الحیض ٩ (٣١٧) ، سنن ابی داود/الطھارة ٩٨ (٢٤٥) ، سنن الترمذی/فیہ ٧٦ (١٠٣) ، سنن ابن ماجہ/فیہ ٩٤ (٥٧٣) ، (تحفة الأشراف : ١٨٠٦٤) ، مسند احمد (٦/٣٢٩، ٣٣٠، ٣٣٥، ٣٣٦) ، سنن الدارمی/الطہارة ٤٠ (٧٣٨) ، ٦٧ (٧٧٤) ، ویأتي عند المؤلف بأرقام : ٤٠٨، ٤١٨، ٤١٩، ٤٢٨ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 253

【255】

غسل سے فارغ ہونے کے بعد اعضاء کو کپڑے سے نہ خشک کرنا

عبداللہ بن عباس رضی اللہ عنہم سے روایت ہے کہ نبی اکرم ﷺ نے غسل کیا، تو آپ کے لیے تولیہ لایا گیا تو آپ نے اسے نہیں چھوا ١ ؎ اور پانی کو ہاتھ سے پونچھ کر اس طرح جھاڑنے لگے ٢ ؎۔ تخریج دارالدعوہ : تفرد بہ النسائی، (تحفة الأشراف : ٦٣٥١) (صحیح): یقول المزی : المحفوظ حدیث ابن عباس، عن میمونة (وحدیث میمونة قد تقدم برقم : ٢٤٥ ) وضاحت : ١ ؎: ممکن ہے آپ کو اس کی ضرورت نہ رہی ہو، یا تولیہ صاف نہ رہا ہو جس سے آپ نے بدن پوچھنے کو ناپسند کیا ہو، لہٰذا یہ عائشہ رضی اللہ عنہا کی اس روایت کے منافی نہیں ہے جس میں ہے : كان للنبي رسول الله صلى الله عليه وسلم خرقة ينشف بها بعد الوضوئ اور معاذ (رض) کی روایت کے بھی منافی نہیں جس میں ہے : رأيت رسول الله رسول الله صلى الله عليه وسلم إذا توضأ مسح وجهه بطرف ثوبه اگرچہ ان دونوں حدیثوں میں کلام ہے لیکن ایک دوسرے سے تقویت پا رہی ہیں۔ ٢ ؎: اس سے ہاتھ سے پانی پونچھ کر جھاڑنے کا جواز ثابت ہوا، اور جس روایت میں ہاتھ سے پانی جھاڑنے کی ممانعت آئی ہے وہ ضعیف ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 254

【256】

جنبی شخص کھانا کھانے کا ارادہ کرے اور غسل نہ کرسکے تو وضو کرلینا چاہئے

ام المؤمنین عائشہ رضی اللہ عنہا کہتی ہیں کہ نبی اکرم ﷺ (اور عمرو کی روایت میں ہے کہ رسول اللہ صلی اللہ علیہ وسلم) جب کھانے یا سونے کا ارادہ کرتے اور جنبی ہوتے تو وضو کرتے، اور عمرو نے اپنی روایت میں اضافہ کیا ہے کہ آپ ﷺ اپنی نماز کے وضو کی طرح وضو کرتے ۔ تخریج دارالدعوہ : صحیح مسلم/الحیض ٦ (٣٠٥) ، سنن ابی داود/الطھارة ٨٩ (٢٢٤) ، سنن ابن ماجہ/الطھارة ١٠٣ (٥٩١) ، (تحفة الأشراف : ١٥٩٢٦) ، مسند احمد ٦/١٢٦، ١٤٣، ١٩١، ١٩٢، ٢٣٥، ٢٦٠، ٢٧٣، سنن الدارمی/الطہارة ٧٣ (٧٨٤) ، الأطمة ٣٦ (٢١٢٣) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 255

【257】

اگر جنبی شخص کھانا کھانا چاہے اور صرف اس وقت ہاتھ ہی دھو لے تو کافی ہے اس کا بیان

ام المؤمنین عائشہ رضی اللہ عنہا سے روایت ہے کہ رسول اللہ ﷺ جب جنابت کی حالت میں سونے کا ارادہ کرتے تو وضو کرتے، اور جب کھانے کا ارادہ کرتے تو اپنے دونوں ہاتھ دھو لیتے ١ ؎۔ تخریج دارالدعوہ : صحیح مسلم/الحیض ٦ (٣٠٥) ، سنن ابی داود/الطھارة ٨٨ (٢٢٣) ، سنن ابن ماجہ/فیہ ٩٩ (٥٨٤) ، ١٠٤ (٥٩٣) ، (تحفة الأشراف : ١٧٧٦٩) ، وقد أخرجہ : صحیح البخاری/الغسل ٢٥ (٢٨٦) ، ٢٧ (٢٨٨) ، مسند احمد ٦/٣٦، ١٠٢، ٢٠٠، ٢٧٩، سنن الدارمی/الطہارة ٧٣ (٧٨٤) ، ویأتي عند المؤلف بأرقام : ٢٥٨، ٢٥٩ (صحیح ) وضاحت : ١ ؎: یعنی کبھی تو بیان جواز کے لیے دونوں ہاتھ دھونے پر اکتفا کرتے اور کبھی مکمل وضو کرتے۔ قال الشيخ الألباني : صحيح صحيح وضعيف سنن النسائي الألباني : حديث نمبر 256

【258】

جنبی شخص جس وقت کھانے پینے کا ارادہ کرے تو ہاتھ دھونا کافی ہے

ام المؤمنین عائشہ رضی اللہ عنہا کہتی ہیں کہ رسول اللہ ﷺ جب سونے کا ارادہ کرتے اور آپ جنبی ہوتے تو وضو کرتے، اور جب کھانے یا پینے کا ارادہ کرتے، تو اپنے دونوں ہاتھ دھوتے پھر کھاتے یا پیتے۔ تخریج دارالدعوہ : انظر ما قبلہ (تحفة الأشراف : ١٧٧٦٩) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 257

【259】

جنبی اگر سونے لگے تو وضو کرے

ام المؤمنین عائشہ رضی اللہ عنہا کہتی ہیں کہ رسول اللہ ﷺ جب سونے کا ارادہ کرتے اور جنبی ہوتے تو اپنی نماز کے وضو کی طرح وضو کرتے تھے۔ تخریج دارالدعوہ : انظر حدیث رقم : ٢٥٧ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 258

【260】

جنبی اگر سونے لگے تو وضو کرے

عبداللہ بن عمر رضی اللہ عنہم سے روایت ہے کہ عمر (رض) نے عرض کیا : اللہ کے رسول ! کیا ہم میں سے کوئی بحالت جنابت سو سکتا ہے ؟ آپ ﷺ نے فرمایا : جب وہ وضو کرلے (تو سو سکتا ہے) ۔ تخریج دارالدعوہ : صحیح مسلم/الحیض ٦ (٣٠٦) ، سنن الترمذی/الطھارة ٨٨ (١٢٠) ، (تحفة الأشراف : ٨١٧٨، ١٠٥٥٢) ، وقد أخرجہ : صحیح البخاری/الغسل ٢٧ (٢٨٩) ، سنن ابن ماجہ/الطھارة ٩٩ (٥٨٥) ، مسند احمد ٢/ ١٧، ٣٥، ٣٦، ٤٤، ١٠٢ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 259

【261】

جس وقت جنبی شخص سونے کا قصد کرے تو اس کو چاہئے کہ وضو کرے اور عضو مخصوص دھولے

عبداللہ بن عمر رضی اللہ عنہم کہتے ہیں کہ عمر (رض) نے رسول اللہ ﷺ سے ذکر کیا کہ وہ رات میں جنبی ہوجاتے ہیں تو رسول اللہ ﷺ نے فرمایا : وضو کرلو اور اپنا عضو مخصوص دھو لو، پھر سو جاؤ۔ تخریج دارالدعوہ : صحیح البخاری/الغسل ٢٧ (٢٩٠) ، صحیح مسلم/الحیض ٦ (٣٠٦) ، سنن ابی داود/الطھارة ٨٧ (٢٢١) ، (تحفة الأشراف : ٧٢٢٤) ، موطا امام مالک/الطہارة ١٩ (٧٦) ، مسند احمد ١/٥٠، ٤٦، ٥٦، ٦٤، ٧٥، ١١٦، ٢/٦٤ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 260

【262】

جس وقت جنبی شخص وضو نہ کرے تو کیا حکم ہے؟

علی (رض) کہتے ہیں کہ نبی اکرم ﷺ نے فرمایا : فرشتے اس گھر میں داخل نہیں ہوتے جس میں کوئی تصویر، کتا یا جنبی ہو ۔ تخریج دارالدعوہ : سنن ابی داود/الطھارة ٩٠ (٢٢٧) ، اللباس ٤٨ (٤١٥٢) ، سنن ابن ماجہ/اللباس ٤٤ (٣٦٥٠) ، (بدون قولہ ” ولاجنب “ )، (تحفة الأشراف : ١٠٢٩١) ، مسند احمد ١/٨٣، ١٠٤، ١٣٩، سنن الدارمی/الاستئندان ٣٤، ٢٧٠٥، وأعادہ المؤلف برقم : ٤٢٨٦ (ضعیف) (اس کے راوی ” نجی “ اور ان کا اضافہ ” ولاجنب “ ہی ضعیف ہے، ورنہ اس کے سوا باقی ٹکڑے صحیحین میں دیگر صحابہ سے مروی ہیں ) وضاحت : اس سے مراد رحمت اور برکت کے فرشتے ہیں، نہ کہ وہ فرشتے جو جنبی اور غیر جنبی کسی سے جدا نہیں ہوتے۔ تصویر سے مراد جاندار کی تصویر ہے۔ کتا سے مراد وہ کتا ہے جو شکار یا گھر اور کھیت وغیرہ کی رکھوالی کے لیے نہ ہو۔ جنبی سے مراد وہ جنبی ہے جو غسل میں سستی کرتا ہو، اور دیر سے غسل کرنا اس کی عادت ہوگئی ہو، یا وہ جنبی ہے جس نے وضو نہ کیا ہو جیسا کہ مصنف نے باب کے ذریعہ اشارہ کیا ہے۔ قال الشيخ الألباني : ضعيف صحيح وضعيف سنن النسائي الألباني : حديث نمبر 261

【263】

اگر جنبی شخص دوبارہ ہمبستری کا ارادہ کرے تو کیا حکم ہے؟

ابوسعید (رض) کہتے ہیں کہ نبی اکرم ﷺ نے فرمایا : جب تم میں سے کوئی دوبارہ جماع کرنا چاہے تو وضو کرے ۔ تخریج دارالدعوہ : صحیح مسلم/الحیض ٦ (٣٠٨) مطولاً ، سنن ابی داود/الطھارة ٨٦ (٢٢٠) مطولاً ، سنن الترمذی/الطھارة ١٠٧ (١٤١) مطولاً ، سنن ابن ماجہ/الطھارة ١٠٠ (٥٨٧) مطولاً ، (تحفة الأشراف : ٤٢٥٠) ، مسند احمد ٣/ ٧، ٢١، ٢٨ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 262

【264】

ایک سے زیادہ عورتوں سے جماع کر کے ایک ہی غسل کرنا

انس بن مالک (رض) سے روایت ہے کہ رسول اللہ ﷺ ایک رات ایک ہی غسل سے اپنی بیویوں کے پاس گئے ١ ؎۔ تخریج دارالدعوہ : سنن ابی داود/الطھارة ٨٥ (٢١٨) ، (تحفة الأشراف : ٥٦٨) (صحیح ) وضاحت : ١ ؎:(یعنی ان سب سے صحبت کی اور اخیر میں غسل کیا) ممکن ہے ایسا آپ نے سفر سے آنے پر یا ایک باری پوری ہوجانے، اور دوسری باری کے شروع کرنے سے پہلے کیا ہو، یا تمام بیویوں کی رضا مندی سے کیا ہو، یا یہ کہ آپ کے لیے یہ خاص ہو۔ قال الشيخ الألباني : صحيح صحيح وضعيف سنن النسائي الألباني : حديث نمبر 263

【265】

ایک سے زیادہ عورتوں سے جماع کر کے ایک ہی غسل کرنا

انس (رض) سے روایت ہے کہ رسول اللہ ﷺ اپنی (سبھی) بیویوں کے پاس ایک ہی غسل میں جاتے (جماع کرتے) تھے۔ تخریج دارالدعوہ : سنن الترمذی/الطھارة ١٠٦ (١٤٠) ، سنن ابن ماجہ/فیہ ١٠١ (٥٨٨) ، (تحفة الأشراف : ١٣٣٦) ، وقد أخرجہ : صحیح مسلم/الحیض ٦ (٣٠٩) ، مسند احمد ٣/١٦١، ١٨٥ (صحیح) ولفظ البخاري من ھذا الطریق : کان یطوف علی نسائہ في الساعة الواحدة وفي روایة : في اللیلة الواحدة “ (وبدون ذکر الغسل) (الغسل ١٢ (٢٦٨) ، ٢٤ (٢٨٤) ، وانکاح ٤ (٥٠٦٨) ، ١٠٢ (٥٢١٥ ) قال الشيخ الألباني : صحيح صحيح وضعيف سنن النسائي الألباني : حديث نمبر 264

【266】

جنبی شخص کے واسطے تلاوت قرآن جائز نہیں ہے

عبداللہ بن سلمہ بیان کرتے ہیں کہ میں اور دو آدمی علی (رض) کے پاس آئے تو انہوں نے فرمایا : اللہ کے رسول ﷺ بیت الخلاء سے باہر تشریف لاتے تو قرآن مجید پڑھتے۔ آپ ﷺ ہمارے ساتھ گوشت کھاتے اور آپ کو قرآن مجید پڑھنے سے جنابت کے سوا کوئی چیز مانع نہ ہوتی تھی۔ تخریج دارالدعوہ : سنن ابی داود/الطھارة ٩١ (٢٢٩) مطولاً ، سنن الترمذی/الطھارة ١١١ (١٤٦) ، بلفظ ــ” یقرء نا القرآن “ مختصرًا، سنن ابن ماجہ/فیہ ١٠٥ (٥٩٤) ، (تحفة الأشراف : ١٠١٨٦) ، مسند احمد ١/٨٣، ٨٤، ١٠٧، ١٢٤، ١٣٤ (ضعیف) (اس کے راوی ” عبد اللہ بن سلمہ “ مختلط ہوگئے تھے، اور عمرو کی ان سے روایت اختلاط کے بعد کی ہے ) قال الشيخ الألباني : ضعيف صحيح وضعيف سنن النسائي الألباني : حديث نمبر 265

【267】

جنبی شخص کے واسطے تلاوت قرآن جائز نہیں ہے

علی (رض) کہتے ہیں کہ رسول اللہ ﷺ ہر حال میں قرآن پڑھتے تھے سوائے جنابت کے ١ ؎۔ تخریج دارالدعوہ : انظر ما قبلہ (صحیح ) وضاحت : ١ ؎: اس عموم سے جنابت کی طرح عین پاخانہ و پیشاب کی حالت بھی خارج ہے، چوں کہ عقلاً یہ دونوں اس عموم میں داخل نہیں ہیں اسی لیے ان کے استثناء کی ضرورت محسوس نہیں ہوئی۔ قال الشيخ الألباني : ضعيف صحيح وضعيف سنن النسائي الألباني : حديث نمبر 266

【268】

جنبی شخص کے ساتھ بیٹھ جا نا اور اس کو چھونے وغیرہ سے متعلق فرمان رسول ﷺ

حذیفہ (رض) کہتے ہیں کہ رسول اللہ ﷺ جب اپنے اصحاب میں سے کسی آدمی سے ملتے تو اس (کے جسم) پر ہاتھ پھیرتے، اور اس کے لیے دعا کرتے تھے، ایک دن صبح کے وقت آپ ﷺ کو دیکھ کر میں کترا گیا، پھر آپ کے پاس اس وقت آیا جب دن چڑھ آیا، تو آپ ﷺ نے فرمایا : میں نے تمہیں دیکھا تو تم مجھ سے کترا گئے ؟ میں نے عرض کیا : میں جنبی تھا، مجھے اندیشہ ہوا کہ کہیں آپ مجھ پر ہاتھ نہ پھیریں، تو رسول اللہ ﷺ نے فرمایا : مسلمان ناپاک نہیں ہوتا ١ ؎۔ تخریج دارالدعوہ : تفرد بہ النسائی، (تحفة الأشراف : ٣٣٩٢) ، مسند احمد ٥/٣٨٤، ٤٠٢ (صحیح ) وضاحت : ١ ؎: یعنی جنبی ہونے سے اس کا جسم اس طرح نجس نہیں ہوتا کہ کوئی اسے ہاتھ سے چھو لے تو ہاتھ نجس ہوجائے، اس کی نجاست حکمی ہوتی ہے عینی نہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 267

【269】

جنبی شخص کے ساتھ بیٹھ جا نا اور اس کو چھونے وغیرہ سے متعلق فرمان رسول ﷺ

حذیفہ (رض) سے روایت ہے کہ نبی اکرم ﷺ ان سے ملے، اور وہ (حذیفہ) جنبی تھے، تو آپ ﷺ میری طرف بڑھے تو میں نے عرض کیا میں جنبی ہوں، تو آپ ﷺ نے فرمایا : مسلمان نجس نہیں ہوتا ١ ؎۔ تخریج دارالدعوہ : صحیح مسلم/الحیض ٢٩ (٣٧٢) مطولاً ، سنن ابی داود/الطھارة ٩٢ (٢٣٠) ، سنن ابن ماجہ/فیہ ٨٠ (٥٣٥) مطولاً ، (تحفة الأشراف : ٣٣٣٩) (صحیح ) وضاحت : ١ ؎: اس روایت میں راوی نے اختصار سے کام لیا ہے، ورنہ یہ واقعہ بھی وہی ہے جو اوپر گذرا۔ قال الشيخ الألباني : صحيح صحيح وضعيف سنن النسائي الألباني : حديث نمبر 268

【270】

جنبی شخص کے ساتھ بیٹھ جا نا اور اس کو چھونے وغیرہ سے متعلق فرمان رسول ﷺ

ابوہریرہ (رض) سے روایت ہے کہ نبی اکرم ﷺ مدینہ کے راستوں میں سے ایک راستہ میں ان سے ملے، اور وہ اس وقت جنبی تھے، تو وہ چپکے سے نکل گئے، اور (جا کر) غسل کیا، نبی اکرم ﷺ نے انہیں نہیں پایا، تو جب وہ آئے، تو آپ نے پوچھا ابوہریرہ ! تم کہاں تھے ؟ تو انہوں نے جواب دیا : اللہ کے رسول ! آپ اس حالت میں ملے تھے کہ میں جنبی تھا، تو میں نے ناپسند کیا کہ بغیر غسل کئے آپ کے ساتھ بیٹھوں، آپ ﷺ نے فرمایا : سبحان اللہ ! ١ ؎ مومن ناپاک نہیں ہوتا ۔ تخریج دارالدعوہ : صحیح البخاری/الغسل ٢٣ (٢٨٣) ، ٢٤ (٢٨٥) ، صحیح مسلم/الحیض ٢٩ (٣٧١) ، سنن ابی داود/الطھارة ٩٢ (٢٣١) ، سنن الترمذی/فیہ ٨٩ (١٢١) ، سنن ابن ماجہ/فیہ ٨٠ (٥٣٤) ، (تحفة الأشراف : ١٤٦٤٨) ، مسند احمد ٢/٢٣٥، ٢٨٢، ٤٧١ (صحیح ) وضاحت : ١ ؎: یہ جملہ کہہ کر ان کے ایسا کرنے اور مومن کے نجس ہونے کا عقیدہ رکھنے پر آپ نے تعجب کا اظہار کیا۔ قال الشيخ الألباني : صحيح صحيح وضعيف سنن النسائي الألباني : حديث نمبر 269

【271】

حائضہ سے خدمت لینا

ابوہریرہ (رض) کہتے ہیں کہ رسول اللہ ﷺ مسجد میں بیٹھے تھے کہ اسی دوران آپ ﷺ نے فرمایا : عائشہ ! مجھے کپڑا دے دو ، کہا : میں نماز نہیں پڑھتی ہوں ١ ؎ آپ ﷺ نے فرمایا : وہ تمہارے ہاتھ میں نہیں ہے ، تو انہوں نے آپ ﷺ کو کپڑا دیا ٢ ؎۔ تخریج دارالدعوہ : صحیح مسلم/الحیض ٢ (٢٩٩) ، (تحفة الأشراف : ١٣٤٤٣) ، مسند احمد ٢/٤٢٨، ویأتي عند المؤلف في الحیض ١٨ (برقم : ٣٨٣) (صحیح ) وضاحت : ١ ؎: یعنی حائضہ ہوں۔ ٢ ؎: اس حدیث سے معلوم ہوا کہ حائضہ ہاتھ بڑھا کر مسجد میں کوئی چیز رکھ سکتی ہے یا مسجد سے کوئی چیز لے سکتی ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 270

【272】

حائضہ سے خدمت لینا

ام المؤمنین عائشہ رضی اللہ عنہا کہتی ہیں کہ رسول اللہ ﷺ نے فرمایا : مجھے مسجد سے چٹائی دے دو ، انہوں نے کہا : میں حائضہ ہوں، اس پر رسول اللہ ﷺ نے فرمایا : تیرا حیض تیرے ہاتھ میں نہیں ہے ١ ؎۔ تخریج دارالدعوہ : صحیح مسلم/الحیض ٢ (٢٩٨) ، سنن ابی داود/الطھارة ١٠٤ (٢٦١) ، سنن الترمذی/فیہ ١٠١ (١٣٤) ، (تحفة الأشراف : ١٧٤٤٦) ، وقد أخرجہ : سنن ابن ماجہ/فیہ ١٢٠ (٦٣٢) ، مسند احمد ٦/٤٥، ١٠١، ١١٢، ١١٤، ١٧٣، ٢١٤، ٢٢٩، ٢٤٥، سنن الدارمی/الطھارة ٨٢ (٧٩٨) ، ١٠٨ (١١١١) ، ویأتي عند المؤلف في الحیض ١٨ (برقم : ٣٨٤) (صحیح ) وضاحت : ١ ؎: کہ وہ ہاتھ کو مسجد میں داخل کرنے سے مانع ہو۔ قال الشيخ الألباني : صحيح صحيح وضعيف سنن النسائي الألباني : حديث نمبر 271

【273】

حائضہ سے خدمت لینا

ابومعاویہ کی سند سے اعمش سے، پھر اسی کے مثل باقی سند سے حدیث مروی ہے۔ تخریج دارالدعوہ : انظر حدیث رقم ما قبلہ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 272

【274】

حائضہ کا مسجد میں چٹائی بچھانا

ام المؤمنین میمونہ رضی اللہ عنہا کہتی ہیں کہ رسول اللہ ﷺ ہم میں سے ایک کی آغوش میں سر رکھ کر قرآن کی تلاوت فرماتے جب کہ وہ حائضہ ہوتی تھی، اور ہم میں سے کوئی بوریا لے کر مسجد جاتی، اور باہر کھڑی ہو کر ہاتھ بڑھا کر اسے (مسجد میں) بچھا دیتی اور وہ حائضہ ہوتی۔ تخریج دارالدعوہ : تفرد بہ النسائی، (تحفة الأشراف : ١٨٠٨٦) ، مسند احمد ٦/٣٣١، ٣٣٤، ویأتي عند المؤلف في الحیض ١٩ برقم : ٣٨٥ (حسن ) قال الشيخ الألباني : حسن صحيح وضعيف سنن النسائي الألباني : حديث نمبر 273

【275】

اگر کوئی شخص اپنی حائضہ بیوی کی گود میں سر رکھ کر تلاوت قرآن کرے؟

ام المؤمنین عائشہ رضی اللہ عنہا کہتی ہیں کہ رسول اللہ ﷺ کا سر ہم (بیویوں) میں سے کسی کی گود میں ہوتا جب کہ وہ حائضہ ہوتی اور آپ قرآن کی تلاوت کرتے ١ ؎۔ تخریج دارالدعوہ : صحیح البخاری/الحیض ٣ (٢٩٧) ، التوحید ٥٢ (٧٥٤٩) ، صحیح مسلم/الحیض ٣ (٣٠١) ، سنن ابی داود/الطھارة ١٠٣ (٢٦٠) ، سنن ابن ماجہ/فیہ ١٢٠ (٦٣٤) ، (تحفة الأشراف : ١٧٨٥٨) ، مسند احمد ٦/١١٧، ١٣٥، ١٤٨، ١٥٨، ١٩٠، ٢٠٤، ٢٥٨، ویأتي عند المؤلف في الحیض ١٦ (برقم : ٣٨١) (حسن ) وضاحت : ١ ؎: اور وہ ام المؤمنین عائشہ رضی اللہ عنہا ہی ہوتیں، جیسا کہ مؤلف کے علاوہ دیگر رواۃ نے اس کی صراحت کی ہے۔ قال الشيخ الألباني : حسن صحيح وضعيف سنن النسائي الألباني : حديث نمبر 274

【276】

جس خاتون کو حیض ارہا ہو اس کو شوہر کا سر دھونا کیسا ہے؟

ام المؤمنین عائشہ رضی اللہ عنہا کہتی ہیں کہ نبی اکرم ﷺ اعتکاف کی حالت میں میری طرف اپنا سر بڑھاتے، تو میں اسے دھوتی اور میں حائضہ ہوتی۔ تخریج دارالدعوہ : صحیح البخاری/الحیض ٥ (٣٠١) ، الاعتکاف ٤ (٢٠٣١) ، صحیح مسلم/الحیض ٣ (٢٩٧) ، (تحفة الأشراف : ١٥٩٩٠) ، مسند احمد ٦/٣٢، ٥٥، ٨٦، ١٧٠، ٢٠٤، ویأتي عند المؤلف في الحیض ٢١، (برقم : ٣٨٧) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 275

【277】

جس خاتون کو حیض ارہا ہو اس کو شوہر کا سر دھونا کیسا ہے؟

ام المؤمنین عائشہ رضی اللہ عنہا کہتی ہیں کہ رسول اللہ ﷺ اعتکاف کی حالت میں اپنا سر مسجد سے میری طرف نکالتے، تو میں اسے دھوتی تھی اور میں حائضہ ہوتی تھی۔ تخریج دارالدعوہ : صحیح مسلم/الحیض ٣ (٢٩٧) ، (تحفة الأشراف : ١٦٣٩٣) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 276

【278】

جس خاتون کو حیض ارہا ہو اس کو شوہر کا سر دھونا کیسا ہے؟

ام المؤمنین عائشہ رضی اللہ عنہا کہتی ہیں کہ میں رسول اللہ ﷺ کے سر میں کنگھی کرتی اور میں حائضہ ہوتی تھی۔ تخریج دارالدعوہ : صحیح البخاری/الحیض ٢ (٢٩٥) ، اللباس ٧٦ (٥٩٢٥) ، الشمائل ٤ (٣١) ، (تحفة الأشراف : ١٧١٥٤) ، وقد أخرجہ : صحیح مسلم/الحیض ٣ (٢٩٧) ، سنن الترمذی/الصوم ٨٠ (٨٠٤) ، موطا امام مالک/الطہارة ٢٨ (١٠٢) ، مسند احمد ٦/١٠٤، ٢٣١، ٢٣٢، سنن الدارمی/الصلاة ١٠٨ (١٠٩٨، ١٠٩٩) ، ویأتي عند المؤلف برقم : ٣٨٦، ٣٨٩ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 277

【279】

جس خاتون کو حیض ارہا ہو اس کو شوہر کا سر دھونا کیسا ہے؟

اس سند سے بھی ام المؤمنین عائشہ رضی اللہ عنہا سے اسی کے مثل مروی ہے۔ تخریج دارالدعوہ : صحیح البخاری/اللباس ٧٦ (٥٩٢٥) ، (تحفة الأشراف : ١٦٦٠٤) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 278

【280】

جس عورت کو حیض آرہا ہو اس کے ساتھ کھانا اور اس کا جھوٹا کھانا پینا

شریح ام المؤمنین عائشہ رضی اللہ عنہا سے روایت کرتے ہیں کہ میں نے ان سے پوچھا کہ کیا حائضہ عورت اپنے شوہر کے ساتھ کھا سکتی ہے ؟ انہوں نے کہا : ہاں، رسول اللہ ﷺ مجھے بلاتے تو میں آپ کے ساتھ کھاتی اور میں حائضہ ہوتی تھی، آپ ﷺ ہڈی لیتے پھر اس کے سلسلہ میں آپ مجھے قسم دلاتے، تو میں اس میں سے دانت سے نوچتی پھر میں اسے رکھ دیتی، تو آپ لے لیتے اور اس میں سے نوچتے، اور آپ اپنا منہ ہڈی پر اسی جگہ رکھتے جہاں میں نے اپنا منہ رکھا ہوتا تھا، آپ پانی مانگتے، اور پینے سے پہلے مجھے اس سے پینے کی قسم دلاتے، چناچہ میں لے کر پیتی، پھر اسے رکھ دیتی، پھر آپ ﷺ اسے لیتے اور پیتے، اور اپنا منہ پیالے میں اسی جگہ رکھتے جہاں میں نے اپنا منہ رکھا ہوتا تھا ١ ؎۔ تخریج دارالدعوہ : انظر حدیث رقم : ٧٠ (صحیح الإسناد ) وضاحت : ١ ؎: آپ ایسا اظہار محبت اور بیان جواز کے لیے کرتے۔ قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 279

【281】

جس عورت کو حیض آرہا ہو اس کے ساتھ کھانا اور اس کا جھوٹا کھانا پینا

ام المؤمنین عائشہ رضی اللہ عنہا کہتی ہیں کہ رسول اللہ ﷺ اپنا منہ (برتن میں) اسی جگہ رکھتے جہاں سے میں (منہ لگا کر) پیتی تھی، آپ میرا بچا ہوا جو ٹھا پیتے، اور میں حائضہ ہوتی۔ تخریج دارالدعوہ : انظر حدیث رقم : ٧٠ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 280

【282】

جس عورت کو حیض آرہا ہو اس کا جوٹھا پانی پینا

شریح کہتے ہیں کہ میں نے ام المؤمنین عائشہ رضی اللہ عنہا کو کہتے سنا کہ رسول اللہ ﷺ مجھے پانی کا برتن دیتے، میں اس میں سے پیتی، اور میں حائضہ ہوتی تھی، پھر میں آپ کو دیتی، آپ میرے منہ رکھنے کی جگہ تلاش کرتے، اور اپنا منہ اسی جگہ رکھتے۔ تخریج دارالدعوہ : انظر حدیث رقم : ٧٠ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 281

【283】

جس عورت کو حیض آرہا ہو اس کا جوٹھا پانی پینا

ام المؤمنین عائشہ رضی اللہ عنہا کہتی ہیں کہ میں (پانی) پیتی اور میں حائضہ ہوتی، اور اسے نبی اکرم ﷺ کو دیتی، تو آپ اپنا منہ میرے منہ رکھنے کی جگہ پر رکھ کر پیتے، اور میں ہڈی سے گوشت (نوچ کر) کھاتی، اور حائضہ ہوتی، اور اسے نبی اکرم ﷺ کو دیتی تو آپ اپنا منہ میرے منہ رکھنے کی جگہ پر رکھتے۔ تخریج دارالدعوہ : انظر حدیث رقم : ٧٠ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 282

【284】

حائضہ عورت کو اپنے ساتھ لٹانے سے متعلق احادیث

ام المؤمنین ام سلمہ رضی اللہ عنہا کہتی ہیں کہ میں رسول اللہ ﷺ کے ساتھ چادر میں لیٹی تھی کہ اسی دوران مجھے حیض آگیا، تو میں آہستہ سے کھسک آئی اور جا کر میں نے اپنے حیض کا کپڑا لیا، تو رسول اللہ ﷺ پوچھنے لگے : کیا تم کو حیض آگیا ہے ؟ میں نے عرض کیا : جی ہاں، پھر آپ ﷺ نے مجھے بلایا، تو (جا کر) میں آپ کے ساتھ چادر میں لیٹ گئی۔ تخریج دارالدعوہ : صحیح البخاری/الحیض ٤ (٢٩٨) ، ٢١ (٣٢٢) ، ٢٢ (٣٢٣) ، الصوم ٢٤ (١٩٢٩) صحیح مسلم/فیہ ٢ (٢٩٦) ، (تحفة الأشراف : ١٨٢٧٠) ، وقد أخرجہ : سنن ابن ماجہ/الطھارة ١٢١ (٦٣٧) ، مسند احمد ٦/٣٠٠، ٣١٨، سنن الدارمی/الطھارة ١٠٧ (١٠٨٥) ، ویأتي عند المؤلف في الحیض ١٠ (برقم : ٣٧١) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 283

【285】

حائضہ عورت کو اپنے ساتھ لٹانے سے متعلق احادیث

ام المؤمنین عائشہ رضی اللہ عنہا کہتی ہیں کہ میں اور رسول اللہ ﷺ دونوں ایک ہی چادر میں رات گزارتے، اور میں حائضہ ہوتی، اگر آپ ﷺ کو میرے (خون) میں سے کچھ لگ جاتا تو صرف اسی جگہ کو دھوتے، اس سے تجاوز نہ کرتے، اور اسی کپڑے میں نماز ادا کرتے، پھر واپس آ کر لیٹ جاتے، پھر دوبارہ اگر آپ کو میرے (خون) میں سے کچھ لگ جاتا تو آپ ﷺ پھر اسی طرح کرتے، اس سے تجاوز نہ فرماتے، اور اسی میں نماز پڑھتے۔ تخریج دارالدعوہ : سنن ابی داود/الطھارة ١٠٧ (٢٦٩) ، انکاح ٤٧ (٢١٦٦) ، (تحفة الأشراف : ١٦٠٦٧) ، مسند احمد ٦/٤٤، سنن الدارمی/الطھارة ١٠٥ (١٠٥٣) ، ویأتي عند المؤلف بأرقام : ٣٧٢، ٧٧٤ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 284

【286】

حائضہ خاتون کے ساتھ آرام کرنا اور اس کو چھونا

ام المؤمنین عائشہ رضی اللہ عنہا کہتی ہیں کہ رسول اللہ ﷺ ہم میں سے ایک کو جب وہ حائضہ ہوتی حکم دیتے کہ وہ تہبند باندھ لے، پھر آپ اس کے ساتھ لیٹ جاتے تھے۔ تخریج دارالدعوہ : تفرد بہ النسائی، (تحفة الأشراف : ١٧٤٢٠) ، وقد أخرجہ : صحیح البخاری/الحیض ٥ (٣٠٢) ، صحیح مسلم/فیہ ١ (٢٩٣) ، سنن ابی داود/الطھارة ١٠٧ (٢٦٨) ، سنن الترمذی/الطھارة ٩٩ (١٣٢) ، الصوم ٣٢ (٧٢٨) ، سنن ابن ماجہ/الطھارہ ١٢١ (٦٣٦) ، مسند احمد ٦/١١٣، ١٦٠، ١٧٤، ١٨٢، ٢٠٤، ٢٠٦، سنن الدارمی/الطھارة ١٠٧ (١٠٨٧، ١٠٨٨) ، ویأتي عند المؤلف في الحیض ١٢ برقم : ٣٨٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 285

【287】

حائضہ خاتون کے ساتھ آرام کرنا اور اس کو چھونا

ام المؤمنین عائشہ رضی اللہ عنہا کہتی ہیں کہ ہم میں سے جب کوئی حائضہ ہوتی تو رسول اللہ ﷺ اسے حکم دیتے کہ تہبند باندھ لے، پھر آپ اس کے ساتھ لیٹ جاتے تھے ١ ؎۔ تخریج دارالدعوہ : صحیح البخاری/الحیض ٥ (٢٩٩) ، الصوم ٤ (٢٠٣٠) ، صحیح مسلم/الحیض ١ (٢٩٣) ، سنن ابی داود/الطہارة ١٠٧ (٢٦٨) ، سنن الترمذی/الطہارة ٩٩ (١٣٢) ، سنن ابن ماجہ/الطہارة ١٢١ (٦٣٦) ، (تحفة الأشراف : ١٥٩٨٢) ، مسند احمد ٦/٥٥، ١٣٤، ١٧٤، ١٨٩، ٢٠٩، سنن الدارمی/الطہارة ١٠٧ (١٠٧٧) ، ویأتی عندالمؤلف برقم : ٣٧٤ (صحیح ) وضاحت : ١ ؎: حدیث میں يباشرها کا لفظ آیا ہے یہاں مباشرت سے جماع مراد نہیں کہ یہ اعتراض کیا جائے کہ آپ کیسے مباشرت کرتے جبکہ حائضہ سے مباشرت حرام ہے، بلکہ یہاں بوس و کنار اور لیٹنا مراد ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 286

【288】

حائضہ خاتون کے ساتھ آرام کرنا اور اس کو چھونا

ام المؤمنین میمونہ رضی اللہ عنہا کہتی ہیں کہ رسول اللہ ﷺ اپنی بیویوں میں سے کسی کے ساتھ لیٹ جایا کرتے تھے اور وہ حائضہ ہوتی جب اس پر تہبند ہوتا، جو آدھی ران اور گھٹنے تک پہنچتا، لیث کی روایت میں ہے : وہ اسے اپنی کمر پر باندھے ہوتی ١ ؎۔ تخریج دارالدعوہ : سنن ابی داود/الطھارة ١٠٧ (٢٦٧) ، مسند احمد ٦/٣٣٢، ٣٣٥، ٣٣٦، سنن الدارمی/الطھارة ١٠٧ (١٠٩٧) ، ویأتي عند المؤلف في الحیض ١٣ (برقم : ٣٧٦) ، (تحفة الأشراف : ١٨٠٨٥) ، وقد أخرجہ : صحیح البخاری/الحیض ٥ (٣٠٣) ، صحیح مسلم/الحیض ١ (٢٩٤) (صحیح ) وضاحت : ١ ؎: اس حدیث میں بھی مباشرت سے لیٹنا ہی مراد ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 287

【289】

ارشاد باری تعالیٰ کا مفہوم

انس (رض) کہتے ہیں کہ یہود کی عورتیں جب حائضہ ہوتیں تو وہ ان کے ساتھ نہ کھاتے پیتے اور نہ انہیں گھروں میں اپنے ساتھ رکھتے، تو لوگوں نے نبی اکرم ﷺ سے اس کے متعلق دریافت کیا، تو اللہ عزوجل نے آیت کریمہ : ويسألونک عن المحيض قل هو أذى (البقرہ : ٢٢٢ ) لوگ آپ سے حیض کے متعلق دریافت کرتے ہیں، آپ فرما دیجئیے : وہ گندگی ہے نازل فرمائی، تو رسول اللہ ﷺ نے انہیں حکم دیا کہ وہ ان کے ساتھ کھائیں، پئیں اور انہیں اپنے ساتھ گھروں میں رکھیں، اور جماع کے علاوہ ان کے ساتھ سب کچھ کریں۔ تخریج دارالدعوہ : صحیح مسلم/الحیض ٣ (٣٠٢) ، سنن ابی داود/الطہارة ١٠٣ (٢٥٨) ، النکاح ٤٧ (٢١٦٥) ، سنن الترمذی/تفسیر البقرة (٢٩٧٧) ، سنن ابن ماجہ/الطھارة ١٢٥ (٦٤٤) ، (تحفة الأشراف : ٣٠٨) ، مسند احمد ٣/١٣٢، ٢٤٦، سنن الدارمی/الطھارة ١٠٧ (١٠٩٣) ، ویأتي عند المؤلف في الحیض ٨، باتم مما ھنا (برقم : ٣٦٩) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 288

【290】

نہی خداوندی اور ممانعت کے علم کے باوجود جو شخص بیوی سے حالت حیض میں ہمبستری کرلے اس کا کیا کفارہ ہے؟

عبداللہ بن عباس رضی اللہ عنہم نبی اکرم ﷺ سے اس شخص کے بارے میں روایت کرتے ہیں جو اپنی بیوی سے جماع کرے، اور وہ حائضہ ہو کہ وہ ایک دینار یا نصف دینار صدقہ کرے۔ تخریج دارالدعوہ : سنن ابی داود/الطھارة ١٠٦ (٢٦٤) ، النکاح ٤٨ (٢١٦٨) ، سنن ابن ماجہ/الطھارة ١٢٣ (٦٤٠) ، (تحفة الأشراف : ٦٤٩٠) ، وقد أخرجہ : سنن الترمذی/الطھارة ١٠٣ (١٣٧) ، مسند احمد ١/٢٢٩، ٢٣٧، ٢٧٢، ٢٨٦، ٣١٢، ٣٢٥، ٣٦٣، ٣٦٧، سنن الدارمی/الطھارة ١١٢ (١١٤٦، ١١٤٧) ، ویأتي عند المؤلف في الحیض ٩، (برقم : ٣٧٠) (صحیح ) وضاحت : ١ ؎: عبداللہ بن عباس رضی اللہ عنہم کا کہنا ہے کہ جب وہ بیوی سے شروع حیض میں جماع کرے تو ایک دینار صدقہ کرے، اور جب خون بند ہوجانے پر جماع کرے تو آدھا دینار صدقہ کرے، بعض لوگوں نے کہا ہے کہ یہاں نوعیت بتانا مقصود نہیں بلکہ یہ راوی کا تردد ہے، واضح رہے کہ یہ حکم استحبابی ہے وجوبی نہیں۔ قال الشيخ الألباني : صحيح صحيح وضعيف سنن النسائي الألباني : حديث نمبر 289

【291】

جو خاتون احرام باندھے اور اس کو حیض شروع ہوجائے؟

ام المؤمنین عائشہ رضی اللہ عنہا کہتی ہیں کہ ہم رسول اللہ ﷺ کے ساتھ نکلے، ہمیں صرف حج کرنا تھا، جب مقام سرف آیا تو میں حائضہ ہوگئی، تو رسول اللہ ﷺ میرے پاس آئے، اور اس وقت میں رو رہی تھی آپ ﷺ نے پوچھا : کیا بات ہے ؟ حائضہ ہوگئی ہو ؟ میں نے عرض کیا : ہاں، آپ ﷺ نے فرمایا : یہ ایسی چیز ہے جسے اللہ عزوجل نے آدم زادیوں کے لیے مقدر کردیا ہے، تو وہ سارے کام کرو جو حاجی کرتا ہے سوائے اس کے کہ خانہ کعبہ کا طواف نہ کرنا ، نیز رسول اللہ ﷺ نے اپنی بیویوں کی طرف سے گائے کی قربانی کی ۔ تخریج دارالدعوہ : صحیح البخاری/الحیض ٧ (٢٩٤) ، الحج ٣٣ (١٥٦٠) ، و ٨١ (١٦٥٠) ، العمرة ٩ (١٧٨٨) ، الأضاحي ٣ (٥٥٤٨) ، ١٠ (٥٥٥٩) ، صحیح مسلم/الحج ١٧ (١٢١١) ، سنن ابی داود/فیہ ٢٣ (١٧٨٢) ، سنن ابن ماجہ/فیہ ٣٦ (٢٩٦٣) ، مسند احمد ٦/٣٩، سنن الدارمی/المناسک ٦٢ (١٩٤٥) ، ویأتي عند المؤلف بأرقام : ٣٤٩، ٢٧٤٢، ٢٩٩٣، (تحفة الأشراف : ١٧٤٨٢) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 290

【292】

نفاس والی خاتون احرام کیسے باندھیں؟

محمد کہتے ہیں کہ ہم لوگ جابر بن عبداللہ کے پاس آئے، اور ہم نے ان سے نبی اکرم ﷺ کے حج (حجۃ الوداع) کے متعلق دریافت کیا، تو انہوں نے ہم سے بیان کیا کہ رسول اللہ ﷺ پچیس ذی قعدہ کو نکلے ہم لوگ بھی آپ کے ساتھ نکلے، یہاں تک کہ جب آپ ذوالحلیفہ پہنچے تو اسماء بنت عمیس نے محمد بن ابوبکر کو جنا، تو انہوں نے رسول اللہ ﷺ کے پاس آدمی بھیج کر دریافت کیا کہ اب میں کیا کروں ؟ آپ ﷺ نے فرمایا : غسل کرلو اور لنگوٹ کس لو، پھر لبیک پکارو ۔ تخریج دارالدعوہ : تفرد بہ النسائی، (تحفة الأشراف : ٢٦١٧) ، ویأتي عند المؤلف برقم : ٢١٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 291

【293】

اگر کپڑے پر حیض کا خون لگ جائے تو کیا حکم ہے؟

ام قیس بنت محصن رضی اللہ عنہا کہتی ہیں کہ انہوں نے رسول اللہ ﷺ سے حیض کا خون کپڑے میں لگ جانے کے بارے میں پوچھا، تو آپ ﷺ نے فرمایا : اسے لکڑی سے کھرچ دو ، اور پانی اور بیر کے پتے سے دھو لو ۔ تخریج دارالدعوہ : سنن ابی داود/الطھارة ١٣٢ (٣٦٣) ، سنن ابن ماجہ/فیہ ١١٨ (٦٢٨) ، (تحفة الأشراف : ١٨٣٤٤) ، مسند احمد ٦/٣٥٥، ٣٥٦، سنن الدارمی/الطھارة ١٠٥ (١٠٥٩) ، ویأتي عند المؤلف في الحیض ٢٦ (برقم : ٣٩٥) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 292

【294】

اگر کپڑے پر حیض کا خون لگ جائے تو کیا حکم ہے؟

فاطمہ بنت منذر اسماء بنت ابوبکر رضی اللہ عنہم سے روایت کرتی ہیں (وہ ان کی گود میں پلی تھیں) کہ ایک عورت نے نبی اکرم ﷺ سے کپڑے میں حیض کا خون لگ جانے کے متعلق پوچھا، تو آپ ﷺ نے فرمایا : اسے کھرچ دو ، پھر پانی ڈال کر انگلیوں سے رگڑو، پھر اسے دھو لو، اور اس میں نماز پڑھ لو ۔ تخریج دارالدعوہ : صحیح البخاری/الوضوء ٦٣ (٢٢٧) ، الحیض ٩ (٣٠٦) ، صحیح مسلم/الطھارة ٣٣ (٢٩١) ، سنن ابی داود/الطہارة ١٣٢ (٣٦١، ٣٦٢) ، سنن الترمذی/الطھارة ١٠٤ (١٣٨) ، سنن ابن ماجہ/الطھارة ١١٨ (٦٢٩) ، موطا امام مالک/الطہارة ٢٨ (١٠٣) ، مسند احمد ٦/٣٤٥، ٣٤٦، ٣٥٣، سنن الدارمی/الطہارة ٨٣ (٧٩٩) ، ویأتي عند المؤلف في الحیض ٢٦ (برقم : ٣٩٤) ، (تحفة الأشراف : ١٥٧٤٣) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 293

【295】

منی کپڑے میں لگ جانے کا حکم

معاویہ بن ابوسفیان (رض) سے روایت ہے کہ انہوں نے (اپنی بہن) ام المؤمنین ام حبیبہ رضی اللہ عنہا سے دریافت کیا کہ کیا رسول اللہ ﷺ اس کپڑے میں نماز پڑھتے تھے جس میں جماع کرتے تھے ؟ تو انہوں نے جواب دیا : ہاں ! جب آپ اس میں کوئی گندگی نہ دیکھتے۔ تخریج دارالدعوہ : سنن ابی داود/الطھارة ١٣٣ (٣٦٦) ، سنن ابن ماجہ/الطھارة ٨٣ (٥٤٠) ، مسند احمد ٦/٣٢٥، ٤٢٦، سنن الدارمی/الصلاة ١٠٢ (١٤١٥، ١٤١٦) ، (تحفة الأشراف : ١٥٨٦٨) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 294

【296】

کپڑے پر سے منی دھونے کا حکم

ام المؤمنین عائشہ رضی اللہ عنہا کہتی ہیں کہ میں رسول اللہ ﷺ کے کپڑے سے جنابت کا اثر دھوتی تھی ١ ؎، پھر آپ نماز کے لیے نکلتے، اور پانی کے دھبے آپ کے کپڑے پر باقی ہوتے۔ تخریج دارالدعوہ : صحیح البخاری/الوضوء ٦٤ (٢٢٩، ٢٣٠) ، ٦٥ (٢٣١) ، صحیح مسلم/الطھارة ٣٢ (٢٨٩) ، سنن ابی داود/فیہ ٣٦ (٣٧٣) ، سنن الترمذی/فیہ ٨٦ (١١٧) ، سنن ابن ماجہ/فیہ ٨١ (٥٣٦) ، (تحفة الأشراف : ١٦١٣٥) ، مسند احمد ٦/٤٨، ١٤٢، ١٦٢، ٢٣٥ (صحیح ) وضاحت : ١ ؎: یہاں اس سے مراد منی ہے، اور منی ایک قسم کی رطوبت ہے جو مرد کی شرمگاہ سے شہوت کے وقت اچھلتے ہوئے خارج ہوتی ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 295

【297】

کپڑے سے منی کے کھرچنے سے متعلق

ام المؤمنین عائشہ رضی اللہ عنہا کہتی ہیں کہ میں رسول اللہ ﷺ کے کپڑے سے جنابت مل کر صاف کردیتی ١ ؎، دوسری مرتبہ کہا : میں رسول اللہ ﷺ کے کپڑے سے منی مل کر صاف کردیتی تھی ٢ ؎۔ تخریج دارالدعوہ : تفرد بہ النسائی، (تحفة الأشراف : ١٦٠٥٧) (صحیح ) وضاحت : ١ ؎: یہ روایت اس بات پر دلالت کرتی ہے کہ منی کو کپڑے سے دھونا واجب نہیں، خشک ہو تو اسے کھرچ دینے یا مل دینے، اور تر ہو تو کسی چیز سے صاف کردینے سے کپڑا پاک ہوجاتا ہے، منی پاک ہے یا ناپاک اس مسئلہ میں علماء میں اختلاف ہے، امام شافعی، داود ظاہری، اور امام احمد کی رائے میں منی پاک ہے، وہ منہ کے لعاب کی طرح ہے، صحابہ کرام رضی اللہ عنہم اجمعین میں سے علی، سعد بن ابی وقاص، ابن عمر اور ام المؤمنین عائشہ رضی اللہ عنہم کا بھی یہی مسلک ہے، اس کے برعکس امام مالک اور امام ابوحنیفہ کہتے ہیں کہ منی ناپاک ہے، لیکن امام ابوحنیفہ کے نزدیک منی اگر خشک ہو تو کھُرچ دینے سے پاک ہوجاتی ہے، دھونا ضروری نہیں، اس کے برعکس امام مالک کے نزدیک خشک ہو یا تر دونوں صورتوں میں دھونا ضروری ہے، منی کو پاک قرار دینے والوں کی دلیل کھرچنے والی حدیثیں ہیں، وہ کہتے ہیں کہ منی اگر نجس ہوتی تو کھرچنے کے بعد اسے دھونا ضروری ہوتا، اور جن لوگوں نے ناپاک کہا ہے ان کی دلیل وہ روایتیں ہیں جن میں دھونے کا حکم آیا ہے، وہ کہتے ہیں کہ منی اگر پاک ہوتی تو اسے دھونے کی ضرورت نہیں تھی، لیکن جو لوگ پاک کہتے ہیں وہ اس کا جواب یہ دیتے ہیں کہ کپڑے کا دھونا نظافت کے لیے ہے نجاست کی وجہ سے نہیں۔ ٢ ؎: بظاہر اوپر والی روایت میں اور اس روایت میں تعارض ہے، تطبیق اس طرح دی جاتی ہے کہ فرک (ملنے اور رگڑنے) والی روایتیں خشک منی پر محمول ہوں گی کیونکہ منی جب گیلی ہو تو ملنے سے صاف نہیں ہوگی، اور دھونے والی روایتیں تر منی پر۔ قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 296

【298】

کپڑے سے منی کے کھرچنے سے متعلق

ہمام بن حارث سے روایت ہے کہ ام المؤمنین عائشہ رضی اللہ عنہا کہتی ہیں کہ میں نے اپنے آپ کو دیکھا کہ میں اس سے زیادہ کچھ نہیں کرتی تھی کہ اسے (یعنی منی کو) رسول اللہ ﷺ کے کپڑے سے مل دوں۔ تخریج دارالدعوہ : صحیح مسلم/الطہارة ٣٢ (٢٨٨) ، سنن ابی داود/الطہارة ١٣٦ (٣٧١) ، سنن ابن ماجہ/الطہارة ٨٢ (٥٣٧) ، مسند احمد ٦/٤٣، ١٢٥، ١٣٥، ١٩٣، ٢٦٣، (تحفة الأشراف : ١٧٦٧٦) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 297

【299】

کپڑے سے منی کے کھرچنے سے متعلق

ام المؤمنین عائشہ رضی اللہ عنہا کہتی ہیں کہ میں نبی اکرم ﷺ کے کپڑے سے اسے (یعنی منی کو) مل دیتی تھی۔ تخریج دارالدعوہ : انظر حدیث رقم : ٢٩٨ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 298

【300】

کپڑے سے منی کے کھرچنے سے متعلق

ام المؤمنین عائشہ رضی اللہ عنہا کہتی ہیں کہ میں نبی اکرم ﷺ کے کپڑے میں اسے (یعنی منی کو) دیکھتی تو اسے رگڑ دیتی تھی۔ تخریج دارالدعوہ : انظر حدیث رقم : ٢٩٨ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 299

【301】

کپڑے سے منی کے کھرچنے سے متعلق

ام المؤمنین عائشہ رضی اللہ عنہا کہتی ہیں کہ میں نے اپنے آپ کو دیکھا کہ میں رسول اللہ ﷺ کے کپڑے سے جنابت (منی کے اثر کو) مل رہی ہوں۔ تخریج دارالدعوہ : صحیح مسلم/الطہارة ٣٢ (٢٨٨) ، (تحفة الأشراف : ١٥٩٤١) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 300

【302】

کپڑے سے منی کے کھرچنے سے متعلق

ام المؤمنین عائشہ رضی اللہ عنہا کہتی ہیں کہ میں نے اپنے آپ کو دیکھا کہ میں اسے (یعنی منی کو) رسول اللہ ﷺ کے کپڑے میں پاتی تو اسے رگڑ کر اس سے صاف کردیتی۔ تخریج دارالدعوہ : صحیح مسلم/الطہارة ٣٢ (٢٨٨) ، سنن ابن ماجہ/الطہارة ٨٢ (٥٣٩) ، (تحفة الأشراف : ١٥٩٧٦) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 301

【303】

کھانا نہ کھانے والے بچہ کے پیشاب کا حکم

ام قیس بنت محصن رضی اللہ عنہا سے روایت ہے کہ وہ اپنے ایک چھوٹے بیٹے کو جو ابھی کھانا نہیں کھاتا تھا رسول اللہ ﷺ کے پاس لے کر آئیں، رسول اللہ ﷺ نے اسے اپنی گود میں بٹھا لیا، تو اس نے آپ کے کپڑے پر پیشاب کردیا، تو آپ ﷺ نے پانی منگایا، اور اس سے کپڑے پر چھینٹا مار، اور اسے دھویا نہیں۔ تخریج دارالدعوہ : صحیح البخاری/الوضوء ٥٩ (٢٢٣) ، الطب ١٠ (٥٦٩٣) ، صحیح مسلم/الطہارة ٣١ (٢٨٧) ، سنن ابی داود/الطھارة ١٣٧ (٣٧٤) ، سنن الترمذی/الطھارة ٥٤ (٧١) ، سنن ابن ماجہ/الطھارة ٧٧ (٥٢٤) ، (تحفة الأشراف : ١٨٣٤٢) ، موطا امام مالک/الطھارة ٣٠ (١١٠) ، مسند احمد ٦/٣٥٥، ٣٥٦، سنن الدارمی/الطھارة ٦٣ (٧٦٨) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 302

【304】

کھانا نہ کھانے والے بچہ کے پیشاب کا حکم

ام المؤمنین عائشہ رضی اللہ عنہا کہتی ہیں کہ رسول اللہ ﷺ کی خدمت میں ایک (دودھ پینے والا) بچہ لایا گیا، تو اس نے آپ کے اوپر پیشاب کردیا، تو آپ نے پانی منگایا، اور اسے اس پر بہا دیا۔ تخریج دارالدعوہ : صحیح البخاری/الوضوء ٥٩ (٢٢٢) ، العقیقة ١ (٥٤٦٨) ، الأدب ٢١ (٦٠٠٢) ، الدعوات ٣٠ (٦٣٥٥) ، (تحفة الأشراف : ١٧١٦٣) ، وقد أخرجہ : صحیح مسلم/الطہارة ٣١ (٢٨٦) ، سنن ابن ماجہ/فیہ ٧٧ (٥٢٣) ، موطا امام مالک/الطہارة ٣٠ (١٠٩) مسند احمد ٦/٥٢، ٢١٠، ٢١٢ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 303

【305】

لڑکی کے پیشاب سے متعلق

ابو سمح (رض) (خادم النبی) کہتے ہیں کہ نبی اکرم ﷺ نے فرمایا : بچی کا پیشاب دھویا جائے گا، اور بچے کے پیشاب پر پانی چھڑکا جائے گا ١ ؎۔ تخریج دارالدعوہ : تفرد بہ النسائی، (تحفة الأشراف : ١٢٠٥٢) ، وقد أخرجہ : سنن ابی داود/الطہارة ١٣٧ (٣٧٦) ، سنن ابن ماجہ/الطھارة ٧٧ (٥٢٦) (صحیح ) وضاحت : ١ ؎: ایک روایت میں مالم یطعم (جب تک وہ کھانا نہ کھانے لگے) کی قید ہے، اس لیے جو روایتیں مطلق ہیں، انہیں مقید پر محمول کیا جائے گا یعنی دونوں کے پیشاب میں یہ تفریق اس وقت تک کے لیے ہے جب تک وہ دونوں کھانا نہ کھانے لگ جائیں، کھانا کھانے لگ جانے کے بعد دونوں کے پیشاب کا حکم یکساں ہوگا، دونوں کا پیشاب دھونا ضروری ہوجائے گا۔ قال الشيخ الألباني : صحيح صحيح وضعيف سنن النسائي الألباني : حديث نمبر 304

【306】

جن جانوروں کا گوشت حلال ہے ان کے پیشاب کا حکم

انس بن مالک (رض) کا بیان ہے کہ قبیلہ عکل کے کچھ لوگ رسول اللہ ﷺ کی خدمت میں حاضر ہوئے، اور اپنے اسلام لانے کی بات کی، اور کہنے لگے : اللہ کے رسول ! ہم لوگ مویشی والے ہیں (جن کا گزارہ دودھ پر ہوتا ہے) ہم کھیتی باڑی والے نہیں ہیں، مدینہ کی آب و ہوا انہیں راس نہیں آئی، تو رسول اللہ ﷺ نے حکم دیا کہ انہیں کچھ اونٹ اور ایک چرواہا دے دیا جائے، اور ان سے کہا کہ وہ جا کر مدینہ سے باہر رہیں، اور ان جانوروں کے دودھ اور پیشاب پئیں ١ ؎ چناچہ وہ باہر جا کر حرّہ کے ایک گوشے میں رہنے لگے جب اچھے اور صحت یاب ہوگئے، تو اپنے اسلام لے آنے کے بعد کافر ہوگئے، اور نبی اکرم ﷺ کے چرواہے کو قتل کردیا، اور اونٹوں کو ہانک لے گئے، نبی اکرم ﷺ کو اس کی خبر ہوئی تو آپ نے تعاقب کرنے والوں کو ان کے پیچھے بھیجا (چنانچہ وہ پکڑ لیے گئے اور) آپ کے پاس لائے گئے، تو لوگوں نے ان کی آنکھوں میں آگ کی سلائی پھیر دی ٢ ؎، اور ان کے ہاتھ اور پاؤں کاٹ دئیے، پھر اسی حال میں انہیں (مقام) حرہ میں چھوڑ دیا گیا یہاں تک کہ وہ سب مرگئے۔ تخریج دارالدعوہ : صحیح البخاری/الوضوء ٦٦ (٢٣٣) ، الزکاة ٦٨ (١٥٠١) ، الجھاد ١٨٤ (٣٠٦٤) ، المغازي ٣٦ (٤١٩٢) ، الطب ٥ (٥٦٨٥) ، ٢٩/٥٧٢٧، الحدود ١٥ (٦٨٠٢) ، ١٨ (٦٨٠٥) ، الدیات ٢٢ (٦٨٩٩) ، صحیح مسلم/القسامة ٢ (١٦٧١) ، (تحفة الأشراف : ١١٧٦) ، وقد أخرجہ : سنن الترمذی/الأطعمة ٣٨ (١٨٤٥) ، الطب ٦ (٢٠٤٢) ، سنن ابن ماجہ/فیہ ٣٠ (٣٥٠٣) ، مسند احمد ٣/١٦١، ١٦٣، ١٧٠، ٢٣٣، ویأتي عند المؤلف برقم : ٤٠٣٧ (صحیح ) وضاحت : ١ ؎: اس سے معلوم ہوا کہ علاج کے طور پر اونٹ کا پیشاب پیا جاسکتا ہے اس میں کوئی حرج نہیں، اکثر اہل علم کا یہی قول ہے کہ جن جانورں کا گوشت کھایا جاتا ہے ان کا پیشاب پاک ہے، اور بوقت ضرورت ان کے استعمال میں کوئی مضائقہ نہیں۔ ٢ ؎: ایک روایت میں انس (رض) نے اس کی وجہ یہ بیان کی ہے کہ نبی اکرم ﷺ نے ان کی آنکھوں میں سلائیاں اس وجہ سے پھیریں کہ ان لوگوں نے بھی چرواہے کی آنکھوں میں سلائیاں پھیری تھیں، لیکن یہ روایت بقول امام ترمذی غریب ہے، یحییٰ بن غیلان کے علاوہ کسی نے بھی اس میں یزید بن زریع کے واسطے کا ذکر نہیں کیا ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 305

【307】

جن جانوروں کا گوشت حلال ہے ان کے پیشاب کا حکم

انس بن مالک (رض) کہتے ہیں کہ نبی اکرم ﷺ کی خدمت میں قبیلہ عرینہ کے کچھ اعرابی (دیہاتی) آئے، اور انہوں نے اسلام قبول کرلیا، لیکن مدینہ کی آب و ہوا انہیں راس نہیں آئی، یہاں تک کہ ان کے رنگ زرد ہوگئے، اور پیٹ پھول گئے، تو رسول اللہ ﷺ نے انہیں اپنی اونٹنیوں کے پاس بھیج دیا ١ ؎ اور انہیں حکم دیا کہ وہ ان کے دودھ اور پیشاب پئیں، یہاں تک کہ وہ صحت یاب ہوگئے، تو ان لوگوں نے آپ کے چرواہے کو قتل کر ڈالا، اور اونٹوں کو ہانک لے گئے، تو نبی اکرم ﷺ نے کچھ لوگوں کو ان کے تعاقب میں بھیجا، چناچہ انہیں پکڑ کر آپ کی خدمت میں لایا گیا، تو آپ نے ان کے ہاتھ پاؤں کاٹ دیئے، اور ان کی آنکھوں میں گرم سلائی پھیر دی۔ تخریج دارالدعوہ : تفرد بہ النسائي، (تحفة الأشراف : ١٦٦٤) ، ویأتي عند المؤلف برقم : ٤٠٤٠ (صحیح الاسناد ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 306

【308】

حلال جانور کا پاخا نہ اگر کپڑے پر لگ جائے تو کیا حکم ہے؟

عمرو بن میمون کہتے ہیں کہ ہم سے عبداللہ بن مسعود (رض) نے بیت المال میں بیان کیا کہ رسول اللہ ﷺ خانہ کعبہ کے پاس نماز پڑھ رہے تھے، اور قریش کے کچھ شرفاء بیٹھے ہوئے تھے، اور انہوں نے ایک اونٹ ذبح کر رکھا تھا، تو ان میں سے ایک شخص نے کہا ١ ؎: تم میں سے کون ہے جو یہ خون آلود اوجھڑی لے کر جائے، پھر کچھ صبر کرے حتیٰ کہ جب آپ اپنا چہرہ زمین پر رکھ دیں، تو وہ اسے ان کی پشت پر رکھ دے، تو ان میں کا سب سے بدبخت (انسان) کھڑا ہوا ٢ ؎، اور اس نے اوجھڑی لی، اور آپ کے پاس لے جا کر انتظار کرتا رہا، جب آپ سجدہ میں چلے گئے تو اس نے اسے آپ کی پشت پر ڈال دیا، تو آپ ﷺ کی کمسن بیٹی فاطمہ رضی اللہ عنہا کو خبر ملی، تو وہ دوڑتی ہوئی آئیں، اور آپ ﷺ کی پشت سے اسے ہٹایا، جب آپ ﷺ اپنی نماز سے فارغ ہوئے تو آپ نے تین مرتبہ کہا : اللہم عليك بقريش اے اللہ ! قریش کو ہلاک کر دے ، اللہم عليك بقريش، ‏ اللہم عليك بأبي جهل بن هشام وشيبة بن ربيعة وعتبة بن ربيعة وعقبة بن أبي معيط اے اللہ ! ابوجہل بن ہشام، شیبہ بن ربیعہ، عتبہ بن ربیعہ اور عقبہ بن ابی معیط سے تو نپٹ لے یہاں تک کہ آپ ﷺ نے قریش کے سات ٣ ؎ لوگوں کا گن کر نام لیا، قسم ہے اس ذات کی جس نے آپ ﷺ پر قرآن نازل کیا، میں نے انہیں بدر کے دن ایک اوندھے کنویں میں مرا ہوا دیکھا۔ تخریج دارالدعوہ : صحیح البخاری/الوضوء ٦٩ (٢٤٠) ، والصلاة ١٠٩ (٥٢٠) ، والجھاد ٩٨ (٢٩٣٤) ، والجزیة ٢١ (٣١٨٥) ، ومناقب الأنصار ٢٩ (٣٨٥٤) ، صحیح مسلم/الجھاد ٣٩ (١٧٩٤) ، (تحفة الأشراف ٩٤٨٤) ، مسند احمد ١/ ٣٩٣، ٣٩٧، ٤١٧ (صحیح ) وضاحت : ١ ؎: صحیح مسلم کی تصریح کے مطابق وہ ابوجہل تھا۔ ٢ ؎: اس سے مراد عقبہ بن ابی معیط ہے جیسا کہ مسند ابوداؤد طیالسی میں اس کی صراحت ہے۔ ٣ ؎: چار تو وہ ہیں جن کا ذکر خود حدیث میں آیا ہے اور باقی تین یہ ہیں : ولید بن عتبہ بن ربیعہ، امیہ بن خلف اور عمارہ بن ولید۔ قال الشيخ الألباني : صحيح صحيح وضعيف سنن النسائي الألباني : حديث نمبر 307

【309】

گر تھوک کپڑے کو لگ جائے تو اس کا حکم

انس (رض) سے روایت ہے کہ نبی اکرم ﷺ نے اپنی چادر کا کنارہ پکڑا، اس میں تھوکا، اور اسے مل دیا ١ ؎۔ تخریج دارالدعوہ : تفرد بہ النسائی، (تحفة الأشراف ٥٩١) ، وقد أخرجہ : صحیح البخاری/الصلاة ٣٣ (٤٠٥) ، ٣٩ (٤١٧) ، سنن ابی داود/الطھارة ١٤٣ (٣٩٠) ، سنن ابن ماجہ/الصلاة ٦١ (١٠٢٤) (صحیح ) وضاحت : ١ ؎: اس حدیث سے یہ معلوم ہوا کہ تھوک پاک ہے، ورنہ آپ صلی الله علیہ وسلم ایسا نہ کرتے۔ قال الشيخ الألباني : صحيح صحيح وضعيف سنن النسائي الألباني : حديث نمبر 308

【310】

گر تھوک کپڑے کو لگ جائے تو اس کا حکم

ابوہریرہ (رض) کہتے ہیں کہ نبی اکرم ﷺ نے فرمایا : جب تم میں سے کوئی نماز پڑھے تو اپنے سامنے یا اپنے دائیں طرف نہ تھوکے، بلکہ اپنے بائیں طرف تھوکے، یا اپنے پاؤں کے نیچے تھوک لے نہیں تو نبی اکرم ﷺ نے اپنے کپڑے میں اس طرح تھوکا ہے اور اسے مل دیا۔ تخریج دارالدعوہ : صحیح مسلم/المساجد ١٣ (٥٥٠) ، سنن ابن ماجہ/إقامة ٦١ (١٠٢٢) ، (تحفة الأشراف ١٤٦٦٩) ، مسند احمد ٢/٢٥٠، ٤١٥ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 309

【311】

تیمم کے شروع ہونے سے متعلق

ام المؤمنین عائشہ رضی اللہ عنہا کہتی ہیں کہ ہم رسول اللہ ﷺ کے ساتھ ایک سفر میں نکلے، یہاں تک کہ جب ہم مقام بیداء یا ذات الجیش میں پہنچے، تو میرا ہار ٹوٹ کر گرگیا، تو آپ ﷺ اسے تلاش کرنے کے لیے ٹھہر گئے، آپ کے ساتھ لوگ بھی ٹھہر گئے، نہ وہاں پانی تھا اور نہ ہی لوگوں کے پاس پانی تھا، تو لوگ ابوبکر (رض) کے پاس آئے، اور ان سے کہنے لگے کہ عائشہ نے جو کیا ہے کیا آپ اسے دیکھ نہیں رہے ہیں ؟ انہوں نے رسول اللہ ﷺ کو اور لوگوں کو ایک ایسی جگہ ٹھہرا دیا جہاں پانی نہیں ہے، اور نہ ان کے پاس ہی پانی ہے، چناچہ ابوبکر (رض) آئے، اور رسول اللہ ﷺ میری ران پر سر رکھ کر سوئے ہوئے تھے، تو وہ کہنے لگے : تم نے رسول اللہ ﷺ کو اور لوگوں کو ایسی جگہ روک دیا جہاں پانی نہیں ہے، نہ ہی ان کے پاس پانی ہے، ام المؤمنین عائشہ رضی اللہ عنہا کہتی ہیں کہ تو ابوبکر (رض) نے میری سرزنش کی، اور اللہ تعالیٰ نے ان سے جو کہلوانا چاہا انہوں نے کہا، اور اپنے ہاتھ سے میری کوکھ میں کچوکے لگانے لگے، میں صرف اس وجہ سے نہیں ہلی کہ میری ران پر رسول اللہ ﷺ کا سر تھا، آپ ﷺ سوئے رہے یہاں تک کہ بغیر پانی کے صبح ہوگئی، پھر اللہ عزوجل نے تیمم کی آیت نازل فرمائی، اس پر اسید بن حضیر (رض) کہنے لگے : اے آل ابوبکر ! یہ آپ کی پہلی ہی برکت نہیں، پھر ہم نے اس اونٹ کو جس پر میں سوار تھی اٹھایا، تو ہمیں ہار اسی کے نیچے ملا۔ تخریج دارالدعوہ : صحیح البخاری/التیمم ١ (٣٣٤) ، ٢ (٣٣٦) ، و فضائل الصحابة ٥ (٣٦٧٢) ، ٣٠ (٣٧٧٣) ، و تفسیر النساء ١٠ (٤٥٨٣) ، و تفسیر المائدہ ٣ (٤٦٠٧) ، وانکاح ١٢٦ (٥٢٥٠) ، واللباس ٥٨ (٥٨٨٢) ، والحدود ٣٩ (٦٨٤٤) ، صحیح مسلم/الحیض ٢٨ (٣٦٧) ، (تحفة الأشراف ١٧٥١٩) ، وقدأخرجہ : سنن ابی داود/الطھارة ١٢٣ (٣١٧) ، سنن ابن ماجہ/فیہ ٩٠ (٥٦٨) ، موطا امام مالک/فیہ ٢٣ (٨٩) ، مسند احمد ٦/٥٧، ١٧٩، ٢٧٢، ٢٧٣، سنن الدارمی/الطھارة ٦٦/٧٧٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 310

【312】

سفر کے بغیر تیمم

عبداللہ بن عباس رضی اللہ عنہم کہتے ہیں کہ میں اور ام المؤمنین میمونہ رضی اللہ عنہا کے مولیٰ عبداللہ بن یسار دونوں آئے یہاں تک کہ ابوجہیم بن حارث بن صمہ انصاری (رض) کے پاس گئے تو وہ کہنے لگے کہ رسول اللہ ﷺ بئر جمل کی طرف سے آئے، تو آپ سے ایک آدمی ملا، اور اس نے آپ کو سلام کیا، تو آپ ﷺ نے اس کے سلام کا جواب نہیں دیا، یہاں تک کہ آپ دیوار کے پاس آئے، اور آپ نے اپنے چہرہ اور دونوں ہاتھ پر مسح کیا، پھر اس کے سلام کا جواب دیا۔ تخریج دارالدعوہ : صحیح البخاری/التیمم ٣ (٣٣٧) ، صحیح مسلم/الحیض ٢٨ (٣٦٩) ، سنن ابی داود/الطھارة ١٢٤ (٣٢٩) ، (تحفة الأشراف ١١٨٨٥) ، مسند احمد ٤/١٦٩ (صحیح ) وضاحت : بئر جمل مدینہ میں ایک مشہور جگہ کا نام ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 311

【313】

مقیم ہونے کی حالت میں تیمم

عبدالرحمٰن بن ابزی سے روایت ہے کہ ایک شخص عمر (رض) کے پاس آیا، اور کہا کہ میں جنبی ہوگیا ہوں اور مجھے پانی نہیں ملا، (کیا کروں ؟ ) عمر (رض) نے کہا : (غسل کئے بغیر) نماز نہ پڑھو، اس پر عمار بن یاسر (رض) نے کہا : امیر المؤمنین ! کیا آپ کو یاد نہیں کہ میں اور آپ دونوں ایک سریہ (فوجی مہم) میں تھے، تو ہم جنبی ہوگئے، اور ہمیں پانی نہیں ملا، تو آپ نے تو نماز نہیں پڑھی، اور رہا میں تو میں نے مٹی میں لوٹ پوٹ کر نماز پڑھ لی، پھر ہم نبی اکرم ﷺ کے پاس آئے، اور آپ سے ہم نے اس کا ذکر کیا تو نبی اکرم ﷺ نے فرمایا : تمہارے لیے بس اتنا ہی کافی تھا ، پھر آپ ﷺ نے دونوں ہاتھ زمین پر مارا، پھر ان میں پھونک ماری، پھر ان دونوں سے اپنے چہرہ اور دونوں ہتھیلیوں پر مسح کیا - سلمہ کو شک ہے، وہ یہ نہیں جان سکے کہ اس میں مسح کا ذکر دونوں کہنیوں تک ہے یا دونوں ہتھیلیوں تک - (عمار (رض) کی بات سن کر) عمر (رض) نے کہا : جو تم کہہ رہے ہو ہم تمہیں کو اس کا ذمہ دار بناتے ہیں ۔ تخریج دارالدعوہ : صحیح البخاری/التیمم ٤ (٣٣٨) ، صحیح مسلم/الحیض ٢٨ (٣٦٨) ، سنن ابی داود/الطھارة، سنن الترمذی/فیہ ١١٠ (١٤٤) ، سنن ابن ماجہ/فیہ ٩١ (٥٦٩) ، (تحفة الأشراف ١٠٣٦٢) ، مسند احمد ٤/٢٦٣، ٢٦٥، ٣١٩، ٣٢٠، سنن الدارمی/الطہارة ٦٦ (٧٧٢) مختصرًا، ویأتي عند المؤلف بأرقام : ٣١٧، ٣١٨، ٣١٩، ٣٢٠ (صحیح ) وضاحت : ہم تمہیں کو اس کا ذمہ دار بناتے ہیں : مطلب یہ ہے کہ مجھے یہ یاد نہیں اس لیے میں یہ بات نہیں کہہ سکتا تم اپنی ذمہ داری پر اسے بیان کرنا چاہو تو کرو، عمر اور عبداللہ بن مسعود (رض) دونوں کی رائے یہ ہے کہ جنبی کے لیے تیمم درست نہیں، ان کے علاوہ باقی تمام صحابہ کرام اور اکثر علماء اور مجتہدین کا قول ہے کہ تیمم محدث (جس کا وضو ٹوٹ گیا ہو) اور جنبی (جسے احتلام ہوا ہو) دونوں کے لیے ہے، اس قول کی تائید کئی مشہور حدیثوں سے ہوتی ہے۔ قال الشيخ الألباني : صحيح صحيح وضعيف سنن النسائي الألباني : حديث نمبر 312

【314】

مقیم ہونے کی حالت میں تیمم

عمار بن یاسر (رض) کہتے ہیں کہ میں اونٹ چرا رہا تھا کہ میں جنبی ہوگیا، اور مجھے پانی نہیں ملا، تو میں نے جانور کی طرح مٹی میں لوٹ پوٹ لیا، پھر میں رسول اللہ ﷺ کے پاس آیا اور میں نے آپ کو اس کی خبر دی تو آپ ﷺ نے فرمایا : تمہارے لیے بس تیمم ہی کافی تھا ۔ تخریج دارالدعوہ : تفرد بہ النسائی، (تحفة الأشراف ١٠٣٦٨) ، مسند احمد ٤/٢٦٣ (ضعیف) (اس کے راوی ” ناجیة “ لین الحدیث ہیں ) قال الشيخ الألباني : صحيح لغيره صحيح وضعيف سنن النسائي الألباني : حديث نمبر 313

【315】

سفر میں تیمم

عمار (رض) کہتے ہیں کہ رسول اللہ ﷺ رات کے پچھلے پہر اولات الجیش میں اترے، آپ کے ساتھ آپ کی بیوی عائشہ رضی اللہ عنہا بھی تھیں، تو ان کا ظفار کے مونگوں والا ہار ٹوٹ کر گرگیا، تو ان کے اس ہار کی تلاش میں لوگ روک لیے گئے یہاں تک کہ فجر روشن ہوگئی، اور لوگوں کے پاس پانی بالکل نہیں تھا، تو ابوبکر (رض) عائشہ رضی اللہ عنہا پر ناراض ہوئے، اور کہنے لگے : تم نے لوگوں کو روک رکھا ہے اور حال یہ ہے کہ ان کے پاس پانی بالکل نہیں ہے، تو اللہ عزوجل نے مٹی سے تیمم کرنے کی رخصت نازل فرمائی، عمار (رض) کہتے ہیں : تو مسلمان رسول اللہ ﷺ کے ساتھ کھڑے ہوئے، اور ان لوگوں نے اپنے ہاتھوں کو زمین پر مارا، پھر انہیں بغیر جھاڑے اپنے چہروں اور اپنے ہاتھوں پر مونڈھوں تک اور اپنے ہاتھوں کے نیچے (کے حصہ پر) بغل تک مل لیا ١ ؎۔ تخریج دارالدعوہ : سنن ابی داود/الطھارة ١٢٣ (٣٢٠) ، (تحفة الأشراف ١٠٣٥٧) مسند احمد ٤/ ٢٦٣، ٢٦٤ ۔ (صحیح ) وضاحت : ١ ؎: ایسا ان لوگوں نے اس وجہ سے کیا ہوگا کہ ممکن ہے پہلے یہی مشروع رہا ہو، پھر منسوخ ہوگیا ہو، یا ان لوگوں نے اپنے اجتہاد سے بغیر پوچھے ایسا کیا ہو۔ قال الشيخ الألباني : صحيح صحيح وضعيف سنن النسائي الألباني : حديث نمبر 314

【316】

کیفیت تیمم میں اختلاف کا بیان

عمار بن یاسر (رض) کہتے ہیں کہ ہم نے رسول اللہ ﷺ کے ساتھ مٹی سے تیمم کیا، تو ہم نے اپنے چہروں اور ہاتھوں پر مونڈھوں تک مسح کیا۔ تخریج دارالدعوہ : سنن ابن ماجہ/الطہارة، ٩٠ (٥٦٦) مختصرًا، (تحفة الأشراف ١٠٣٥٨) ، مسند احمد ٤/ ٣٢٠، ٣٢١ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 315

【317】

تیمم کا دوسرا طریقہ کہ جس میں ہاتھ مار کر گرد غبار کا تذکرہ ہے

عبدالرحمٰن بن ابزی (رض) کہتے ہیں کہ ہم عمر (رض) کے پاس تھے کہ ان کے پاس ایک آدمی آیا اور کہنے لگا : امیر المؤمنین ! بسا اوقات ہمیں ایک ایک دو دو مہینہ بغیر پانی کے رہنا پڑجاتا ہے، (تو ہم کیا کریں ؟ ) تو آپ نے کہا : رہا میں تو میں جب تک پانی نہ پا لوں نماز نہیں پڑھ سکتا، اس پر عمار بن یاسر (رض) نے کہا : امیر المؤمنین ! کیا آپ کو یاد ہے ؟ جب آپ اور ہم فلاں اور فلاں جگہ اونٹ چرا رہے تھے، تو آپ کو معلوم ہے کہ ہم جنبی ہوگئے تھے، کہنے لگے : ہاں، تو رہا میں تو میں نے مٹی میں لوٹ پوٹ لیا، پھر ہم نبی اکرم ﷺ کے پاس آئے (اور ہم نے اسے آپ سے بیان کیا) تو آپ ﷺ نے ہنس کر فرمایا : تمہارے لیے مٹی سے اس طرح کرلینا کافی تھا ، اور آپ ﷺ نے اپنی دونوں ہتھیلیوں کو زمین پر مارا، پھر ان میں پھونک ماری ١ ؎، پھر اپنے چہرہ کا اور اپنے دونوں بازووں کے کچھ حصہ کا مسح کیا، اس پر عمر (رض) نے کہا : عمار ! اللہ سے ڈرو، تو انہوں نے کہا : امیر المؤمنین ! اگر آپ چاہیں تو میں اسے نہ بیان کروں، تو عمر (رض) نے کہا : بلکہ جو تم کہہ رہے ہو ہم تم کو اس کا ذمہ دار بناتے ہیں۔ تخریج دارالدعوہ : انظر حدیث رقم : ٣١٣ (صحیح) (دون ذراعیہ، والصواب کفیہ “ کما في الروایة التالیة ) وضاحت : ١ ؎: اس حدیث سے معلوم ہوا پھونک مارنا بھی مسنون ہے۔ قال الشيخ الألباني : صحيح دون الذراعين والصواب کفيه صحيح وضعيف سنن النسائي الألباني : حديث نمبر 316

【318】

تیمم کا ایک دوسرا طریقہ

عبدالرحمٰن بن ابزی سے روایت ہے کہ ایک شخص نے عمر بن خطاب (رض) سے تیمم کے متعلق سوال کیا، تو وہ نہیں جان سکے کہ کیا جواب دیں، عمار (رض) نے کہا : کیا آپ کو یاد ہے ؟ جب ہم ایک سریہ (فوجی مہم) میں تھے، اور میں جنبی ہوگیا تھا، تو میں نے مٹی میں لوٹ پوٹ لیا، پھر میں نبی اکرم ﷺ کے پاس آیا تو آپ ﷺ نے فرمایا : تمہارے لیے اس طرح کرلینا ہی کافی تھا ، شعبہ نے (تیمم کا طریقہ بتانے کے لیے) اپنے دونوں ہاتھ دونوں گھٹنوں پر مارے، پھر ان میں پھونک ماری، اور ان دونوں سے اپنے چہرہ اور اپنے دونوں ہتھیلیوں پر ایک بار مسح کیا ۔ تخریج دارالدعوہ : انظر حدیث رقم : ٣١٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 317

【319】

تیمم کا ایک دوسرا طریقہ

حکم بن عبدالرحمٰن کہتے ہیں کہ ایک آدمی جنبی ہوگیا، تو وہ عمر (رض) کے پاس آیا، اور کہنے لگا : میں جنبی ہوگیا ہوں اور مجھے پانی نہیں ملا (تو میں کیا کروں ؟ ) انہوں نے کہا : (جب تک پانی نہ ملے) نماز نہ پڑھو، اس پر عمار (رض) نے ان سے کہا : کیا آپ کو یاد نہیں کہ جب ہم لوگ ایک سریہ (فوجی مہم) میں تھے، تو ہم جنبی ہوگئے تھے، تو رہے آپ، تو آپ نے نماز نہیں پڑھی تھی، اور رہا میں، تو میں نے زمین پر لوٹ پوٹ لیا، پھر نماز پڑھ لی، پھر میں نبی اکرم ﷺ کے پاس آیا، اور آپ سے ذکر کیا تو آپ ﷺ نے فرمایا : تمہارے لیے بس اتنا ہی کافی تھا ، شعبہ نے اپنی ہتھیلی (گھٹنوں پر) ایک مرتبہ ماری، اور اس میں پھونک ماری، پھر ایک کو دوسرے سے رگڑا، پھر ان دونوں سے اپنے چہرے کا مسح کیا، اس پر عمر (رض) نے کہا میں ایسی چیز (سن رہا ہوں) جو مجھے معلوم نہیں، تو عمار (رض) نے کہا : اگر آپ چاہیں تو میں اسے بیان نہ کروں ؟ سلمہ نے اس سند میں ابو مالک سے کچھ اور بھی چیزوں کا ذکر کیا ہے، اور سلمہ نے یہ اضافہ کیا ہے کہ عمر (رض) نے کہا : بلکہ اس سلسلہ میں جو کچھ تم کہہ رہے ہو ہم تم کو اس کا ذمہ دار بناتے ہیں۔ تخریج دارالدعوہ : انظر حدیث رقم : ٣١٣ (صحیح )

【320】

ایک اور دوسری قسم کا تیمم

عبدالرحمٰن بن ابزی (رض) سے روایت ہے کہ ایک شخص عمر (رض) کے پاس آیا، اور کہنے لگا : میں جنبی ہوگیا ہوں، اور مجھے پانی نہیں ملا (کیا کروں ؟ ) تو عمر (رض) نے کہا : (جب تک پانی نہ ملے) تم نماز نہ پڑھو، اس پر عمار (رض) نے کہا : امیر المؤمنین ! کیا آپ کو یاد نہیں ؟ جب میں اور آپ دونوں ایک سریہ میں تھے، تو ہم جنبی ہوگئے، اور ہمیں پانی نہیں ملا، تو آپ نے تو نماز نہیں پڑھی، لیکن میں نے مٹی میں لوٹ پوٹ لیا، پھر میں نے نماز پڑھ لی، تو جب ہم رسول اللہ ﷺ کی خدمت میں آئے تو میں نے آپ سے اس کا ذکر کیا، تو آپ ﷺ نے فرمایا : تمہارے لیے بس اتنا ہی کافی تھا ، اور نبی اکرم ﷺ نے زمین پر اپنے دونوں ہاتھ مارے، پھر ان میں پھونک ماری، پھر ان دونوں سے اپنے چہرے اور اپنی دونوں ہتھیلیوں کا مسح کیا۔ سلمہ نے شک کیا اور کہا : مجھے نہیں معلوم کہ (میرے شیخ ذر نے دونوں کہنیوں تک مسح کا ذکر کیا یا دونوں ہتھیلیوں تک) ۔ عمر (رض) نے کہا : اس سلسلہ میں جو تم کہہ رہے ہو اس کی ذمہ داری ہم تمہارے ہی سر ڈالتے ہیں شعبہ کہتے ہیں : سلمہ دونوں ہتھیلیوں، چہرے اور دونوں بازؤوں کا ذکر کر رہے تھے، تو منصور نے ان سے کہا : یہ آپ کیا کہہ رہے ہیں ؟ آپ کے سوا کسی اور نے بازؤوں کا ذکر نہیں کیا ہے، تو سلمہ شک میں پڑگئے اور کہنے لگے مجھے نہیں معلوم کہ (ذر نے) بازؤوں کا ذکر کیا یا نہیں ؟۔ تخریج دارالدعوہ : انظر حدیث رقم : ٣١٣ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 319

【321】

جنبی شخص کو تیمم کرنا درست ہے

ابو وائل شقیق بن سلمہ کہتے ہیں کہ میں عبداللہ بن مسعود اور ابوموسیٰ اشعری رضی اللہ عنہم کے ساتھ بیٹھا ہوا تھا، تو ابوموسیٰ نے کہا : ١ ؎ آپ نے عمار (رض) کی بات جو انہوں نے عمر (رض) سے کہی نہیں سنی کہ مجھے رسول اللہ ﷺ نے کسی ضرورت سے بھیجا، تو میں جنبی ہوگیا، اور مجھے پانی نہیں ملا، تو میں نے مٹی میں لوٹ پوٹ لیا، پھر میں آپ ﷺ کے پاس آیا، تو آپ سے اس کا ذکر کیا، تو آپ ﷺ نے فرمایا : تمہارے لیے بس اس طرح کرلینا ہی کافی تھا ، اور آپ نے اپنا دونوں ہاتھ زمین پر ایک بار مارا، اور اپنی دونوں ہتھیلیوں کا مسح کیا، پھر انہیں جھاڑا، پھر آپ نے اپنی بائیں (ہتھیلی) سے اپنی داہنی (ہتھیلی) پر اور داہنی ہتھیلی سے اپنی بائیں (ہتھیلی) پر مارا، اور اپنی دونوں ہتھیلیوں اور اپنے چہرے کا مسح کیا، عبداللہ بن مسعود (رض) نے کہا : کیا آپ نے دیکھا نہیں کہ عمر (رض) عمار (رض) کی بات سے مطمئن نہیں ہوئے ؟۔ تخریج دارالدعوہ : صحیح البخاری/التیمم ٧ (٣٤٦، ٣٤٥) ، ٨ (٣٤٧) ، صحیح مسلم/الحیض ٢٨ (٣٦٨) ، سنن ابی داود/الطھارة ١٢٣ (٣٢١) ، مسند احمد ٤/٢٦٤، ٢٦٥، ٣٩٦، (تحفة الأشراف ١٠٣٦٠) (صحیح ) وضاحت : ١ ؎: ابوموسیٰ کا کہنا تھا کہ تیمم کا حکم عام ہے، محدث اور جنبی دونوں کو شامل ہے، اور ابن مسعود (رض) کا کہنا تھا کہ یہ صرف محدث کے لیے خاص ہے اس پر ابوموسیٰ نے بطور اعتراض ان سے یہ بات کہی۔ قال الشيخ الألباني : صحيح صحيح وضعيف سنن النسائي الألباني : حديث نمبر 320

【322】

مٹی سے تیمم کے متعلق حدیث

عمران بن حصین (رض) سے روایت ہے کہ رسول اللہ ﷺ نے ایک آدمی کو الگ تھلگ بیٹھا دیکھا، اس نے لوگوں کے ساتھ نماز نہیں ادا کی تھی، تو آپ ﷺ نے فرمایا : اے فلاں ! کس چیز نے تمہیں لوگوں کے ساتھ نماز پڑھنے سے روکا ؟ اس نے عرض کیا : اللہ کے رسول ! مجھے جنابت لاحق ہوگئی ہے اور پانی نہیں ہے، آپ ﷺ نے فرمایا : (پانی نہ ملنے پر) مٹی کو لازم پکڑو کیونکہ یہ تمہارے لیے کافی ہے ۔ تخریج دارالدعوہ : صحیح البخاری/التیمم ٦ (٣٤٤) ، ٩ (٣٤٨) ، (تحفة الأشراف ١٠٨٧٦) ، مسند احمد ٤/ ٣٣٤ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 321

【323】

ایک ہی تیمم سے متعدد نمازیں ادا کرنا

ابوذر (رض) کہتے ہیں کہ رسول اللہ ﷺ نے فرمایا : پاک مٹی مسلمان کا وضو ہے، اگرچہ وہ دس سال تک پانی نہ پائے ۔ تخریج دارالدعوہ : سنن ابی داود/الطھارة ١٢٥ (٣٣٢) مطولاً ، سنن الترمذی/فیہ ٩٢ (١٢٤) مطولاً ، (تحفة الأشراف ١١٩٧١) ، مسند احمد ٥/١٥٥، ١٨٠ (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 322

【324】

جو شخص وضو کے لئے پانی اور تیمم کرنے کے لئے مٹی نہ پا سکے

ام المؤمنین عائشہ رضی اللہ عنہا کہتی ہیں کہ رسول اللہ ﷺ نے اسید بن حضیر (رض) اور کچھ اور لوگوں کو بھیجا، یہ لوگ ام المؤمنین عائشہ رضی اللہ عنہا کا ہار ڈھونڈ رہے تھے جسے وہ اس جگہ بھول گئیں تھیں جہاں وہ (آرام کرنے کے لیے) اتری تھیں، (اسی اثناء میں) نماز کا وقت ہوگیا، اور یہ لوگ نہ تو باوضو تھے اور نہ ہی انہیں (کہیں) پانی ملا، تو انہوں نے بلا وضو نماز پڑھ لی، پھر ان لوگوں نے اس کا ذکر رسول اللہ ﷺ سے کیا، تو اللہ عزوجل نے تیمم کی آیت نازل فرمائی، تو اسید بن حضیر (رض) نے (ام المؤمنین عائشہ رضی اللہ عنہا سے کہا) اللہ آپ کو اچھا بدلہ دے، اللہ کی قسم ! جب بھی آپ کے ساتھ کوئی ایسا واقعہ پیش آیا جسے آپ ناگوار سمجھتی رہیں، تو اللہ تعالیٰ نے اس میں آپ کے لیے اور تمام مسلمانوں کے لیے بہتری رکھ دی۔ تخریج دارالدعوہ : سنن ابی داود/الطہارة ١٢٣ (٣١٧) ، (تحفة الأشراف ١٧٢٠٥) (صحیح ) قال الشيخ الألباني : صحيح صحيح وضعيف سنن النسائي الألباني : حديث نمبر 323

【325】

جو شخص وضو کے لئے پانی اور تیمم کرنے کے لئے مٹی نہ پا سکے

طارق (رض) سے روایت ہے کہ ایک آدمی جنبی ہوگیا، اس نے نماز نہیں پڑھی، تو وہ نبی اکرم ﷺ کے پاس آیا، اور آپ سے اس کا ذکر کیا، تو آپ ﷺ نے فرمایا : تم نے ٹھیک کیا، پھر ایک دوسرا آدمی بھی جنبی ہوگیا، تو اس نے تیمم کر کے نماز پڑھ لی، اور آپ کے پاس آیا تو آپ ﷺ نے اس سے بھی ایسا ہی فرمایا جیسا کہ دوسرے سے فرمایا تھا، یعنی تم نے بھی ٹھیک کیا ۔ تخریج دارالدعوہ : تفرد بہ النسائي، (تحفة الأشراف ٤٩٨٢) ، ویاتی عندالمؤلف برقم ٤٣٥ (صحیح ) قال الشيخ الألباني : صحيح الإسناد صحيح وضعيف سنن النسائي الألباني : حديث نمبر 324