1116. حضرت ام معقل اسدیہ کی حدیثیں
حضرت ام معقل اسدیہ کی حدیثیں
حضرت معقل سے مروی ہے کہ ایک مرتبہ میری والدہ نے حج کا ارادہ کیا لیکن ان کا اونٹ بہت کمزور تھا، نبی ﷺ سے جب یہ بات ذکر کی گئی تو آپ ﷺ نے فرمایا کہ تم رمضان میں عمرہ کرلو، کیونکہ رمضان میں عمرہ کرنا حج کی طرح ہے۔
حضرت ام معقل اسدیہ کی حدیثیں
مروان کا وہ قاصد جسے مروان نے حضرت ام معقل کی طرف بھیجا تھا " کہتا تھا کہ حضرت ام معقل نے فرمایا ابومعقل کے پاس ایک جوان اونٹ تھا، انہوں نے اپنے شوہر سے وہ مانگا تاکہ اس پر عمرہ کر آئیں تو انہوں نے کہا تم تو جانتی ہو کہ میں نے اسے اللہ کے راستہ میں وقف کردیا ہے، ام معقل نبی ﷺ کی خدمت میں حاضر ہوئیں اور عرض کیا یا رسول اللہ ! ﷺ مجھ پر حج فرض ہے اور ابومعقل کے پاس ایک جوان اونٹ ہے (لیکن یہ مجھے دیتے نہیں ہیں) نبی ﷺ نے فرمایا وہ اونٹ سے حج پر جانے کے لئے دے دو کیونکہ وہ بھی اللہ ہی کی راہ ہے اور نبی ﷺ نے فرمایا رمضان میں عمرہ کرنا تمہارے حج کی طرف سے کافی ہوجائے گا۔ گذ شتہ حدیث اس دوسری سند سے بھی مروی ہے۔
حضرت ام معقل اسدیہ کی حدیثیں
حضرت معقل سے مروی ہے کہ ایک مرتبہ میری والدہ نے حج کا ارادہ کیا لیکن ان کا اونٹ بہت کمزور تھا، نبی ﷺ سے جب یہ بات ذکر کی گئی تو آپ ﷺ نے فرمایا کہ تم رمضان میں عمرہ کرلو، کیونکہ رمضان میں عمرہ کرنا حج کی طرح ہے۔ حارث بن ابی بکر اپنے والد سے نقل کرتے ہیں کہ جب مروان حضرت ام معقل کی طرف سوار ہو کر گیا تو اس کے ساتھ جانے والوں میں میں بھی شامل تھا اور ان کی خدمت کرنے والوں میں بھی شامل تھا اور یہ حدیث جب انہوں نے سنائی تو میں نے بھی سنی تھی۔ گذ شتہ حدیث اس دوسری سند سے بھی مروی ہے۔
حضرت ام معقل اسدیہ کی حدیثیں
حضرت معقل سے مروی ہے کہ ایک مرتبہ میری والدہ نے حج کا ارادہ کیا تو آپ ﷺ نے فرمایا کہ تم رمضان میں عمرہ کرلو، کیونکہ رمضان میں عمرہ کرنا حج کی طرح ہے۔
حضرت ام معقل اسدیہ کی حدیثیں
حضرت معقل سے مروی ہے کہ جناب رسول اللہ ﷺ نے ہمیں پیشاپ پاخانہ کرتے وقت قبلہ رخ ہو کر بیٹھنے سے منع فرمایا ہے۔