1162. حضرت ام سلمی کی حدیث

حضرت ام سلمی کی حدیث

حضرت ام سلمی سے مروی ہے کہ جب حضرت فاطمہ مرض الوفات میں مبتلا ہوئیں تو میں ان کی تیمار داری کرتی تھی، ایک دن میں ان کے پاس پہنچی تو میں نے انہیں ایسی بہتریں حالت میں پایا جو میں نے بیماری کے ایام میں نہیں دیکھی تھی، حضرت علی اس وقت کسی کام سے باہر نکلے ہوئے تھے، حضرت فاطمہ نے مجھ سے فرمایا اما جان ! میرے لئے غسل کا پانی رکھ دو ، میں نے ان کے لئے غسل کا پانی رکھا، انہوں نے اتنا عمدہ طریقے سے غسل کیا کہ اس سے پہلے بیماری کے ایام میں میں نے انہیں اس طرح غسل کرتے ہوئے نہیں دیکھا تھا، پھر وہ کہنے لگیں کہ اماں جان ! مجھے میرے نئے کپڑے دے دو ، میں نے انہیں وہ کپڑے دے دئیے انہوں نے وہ کپڑے زیب تن کئے اور فرمایا اماں جان ! میرا بستر گھر کے درمیان میں کردو، میں نے ایسا ہی کیا اور وہ وہاں آکر قبلہ رخ لیٹ گئیں اور اپنا ہاتھ اپنے رخسار کے نیچے رکھ کر فرمایا اماں جان ! اب میری روح قبض ہونے والی ہے، میں غسل کرچکی ہوں لہذا اب کوئی میرے جسم سے کپڑے نہ اتارے، چناچہ اسی جگہ ان کی روح قبض ہوگئی اور حضرت علی آئے تو میں نے انہیں بتادیا۔ فائدہ : علامہ ابن جوزی نے اس حدیث کو موضوع روایات میں شمار کیا ہے۔ گذشتہ حدیث اس دوسری سند سے بھی مروی ہے۔