1167. حضرت ام کرز خزاعیہ کی حدیثیں
حضرت ام کرز خزاعیہ کی حدیثیں
حضرت ام کرز سے مروی ہے کہ نبی کے پاس ایک چھوٹے بچے کو لایا گیا، اس نے نبی پر پیشاپ کردیا، نبی نے حکم دیا تو اس پر پانی کے چھینٹے مار دیئے گئے، پھر ایک بچی کو لایا گیا، اس نے پیشاپ کیا تو نبی نے اسے دھونے کا حکم دیا۔
حضرت ام کرز خزاعیہ کی حدیثیں
ابو الشعثاء کہتے ہیں کہ ایک مرتبہ میں حج کے ارادے سے نکلا، بیت اللہ شریف میں داخل ہوا، جب دوستونوں کے درمیان پہنچا تو جا کر ایک دیوار سے چمٹ گیا، اتنی دیر میں حضرت ابن عمر آگئے اور میرے پہلو میں کھڑے ہو کر چار رکعتیں پڑھیں، جب وہ نماز سے فارغ ہوگئے تو میں نے ان سے پوچھا کہ نبی نے بیت اللہ میں کہاں نماز پڑھی تھی، انہوں نے اس جگہ کی طرف اشارہ کرکے فرمایا کہ یہاں، مجھے اسامہ بن زید نے بتایا تھا کہ نبی نے نماز پڑھی ہے، میں نے ان سے پوچھا کہ نبی نے کتنی رکعتیں پڑھی تھیں تو حضرت ابن عمر نے فرمایا اسی پر تو آج تک میں اپنے آپ کو ملامت کرتا ہوں کہ میں نے ان کے ساتھ ایک طویل عرصہ گذارا لیکن یہ نہ پوچھ سکا کہ نبی نے کتنی رکعتیں پڑھیں تھیں اگلے سال میں پھر حج کے ارادے سے نکلا اور اسی جگہ پر جا کر کھڑا ہوگیا، جہاں پچھلے سال کھڑا ہوا تھا، اتنی دیر میں حضرت عبداللہ بن زبیر آگئے اور پھر اس میں چار رکعتیں پڑھیں۔