227. حضرت ابوعبید کی حدیث۔
【1】
حضرت ابوعبید کی حدیث۔
حضرت ابوعبید سے مروی ہے کہ ایک مرتبہ انہوں نے نبی ﷺ کے لئے ایک ہنڈیا میں گوشت پکایا نبی ﷺ نے فرمایا مجھے اس کی دستی نکال کردو چناچہ میں نے نکال کردی تھوڑی دیر بعد نبی ﷺ نے دوسری تیسری طلب فرمائی میں نے وہ بھی دیدی تھوڑی دیر بعد نبی ﷺ نے پھر طلب فرمائی میں نے عرض کیا اے اللہ کے نبی ﷺ ایک بکری کی کتنی دستیاں ہوتی ہیں نبی ﷺ نے فرمایا کہ اس ذات کی قسم جس کے دست قدرت میں میری جان ہے اگر تم خاموش رہتے تو اس ہنڈیا سے اس وقت تک دستیاں نکلتی رہتیں جب تک تم اسے نکالتے رہتے۔