244. حضرت حمزہ بن عمرواسلمی کی حدیثیں۔
حضرت حمزہ بن عمرواسلمی کی حدیثیں۔
حضرت حمزہ اسلمی سے مروی ہے کہ ایک مرتبہ نبی ﷺ نے انہیں کسی دستے کا امیر بنایا میں روانہ ہونے لگا تو نبی ﷺ نے فرمایا اگر تم فلاں شخص کو قابو کرنے میں کامیاب ہوجاؤ تو اسے آگ میں جلا دینا جب میں نے پشت پھیری تو نبی ﷺ نے مجھے پکار کر فرمایا اگر تم اسے پالو تو صرف قتل کرنا (آگ میں نہ جلانا) کیونکہ آگ کا عذاب صرف آگ کا رب ہی دے سکتا ہے۔
حضرت حمزہ بن عمرواسلمی کی حدیثیں۔
حضرت حمزہ اسلمی سے مروی ہے کہ ایک مرتبہ نبی ﷺ نے انہیں کسی دستے کا امیر بنایا میں روانہ ہونے لگا تو نبی ﷺ نے فرمایا اگر تم فلاں شخص کو قابو کرنے میں کامیاب ہوجاؤ تو اسے آگ میں جلا دینا جب میں نے پشت پھیری تو نبی ﷺ نے مجھے پکار کر فرمایا اگر تم اسے پالو تو صرف قتل کرنا (آگ میں نہ جلانا) کیونکہ آگ کا عذاب صرف آگ کا رب ہی دے سکتا ہے۔ گذشتہ حدیث اس دوسری سند سے بھی مروی ہے۔
حضرت حمزہ بن عمرواسلمی کی حدیثیں۔
حضرت حمزہ اسلمی سے مروی ہے کہ انہوں نے نبی ﷺ سے دوران سفر روزے کا حکم پوچھا تو نبی ﷺ نے فرمایا چاہو تو روزہ رکھ لو اور چاہو تو نہ رکھو۔
حضرت حمزہ بن عمرواسلمی کی حدیثیں۔
حضرت حمزہ اسلمی سے مروی ہے کہ انہوں نے گندمی رنگ کے اونٹ پر سوار ایک آدمی کو دیکھا جو منیٰ میں لوگوں کے خیموں میں جارہا تھا نبی ﷺ بھی دیکھ رہے تھے اور وہ کہہ رہے تھے کہ ان ایام میں روزمہ مت رکھو کیونکہ یہ کھانے پینے کے دن ہیں راوی حدیث قتادہ کہتے ہیں کہ ہم سے یہ بات ذکر کی گئی کہ یہ منادی حضرت بلال تھے۔
حضرت حمزہ بن عمرواسلمی کی حدیثیں۔
حضرت حمزہ اسلمی سے مروی ہے کہ میں نے نبی ﷺ کو یہ فرماتے ہوئے سنا ہے کہ ہر اونٹ کی پشت پر ایک شیطان ہوتا ہے اس لئے جب تم اس پر سوار ہوا کرو تو اللہ کا نام لے کر سوار ہوا کرو پھر اپنی ضرورتوں میں کوتاہی نہ کیا کرو۔