400. حضرت ابوجمعہ حبیب بن سباع (رض) کی حدیثیں
حضرت ابوجمعہ حبیب بن سباع (رض) کی حدیثیں
حضرت ابوجمعہ حبیب بن سباع (رض) " جنہوں نے نبی ﷺ کو پایا ہے " سے مروی ہے کہ ایک مرتبہ نبی ﷺ نے احزاب کے سال مغرب کی نماز پڑھی، نماز سے فارغ ہو کر فرمایا کیا تم میں سے کسی کو معلوم ہے کہ میں نے عصر کی نماز بھی پڑھی ہے یا نہیں ؟ لوگوں نے بتایا یا رسول اللہ ! ﷺ آپ نے نماز عصر نہیں پڑھی، چناچہ نبی ﷺ نے مؤذن کو حکم دیا، اس نے اقامت کہی اور نبی ﷺ نے نماز عصر پڑھی، پھر نماز مغرب کو دوبارہ لوٹایا۔
حضرت ابوجمعہ حبیب بن سباع (رض) کی حدیثیں
حضرت ابوجمعہ (رض) سے مروی ہے کہ ایک مرتبہ صبح کے کھانے میں ہم لوگ نبی ﷺ کے ساتھ شریک تھے، ہمارے ساتھ حضرت ابوعبیدہ بن جراح (رض) تھے، وہ کہنے لگے یا رسول اللہ ! کیا ہم سے بہتر بھی کوئی ہوگا ؟ ہم نے آپ کے ہاتھ پر اسلام قبول کیا اور آپ کی معیت میں جہاد کیا ؟ فرمایا ہاں ! ایک قوم ہوگی جو تمہارے بعد آئے گی اور مجھ پر بن دیکھے ایمان لائے گی۔
حضرت ابوجمعہ حبیب بن سباع (رض) کی حدیثیں
ابن محیریز کہتے ہیں کہ میں نے حضرت ابوجمعہ (رض) سے عرض کیا کہ مجھے کوئی حدیث سنائیے جو آپ نے نبی ﷺ سے سنی ہو، انہوں نے فرمایا اچھا، میں تمہیں عمدہ حدیث سناتا ہوں، ایک مرتبہ صبح کے کھانے میں ہم لوگ نبی ﷺ کے ساتھ شریک تھے، ہمارے ساتھ حضرت ابوعبیدہ بن جراح (رض) بھی تھے، وہ کہنے لگے یا رسول اللہ ! ﷺ کیا ہم سے بہتر بھی کوئی ہوگا ؟ ہم نے آپ کے ہاتھ پر اسلام قبول کیا اور آپ کی معیت میں جہاد کیا ؟ فرمایا ہاں ! ایک قوم ہوگی جو تمہارے بعد آئے گی اور مجھ پر بن دیکھے ایمان لائے گی۔ شیخ فرماتے ہیں کہ ان کی احادیث میں تکرار واقع ہوا ہے، اس لئے میں نے یہاں نہیں لکھیں۔ فائدہ : حضرت ابوثعلبہ (رض) کی مرویات ١٧٨٨٣ سے شروع ہوں گی، وہاں ملاحظہ فرمائیے۔