15. حضور اقدس (صلی اللہ علیہ وآلہ وسلم) کی زرہ کا بیان
【1】
حضور اقدس ﷺ کی زرہ کا بیان
حضرت زبیر (رض) سے روایت فرماتے ہیں کہ حضور اقدس ﷺ کے بدن مبارک پر احد کی لڑائی میں دو زرہ تھیں (ایک ذات الفضول دوسری فضہ) حضور اقدس ﷺ نے ایک چٹان کے اوپر چڑھنے کا ارادہ فرمایا مگر (وہ اونچی اور دو زرہوں کا وزن) نیز غزوہ احد میں وہ تکلیفیں جو حضور اقدس ﷺ کو پہنچی تھیں کہ جن کی وجہ سے چہرہ مبارک خون آلود ہوگیا تھا۔ غرض اس وجہ سے حضور اقدس ﷺ اس چٹان پر نہ چڑھ سکے اس لئے حضرت طلحہ کو نیچے بٹھا کر ان کے ذریعے سے اس چٹان پر چڑھے زبیر کہتے ہیں کہ میں نے حضور اقدس ﷺ کو یہ فرماتے ہوئے سنا کہ طلحہ نے ( جنت کو یا میری شفاعت کو) واجب کرلیا۔
【2】
حضور اقدس ﷺ کی زرہ کا بیان
سائب بن یزید (رض) فرماتے ہیں کہ حضور اقدس ﷺ کے بدن مبارک پر جنگ احد میں دو زرہیں تھیں جن کو اوپر نیچے پہن رکھا تھا۔